前港姐李美慧（Vivi）雖然臨盆在即，但仍不忘做運動。
呢日，佢就去咗放狗兼行山，仲喺社交網分享靚相。
相中見腹大便便嘅佢以素顏上陣，仲拖住愛狗、挨住圍欄影相，原來佢行咗成個半鐘，難怪開心到舉起V字手勢！
佢話：「天氣好好，我們一齊去行山，講真，作為一個孕婦，我都好佩服自己，中間完全沒有休息，一口氣完成1小時三十分鐘的行程 #孕婦 #孕婦人生 #運動好重要。」好多網民都話佢真係好健康，不過都話佢始終佗住BB，要小心啲呀！
(on.cc)
【腹大便便】大肚李美慧素顔上陣！
【男友袁偉豪會求婚！？】張寶兒首次同袁偉豪…
藝員張寶兒等人到將軍澳電視城出席《十月星辰》活動。
張寶兒透本月10日是她27歲生日
她透露正日將與男友袁偉豪和袁媽媽到日本旅行，也是她首次陪男友家人去旅行。
被問到是否順道見家長？她說：「不算，我哋平時都有食飯見面，自己都經常同父母或者長輩旅行，唔使擔心唔習慣，大家性格都好就得人，唔怕會嗌交。」
問到可有想過男友會趁旅行在其母面前向她求婚？張寶兒說：「應該唔會啦，大家都唔係走驚喜路線，大家有共識專注工作及照顧家人，結婚係可以討論嘅事情，唔好搞咁多枝節。」
(on.cc)
【女人四十晒仔晒10.4卡巨鑽】張新悅：認識了你半生！
今日踏入女人四十，為了慶祝呢個大日子，她舉行貴婦生日會，請咗20幾位閨蜜出席，仲抱埋囝囝一齊吹蠟燭，雖然相中未見富商男友，但手上10.4卡巨鑽的確好搶鏡。
以前在台灣相識嘅張新悅都有份出席生日會，張新悅在社交網晒合照並留言：「今年你的生日就是認識了你半生！20年前真的沒想到我會在香港慶祝你生日。除了一樣是九頭美女，你的率直性格和大愛的心依然在！Happy birthday Pace，謝謝你彎腰和我拍照。」兩人面貼面合照好開心。
吳佩慈為富商男友紀曉波生下三子女，未來奶奶對佢都寵愛有加，傳言吳佩慈手上價值2,500萬嘅巨鑽，就係未來奶奶去年送畀佢嘅生日禮物，今年唔知會收到乜嘢禮物呢！
（apple daily）
【平日係女神】甘願化老妝：似被山泥活埋嘅感覺
首次化這種老妝，她表示：「我曾經見過老公一個唱片封套係做類似嘅石膏模，覺得幾得意，但到自己試時就開始緊張，因為特製物料要一層一層塗滿整個頭，仲越來越重，要搵人幫手托住我個頭。」
快將47歲嘅朱茵，早前為驚慄電影《古宅》放棄「凍齡」靚樣，化上特技妝由20幾歲演到60幾歲。而為了配合這個妝容，朱茵事前需要用特製物料將頭部倒模，塑造臉型，當「人皮」製作好，再一層一層黏在臉上。
朱茵又形容當物料層層疊貼上臉上時，有幽閉空間同似被山泥活埋嘅感覺，「真的好驚，好彩身邊工作人員不停講笑話引我笑，又叫我唔好瞓，如果唔係要重造。」
而整個特技妝，連埋同事準備嘅時間，足足要花10個小時。雖然辛苦，但朱茵就話人一世物一世，要乜嘢都試下。
（apple daily）
【自爆好多頭皮同個頭好痕好困擾】名模歐陽妙芝承認其實好唔捨得
名模歐陽妙芝出席髮型店開幕活動，依家忙照顧小朋友嘅佢，話忙緊幫大仔搵學校：「大仔計劃係去外國升學，唔係我哋嘅意願，係佢自己話有咁嘅意向。（去邊度留學？）去澳洲，因為老爺都係嗰邊。（揀好選咩科？）咁又未。」
問到佢捨唔捨得畀大仔出國讀書？她說：「冇得唔捨得，個仔想出去，以前我哋年代13歲出去留學好細個，但依家已經唔係，佢好多同學已經飛咗去讀書。（真係捨得？）其實唔捨得，要訓練佢獨立，有獨立嘅思想，畀佢闖一闖。（咁細仔呢？）暫時都未出國。」如果第時兩個仔出晒去外國留學，咁妙芝咪可以多番空間？她說：「佢哋兩個走晒，我就得閒，之前都冇乜時間去完成自己想做嘅嘢，好多地方又未去過。（想做咩？）想去學語言，語言都係一種技能，之前都有學過韓文同日文，日文學咗一年，都幾好成績，嗰陣時我全班第一，不過當時因爲拍拖同生小朋友放低咗，都想pick up番。」
另外，佢又自爆幾年前，好多頭皮兼個頭好痕，仲痕咗好耐，無一個好深層嘅睡眠，都令佢好困擾，好再依家呢個問題已經大大改善。
(on.cc)
【一直將心事同情緒盡力抑壓】陳展鵬最愛女人原來唔係單文柔
陳展鵬同單文柔這一對，都真係經歷咗唔少風雨。由最初不敢認愛，到戀情曝光之後男嘅被指利用胡定欣谷人氣，女嘅就俾陳展鵬fans毀天滅地式洗版留言狂鬧，搞到ig都要關閉留言功能。
之前曾表示不考慮擺酒嘅陳展鵬，又改變主意。據知婚禮將於本月13日假座四季酒店舉行。另今日出版之周刊亦以一對準新人做封面，稱陳展鵬最愛的女人不是單文柔，而是陳媽媽。惟陳媽媽近來身體欠安，令做仔心痛之餘，亦心力交瘁，情緒失控。
據報道指，陳展鵬母親年初曾中風入院，病後不良於行。陳展鵬急於結婚，一來係因為已找到「對的人」，同時亦希望沖喜一下。報道稱，陳展鵬一向篤信命理，不止寓所要睇風水求高人指點，感諸事不順時亦尋求指引，得知單文柔命格與之相，且婚後定必旺夫，仲越生越旺，令陳展鵬加速成家之意。
陳媽媽的病情，亦是促使陳展鵬結婚的最大原因。陳媽媽一直好想兒子快快成家，侍母至孝的陳展鵬，當然希望如母親所願，故近期佢一邊忙於籌備婚禮撲婚禮場地，一邊照顧母親、陪她接受物理治療，兩邊兼顧。單文柔亦十分體諒，幫手照顧未來奶奶。
報道指，陳展鵬自從母親患病後，一直將心事和情緒盡力抑壓，不願向別人求助，故有時情緒爆煲亦不自覺。而單文柔就做咗啲嘢令令一度徬徨無助嘅陳展鵬大為感動，例如送上熱敷眼罩，令失眠的他可以安睡。陳展鵬一次訪問中說：「我唔係一個熱情同擅於表達嘅人，但嗰刻好感動。」更形容心中那道門「俾佢鑽穿咗」。
（apple daily）
【13嵗囡囡亭亭玉立】激罕！前港姐冠軍一家四口出動行街街
日前他們一家四口在銅鑼灣時代廣場嘅Log-on睇精品，當日下午五時半，起初只見佢同細仔一齊行街，佢見到得意公仔即攞起畀細仔睇，但囝囝明顯唔啱心水，轉頭自己去睇文具同圖書。]
隔咗陣，大女去完廁所會合，發現記者影相時都大方望住鏡頭。大女今年已經13歲，長得亭亭玉立，仲高過媽咪，穿上短褲晒長腿，見母女感情不俗，不時會搭住膊頭一齊行。
之後楊婉儀開始打電話，原來老公一直喺隔籬嘅c!ty’super排隊等俾錢，由於排隊人龍都幾長，起碼要排半小時，老公寧願一個人等，俾老婆同仔女喺附近行街，好貼心。一家四口終於會合，當佢哋準備搭lift離開時，記者想上前訪問，但楊婉儀微笑婉拒，之後一家人離開。
95年港姐冠軍楊婉儀與丈夫王帥勳（前練馬師王登平兒子）經營之教育中心及幼稚園Golden Gate，早前被生意拍檔入稟追討欠款，官判楊婉儀夫婦敗訴，需歸還500萬元連利息兼付訟費。
楊婉儀夫婦自2014年起因Golden Gate被連番入稟追數，至今年6月，有財務公司入稟向夫婦倆任董事的公司追債376萬元，揭發楊以后冠及美國物業抵押借貸。敗訴後，楊婉儀發聲明，稱絕對尊重法院判決，亦感謝傳媒關心，並承諾繼續努力，為教育獻出一己棉力。
結婚當日，老公戴上港姐后冠及權杖迎娶楊婉儀。(資料圖片)
早前一家人出席活動 （資料圖片）
(apple daily)
【被認錯係范冰冰】網民揶揄真范冰冰：九億都買不來國際臉
內地女星范冰冰琴日承認逃稅一事震驚全球，歐美日韓傳媒爭相報道。
不過有英媒就擺烏龍，竟然配錯圖認錯佢係范冰冰！
真范冰冰
「鹿晗嫂」內地小花關曉彤係冰冰，唔少網民都留言：「This is not Fan Bingbing！（呢個唔係范冰冰！）」
不過側面睇又真係幾似！
亦有網民笑謂：「關曉彤～你要先努力賺到8.8億」
大家覺得正面又似唔似呢？
又有人揶揄真范冰冰：「其實應該冰冰傷心，九億都買不來國際臉」、「就跟我們看外國人長得都一樣的道理」！
終於改好！
Facebook竟然繼續錯！？
其實喺今年5月《康城電影節》上，有外媒已經撈亂呢兩個人，當時關曉彤出場時，就認錯佢係范冰冰！而之前亦有外媒將范冰冰叫做咗李冰冰，非常尷尬！
（on.cc）
【與鍾鎮濤女兒豪花百萬上契宴】被頒令破產兼通緝！
他曾租住李嘉誠位於本港南區壽山村道舊居，但因欠租而被追討585萬元，早前被業主、即李澤鉅任職董事的公司入稟申請破產。案件今在高院處理，他都未有現身，亦沒有代表或作出抗辯，聆案官遂正式頒下破產令。
現年14歲的鍾懿，早於2012年、即8歲那年，獲他為她在迪士尼樂園筵開15席，宴請超過二百位賓客出席，為其補祝生日，除邀請她的朋友、同學，當中還包括一些孤兒，希望透過生日會跟其他小朋友分享喜悅。
深得施建祥疼錫的鍾懿，在當晚更在所有賓客見證下，和施建祥進行上契儀式，精乖伶俐的鍾懿當日悉心打扮，穿上以白色為主的長裙，戴了一個紫色頭箍，在上契儀式時，跪在契爺、契媽面前，接受所有上契禮物。據知，施建祥向來出手闊綽，當晚就以一個金盤放了十疊、每疊約有10萬元的現鈔送予鍾懿，作為和她上契的利是，加上一套金碗筷及兩套名牌服裝，總值約百多萬港元。
有傳已潛逃美國的施建祥，有指與鍾鎮濤（阿B）識於微時，更是阿B三女鍾懿的契爺。
大陸娛樂大亨施建祥曾投資電影《葉問3》及《大轟炸》，因涉經濟罪行被通緝。
(apple daily)
【承認綵排已崩潰】林二汶：終於知道咩叫sadness
歌手林二汶在麥花臣場館開騷，獲何韻詩及其父母、許廷鏗、RubberBand的6號及泥鯭等人到場支持。
她表示：「你哋有冇試過認得一個人，唔係認得藝人嗰種，而係明明見到陌生人，但第一眼就認得，知道唔可以錯過佢，我生命中遇過呢啲人，將呢兩首歌送畀佢哋。」然後唱出at17的《最難唱的情歌》及自己的《最幸運的人》，送給已故at17拍檔盧凱彤（Ellen）。有感而發表示：「無論大家有幾配合，始終一日都要長大，係好殘忍，但都係生命嘅美好。」
講到為Ellen唱歌，二汶表示：「我以後嘅演出都係送畀佢，佢永遠都會喺度，佢永遠都係同我一齊，所以唔會冇佢喺度。（特登揀自己嘅歌多啲？）係呀，因為呢個係我簽咗新公司嘅第一個騷，想好似個showcase咁唱我solo嘅歌，由最新唱到最舊。」
Encore環節，二汶再出場在鋼琴伴奏下唱出《無忘花》，然後分享之前她為一套動畫配音，聲演「阿樂」（Joy）的角色，她表示：「我真係『阿樂』，同角色一樣，唔知『阿愁』（Sadness）係點，但同角色一樣，最後都終於知道咩叫sadness，套戲最後一幕係『阿樂』同『阿愁』一齊撳個波出嚟，我都終於知道咩叫悲喜交集，成長就係一件咁嘅事，『Joy』終於知道咩叫『Sadness』，人生以後仲有好多事教我哋知道咩叫『Joy』、『Sadness』等等，但我應承你哋，開心同唔開心嘅時候我會陪住你哋，多謝你哋都陪住我。」
二汶於動畫《玩轉腦朋友》聲演主角之一，「阿樂」（Joy）的角色 （中間）
講到在台上分享與已故拍檔盧凱彤（Ellen）的感性說話，她表示：「我依家人生經歷豐富嘛！依家『阿愁』終於都出咗嚟，我依家比較明白感受多啲，以前我係開開心心、嘻嘻哈哈，依家就長大咗，知道唔開心都唔係咁得人驚，係可以並存。」講到她在台上很忍得，沒有落淚，樂觀的她笑言：「因為rehearsal嗰陣已經崩潰咗嘛，所以騷時OK，做咗好多準備同練習。」
(on.cc)