資深甘草演員岳華今早傳來噩耗，不幸離世，終年76歲。（https://goo.gl/g4KDfo）
2008年無綫播出的長劇集《珠光寶氣》，藝人蔡少芬（Ada）於劇中跟岳華合作合演一對受盡冷眼的忘年戀夫妻。
此劇最近在無綫深夜時段重播，劇中二人一段忘年戀最搶鏡，令觀眾印象深刻，這個角色都是岳華的代表作之一。
蔡少芬在《珠光寶氣》中飾演康雅思(Jessica/三妹) ，好勝自信，愛好財富及權利。
事隔十年，Ada雖在此劇後未再有跟對方合作，但當聞其離世的消息，亦表現得很激動，她在回應傳媒：「嚇死我喇！好意外，我少睇新聞，唉吔……好難過！」
當問到對岳華印象，Ada忍不住淚崩，她說：「佢係一個好好先生，我好尊重佢！佢真係好有風度，又真誠又紳士！又敬業！我真係真係好唔捨得佢……好難過！」
對於當年二人在劇中合演一對忘年戀夫妻，Ada續說：「佢令我好安心，每一次佢要掂到我嘅時候，會同我講『我嘅手會放喺呢度』、『我會咁樣演』，令你會覺得呢個長輩非常之尊重自己同好安心！」
(綜合報道 / on.cc)
今日代表香港出發到日本東京參加國際小姐競選。她擁有高挑身形，而且經常面帶非常甜美的笑容，原來已經擔任兼職模特兒有4年多，曾接受訪問時自爆以旅遊記者為目標，不時在網上大晒靚相及旅遊資訊，更直言視黃翠如為目標：「佢之前做主播，好鍾意佢以前簡單咁一個人同攝影師去做旅遊介紹，我覺得好真實。」
曾擔任模特兒拍攝港鐵廣告
模特兒湯洛晴，英文名為（Carmaney Santiago），原名為黃嘉雯代表香港於今日出發往日本東京，參加2018年國際小姐競選。
加油呀！香港人一定撐香港人！
Carmaney現年25歲，身高5呎7吋。對於能代表香港參與國際小姐選舉，她坦然感到是畢生的榮耀：「國際小姐係全球三大國際性選美之一，所以今次參賽唔單止係代表自己，仲係背負住香港代表個名，我必定會喺三個星期嘅選舉過程中表現得十全十美。我要多謝澳門選美連盟香港分部提供嘅培訓，以及其他贊助嘅無私幫助。」
（Facebook / 綜合報道）
資深實力派甘草演員岳華不幸離世，終年76歲。
資深藝人岳華早在1965年於邵氏開始從影，初期演出一些武俠和古裝電影。其電影作品都是在六、七十年代較多，代表作為1966年之《大醉俠》。當時他憑此片跟陳鴻烈（已去世）、鄭佩佩一同走紅。
岳華 （左一）《大醉俠》
又曾參演出西遊記系列，飾演孫悟空。
後期於80年代參演電視劇，一直至麗的電視變成亞洲電視，他仍不時在該台演出。1987年他轉投TVB。後來1990年代移民溫哥華，至2007年再回歸無綫電視演出連續劇。
多次入圍最佳男配角，曾是TVB頒獎禮常客。
經常飾演有霸氣的角色，此形象深入民心。
現時深夜無綫重播的長劇《珠光寶氣》，戲份甚重，與蔡少芬譜出忘年戀，可謂其代表作之一。
14年他仍是面容飽滿，精神不錯，同後輩胡定欣共舞。
傳出在加拿大時間昨天不幸離世的消息，終年76歲。據加拿大的電台人士指，當時岳華太太恬妮及女兒Faye均陪伴在側。
其好友張之珏亦向傳媒證實岳華逝世。張之珏指消息是恬妮透過短訊告知張之珏妹妹張寶之，二人得知後亦非常傷心，張之珏亦已向岳華女兒表達悼念之情。張續指與岳華相識超過30年，對上一次見面已是半年前。
他受訪時非常傷心：「本來半年前喺香港同華哥同恬妮食晚飯，華哥特登請我同佢見面，我話第年我啲戲完咗部分就一定嚟加拿大探你，佢就話一言為定。我前年去加拿大咩人都冇搵，淨係見咗華哥同恬妮，依家記得仲好似係琴日發生嘅事。」他指岳華是全香港藝人之中，他最尊敬的頭號藝人：「喺我心目中冇人可以替代佢。佢嘅演技、笑容、親切友善……」此時他深呼吸，繼續說：「1982、1983年開始我搞舞台劇，華哥做咗我四個戲，我哋一齊去紐約參加喺百老匯嘅演出，又做慈善。」言談間可見兩人有非常多的美好回憶，交往從沒間斷：「喺香港時每一次大閘蟹上市，佢都會打電話畀我叫我食飯，恬妮就會炮製啲美食，有時就打邊爐，睇住佢個女長大，我前年去加拿大仲有同佢個女同女婿一齊食飯，好開心，我依家唔知想講乜嘢……」張之珏再深呼吸後說：「總之華哥嘅離去……喺我心入面……係冇辦法可以填補。」
而另一好友林建明亦指昨晚收到消息，她說：「尋晚十點到收到朋友消息，話岳華啱啱喺溫哥華去世，入咗醫院只係兩日，恬妮唔想人打擾佢，估計多數係癌症，因為朋友八月時見到佢瘦得好利害。」
上年八月暴瘦手執枴杖現身。
（綜合報道 / on.cc）
前亞視高層盛品儒太太蔡一鳳最近爲剖腹誕下一對龍鳯胎，小公主重4磅，而小王子就約6磅。
太太早前爲他誕下龍鳯胎，老公盛品儒被問到送甚麼禮物給老婆，他回應：「而家要買多啲仔女嘅衫，雖然已經買咗好多，但BB大得好快，都要買定多啲，老婆禮物就遲啲先諗。」
雖然禮物還沒準備好，可是他們已經決定搞百日宴。他們夫婦二人緣甚廣，到時候場面應該會非常盛大，各賓客都會好好爲一對可愛的龍鳳胎好好慶祝。之前夫妻兩人開心出席阿嬌與賴弘國的婚禮派對，當時蔡一鳳挺著孕肚爲他們送上祝福和合照！
不知道當天的百日宴，阿嬌和賴弘國會否出席呢？
根據傳媒透露，原來仔仔出生的時候比不小心自己喝了一啖胎水而被嗆到，而胎水又混有大便，結果BB要打抗生素，并且被安排入保溫箱觀察一天。初為人母的新手媽媽蔡一鳳當然是非常擔心，更忍不住哭了出來，整夜都沒有睡的好。要知道孕婦生產後也是非常重要的階段，情緒較容易波動，任何小事情處理得不好，也會有機會演變成產後抑鬱。
縱然蔡一鳳已經請了五個工人和一個陪月員，一看這個强大陣容便令人認為整個坐月、照顧寶寶的過程定會萬無一失，可是當寶寶出狀況的時候，那六個人永遠不能替代自己承受壓力和傷痛，最感痛心最擔心的仍然是懷胎十月的媽媽蔡一鳳自己。
老公盛品儒 （James）
幸好有老公一直陪著，全程照料，蔡一鳳心情才得以慢慢平復，度過了產後的第一個難關。
(蔡一鳯Facebook / 綜合報道)
43歲萬人迷碧咸（David Beckham）同前辣妹（Spice Girls）成員Victoria擁有4個仔女，係個典型大家庭，外人眼中仲非常幸褔。
但最近碧咸接受訪問時，就談及維繫呢段婚姻原來一啲都唔容易。
二人結婚19年來，都傳過好多次婚變消息，雖然二人即刻否認，但碧咸就於訪問中承認呢段婚姻都有艱難時刻：「要好似我哋而家結婚咁耐，永遠都需要下苦功，其後又變得有啲複雜。」
又講到做爸爸亦唔容易：「有時好少嘅事會造成好大分別，我於自己嘅小朋友身上察覺到呢點。」
不少人即再次指二人情已逝！
雖然呢個只係訪問預告，但已經引起好多觀眾關注，碧咸仲話自己人生中只有一件事後悔，至於係乜就要等節目出街先揭曉喇。
Victoria就於少理傳聞，近日於社交網Instagram分享自己去到豪華水療中心度假的照片，只見她風騷晒靚景與靚樣，似乎心情靚爆！據了解該水療中心主打令人放鬆身心，當中有減肥與排毒套餐，分分鐘索價17,500英鎊（約17.9萬港元），未知Victoria有冇揼本氹自己開心？
(on.cc/apple daily)
再度合體，另外仲有好友傅明憲、吳君如、基仔老婆Lorraine、林峯、方中信同老婆莫可欣、鮑起靜同老公方平等等，竟然仲有。。。
無綫90年代「新五虎」古天樂、古巨基、吳家樂、劉愷威同何遠恒，今年5月喺基仔紅館個唱Re-U，仲合唱咗首《當年情》，反應極之熱烈。
古仔聽日48歲生日，大班好友噚晚同古仔慶祝，「新五虎」又再度合體，另外仲有古仔好友傅明憲、吳君如、基仔老婆Lorraine、林峯、方中信同老婆莫可欣、鮑起靜同老公方平等等，仲有一個，似乎係今年先見到佢喺古仔生日party出現，就係ViuTV總經理魯庭暉。
其實古仔近年成日同ViuTV合作，好似舊年古仔上ViuTV嘅《鮮浪潮語》，今年又支持《全民造星》，所以魯庭暉出現古仔生日P，真係一啲都唔出奇。只不過，就不期然令人諗起2年前古仔生日P，出席嘅容祖兒(Joey)玩facebook live，飲到半醉嘅古仔突然爆咗句話：「我希望ViuTV個乞兒呢……」現場嘩聲四起，一味儍笑嘅古仔隨即補鑊話：「係呢……係飛黃騰達嘅！」
不過，事後古仔出席活動，都有解釋番點解講「ViuTV個乞兒」，當日佢話：「個朋友話畀我知，接拍ViuTV一個節目，客串個角色，開頭佢同ViuTV講冇期，就唔啱時間，點知ViuTV就咗佢幾次都就到個期畀佢，我就問個朋友『乜個節目好重要嘅咩？個角色你做啲乜？』朋友就答我係做乞兒，我就話『咁你飛黃騰達啦，可以憑個角色上位。』我個朋友唔係圈中人，所以我冇開名講佢。乞兒係我朋友嘅角色。」
聽聞呢件事係千真萬確，古仔唔係鬧ViuTV，而係笑佢一個幫ViuTV客串嘅幕後朋友，如果唔係，近年ViuTV同古仔都唔會有咁多合作啦！
(Apple daily)
藝人葉璇早前告前男友小默先生的前女友呂小姐造謠，葉璇最終敗訴，更「意外」揭露葉璇與小默先生正式分手。根據當時判決書上指示，葉璇不僅需要停止在微博上的語言攻擊，還需要向呂小姐賠償相關費用等，惟葉璇至今仍未履行上述條件。呂小姐決定繼續追擊葉璇，上載了一張上海法院發出的限制消費令！
被禁旅遊
該「限制消費令」指希望大家對葉璇的消費進行監督，葉璇在執行法院命令前，被限制「高消費及非生活和工作必需的消費行為」，不能乘坐飛機、臥鋪，不能住星級以上的酒店，不能購房產、不能出去旅遊度假等。如葉璇因生活必需而進行以下被禁止的消費活動，應向上海人民法院本院申請，獲批准後方可進行。如違反限制消費令，葉璇或將被處以罰款、拘留，最嚴重係被依法追究刑事責任。
「奉勸她好好秀恩愛」
呂小姐在微博留言：「三年前，一位奮不顧身秀恩愛的女人，在微博上對我肆無忌憚的進行人身攻擊，為了彰顯自己，不惜置我於水火。我本孱弱，面對責難幾度絕望，加之經濟拮据，在她先發製（制）人訴我侵犯名譽權之時連聘請律師的費用都只能東拼西湊。還好，我咬牙挺了過來，還好，正義沒有缺席。事實證明這位打著（着）愛的旗號赴湯蹈火的女人連面對錯誤的勇氣都沒有，我只能讓法律告訴她什（甚）麼叫肆無忌憚的代價—請各位正義的朋友幫我監督葉璇女士嚴格履行👇《限制消費令》，奉勸她好好秀恩愛，畢竟旅遊度假星級酒店吃吃喝喝都在違法～」
今午《蘋果》向葉璇求證此事，佢以四字回應：「沒聽說過」。
至四點幾，葉璇再更新微博，貼咗幾張相，相中環境係一個叫做「CD Life」嘅活動。「CD Life」，即「卡多利亞」（Cadoria），簡稱CD，是小默先生創辦嘅醫學美容中心，總部位於上海。
葉璇貼出數張「CD Life」活動現場相同大合照，寫道：「CD Life，Best Life Style！」仲俾咗三朵花同三個心心，然後@小默先生。
依家葉璇被限制消費呢單新聞，已成微博熱搜no.1，風頭火勢葉璇仲高調明示與小默先生關係未斬纜，究竟佢心中有何盤算？
(綜合報道)
吳綺莉、王敏奕、林祖輝、楊淇同麥芷誼等，今日喺香港仔石排灣出席ViuTV新劇《理想國》開鏡拜神，故事以十三個單元組成，其中吳綺莉透露已經相隔七年無拍電視劇，今次夥拍林祖輝飾演夫婦，並有一個9歲兒子，佢話：「我接呢套劇係因為個故事好貼地現實，係講小朋友家長因為工作忙，掛住搵食大家缺乏溝通，導致個仔不幸地跳樓自殺，現實中實在有太多呢啲Case發生。」
吳綺莉又表示接拍呢套劇集另一原因係希望帶出凡事要溝通，同要設身處地為小朋友諗嘅訊息俾大家，希望珍惜生命，佢話：「我性格好直接同好急，有時啲嘢諗到就會講，我有社工朋友都叫我要學習下改變，唔好畀自己太大壓力。」
呢種心態轉變有冇改善到你同囡囡卓林嘅關係？佢話：「呢兩年呢每件發生嘅事我都學到好多嘢，正如我性格好急好快，依家要學識改變，凡事停一停諗一諗冷靜啲先至應對。」佢又舉例：「好似我前排拍咗個廣告 啲相出咗，唔知卓林喺邊度睇到啲相後Send Message同我講『You Look Well』，我答番佢『Thank You』。」
吳綺莉表示作為家長要學識同子女互相尊重，佢話：「佢永遠都係我呢一世最好嘅朋友，有時候我唔可以用依家個年紀去諗佢嘅行為，佢成20歲，你諗番自己20歲拍拖時做過嘅嘢，其實真係無得解釋，愛係無得講，所以要學識互相比空間大家。」
佢又表示有睇到報道指卓林喺網上開直播賺錢，佢話淨係睇到標題無深入去睇，對於卓林將自己嘅姓氏改為Zen，佢話：「Zen亦可以解作禪，不過呢啲好少事啫。」
不時都會有驚喜，早年就於事業高峰時期宣布讀書，告別好多人恨都恨唔到嘅機會。
而一向與富商低調拍拖嘅佢，月前又突然公布訂婚，令粉絲大為震驚，去到近日，佢再繼續玩驚喜，於社交網Instagram突擊上載婚紗相，公布連婚都結埋！
上載照片時僅以「10.18.2018❤️」留言，宣布6年愛情長跑修成正果，場面勁Sweet，吸引大批粉絲派心心及留言送祝福。有份觀禮的人表示：「個婚禮好甜蜜又好感動，一對新人好開心！」
人氣美國超模Karlie Kloss與富商喬舒亞（Joshua Kushner）低調拍拖六年，月前突然公布訂婚，令粉絲大為震驚，去到近日，佢再繼續玩驚喜，於社交網Instagram突擊上載婚紗相，公布連婚都結埋！
Karlie上載照片時僅以「10.18.2018❤️」留言，與拍拖6年的喬舒亞結束6年愛情長跑，場面勁Sweet，吸引大批粉絲派心心及留言送祝福，其發言人後來向美媒證實二人於周四下午在紐約舉行小型猶太婚禮，邀請約80位賓客到場，將於明年春天舉辦大型婚宴。有份觀禮的人表示：「個婚禮好甜蜜又好感動，一對新人好開心！」新娘子一襲喱士長袖婚紗就傳由國際名牌訂造，優雅又有貴氣，另有指早前與Karlie和好的天后Taylor Swift近日身處澳洲開騷，未有出席好姊妹婚禮！而喬舒亞為美國總統特朗普（Donald Trump）女婿庫斯納（Jared Kushner）的富商細佬，Karlie婚後將與特朗普成為疏堂親戚。
另一方面，Taylor同樣有驚喜，近日被外國雜誌驚傳與低調拍拖年多的影星Joe Alywn已經訂婚，有傳男方以復古風戒指求婚成功，女方希望於Joe的家鄉英國舉行婚禮，知情者更指：「Taylor想有自己版本嘅梅根皇家婚禮！」傳她想著上純白長拖尾婚紗，於古老教堂行禮，而且已經諗好想要12個姊妹，包括老友Selena Gomez，雜誌更指她與Joe已打算於30歲前生小朋友！
此外，Joe昨日於倫敦出席新作《爭寵》（The Favourite）首映禮，同場未見「未婚妻」Taylor，不過單拖上陣的他仍然心情不錯，笑容滿面。至於同場仲有女主角愛瑪史東（Emma Stone）及產後首現身的麗歌慧絲（Rachel Weisz）。
(on.cc)
65歲嘅鍾鎮濤入行45年，今年11月將會喺紅館舉行演唱會，近日B哥哥為演唱會四出宣傳，日前佢接受商台節目訪問，提到喺02年宣佈破產，喺嗰4年受盡人情冷暖。
B哥哥喺97年金融風暴後投資失利而欠下2億巨債，結果喺02年宣佈破產，B哥哥喺訪問話：「我覺得喺呢4年裡面，最自豪係應付人哋嘅白眼，尤其係圈內人跟紅頂白，有啲人喺你紅嗰陣對你好，但係失意嘅時候冷嘲熱諷，嗰陣唯一能夠做到嘅係跳出自己嘅身體，用第三者目光去分清楚邊個先係真正嘅朋友。」
經過呢段日子，B哥哥話o依家啲朋友全部都係真正朋友：「我覺得嗰啲曾經對我白眼嘅人係好傻，我又唔會問你借錢，又唔會求你俾嘢我做，後來當我走出低潮後，又有人會突然變臉，對我完全改變態度，我真係睇到好多嘢。」
B哥哥仲話喺最低潮嘅時候，曾經叫范姜返台灣：「嗰陣我知道自己嘅經濟狀況支持唔到，范姜拎私房錢出嚟支持我，但係唔係金錢上嘅問題，而係前路茫茫都唔知點樣行。」
結果喺破產前夕，B哥哥叫佢返台灣：「佢本身條件好好，冇必要同我一齊捱苦，不過佢死都唔肯走，可能係佢前世欠咗我。」
(蘋果日報)
