歌手謝安琪（Kay）突然在社交網站有怒氣地：「喂咪咁啦，如果你係第二個，我立即BLOCK咗你喇，見好就收喇！」更企圖想封鎖對方！究竟誰令Kay那麽激氣呢？
（資料圖片）
她轉貼日本男神木村拓哉的新廣告，自封是「木村粉FOREVER」，更留言說：「型到喊！喺我心中從來沒有唔型的木村，係永遠唔會有好嗎？
引來大批Kay迷與木村迷齊齊聚腳熱烈討論，但想不到Kay的老公張繼聰亦來參一腳，竟自貼早年的長髮look近照向太太say hi「神回覆」。
好友蕭潤邦更指阿聰與木村「撞樣」。
Kay亦忍不住揚言封鎖老公說：「喂咪咁啦，好彩你班朋友咁錫你咋，同埋好在你係我老公咋，如果你係第二個，我立即BLOCK咗你喇，見好就收喇！」
(on.cc)
吳若希（Jinny）突然有感而發上載揹住囡囡淼淼的照片打咗篇超長嘅文章，網民就留言大讚Jinny真係乖好欣賞佢。。。
歌手吳若希（Jinny）突然有感而發打咗篇超長嘅文章，話要帶埋囡囡飛返家鄉為爺爺嫲嫲下廚煮餐好餸，佢上載揹住囡囡淼淼的照片留言：
「我自己也想不到，竟然會因為錄影了一個綜藝節目，而令自己幾個晚上都睡不著，腦海總有一句話飄過，
“我好想煮一餐飯給煮飯給我的人吃”
從小是我爺爺奶奶照顧我的，爺爺陪我玩，奶奶煮飯我吃。奶奶燉的排骨湯、炸的荔枝肉、炒的花菜白果、紅燒黃花魚，還有她煮的扁肉、魚丸，佔據了我整個童年。就算現在，我每次回鄉探望他們，還是在吃這幾道菜……
她，還是在廚房裏煮這些熟悉的味道給我吃，而今年她86歲了。
那天錄影過後，我一直在想，原來我從來沒有正式地煮過一餐飯給爺爺奶奶吃過，我好想他們，也好想讓奶奶好好地坐在電視前，讓我給她們準備一餐飯，好不好吃都無所謂了，只是想讓他們知道我長大了，其實我也學會了煮飯，也學會了照顧家人。
然後，我就馬上看行事曆，買機票，現在正在帶著（着）我的淼淼在去機場的途中。
“我回來煮飯給你們吃啦～～”（無比興奮中）
感謝天讓我還有這個機會，希望老人家繼續健康快樂。我真的很愛很愛很愛你們」
網民就留言估Jinny係咪錄影了《美女廚房》呢？又大讚Jinny真係乖孫好欣賞佢。
(on.cc東網)
單身嘅莊思敏突然喺社交網上載合照，見佢笑到見牙唔見眼，抱B嘅手勢純熟，網民就留言恭喜佢誕B，有小朋友，又難怪。。。
藝人梁麗翹（Nicole）早前誕下囡囡Nanette，現時留喺屋企專心照顧愛女。呢日，一班圈中好友好似陳庭欣、莊思敏、莊思明同彭慧中等就去咗探佢，仲輪流幫手湊B，認真識做！
之後，莊思敏同莊思明分別喺社交網上載合照，見佢哋輪流抱實Nanette影相，莊思明仲嘟嘴作狀錫錫，睇嚟好鍾意小朋友喎，唔知幾時到佢同男友楊明生番個呢？
另外，單身嘅莊思敏就抱住另一個小朋友合照，見佢笑到見牙唔見眼，加上抱B嘅手勢純熟，唔講仲以為係母子合照添！難怪都有網民誤會咗，竟然留言恭喜佢有小朋友，相當搞笑！
有網民搞笑咁恭喜莊思敏誕B。
(on.cc東網)
【優惠期】2018年7月1日至20日
【營業時間】1230-1930 （星期一至五）1300-1930 （星期六、日及公眾假期）
【地址】九龍紅磡都會道6號置富都會L8-814（港鐵紅磡站C2出口）
【精選優惠】
– 【香港行貨】嬰兒車、嬰兒床、嬰兒餐搖床、椅汽車安全椅；提供【免費送貨】及以超特價發售
– 超人氣產品以優惠價發售：滴雞精、消毒奶煲、孕婦枕、羊奶皂、清潔消毒產品
【即買即送】嬰兒尿片或乾棉試用裝
【加碼優惠】預先讚好 MyBB.com.hk 及 MB Family Facebook專頁及分享此帖子到生活時報，可額外獲贈禮品！
【預先登記成為 MB Family 會員專享全年折扣！】 https://goo.gl/syMi7E
著名音樂人雷頌德（Mark）說：「問候一定有，但佢都OK，因為佢都病咗一段時間，已有心理準備。」
與她兒子李凱豪是好朋友，Mark今日與太太梁家玉(Jade)一齊到香港殯儀館送別她。Mark說：「問候一定有，但佢（李凱豪）都OK，因為（林燕妮）病咗一段時間，已有心理準備。」
已故一代才女林燕妮今日設靈，她生前極愛美，坦言人一生怎樣都要靚，著盡華衣美服，107萬買一件褸面不改容。今日靈堂的林燕妮遺照，不見其招牌嫵媚曲髮，改為㨂了一張清爽的短鬚側面相片，時尚眼線、鮮紅唇色下展現美麗笑容，更有瀟灑作別之意。
壽衣亦貫徹美到最後一刻的人生座右銘，她以生前愛牌 CHANEL 入棺，色澤亦選從鮮活嬌貴的粉紅、橙色組合。
靈堂佈置以白色為主調，靈堂正中擺放兒子李凱豪送上的粉紅色心型玫瑰花圈。林燕妮鍾愛粉紅色，親友都送上粉紅色花牌，堂內散發著淡淡的香奈兒5號香水味道，貫徹林燕妮的浪漫氣質。林燕妮生前喜歡在紫色格子原稿紙噴上香水，就是CHANEL N°5。林燕妮曾說：「香水根本是一種任性與感性的混合物。」林燕妮在睡衣、被單、枕頭，甚至櫃桶，亦會噴上CHANEL N°5。
她與前夫李忠琛所生的兒子、李小龍的姪兒李凱豪現身靈堂。李凱豪一向生活低調，鮮有出席公開場合，今日下午五時許，他以家屬身份坐在母親的喪禮靈堂內，而家屬座只有他一個人，向前來悼念的親友叩謝。
對於與好友生前的難忘軼事，Sammi說：「好多，我哋嘅相處，好多好深，全部在心中，我相信我哋會喺天家再見。」Sammi亦有到火葬場送別好友，儀式過後，Sammmi未有案傳統習俗跨火盆，只是從側面行過，接著便登上七人車離開。
Sammi 從台灣趕來送別好友 （明報）
Sammi與林燕妮十分老友（網上圖片)
（綜合報道）
炎炎夏日逐漸來臨，對於喜歡到戶外活動的寶寶們，隨時要注意有無中暑的可能。什麼時候要懷疑是否中暑了呢？中醫又有哪些預防中暑的方法？嬰幼兒的下視丘體溫調節中樞尚未完全成熟，身體調控溫度能力較差，嬰幼兒汗腺較少散熱較慢，體溫容易過高，且身體儲存水分較少，比大人更容易中暑、脫水，五歲以下的小朋友是中暑的高危險群，家長一定要多留意。中暑在中醫來看，可分為陽暑與陰暑，形成的原因與症狀不太相同，以下分別為大家做介紹：
「陽暑」
「陽暑」，中醫又稱「中熱」、「中暍」，即是現代醫學所指的中暑，因外在高溫的環境，使得身體溫度過高，出現脫水、電解質不平衡、或影響中樞神經系統而引起的症狀。如果寶寶在高溫的戶外活動，未做好防曬、遮陽與水分的補充、小寶寶帶到炎熱的戶外仍裹著數層的包巾、或是將寶寶留在未開空調的車上，此時中暑的風險就大增。
寶寶中暑會有哪些表現？
＊非常口渴
＊起初哭鬧、煩躁不安，之後會轉為精神活動力差，看起來懶洋洋
＊皮膚摸起來沒甚麼汗
＊身體熱烘烘但四肢冰冷
＊心跳、呼吸急促
＊噁心嘔吐
＊肌肉痙攣、四肢抽筋
＊持續體溫過高超過40度，還會影響中樞神經系統，出現昏厥虛脫
「陰暑」
「陰暑」，是指受熱貪涼造成，出現在遇熱後突然進入冷氣房、洗冷水澡、或喝大量的冷飲，使得體內的暑熱排不出，又受到外在的風、寒、濕邪悶住，出現頭痛、身體痠痛、不想吃東西等類似感冒的症狀。在現今的夏天，到處都充斥清涼解暑的冷氣與冷飲冰品，而且現代人平時若缺乏運動，對溫度變化的調節能力變差，中陰暑的情形反倒比陽暑還常見。若寶寶天熱外出後出現，活動力下降、食慾變差、腸胃不適、或頭痛，就要懷疑有中陰暑的情形。
避免寶寶中暑，預防更勝於治療
1. 炎熱的天氣下，避免長時間做戶外活動，特別是正中午10：00～14：00左右，最好讓寶寶待在室內休息，如果要外出活動，一定要做好防曬與遮陽，戴上帽子、太陽眼鏡、外出30分鐘前先擦防曬乳液，穿著透氣排汗的衣物，且避免在戶外活動超過30分鐘。
2. 活動時注意水分的補充，也可將運動飲料與水對半稀釋補充，六個月以內的寶寶帶出戶外時，媽媽可以少量多次補充母乳或配方奶。切記不可攝取含咖啡因的飲料，咖啡因會增加人體代謝，反而更容易中暑。身體正熱時更不能一口氣灌下大量過冰的飲料，這容易讓胃痙攣、肚子痛，或中了陰暑。
3.炎熱的夏天，千萬不可把寶寶留在未開空調的車內，汽車安全座椅相對悶熱，加上寶寶散熱功能差，雖然才短短幾分鐘，溫度就會急遽上升，而出現中暑，更別為了貪圖方便，獨自將寶寶留在車上，下車簡單買個東西，這可是讓寶寶的生命暴露在極大的危險中。
(嬰兒與母親)
藝人黃心美為ViuTV選秀節目《Good Night Show全民造星》活動任司儀。
她指近日有追看心穎演出的新劇《宮心計2深宮計》，奈何網上版本很快更新，令她追唔切，問到為何不借用妹妹myTV SUPER戶口？
心穎新劇《宮心計2深宮計》 （Facebook）
心美說：「佢想獨立啱啱搬咗出去，連帶個盒子都搬走埋，所以冇得睇，但我同佢住得好近，我叫佢想獨立搬遠啲，先知我嘅好。之前佢有分擔管理費同水電煤，但只係畀錢唔係繳款嗰個，所以佢自己住，分分鐘停電過嚟搵我。」
黃心美黃心穎兩姐妹
對於妹妹黃心穎日前在無綫節目《美女廚房》晒廚藝，似乎有進步空間，心美笑謂：「唔使睇啦，嘥氣，好差係咪？首先佢唔會煮畀我食，平時佢連即食麵都唔會煮，咁我都唔煮，媽咪又係唔識煮，冇人教就冇計。」
(on.cc)
男方愛屋及烏，對囡囡超細心，佢就超坦白咁話：「大家都斯斯文文，又有啲共同朋友，佢今日陪我帶小朋友去打針，雖然未係好識照顧小朋友，不過我識，我欣賞佢有心。」
現年30歲嘅2010年中國小姐香港賽區冠軍趙哲妤（Uny），16年底喺馬來西亞未婚生女，由於囡囡生父唔肯照顧，Uny決定承擔責任做單親媽咪，母兼父職，囡囡跟媽咪姓，改名趙真羽（Natalie），囡囡乳名叫「小魚」，依家1歲多。Uny唔靠人，努力出騷賺奶粉錢養女，不過可惜，小魚早前發現左耳有弱聽情況，心急嘅Uny立即帶囡囡做手術，開刀植人工耳蝸，改善聽力，兩母女依為命。
Uny仲好後生，感情事方面佢話隨緣，遇到啱嘅男人都會結婚，給囡囡小魚一個幸福嘅家，近日Uny被爆同「翻版林峯」Him Wong過從甚密，有指男方係經營海產凍肉供應商，男方好冧Uny，亦好照顧小魚。《蘋果》日前就喺尖沙嘴海港城見到Uny帶埋囡囡小魚同「翻版林峯」Him拍拖Shopping，跟住佢哋仲湊小魚到九龍城聖德肋撒醫院睇醫生，Him成功融入Uny母女嘅二人世界，唔知情真係會以為佢哋係一家三口。
當日所見，Uny同囡囡小魚着住黃色母女裝出動，加埋Him同外傭，一行四人去咗海港城為小魚買新衫同揀玩具，1歲多嘅小魚已學行，Uny陪住囡囡慢慢喺場裏邊行，小魚都好活潑。
佢哋行咗入一間嬰兒服裝店，咁啱做緊七折，小魚大得好快，Uny就幫囡囡揀啲新衫，同行嘅Him都樂於畀意見。Shopping其間，小魚有啲扭計，Uny就帶咗囡囡出店外行吓，由Him埋單。
大約半小時後，佢哋轉去玩具反斗城，Him細心將小魚放上手推車坐，佢負責推住，小魚對呢位Uncle唔抗拒，Uny放心將小魚交畀Him睇實，佢就行開睇嬰兒嘢，Him見到得意玩具，佢就拎去o氹小魚，當正小魚係親生女咁錫。
Uny同新歡Him湊女去完買衫買玩具，佢哋跟住攞車去咗醫院，佢哋入到醫院大堂去咗登記，跟住坐喺梳化度等，但小魚又坐唔定扭計，Uny同Him拖實小魚去行吓o氹佢開心。Him好細心，佢見Uny口罩歪咗，仲替佢整理。
《蘋果》打畀Uny，問佢小魚係咪病咗？Uny話：「小魚唔係病，佢去打歲半針，五合一同甲型肝炎。」對於新歡Him成功融入家中，Uny話：「佢未係男朋友，我哋了解中，穩定啲會大方公開，我始終有個女嘛。」講到Him嘅背景，Uny話：「佢係一個生意人，美國洛杉磯回流返嚟12年，係駝鳥肉供應商。」兩人點認識？Uny坦白話：「幾年前首映認識，大家都斯斯文文，又有啲共同朋友，佢今日陪我帶小朋友去打針，雖然未係好識照顧小朋友，不過我識，我欣賞佢有心。」
(蘋果日報)
昨日袁偉豪張寶兒傳來好消息，兩人拍拖一年多，早已認定彼此是對方終生伴侶，並計劃明年共偕連理。
除了他們之外，可能還有這一對有喜事發生！
人前相當恩愛，雖然女方貴為父親擁8億身家的拿督千金，但也不介意與男友兩份捱。然而楊明近年終於上位做小生，一劇接一劇，但入行接近20年的他深知娛樂圈工作被動、缺乏安全感，早已與朋友在馬來西亞投資服裝生意，雄心壯志的他再與好友合資在荔枝角搞燉湯店，目前試業兩個月，主攻工業區OL市場，夠晒前景滾大「老婆本」！眾所周知，思明家底厚，但從不揮霍，拍拖後亦隨男友一樣轉以隨性打扮，平時都好慳儉！
現年37歲的藝人楊明與莊思明拍拖兩年
最近就拍到思明接載楊明由寓所抵達荔枝角，一起往燉湯店巡視業務！正值午膳時間，全店都擠滿客人，更有不少客人等外賣，老闆楊明見狀即時變身店員，換上制服幫手，思明亦體貼地乖乖坐到角落，隔遠欣賞男友努力的背影。見到男友在吧台內熱得滿頭大汗，思明即向男友揮手示意，之後更上前幫他抹汗，楊明即時冧笑，真係再辛苦都值得！
個多小時後人潮散去，小兩口終於有機會互動，「老闆娘」上身的思明指一指高處的餐牌，楊明即時搬梯爬高左抹右抹，思明亦緊張扶實梯邊傍到實。
待二人忙完一輪，楊明拿自家湯水給思明品嘗，思明一口接一口，更親手餵男友飲，愛心靚湯果真甜到漏！
榮升老闆的楊明，提到在店面做「生招牌」時笑說：「都係間唔中落去幫頭幫尾，目前都係熟習樓面啲執餐工夫，廚房入面仲係乜都唔識，都係我拍檔負責食物同燉湯。開店前有大家開會，研究邊啲湯水有功效、有益啲。」他透露為新店投資六位數字：「都有計劃短期內再開分店，希望喺寫字樓區開到店畀街坊試。」是否趕儲老婆本？楊明即笑言：「盡力啦！盡力啦！」看來已經認定女方，準備儲老婆本迎娶思明了！事實上，莊思明的拿督父親莊寶坐擁8億身家，單是三姊妹在港的山頂大宅也過億，難怪楊明要努力儲錢。
思明事後受訪，提到以「老闆娘」身份視察，她說：「間店我冇份㗎，係佢同朋友夾份，我好少落去，佢耐唔耐就會去幫手，特別係午飯時間，真係會做到踢晒腳，佢都唔好意思靠拍檔打理晒間舖。」問到會否與男友合資？她笑說：「做飲食好難，特別係好難請到好店員，戥佢搵到好拍檔、好店員開心。我哋都鍾意買衫，或者第時一齊做吓時裝生意。」
(on.cc)
無綫劇《宮心計2深宮計》被世界盃追擊，收視慘敗，但無損劇中演員人氣，好似「南宮司設」康華與「成內寺」韋家雄呢一對「神交」情緣，令人睇到好肉緊。
現實中嘅康華緋聞一向唔多，近日有報道指康華除咗投資有道，原來早年曾經秘婚，與一名喺美國開超市嘅富貴華僑阿Ken結婚，由於Ken喜歡應酬，會帶康華出席各類場合，所以唔少華人圈子都認識康華。可惜兩人關係未能長久，分手後康華亦返回香港生活，早前更嘆dry咗十年冇拍拖。康華經常慨嘆緣份難求，希望留多啲時間陪住年過80歲嘅患病父母。
康華回覆傳媒時未有否認傳聞，簡單以短訊回覆﹕「感情嘅嘢我唔想回應了，我都一把年紀，現時只會照顧好父母，同做好啲戲，得到觀眾嘅讚賞已經好滿足，父母同事業第一位。」問到另一半有冇曾經喺經濟上嘅支持佢？康華話係靠自己努力﹕「我細細個就覺得住屋好緊要，由我識搵錢以來，都係我安排家人搬來搬去，早期投資磚頭慢慢樓換樓，我好博命搵錢架，揾到錢就買一舊磚仔儲返黎架。」
日前下午三時許，康華又做孝順女，陪父母到將軍澳Popcorn一間餐廳食下午茶。康華紮起髮髻，素顏兼戴住眼鏡，但望落清秀，點睇都唔似46歲。康華推住坐喺輪椅上嘅爸爸入餐廳，媽媽一直尾隨在後，見康華好小心咁扶爸爸起身由輪椅轉坐普通櫈，由於康華體形較瘦弱，要扶起爸爸都有點吃力，最後要媽媽同餐廳待應合力先搞得掂。
坐低之後，康華不停問父母想食乜，揀咗十幾分鐘。到有食物嚟，康華又先照顧爸爸，因為爸爸一宜插住鼻喉，但除口罩時唔小心整甩咗，康華即時眉頭一皺，幫爸整番好。見康華一直都表現得好緊張，連爸爸今湯都定眼望到實，等爸爸完全安頓好，佢先開始食嘢。
大約一小時後，康華埋單離開，之後再同父母去附近嘅連鎖時裝店買衫畀爸爸，佢逐件試吓質地好唔好，好先再問爸爸鍾唔鍾意個款，真係細心。康華噚日回覆傳媒時解釋﹕「係呀，爸爸身體一向比較虛弱，病情較反覆，所以要特別小心照顧佢，一復發就會好嚴重。」
康華透露爸爸剛出院兩日，下月又要再入院做手術，佢話﹕「佢係醫院話好悶，所以一有時間就陪下兩個老人家庭樂。佢上次做完一個手術後落晒形，啱啱先肥返少少，正常返少少，始終年紀大做手術都有危險性，爸爸同我哋都好擔心，擔心好難恢復得好好。」據悉康華父母都患有心臟病，令佢無時無刻都好擔心，所以曾經有大陸劇斟合作，但佢為防父母有意外，都會推卻賺錢嘅黃金機會。
(蘋果日報)
(按圖了解更多)
(按圖了解更多)