【15歲亭亭玉立】李婉華囡囡3年後參加港姐？

2018-07-02

前無綫藝人李婉華，婚後隨夫移居加拿大擔任主持工作，閒時會與大女和一對孖仔四出遊玩，最近她們到大阪旅遊，於旅遊勝地清水寺內拍下不少傳統和服照，相中見她女兒Natalie已長得亭亭玉立，穿起和服與凍齡媽媽站在一起，十足一對姊妹花，索爆清水寺！

今年已經15歲的Natalie，很有明星相，堪稱索爆「星二代」，問到可會予女兒入娛樂圈，或鋪路三年後參加港姐？婉華謙稱：「個女樣唔差，但唔係傾國傾城，只係有啲性格，港姐未必得喇，入行就要睇佢自己興趣！（你同個女企埋似姊妹？）過獎啦！（點樣保養？）其實我都係Keep住運動，每星期兩﹑三次跑步，出身汗，保持心情開朗，個人自然後生！」

同阿女與一對孖仔去大阪旅行。

兩母女像對孖公仔報喜。

原來Natalie在演藝才華方面都很不錯，她在校內除參加演藝班外，跳舞、唱歌都很有天分，鋼琴已達10級演奏級，堪稱女版莫扎特。有其母必有其女，婉華雖覺女兒有演藝才華，但講到入行的話，她說：「佢仲細，都未知咩情況，依家娛樂圈同我哋以前好唔同，變化太大，不過佢係有興趣嘅，但我就唔太想囉！」

Natalie鋼琴已達10級演奏級，堪稱女版莫扎特！

李婉華同以前一樣咁索。

(on.cc)

【大呻難過登天】周汶錡大仔Jacques 3歲喇！

2018-07-02

周汶錡(Kathy)同外籍老公Julien Lepeu 生咗兩個得意混血囝囝Jacques同Avner，大仔Jacques後日就3歲生日，Kathy今日就幫佢搞生日P，預祝囝囝生日，當中有上山詩鈉囡囡Hilary、侯維德同佢嘅幕後朋友嚟慶祝。

天然呆。(IG截圖)

派對就擺滿氣球佈置，Kathy抱住囝囝影相時，Jacques就掛住玩星星，而作為媽咪嘅Kathy就幫阿仔準備咗一個車造型嘅蛋糕畀佢切，而其他友人就有圍住細佬Anver影合照。

Kathy笑容多過壽星仔。(IG截圖)

Jacques已3歲大，切蛋糕時，就望住蠟燭天然呆擘大個口得個窿，相當cute。

擘大口吹蠟燭。(IG截圖)

Kathy友人就有留言話同Jacques影相難過登天，同笑佢越叫越唔望鏡頭。

細佬Anver都好受歡迎。(IG截圖)

Anver披起紅色斗篷。(IG截圖)

（apple daily）

【真係好唔捨得…】網民為張國強集氣祈福！

2018-07-02

無綫熱播劇《天命》劇情緊湊，加上雲集多位好戲之人，自然受觀眾追捧。當中最搶眼嘅演員非張國強（KK）莫屬，飾演晚年「乾隆」嘅佢客串演出劇集，換言之只係出現四集，但因為夠晒好戲，演活乾隆嘅強勢一面，難怪廣受好評兼獲關注啦！可惜KK喺上星期四晚嗰集駕崩，但又唔使唔捨得佢離開嘅，皆因無綫官方專頁「myTV SUPER」剪輯片段，同大家重溫佢嘅昔日精彩作品。

講起KK一定會諗到兒童節目《430穿梭機》，當年佢、譚玉瑛同周星馳（星爺）等人負責主持，學生哥返到屋企一開電視就見到佢哋，可謂陪住大家長大。片中亦見到佢哋嘅搞笑演出，星爺叫KK隨便踢幾下波輕鬆吓，點知KK同佢作對，偏偏要展現精湛球技，令星爺冇咁好氣，唔少網友睇見都大嗌好懷念，仲話集體回憶返晒嚟！

當年同星爺做《430穿梭機》，絕對經典。

除咗主持兒童節目深入民心外，KK入行以來都演過唔少經典角色，好似早年《天龍八部》嘅「慕容復」、被喻為神劇《天與地》嘅「雷耀彬」及《大太監》嘅恭親王「奕訢」等，無論古裝戲定現代戲，忠角定奸角都統統勝任，演得入型入格。不過，有網民發現KK經常喺劇集中悲慘收場，除咗以上提及嘅劇集被眾叛親離或死去，就連客串演出嘅《天命》都難逃一死，有冇咁慘呀？難怪唔少網民都「集氣」希望KK下一套劇會有好收場，仲話想繼續睇到佢嘅演出。

慕容復要癲！

雷耀彬要坐監！

恭親王眾叛親離。

乾隆要死！

網民有話兒：
李貓X：好似冇一套有好結局，會唔會太慘！！
XXXmioWongwing：集體回憶返晒嚟～
ChakXXXMan：個樣冇變過咁，好犀利！
陳X文：可惜今晚個集會死，睇唔到佢超班演出。

（on.cc）

【56歲急性肺炎病逝】李珊珊：永遠懷念你

2018-07-02

李珊珊今午在社交網發文悼念他，她說：「難忘工作時你的幽默風趣，應付任何人和事手到拿來。永遠懷念你……」

無綫前首席化妝大師陳文輝去年中秋節病逝，離世未夠一年，同樣是化妝師出身的陳文輝二子陳志達，今日凌晨因急性肺炎在醫院病逝，終年56歲。陳志達於去年父親喪禮上受訪時稱，望延續父親化妝技術，其子陳嘉偉亦從事特技化妝。

陳志達去年在父親喪禮上。（資料圖片）

陳文輝（資料圖片）

陳志達早年跟隨父親陳文輝在無綫任職，之後曾効力HKTV和亞視，前年亞視遣散所有員工後，陳志達再於去年受聘於亞視。據了解，日前陳志達仍有為亞視開工，昨日突然因急性肺炎入院，延至今日凌晨不治。記者今日向陳志達太太了解，哀傷的她不欲多言匆匆掛綫，而陳志達兒子陳嘉偉（Gary）也是電影特技化妝師，曾任荷李活電影《攻殼機動隊》特技化妝師，記者剛跟Gary聯絡，對於父親離世不欲多講，只說：「我o依家喺醫院有事辦緊，聽日先同你聯絡。」

陳嘉偉、陳志達和陳志光（資料圖片）

跟陳志達同於無綫同期出道的著名化妝師大哥賢，今日向《蘋果》表示：「好傷心，太突然，我真係接受唔到。」亞洲電視對於任職高級化妝主任之陳志達先生離世，表示哀悼及惋惜。亞視讚揚陳先生任職時之卓越工作表現，並會與其家屬進一步接觸，如有需要將提供一切可行之協助。

(apple daily)

【大派用場】中醫防暈嘔吐有法！

2018-07-02

長途駕駛容易暈車、憋尿，或是吃太飽意識不清，這些都容易造成駕駛出現危險。中醫師特提出3穴位提神按摩小撇步，同時建議開車族，可在車上放置些梅子、生薑片或喝些薑汁，不僅可防止暈車嘔吐，同時可延緩憋尿情況，集中注意力防止意外出現。

中醫師陳潮宗指出，憋尿是開車族常見情況，建議民眾出門前先排空尿液，不要喝太多水，有機會就下車解尿與適當補充水分，千萬不要憋尿，以免造成尿道感染、膀胱發炎或急性尿瀦留等泌尿系統疾病。

此外，容易暈車的人宜坐在前座、靠窗戶或顛簸較輕的位置，以避免頭部過度擺動；儘量不看窗外快速移動的景物，也不要在車內近距離閱讀。建議可注視正前方的景物或道路，有助平衡感覺系統；或閉目養神、睡覺，也可以聊天或聽音樂的方式分散注意力。

同時駕駛前不要餓肚子，也不要吃過飽，或者吃太多高蛋白與高脂肪食品；宜吃些清淡、容易消化的食物，以防嘔吐；出發前應有充足的睡眠。可準備話梅、生薑片，在旅途中不舒服時便可派上用場。

梅子在體內經消化吸收後，可以幫助中和體內的酸性物質，達到預防暈車之效果。生薑具有解毒、止吐的效用，生吃薑片、喝薑汁或是口中含薑糖，都可預防暈車，搭車前1小時就服用，效果更佳。

【提神3穴位】：

1.合谷穴：位於大拇指和食指中間的虎口處。
合谷穴的圖片搜尋結果
功效：此穴位可直接作用於腸胃，對於缓解頭晕及噁心嘔吐有非常好的作用。

2.內關穴：位於手掌内侧手腕横纹正中上2寸（約3指寬）兩筋間。

功效：主治心胸胃的病痛，具有調節中樞神經的功能，按壓內關穴是緩解暈車最常用的方法。

3.足三里：此穴位於小腿外側凹陷區，膝蓋直下三寸處，可屈膝或平臥取穴。
足三里的圖片搜尋結果
功效：具有調理腸胃的功能，可緩解暈車噁心嘔吐等症狀。

要注意的是，除了憋尿與暈車常見的情形外，因為塞車而長時間久坐，駕駛容易造成肩頸肌肉僵硬或因為坐姿不良，而造成腰椎椎間盤突出，及坐骨神經血液循環變差，而導致下肢麻痛或水腫。

建議駕駛應適時活動自己的肢體與筋骨，以減輕腰椎椎間盤的壓力與活絡肌肉的收縮力；而乘客則可經常變換自己的體位，或起身站一下、或抬抬腿與按摩下肢以幫助血液回流。防暈手帶（利用按壓穴道之原理，不含藥物成分）

詳情：小童防暈手帶

詳情：成人防暈手帶

（華人健康網）

【一有咩事就即刻入院】醫生已預告陳倩揚…

2018-07-02

已有兩名兒子嘅陳倩揚，為妹妹嘅加入積極做好準備，一啲都唔敢鬆懈，趁產前休息呢段時間，落手落腳洗衫仔同被仔，佢話：「今次除咗有上兩胎嘅經驗，再加上一直有做健康節目主持，經常接觸唔同界別嘅醫護專業人員，增廣咗好多知識，為迎接小生命有更佳嘅準備，亦可以同fans互相分享心得。」

揚倩同老公陳浩然已育有兩子(ig圖片)

陳倩揚佗緊第3胎，由於孕期已過37周，加上BB已足磅，醫生已預告孕媽隨時生得，要做好準備，一有動靜就要即刻趕去醫院。囡囡好快就會出世同大家Say Hi，工作狂嘅倩揚，都已經暫停所有工作，收拾好心情，準備迎接家中新成員。
比前一輯大肚寫真更性感

倩揚個孕肚特別大，佢話早兩個月啲朋友都以為隨時生得：「但其實只係肚形比較大，妹妹嘅size都算標準，同兩個哥哥差唔多。好多朋友都讚我狀態好好，手腳無水腫，我趁呢個珍貴時刻，影咗一輯寫真留念。」今次孕婦寫真由女攝影師操刀，令倩揚倍感安心，而拍攝時兩個哥哥返緊學，可以喺屋企嘗試上兩胎無試過嘅性感造型。
個肚特別大

今次輯相由女攝影師操刀

巨肚好快就消失，但倩揚話反而會覺得失落同唔捨得：「最掛念係母女一體同胎動嘅感覺。但又好想生完可以極速收身，再投入工作。」

（apple daily）

【被網民目擊佢喺產房外】預產期過咗5日都仲未生…

2018-07-02

今年1月正式對外宣布懷孕的她現在到了卸貨的時候啦，不久前老公也稱太太產期將近。
今天就有網民在某醫院產房外偶遇他在產房外全程陪產。

蔣勤勤宣佈懷孕微博

陳建斌透露蔣勤勤預產期

一直盯著窗戶，恨不得進去陪著愛妻。這個背影看著有點讓人感動得想哭。

產房外的陳建斌又擔心又焦急等待。

42歲的蔣勤勤懷二胎真的是不容易。為了保持身材也有助於順利生產，懷孕期間一直堅持做瑜伽。

現在寶寶出生在即，家裏又多了一份子，幸福感再次加倍。蔣勤勤加油，我們已經準備好迎接巨蟹寶寶的誕生啦！

蔣勤勤的圖片搜尋結果

蔣勤勤

（騰訊）

【王子首回應戀情！】鄧麗欣刻意分開Check in扮唔識

2018-07-02

34歲鄧麗欣（Stephy）最近傳出同細自己5歲嘅前台灣偶像組合Lollipop成員邱勝翊（王子）拍拖，二人日前被報道指早喺4月時就一齊去咗泰國蘇梅島度假，不過當事人就否認戀情，強調只係好友關係。

不過今日又有報道話，呢對姊弟戀緋聞人物，喺上個月27號坐同一班機由香港到台灣，身邊無工作人員，好大可能係私人行程。睇嚟都發展得好快，唔知係咪去見家長呢？王子所屬華研回覆《台灣蘋果日報》就話：「是為演藝工作以外的其他合作。」報道仲話，跟據目擊者爆料，指佢哋係坐早機，當時身邊都無助手，但就刻意分開Check in扮唔識，咁煞有介事，反而仲令人起疑心。而同日，Stephy就喺社交網貼相，話自己「冇瞓覺發吽逗」，留tag講早晨，同報道指佢搭早機不謀而合，但Stephy又另外留多兩個tag「世界杯」同「應該好多人都無覺好訓」，唔知係咪想轉變視線。

同日Stephy話自己冇瞓覺，發吽逗。（ig圖片）

其實今年5月頭王子嚟香港九展開演唱會時，Stephy同應采兒就一齊去捧場，據聞Stephy就係透過應采兒喺今年2月時認識王子嘅！

今年5月王子喺香港開巡唱，Stephy同應采兒去咗睇騷，有指應采兒係二人媒人。（資料圖片：蘋果日報）

至於未來有無發展嘅可能？王子就輕描淡寫話：「隨緣。」無一口就封死自己後路，王子之前都同楊丞琳發展過姊弟戀，睇嚟佢都係鍾意「姊姊」喎！

（apple daily）

【覺得離婚先可以解脫】鄺文珣：其實我可以好早就離婚

2018-07-02

鄺文珣（May）06年下嫁製衣商人應德榮（Andrew）後淡出娛樂圈，先後誕下兩名分別兩名兒子，最近更添上小公主，人前幸福滿瀉，但有誰知道她曾經歷長達五年的煉獄生活，每晚以淚洗面。

囡囡Chesney

May近日接受傳媒訪問，揚言：「其實我可以好早就離婚，因爲大家都唔啱嘴型……」

「那時感覺很痛苦，老公抑鬱躁狂，只要不順他意就被鬧，說話的傷害很大，又唔敢同任何人講，情緒接近崩潰，覺得離婚才可解脫。」May說時眼泛淚光，幸好兩夫婦都有宗教信仰，通過查經得到啟發，花了兩年時間重修破裂關係，如今恩愛如昔，每星期都「放假」拍拖，享受二人世界。
自爆老公抑鬱躁狂鄺文珣諗過要離婚！婚姻險觸礁的鄺文珣眼泛淚光訴說當年委屈，幸好事過境遷。（資料圖片）

誰不想擁有一生一世的愛？丈夫經營家族製衣業生意，外界認定鄺文珣婚後過住富貴少奶奶生活，但她形容那是場噩夢，「懷有大仔開始覺得很痛苦，丈夫性格突變，常為生活瑣事、孩子教養問題發難，脾氣好壞，因工作上得不到父親認同，遇到很大挫折，內心很痛苦，即使我想幫也幫不了他。」

變本加厲受折磨

強裝幸福的May坦言愈百般遷就，丈夫愈變本加厲，「當做事睇法完全唔正常，一唔順意就鬧，那些說話真的傷害很大，就好似日日被人攞把刀拮咁，但又唔可以同人講時，真係會崩潰，曾想離婚，唔想再受折磨，但孩子還小，這樣做會很自私。」說起往事，May不禁眼泛淚光。

由相愛至怨恨，May覺得問題出自心靈迷失，她說：「每個人成長環境都唔同，我生於小康之家，由細到大都好開心，而他則是從小缺乏愛，內心得不到滿足。」

唔識做父母

家家有本難唸經，一直在旁十指緊扣老婆的Andrew說：「每個人都想在對方身上取得滿足，那幾年跟家人關係好差，工作上得不到父親認同，回家又得不到老婆肯定，情緒開始崩潰，刻意孤立自己，經常會因生活瑣事而吵架，其實唔止對家人，那時直頭對任何事情都提不起勁，我開始意識到危機，要想辦法挽救。」因宗教信仰，兩人分別往教會查經，Andrew更跑去修讀神學，希望從中得到更多啟發，「我們都是新手父母，對教養孩子沒方向，人做我做，變了怪獸家長，直至同性戀法案引起議論才醒覺，原來我們都不懂做父母。」經歷五年感情錯失，如今應氏伉儷恩愛如昔，學懂互相尊重，May說：「那些都已過去，講出來是希望大家知道一生一世是要經營的，任何事情都可以turn around，遲下會將這些故事做見證。」

【馬國明都好擔心】高海寧自爆有後遺症：容易鬥雞眼，又有重影

2018-07-02

藝人馬國明及高海寧（高Ling）為劇集拍攝，日前以「夫妻檔」到南生圍拍攝影婚紗照場口，馬國明於33度烈日當空下仍身穿禮服拍攝，全程面不改容，笑言為拍攝都要頂硬上！

身穿入膊露香肩喱士婚紗的高Ling亦非常專業，事關她是帶傷上陣，受訪時她自爆之前拍攝個人戲份時受傷，撞親後腦兼盤骨位瘀晒：「當時係喺街市拍緊，咁有塊滑板，上面就有兩個菜籮，自己兩隻腳都企咗入去，一拉條繩向前行就失平衡撻落地。（有即刻去睇醫生？）有呀，有即刻Call白車，跌低咗都要抖一抖先起到身，入院之後就有照腦掃描、X光，睇吓有冇事，好彩都OK冇事，即刻返到工。」

高Ling坦白交代病情

問到後腦撞傷位置已消腫？她表示需時康復，不過就再爆產生後遺症：「會再複診照磁力共震嘅，主要係對眼依家望嘢容易鬥雞，向右望又會有重影，醫生話可能係撞擊影響到入面啲神經線，眼肌依家就唔係好控制到，慢慢會好番。」不過她在劇中飾演特工，打鬥戲份少不免，問到之後會否錫身拍攝？她就解釋今次只是意外，希望之後都可以親自落場，拒絕用替身。高Ling又慘爆話受傷後原想打畀媽媽報憂，不過反被「驚喜」：「細佬早前去咗日本旅行，我喺白車打唔到畀媽咪，原來佢同爸爸臨時買機票飛去日本搵細佬，受咗傷都冇人陪，好失落！」

高Ling都趁空檔抖一抖。

身旁的馬國明無奈指當時自己不在場，對方受傷後才抵達、緣慳一面：「臨去到先收到消息，都好擔心，有上十字車睇一睇佢，問佢有冇事，其實都有叫佢休息多日嘅，但佢話冇所謂、繼續拍攝，好專業！」之後拍攝會否「錫」住高Ling？他即謂當然會，又為對方大呻辛苦：「佢嘅戲份有九成咁滯，仲有好多打戲。（咁你自己都有打戲？）後段先有多啲。（都會錫身？唔怕女友黃心穎擔心？）都唔驚，之前拍過好多，今次啲打戲都係輕鬆、搞笑為主，都唔會有太大挑戰。」

（on.cc）