藝人舒淇及馮德倫2016年結為夫婦，一直都係低調過日子，鮮有一同現身，對上一次都已經係去年為電影宣傳面同台，就連兩人嘅社交網都幾乎見唔到對方蹤影，二人罕有聚頭更搞到亦不時傳出「分」訊！
兩人一直低調，但馮德倫忽然喺社交網上載同老婆舒淇踲合照，雖然未有配上附文，但已經超多網民即時留言大嗌難得。
二人喺相中Sweet爆頭貼頭，舒淇就用餐牌遮住半邊面，淨係露出對眼，不過都睇得出佢係素顏上陣，而馮德倫就笑容十足，大晒溫馨酒凹仔。忽然咁高調晒合照，唔通係想身體力行以行動打破「分」訊？
（ig / on.cc）
羅天宇去年尾同湯洛雯分手後，兩人似乎欲斷難斷，日前羅天宇大搞31歲生日派對，湯洛雯竟然出席為舊愛慶生，唔知係咪復合在望呢？
不過，早排羅天宇現身旺角街市嘅熟食中心打躉，被讀者黃先生透過「爆相爆片」分享，同行有位長髮女仔，但並唔係湯洛雯。
讀者黃先生在電話表示：「嗰晚7點幾，喺朗豪坊對面街市熟食中心，見到羅天宇同大隻仔（溫家偉）喺度打機，我諗因為佢哋做過《愛．回家》，所以好多人認得眼望望，但佢哋冇理會，全程掛住打機…」
「仲一路打一路研究討論，冇工開都唔愛回家，同枱仲有個女仔喺度玩iPad，佢哋打機打咗成粒鐘都未走。」
對於被讀者笑冇工開都唔愛回家，羅天宇回覆傳媒表示：「我哋等緊人去做gym，喺附近嗰間24小時健身中心，因為嚟緊要拍新劇，趁有時間增值自己，咁我哋就到嘅話都會約埋一齊去做gym。」至於同枱女子身份，由於讀者影唔到樣貌，問到女仔係咪圈中人？羅天宇好坦白表示：「佢係范彩兒，我哋係同期訓練班同學，識咗十年，大家都係好好嘅朋友。」
范彩兒同羅天宇一樣係31歲，佢中學畢業後讀大台藝員訓練班，在處境劇《依家有喜》飾演護士「蘇哥莉」為人熟悉，但都唔夠佢嘅出衆身材出位，經常喺社交網上載性感相。
因大多飾演宮女丫環角色，故4年前離開大台轉戰大陸發展，仲做埋健身教練；由於大隻仔已有混血親親女友，而羅天宇同湯洛雯分手後未再拍拖，問到同范彩兒有冇發展機會？羅天宇一口拒絕：「冇.. 我哋係好好嘅朋友。」
(apple daily)
美國樂壇百變天后Lady GaGa近年受痛症傷患折磨，去年在其紀錄片《Gaga: Five Foot Two》中已透露因飽受纖維肌痛症之苦而需要暫停巡唱，去年9月她出席多倫多國際電影節（TIFF）時已透露將暫別歌壇作長時間休息，又曾一度擔心不能懷孕。
纖維肌痛症情況持續惡化，導致GaGa全身疼痛，佢於社交網表示：「我很沮喪，我不知道怎樣來形容。」
她最近主演新片《星夢情深》（A Star Is Born）大獲好評，戲中形象同平日GaGa非常不同。
近期可謂事業、感情兩得意，佢出席ELLE舉行嘅活動上，在台上形容其經理人男友Christian Carino為未婚夫，公開承認彼此已經訂婚，獲廣大歌迷送上祝福。
其實GaGa上年已被爆獲Christian求婚，更戴有疑似訂婚戒指放閃，惟一直未有親口回應婚訊。GaGa同Christian撻着前，曾與男星Taylor Kinney一度訂婚，但在2016年夏天宣佈取消婚約。
另外，《星夢情深》反應不俗，連帶電影原聲碟亦大賣，該專輯推出首周獲得23.1萬銷量，其中實銷為16.2萬張，成為本周Billboard200專輯榜冠軍。《星夢情深》原聲碟成為Lady GaGa第五張冠軍，超越Taylor Swift成為近10年擁最多冠軍碟嘅女歌手。
(apple daily)
由關智斌（Kenny）和張致恒（Steven）15年前組成的BOYZ再度「合體」，在九展Star Hall舉行演唱會。
演唱會有上不少「洋蔥」位。當中Steven最感性，他自認當年不聽話，沒有好好做好，但卻獲公司一直包容，他稱BOYZ在英皇15周年時在澳門演出，那次已覺得是BOYZ最後一次演唱，以為自此後解散，亦好失落。而Kenny亦言同樣他那次演出後便開始返內地一個人工作，好多時感覺到已沒人再記得Boyz這個名：「今晚能見到咁多人仲記得BOYZ，將我哋Unbox咁攞番出嚟，係好多謝你哋！」
而Steven稱當年做了很多事令大家失望，在旁的Kenny即搭他膊頭安慰他，Steven哽咽說：「多謝你咁多年嚟支持我，喺我好窮時候你會借錢畀我，同多謝老闆冇放棄我畀機會我，所以前嗰幾日我瞞住你去做一件事。」
原來Steven去紋身，將「Boyz」這個名紋在胸口上，他謂：「呢個係想對自己一個警剔，因為若我傷害自己，即係傷害咗我拍檔，所以嚟緊日子就好似我送畀你呢首個一樣《我長大了》。」而Kenny在台上邊聽Steven唱亦邊落淚。至於Kenny亦專登戴上當年Steven送給他的鑽石耳環，他稱當年雖然口說「細到風吹得起」，其實他一直好好收藏着。
BOYZ 在台上多謝各人的幫忙，而每次Kenny說到多謝時，台下歌迷都未停過大叫「張敬軒」，原來軒仔在這次BOYZ演唱會是「幕後重要功臣」，由開騷一刻早已低調地坐在控制台上指揮。
先是Steven說:「我好認真想多謝一個人，呢個人喺出道已經識佢，係呢段時間佢教識我哋好多，尤其是如果冇佢都唔會有呢個騷！」全場歌迷已經起哄，Kenny亦眼濕濕開腔說：「呢個人好緊要，佢喺呢個騷幫到我哋好多，今晚佢坐喺Panel位到，做一個特別嘉賓，做一個特別顧問，多謝你張敬軒，演唱會顧問。」
在控制台上的軒仔終除下黑口罩，在全場呼叫聲中，軒仔更做出飛吻手勢，之後被邀上台，軒仔和Kenny和Steven先後「抱抱」。
歌迷熱烈支持下上台！
軒仔謂：「我今晚冇預上台，所以着到似街坊咁。我係好少會喺果個位（控制台）度出現同參與，我啱啱都喊到咩咁，好多回憶同埋好開心咁多朋友嚟支持你兩個。我哋係同年新人，咁好多大家睇睇埋埋嘅新聞都知，唔講喇！好開心可以見到呢兩位同我一齊長大嘅人，可以再次將佢哋放低好耐嘅夢想，因早幾年佢哋都離開咗歌手嘅位置，去其他方向發展，但相信佢哋過去嘅辛苦同經歷，都因為有大家而一筆勾銷。」Kenny再次多謝軒仔，稱多謝當年送了一首好好聽的歌《預言書》給他，之後三人首次在台上一齊出唱這首歌。
(on.cc)
明顯見肚的Grace在媽媽陪伴下，現身九龍城海味店，見兩母女與店員拿着一塊很大的花膠研究。據店員稱這塊巨型花膠很矜貴，賣4萬多元，其膠質勁多，最啱孕婦坐月時煲湯飲用，聲稱連肚紋都冇，張母愛女心切，當然不手軟，重搥買花膠給Grace補身。之後兩母女再轉睇BB用品，見她選嬰兒衫顏色為藍色和黃色來推算，看來腹中塊肉為男胎，她再睇BB床和手推車，為迎接新生命做好全面準備。
試下BB車先~
兩母女研究緊BB衫嘅質地。 
事後Grace接受訪問，她坦言承認已有喜5個月：「係呀！好想同人講呢件開心事，但又驚唔穩，不過，依家都5個月，害喜情況亦冇咁嚴重，之前又嘔又腰痛，成日要瞓喺床，依家好好多啦，所以出得街！（男定女？）你估吓？我想保持神秘，醫生都叫我做多啲運動，健康最重要！媽咪緊張我，所以嗰日帶我買花膠補身。（你準備順產？）係呀！醫生話我高大，盆骨夠大，應該夠生，老公都係咁諗，唔想我開刀，無啦啦多個傷口！（老公錫晒你？）佢係好錫我，我係坐唔定嘅人，之前諗住Honeymoon去歐洲玩，點知起程前有咗，但日日瞓喺屋企好悶，早排老公出去應酬，我只係等佢返嚟，情緒好忟憎，有發佢脾氣，但老公明白大肚婆情緒問題，所以好體諒，遲啲佢會陪我去旅行，冇得Honeymoon咪Babymoon囉，揀個近啲地方，醫生都話得！」
睇巨型4萬蚊花膠！
女星張珮汶（前名張家瑩，Grace）貴為2007年亞姐冠軍，今年4月和圈外男友何駿杰於州際酒店低調擺婚宴後，一心諗住不設防，生一仔一女，湊成「好」字便相夫教子，做幸福少奶奶！
而Grace這個心願終於在婚後實現，但Timing令她冇得出去玩。原來夫婦二人準備啟程度蜜月前，Grace驗出有孕，當時她的害喜情況嚴重，不時嘔吐和疲倦，需要卧床休息冇得出去玩，她一度向老公撒嬌「發老脾」。直至最近5個月身孕，她在醫生檢驗後覺得胎兒穩定，日前便被傳媒拍到出動Shopping。
(on.cc)
蜂蜜不只是溶於口的香醇甜點，也是皮膚、指甲和頭髮的天然保養聖品，更是修復傷口的良藥。
蜂蜜除了營養價值高以外，也含有豐富的抗氧化劑、酵素和多種有治療作用的成分。幾個世紀以來，蜂蜜一直以其補益和藥用效果而聞名，現代的科學研究也證實了它的益處。
蜂蜜的九大保養妙用
一、清毛孔
蜂蜜富含抗菌成分，是清潔臉部及毛孔的洗顏聖品。用1湯匙的蜂蜜，和2湯匙的椰子油或荷荷巴油（jojoba）混合，可增強抗菌作用。調配好之後，輕輕地在乾燥的臉部以圓弧按摩方式搓洗後，再用溫水沖洗，早晚各用一次。
二、去角質
用2湯匙的蜂蜜加上1湯匙的小蘇打粉調和，就能自製高品質的天然去角質劑。蜂蜜能滋潤、清潔肌膚，小蘇打粉能去除老化的角質層。以畫圓弧的方式輕柔按摩搓洗臉部，再用溫水洗淨，就能搓洗掉粗老的角質層，讓臉部肌膚變得更細膩。
三、保濕
天然蜂蜜具有極高的皮膚保濕效果，遠勝於化妝品貨架上各式琳瑯滿目的高價合成保濕霜。只需在乾燥潔淨的臉頰塗上蜂蜜，再停留20分鐘，接著用溫水洗淨並擦乾，就可以讓臉部肌膚常保水嫩。
四、修護乾裂皮膚
先前已提到過蜂蜜具有高度的保濕效果，所以它也是天然乾裂皮膚修護露。將蜂蜜、椰子油和蘋果醋各1茶匙調和，在皮膚上塗抹按揉，並停留10分鐘，再用溫水洗淨即可。
五、淡化燒傷疤痕
蜂蜜有殺菌、消炎及修復皮膚組織的功效，有助於修復燒傷瘡口及淡化疤痕。只要每天多次在燒燙傷口上塗抹天然生蜜，就能減緩傷口疼痛及加速復原。
六、緩解青春痘
臉上的青春痘又稱爲痤瘡，與皮膚的真菌及細菌感染發炎有關。而蜂蜜具有殺菌消炎的功能，將蜂蜜塗抹在皮膚患處，15分鐘後再用溫水洗淨，可減緩青春痘的發炎症狀。
七、護髮
蜂蜜可以讓乾而毛躁的髮質變得潤澤。將1湯匙的生蜜和2湯匙的椰子油混合，調製成天然的護髮油。洗淨頭髮後，在髮尾四分之三的範圍內塗抹蜂蜜護髮油，護髮油避免接觸髮根，以免造成頭皮過度油膩，將頭髮包覆20分鐘後，再用溫水洗掉。
八、提亮髮色
蜂蜜含有葡萄糖氧化酶，可釋放過氧化氫，能增添頭髮的亮澤度，修復因過度燙髮與染髮而受損失去光澤的頭髮。配方是用3：2的比例調和蜂蜜與水，塗抹在濕髮上，一小時後再用水洗淨。耐心地每週使用一次，會逐漸看到髮質改善的效果。
九、脫毛
蜂蜜含有天然的脫毛成分，可以使用蜂蜜去除臉部、腿部及身體其它部位過於茂密的細毛。天然蜂蜜脫毛劑的配方是用1：3的蜂蜜及糖調和後，加上幾滴檸檬汁，將混合劑加熱三分鐘成膏狀。待脫毛膏逐漸冷卻但尚有餘溫時，順著細毛生長方向塗抹，再覆蓋乾淨的布壓緊包覆住皮膚，然後逆著細毛生長方向將布撕開。
(大紀元)
范冰冰捲入陰陽合同、逃稅風波，本月三日被稅局追繳稅款及罰款總額8.83億人民幣（約10.24億港幣），同日她發放了一封道歉信。
范冰冰逃稅風波後首現身，她下午5時現身北京首都機場。
見她樣子帶點憔悴，目無表情，插袋急步走，一身黑衣的她有保鏢撐傘護駕。
（on.cc）
37歲幸福人妻陳茵媺（Aimee）同陳豪結婚5年，Aimee就主力照顧小朋友，而陳豪就搵錢，Aimee不時都會喺IG貼佢同小朋友嘅相，晒下幸福咁，噚晚佢又喺IG貼佢同小朋友嘅相。
噚晚Aimee就貼咗張佢同一對仔女嘅自拍，留言話：「Ust the 3 of us: You know they have guts when after 3 needles and drawing blood they are still smiling. Or it could be the bribery of the big “m” and chocolate egg! (當你看到你們抽完血及打完三支針後仍然在微笑，你就知道他們多有膽色。不過也可能是因為朱古力及麥當勞吧。)」
(蘋果日報)
一名12歲女童前晚約8時，疑因拒絕另一12歲至14歲女同學要求陪同食煙，於上水清河邨一籃球場被同學及同行兩名年約15歲男女用手襲擊，手部受傷。
三名疑兇逃去。救護員接報趕抵將女童送往北區醫院治理，警員接報到場調查，並將案件列作「襲擊致造成實際身體傷害」處理，交由大埔警區刑事調查隊第三隊跟進，暫未有人被捕。
（singtao）
藝人陸浩明（6號）同拍拖6年嘅女朋友陳詩欣（Ayan）一直表現恩愛，兩小口子仲經常甜蜜去旅行，最近兩人就去咗旅遊勝地希臘度假，連日嚟都有喺社交網上載靚相，相中佢哋仲着晒情侶裝，相當sweet！
今日，6號就突然喺IG story上載一張用公仔遮住一對準新人個樣嘅婚照，仲Tag埋Ayan個名留言問：「靚唔靚？」
由於相中一對準新人嘅身形同6號、Ayan相似，所以就算遮晒樣，網民都猜測係佢兩個本人，仲話佢哋應該此行目的就係影婚照，唔通呢對金童玉女真係好事近？
不過，6號事後已透過東網否認婚事，仲話嗰對新人其實係日本情侶…睇嚟一班網民要大跌眼鏡喇！
(on.cc東網)
