【懷孕36周】BB頭圍去到9.3幾：怕最後「食全餐」

2018-10-16

月初兩個大肚婆還合照，互相祝福：「祝福我們幾個都生產順利！」同場仲有懷孕約七個多月嘅吳日言。數日前再於社交網「報數」，佢話：「BB個頭圍已經去到9.3幾啦，圓到成個波咁，38周的size。。。」

瑜伽導師林芊妤（Coffee）臨盆在即，一直都想順產嘅佢，之前發現有胎盤前置問題，醫生已預告極有可能需要開刀。本來Coffee一心希望睇下胎盤有冇機會升上去，但似乎唔係咁簡單。今日凌晨Coffee更新ig story稱已入院，至今早再稱因胎盤出血，應該要開刀生B了。(新聞連結:https://goo.gl/tNxa5e)

同Coffee一樣都有呢個能否順產的疑惑嘅，仲有好友Liddy李悅彤。月初兩個大肚婆還合照，互相祝福：「祝福我們幾個都生產順利！」同場仲有懷孕約七個多月嘅吳日言。

Liddy間中都有喺社交網出post，分享下懷孕苦與樂。月初Liddy貼咗張泳照，稱：「因為BB壓迫著坐骨神經，所以偶爾游一下水對舒緩疼痛會有所幫助。」

又話：「BB越來越大隻，已經比原先周數大隻了3周，是一個大碼B。醫生的每句專業建議，令我心中原本所想的順產彷佛離我越來越遠⋯」之後是一連串hashtag，包括：

#BB你呀媽我已經食得唔多
#食少少已經頂哂胃
#頂到肋骨都痛埋
#點解你都可以吸收得咁好
#咩生產方式都好最重要你平安健康
#話咁快就到尾段孕期
#既不捨又期待

數日前，Liddy再於社交網「報數」，佢話：「BB個頭圍已經去到9.3幾啦，圓到成個波咁，38周的size……最後我究竟可唔可以順產到？！」依家先至係懷孕36周咋。

不少過來人都有留言分享，其中一個，叫Coffee，有人問：「係咪男仔個頭都會大啲0架，我個仔個頭都係9.xx，點解嘅？」Liddy回應謂：「基因問題，你同你老公邊個大頭啲？頭圍10以上叫比較難生，特別第一胎而唔係好高嘅媽媽。」Coffee諗咗諗，再覆佢：「可能我頭大。」

有網民話：「個頭咁大似邊個？如果size太大，開刀會穩陣啲，免得食全餐」、「開刀冇咁痛苦。」Liddy表示：「係呀，當時冇咁痛苦，之後痛苦。其實都一樣，前後問題啫。」、「想順，但唔知得唔得。怕最後全餐。」

Liddy似乎都幾擔心，而佢更想知嘅係，究竟傳說中嘅十級痛，究竟有幾十級呢？

(蘋果日報)

【6年前拍拖三個月奉子閃婚】6嵗囝囝慘被鉛筆插眼

2018-10-16

婚後育有一子，眨吓眼仔仔已經6歲大，仲憑住古靈精怪個性深得網民歡心！不過，Leanne今日喺社交網上載幾張囝囝右眼包住紗布嘅相，仲留言話囝囝杜杜唔小心畀鉛筆插傷眼！

Leanne留言表示：「上星期收到好多朋友慰問　問關於杜杜點解變左（咗）單眼杜　唉　真係一個低級錯誤　以前成日聽啲長輩講　要小心啲鉛筆插眼啊　我成日都覺得小心啲就得架（㗎）喇　點知　就發生左（咗）係（喺）杜杜身上　今次算好好好彩　係視網膜花左（咗）小小　滴眼藥水同塗藥膏就好返（番）　呢個係對杜杜黎（嚟）講一個好好既（嘅）教訓」

樂隊Mr.鼓手Tom同「陽光妹」何思諺（Leanne），6年前只係拍拖三個月就奉子閃婚，當年只有24歲嘅Tom同21歲嘅Leanne並不被外間睇好。

當年Leanne拍檸檬茶廣告而成名，但紅咗無耐就奉子成婚，慢慢退出娛樂圈。

不過呢對90後夫妻憑住堅定嘅信念以行動嚟證明彼此嘅愛，依家仲成為外界眼中嘅恩愛夫妻添！

囝囝以趣怪見稱，今年剛剛升上小一。

媽媽Leanne攝影作品，父子開學日合照，一家三口由不被外界看好，到而家一家三口幸福到令人羡慕！

媽媽Leanne又叫大家放心，因為杜杜已經好番：「個（嗰）幾日佢睇唔到野（嘢）　大部分時間都合上眼睛　而我一直都係（喺）佢身邊　睇下（吓）佢有咩需要　又講下（吓）故事比（畀）佢聽啦　比（畀）啲音樂佢聽啦　有幾次佢捉住我隻手同我講：『媽咪～你放心啦我好快無事架（㗎）喇～』唉　講真　我寧願受傷個（嗰）個係我　嗚嗚嗚　我都會繼續觀察一下有無後遺症　呢幾日真係無覺好訓（瞓）嗚哇　身心交瘁啊　養兒一百歲長憂九十九　明啊明啊明啊」Leanne仲爆杜杜睇醫生時企喺度瞓着咗，下次要小心啲啦杜杜！

杜杜以後要小心喇！唔好再令爸爸媽媽擔心~

而爸爸Tom接受訪問時，指囝囝的視網膜受損已痊愈，叫大家不用擔心：「囝囝平時好鍾意畫嘢，又成日變魔術，上星期佢自己玩畫畫時，可能畫得太開心，唔小心拮親隻眼，視網膜花咗啲，不過搽咗藥膏、滴咗眼藥水已經好番，睇嘢冇問題。我個仔唔係曳嘅，我細個仲曳，試過撼穿頭，不過個個細路仔都係咁㗎啦。」問到是否好心痛？他說：「梗係啦，因為隻眼損咗係好痛，痛咗三日。」他又說已叫囝囝玩時凡事小心，不要再誤傷自己。

(綜合報道 / on.cc)

【孖陳展鵬開新婚Party】單文柔：唯一失策係…

2018-10-16

藝人陳展鵬及太太單文柔（Phoebe）本月13日結婚，昨晚於胡杏兒老公Philip在中環開設的餐廳大搞新婚Party，胡杏兒夫婦、馮盈盈、麥明詩、何雁詩、鄭俊弘、單立文等近百圈中、圈外朋友到場，相當熱鬧！

單文柔今日接受東網訪問，笑言玩得很盡興，但有「失策位」：「尋晚大家都好開心，唯一失策係冇安排攝影師影相，好多相都係啲朋友用手機影咗畀番我哋。」

讚胡杏兒夫婦Nice

談到在Philip餐廳搞派對，單文柔大讚他與太太胡杏兒都非常Nice：「佢哋好好，落咗嚟留到最後先走，個布置仲係杏兒幫我哋整，真係好靚，最特別係安排咗一隻放咗酒嘅海盜船，點上有火花嘅蠟燭，好有氣氛。搞Party最好嘅地方係冇限大家幾時嚟、幾時走，有朋友今日清晨五點飛北京，都特登嚟見一見我哋，真係好開心。」

(on.cc東網)

【今日放工繁忙時間】港鐵隨時再出事！

2018-10-16

港鐵今早(16日)罕有地出現荃灣線、觀塘線、港島線及將軍澳線「四線齊冧」，令打工仔返工「遲大到」。

港鐵車務總監劉天成中午12時半再向傳媒解釋，指上午11時45分左右已全部完成緊急維修，列車可恢復自動操作，他關心信號系統於稍後下班時間能否維持穩定，但未有回應港鐵要就接近6小時的服務延誤而繳多少罰款。

劉天成指，荃灣線昨晚(15日)做更新系統測試，至於此項更新工作與今次四線信號故障有否關係，則需詳細調查，而為何兩個中央控制中心未能傳送指令亦在調查範圍內，他又辯稱每晚港鐵都做更新工作。

被問及今次事故要近6小時才能大致完成復修是否太慢，劉解釋，信號系統由中央控制，並在車站區間有電腦運作，當港鐵人員發現系統出問題後，需逐一跟進各線合共20多個區間電腦，逐一重置恢復自動操作服務。

劉指，列車服務現正執行非繁忙時間表，即約每4分鐘一班車，工程人員仍密切留意情況，他目前最關心能否應付黃昏繁忙時間加密班次至每2、3分鐘一班車，工程部門會繼續加強工作，並找出事故原因，他亦會與工程人員商討及部署，或會在稍後時間再向傳媒交代最新情況。

（on.cc）

【胎盤前置兼出血】入院開刀生B：都係等唔到順產

2018-10-16

噚晚仲喺Ig Story上載去朋友生日party嘅片，但今日凌晨時分再更新，就已經喺醫院，仲影住醫院房嘅片，今朝再更新社交網，寫到：「都係等唔到順產。。。」

林芊妤（Coffee)臨盆在即，預產期在本月底嘅佢，一直希望順產生B，但之前發現有胎盤前置問題，醫生已預告極有可能需要開刀。

不過，Coffee陀B以來一直保持活躍，噚晚仲喺Ig Story上載去朋友生日party嘅片，但今日凌晨時分再更新，就已經喺醫院，仲影住醫院房嘅片，再留言話：「今晚要喺度瞓。」

今朝Coffee再更新社交網，寫到：「都係等唔到順產，胎盤仲係前置，依家仲差2cm先夠位可以順產。本來諗住等下等下胎盤有機會會升上去，但因胎盤依家出血，應該要開刀。唔緊要BB健康出世就好，加油！我哋都要安安全全，呢幾日都要喺醫院瞓啦。」

(蘋果日報)

【陸太懵然不知】苟芸慧陸漢洋親認已秘密註冊

2018-10-16

「處女黨」最後一個成員35歲苟芸慧原來上月18日已經靜雞雞做咗人妻，跟老公陸漢洋（William）在加拿大舉行神秘婚禮，只邀請新娘在多倫多嘅家人同舊同學參加，場面溫馨又驚喜，令苟姑娘十分感動，本周五（19日），一對新人在香港補擺喜酒。

原來當日苟姑娘想婚前返多倫多探家人，因為有長輩未能來港出席婚禮，希望帶未婚夫拜見長輩盡禮數，體貼嘅陸漢洋知道後，即偷偷地安排一個驚喜給女友，因為苟姑娘一直想在古堡行禮，所以佢鎖定了在多倫多唯一一個古堡內舉行婚禮，搵了未來外父、弟弟同加拿大認識超過20年嘅舊同學Andrew和Tom幫手，仲有加拿大契姐Winnie陪佢炮製驚喜。

當婚禮舉行時，苟姑娘感動到喜極而泣，宣讀誓言流下開心淚水，苟姑娘表示：「呢個係一個好溫馨嘅婚禮，其實我覺得佢之前已經古靈精怪，不過佢一向都係咁，所以冇理會。婚禮嗰日早上，原來佢將婚紗帶到多倫多，我哋去了影相，我仲以為只是去影結婚相，心諗呢個應該係佢畀我嘅驚喜了。之後我哋去到婚禮現場，才知道原來真係一個婚禮。」

苟姑娘見到近10年冇見過嘅長輩、朋友們專誠嚟出席，真係好開心好感動，苟姑娘甜漏漏表示：「最感動係William在婚禮上獻唱《Nothing’s gonna change my love for you》，我同爸爸跳舞，一邊跳一邊見到爸爸熱淚盈眶，覺得爸爸真係會放心把我交到William手上。」

除了驚喜婚禮外，William亦為老婆做咗好多不可能嘅任務。苟姑娘表示：「William唔識跳社交舞，之前特別為咗我一齊去學，仲刻意着皮鞋練習。雖然佢跳起舞來好似機械人，但佢為我放低咗平時愛型嘅性格，很難唔感到佢嘅誠意。」

而William覺得多倫多係太太成長地方，知道佢一定很希望當地親友分享喜悅，所以用盡方法搵老婆嘅舊同學出席婚禮。而婚禮期間遇上颱風《山竹》襲港，佢安排化妝師飛往加拿大，但遇上班機延誤要先飛澳洲再飛多倫多，另一位兄弟亦趕及風後第一班機飛往參加婚禮。陸漢洋表示：「好感激上天嘅安排，我哋希望見到啲朋友都能夠出席，我和Christine都好開心。」佢仲承認兩人已註冊係合法夫妻，註冊地點就保秘。

(apple daily / on.cc)

【Sammi張繼聰都送上祝福】鄧麗欣超感動

2018-10-16

而其他好友包括Sammi(鄭秀文）、張繼聰等，都有送上祝福，Stephy留言：「感謝大家的祝福！我都收到了。」

藝人鄧麗欣（Stephy）昨日35歲生日，亦係佢同男友邱勝翊（王子）拍拖首次過嘅生日，王子當然要為女友花盡心思先得啦！

壽星女Stephy喺社交網就上載咗一張非常精緻嘅蛋糕，蛋糕上放滿朱古力馬卡龍，簡直靚到爆！Stephy仲留言：「感謝大家的祝福！我都收到了！感謝一切的安排，開心感動生日，蛋糕很美，蠟燭很特別。」

而王子則喺網上晒出一個透明氣球入面有個「S」字代表「Stephy」，並留言：「Hope you like all these arrangements！Happy birthday to you（希望你鍾意呢個安排，生日快樂！）」雖然佢哋冇晒出合照，不過網民就話喺Stephy張蛋糕照片中，捧着蛋糕嗰個一定係王子，仲話唔知道王子送上咩驚喜畀佢呢？

至於好姊妹Miki（楊愛瑾）同Angela(區文詩），亦都有同Stephy慶祝，佢哋三個都不約而同穿上白色衫，而Miki喺ig貼上三姊妹嘅相，仲留言話大家彼此認識咗多年，總記得大家一齊度過嘅時光，好似工作、聚會同埋佢哋一齊生活嗰幾年，佢好珍惜呢段日子，多謝Stephy成為佢回憶中嘅一部分!仲祝最親愛嘅Stephy生日快樂。

(on.cc東網)

【倒數2個月】張名雅自爆第二胎係B仔定B女！

2018-10-16

懷孕7個多月的前港姐張名雅帶埋老公，到中環出席陳展鵬及單文柔（Phoebe）的新婚派對，她表示本身有預買禮物，但又想折現畀人情，因此會後補。

另外到場的尚有王君馨、黃心穎、鄭俊弘與女友何雁詩、楊詩敏（蝦頭）、馬貫東、蘇韻姿、伍樂怡、鄺潔楹及跟Phoebe認識的港姐及美女學徒，似乎撐場的多數是女方的朋友。

王君馨

馬貫東、蘇韻姿

「蝦頭」楊詩敏

張名雅講到懷孕情況，她說：「依家7個幾月，預產期12月……

「（仔定女？）都係仔，都好開心，哥哥有個細佬，兩兄弟可以互相陪住。（追多個女？）唔諗住，想復工先，都好多人話我依家好Fit，唔似7個月，我希望生完盡快調理好身子就復工。（順產定開刀？）都係想順產，復原得快啲。」

希望名雅順順利利呀！

(on.cc)

【事業高峰時急流勇退】前港姐棄三間渡假屋換子女追夢

2018-10-16

半隻腳踏上娛樂圈最高舞台、卻退下來赴美讀書，後來更留在加州發展，時常回想起這個決定，她認為所有事都是緣份，當初考進美國大學也是一個緣份，最後落戶美國，生兒育女，能夠讓孩子在美國接受教育，對於這位媽媽是最重要的事，至於未來子女長大，她會否回流拍劇，她笑言「這也要看緣份吧」。

在溜冰場上，身穿藍色溜冰服的Michelle在冰上跳躍飛翔，場外拿著DV的她著緊地拍下女兒的英姿，這個畫面每個月都會上演。

1987年香港小姐季軍林穎嫻（Wing），一出道憑可愛小虎牙爆紅，曾擔任多部電視劇一線女主角。

後來事業高峰時急流勇退，到洛杉磯讀書嫁人，育有三個可愛的孩子，《蘋果》在洛杉磯一探這位幸福媽媽的日常生活。

「我有三個仔女，分別14歲﹑12歲、10歲，他們都非常熱愛溜冰，所以我就做了溜冰媽咪，帶著他們周圍練習比賽。」移民美國20多年的林穎嫻，1999年嫁給美藉丈夫Tom Dupont，2004年誕下大兒子Teddy、2006年誕下大女兒Michelle及2008年誕下小女兒Julie，在洛杉磯過著相夫教子的幸福生活。

幸福少奶奶不只是閒時購物，吃下午茶，林穎嫻笑言，要照顧三個子女相當忙碌，每天趕著輪流接送，放學後練習溜冰比賽，「返到屋企要即刻做功課，有時未做完，會一邊食飯一邊做功課。」她自覺不是虎媽，很多時候都會與子女講道理﹑有商有量。子女熱愛溜冰，林穎嫻要求他們「科科攞A」才可以繼續，否則就要轉去補習班。

溜冰不是一個便宜的興趣，林穎嫻指，每月單是花在溜冰場上的費用就已經近5,000美元。她計算過，如果子女不溜冰，省出來的錢竟足夠多買三間渡假屋，「如果讓他們揀溜冰或渡假屋，他們會揀溜冰，不要渡假屋。」用三間渡假屋換取子女的溜冰夢，林穎嫻覺得，只要子女過得開心便已經值得，也沒有期望他們要成為下一個溜冰皇后關穎珊（Michelle Kwan）或參加奧運，「最重要是有自己的嗜好」。