本月10日踏入37歲生日的藝人葉翠翠，與一百位粉絲舉行生日慈善派對，丈夫Raymond帶同一歲半大仔及近三個月大細仔撐場，期間大仔甚受現場粉絲歡迎，紛紛上前逗他玩及合照，場面熱鬧。
大仔受歡迎
翠翠透露決定把生日會的費用全數捐助慈善團體，好讓毛孩重建家園。對於大仔成全場焦點，翠翠謂：「好似佢係主角多過我，不過都接受咗呢個事實，平時甫佢啲相，畀like都多過我幾倍嘅。」
唔敢追女
談到丈夫有何表示？翠翠即踢爆對方忘記了其生日，就連一句祝福說話也沒有。
她謂：「佢有話會補送，但都冇，只係一星期前買咗個蛋糕返嚟，唱生日歌時大仔好開心，以為同佢慶祝咁、好搞笑。（追多個女？）會冇命㗎！由佗到生、收身之後再佗，真係好攰，所以兩個夠數，再生嘅話屋企會反轉，依家屋企已經夠亂。雖然本身鍾意女，粉絲都叫我生，但呢個社會生女會好危險，所以唔會刻意去追。」她更指準備為大仔物色學校，但未開始已感煩惱，皆因準備功夫很多，小朋友也要有一定的認知，笑指不會催谷囝囝。
(on.cc東網)
現年68歲的藝人薛家燕，離婚後一直獨自照顧三個子女，鮮有談及感情事的她，原來有一位秘戀十二年的商人男友，對方更比她小十多歲。這段姊弟戀，並非順風順水，亦曾有過分手危機，但愈想分愈愛得深！
不想改變現狀
薛家燕說男友曾以《天梯》的故事來比喻兩人的感情，更爆出男友兩度向她求婚，但她既沒有答應，也沒有拒絕，因為她擔心當自己七十歲時，對方才五十多歲，所以令她不想改變現狀。而且第一段婚姻失敗對她打擊至深，這種像末日降臨的慘況，實在不想再痛多次。
(on.cc東網)
楊千嬅重返大台拍劇，同「劍雄哥」黃浩然故劍重逢合作《多功能老婆》，套劇日前終於煞科，不過有報道指，同劇嘅陳煒因為千嬅遲大到，等到佢好嬲好嬲。
千嬅咁忙，就係因為同時間接咗電影《麥路人》工作，昨日《麥路人》喺灣仔舉行感謝宴，千嬅出席時被問到點睇啲報道，佢話：「其實冇咩回應，因為呢啲報道成日都有，其實就唔真實，不過有啲係事實。」
千嬅隨即解釋，事實係指的確有遲到過，但時間就唔長：「因為拍攝時間長短一定有，我哋度期係留咗好充裕嘅時間，的確拍《多功能老婆》係有三、兩次遲到過，都係十分鐘內，自己做咗呢行，一知道會遲就打俾寶華姐（大台資深編劇），叫佢拍住其他先，就算我或者助手都一定會做。」
分身不暇，連拍《麥路人》千嬅都有遇到突發情況：「拍《麥》就遲過一日，當日要去中環睇尾龍骨，唔醫就行唔到，你知中環有幾塞車啦，但遲幾多就真係唔記得喇，好耐之前嘅事。」佢再笑笑口講：「其實呢啲我都唔明，我等咗啲時間就唔係時間咩。anyway，呢兩套作品拍完好滿意。」
但報道講到陳煒好嬲？千嬅表示唔覺之餘，仲以入行多年經驗提出懷疑：「又唔覺喎，如果真係有咁嘅事點會依家先寫，都成4,5個月前嘅事，呢啲料唔會冇用㗎。」
(蘋果日報)
因為林文龍同鍾嘉欣最近喺《再創世紀》再續前緣，為當年喺《法證先鋒》入便，圓咗佢哋兩個唔可以一齊嘅夢，再加上喺網上有唔少消息話《法證先鋒》將會開拍第4集，唔少網民好期待呢件事。
聽講呢套劇將會喺下個月舉行記者會，本來有傳話係胡定欣同馬國明擔任主角，點知最後原來係佢哋兩個都唔會做，除咗譚俊彥之前講過話會演出之外，其他人係一個謎。
不過今日李施嬅喺IG貼咗張影住《法證4》嘅天書相，留言話要做準備功課，之後陳煒同黃心穎就留言話大家要努力。
言下之意，女角人選將會係佢哋三個，咁男主角呢，有傳除咗譚俊彥之外，仲有黃浩然同埋鄭俊弘，咁啱得咁橋，監製梅小青講過呢套劇會係新配搭，睇嚟呢啲人選又好脗合喎！
查實網民最想都係見到歐陽震華、林文龍、蒙嘉慧、鍾嘉欣，以至後期嘅鄭嘉穎、佘詩曼呢啲原有班底助陣。
上一輯用咗黎耀祥張可頤徐子珊吳卓羲胡定欣，拍攝手法同之前《法證先鋒》系列好唔同，甚至乎有啲「Over」咗，太強調科技嘅pro，少咗「人味」，嗰陣已經有唔少聲音，唔知今次呢個組合，觀眾又會唔會接受呢？
(蘋果日報)
陳自瑤（YoYo）同視帝王浩信嘅婚姻早前數度被指亮紅燈，但佢哋共同出活動，又分別否認傳聞，兩人結婚剛七年，育有6歲多獨女王靖喬，王浩信非常痛錫女兒，更喺社交網貼過陪女做功課相片，又收過囡囡慶祝台慶50周年嘅畫作，不過，近年卻未見王浩信同YoYo貼出家庭樂照片。
王浩信忙於拍大台新劇《解決師》，有讀者李小姐日前喺晚上9時許，喺機場抵港等行李嘅10號輸送帶，發現YoYo母女回港，李小姐透過《蘋果》嘅「爆相爆片」分享相片同短片，李小姐話：「我見到陳自瑤同個女推住行李車，喺10號輸送帶等行李，佢將架行李車推咗埋一邊，佢自己就走過去輸送帶查吓行李出嚟未，佢有時又抱下個女，有時又放低佢，我唔知佢邊度返香港。」
李小姐話YoYo攞完行李出閘，邊行邊打電話，無耐就有一男一女接機，個男人幫YoYo推行李，而YoYo見有人幫手睇住囡囡，就爭取時間撳電話，冇乜點理囡囡。
短片中所見，YoYo囡囡好乖，全程寸步不離媽咪，而視帝爸爸王浩信一劇接一劇，要享受一家三口家庭樂，相信要等埋王浩信拍完手頭上劇集有空，又要夾到囡囡學校假期先可以成行。王浩信今日回覆傳媒時話：「她們去了泰國，但因為我要開工，所以未能前往。」
(蘋果日報)
佢晒出多張囝囝嘅近照，相中見佢比之前又長大咗唔少，睇落非常精靈。見到囝囝愈嚟愈大，加上第二胎「面世」嘅時間愈嚟愈近，令佢都忍唔住問。。。
藝人張名雅依家正為老公佗緊第二胎，早前自爆今胎係意外懷孕嘅佢，今日再喺社交網發文指原來連懷孕周數都搞錯咗，佢文中提到：「今日去做產檢先發現原來我已經懷孕七個月啦。等我傻傻一直以為啱啱先係六個月。」
之後，佢又分享呢次佗b嘅情況：「呢個BB都好活躍，同Mario係我肚嗰時不相伯仲。一直踢不停，踢到我嗰肚變形咁滯。今日醫生做超聲波時仲感覺到佢踢咗幾下個超聲波導頭話佢好大力添！」
另外，佢晒出多張囝囝嘅近照，相中見佢比之前又長大咗唔少，睇落非常精靈。見到囝囝愈嚟愈大，加上第二胎「面世」嘅時間愈嚟愈近，令佢都忍唔住問：「你會是一個好哥哥嗎？」並大賣關子叫粉絲估吓呢胎係仔定女。
(on.cc東網)
郭富城出席電影《麥路人》晚宴，透露電影已拍得七七八八，只有小部份未拍完，如果導演想補拍或想追求完美，可以叫經理人安排一下。城城又讚今次合作嘅導演黃慶勳好勤力、好努力去準備，作為演員會盡量配合同遷就，又指現在已經拍緊另一部新戲，但詳情唔可以透露。城城今次同楊千嬅、鮑起靜及萬梓良合作，佢話對上一次同萬梓良合作，已經係30年前拍無綫劇《成吉思汗》，當時自己啱啱喺訓練班出嚟嘅新人。
城城緊接再開戲，豈不冇時間照顧囡囡？城城即笑話︰「呢個世界有wifi，有wifi就聯絡到，唔使擔心。」至於有報道指其母同太太方媛有婆媳糾紛，佢成為磨心？城城表示：「絕無咁嘅事，係憑空想像嘅小說，每次有電影上、有演唱會，都會有咁嘅封面同劇情，見怪不怪，只可以講呢啲係無中生有嘅嘢，喺呢一刻我屋企好健康，好快樂，好和諧，呢啲不實報道回應一次就足夠，（婆媳關好好？）當然啦！」
至於，有傳方媛再為佢陀第二胎，問城城有好消息未？佢就兜圈回應話：「大家睇住我大同成長，好關心我嘅家庭生活，總之希望大家比啲時間比啲空間我，順其自然，交俾嗰天，總之屋企係咪添多個丁呢？就由天安排，暫時無可奉告。」
(蘋果日報)
大陸宮鬥劇《延禧攻略》，除咗帶挈幾位主角人氣急升之外，劇中富察皇后身邊嘅宮女「明玉」姜梓新憑住個「初戀樣」亦跑出，其後更因為喺大陸綜藝節目中唱《囍帖街》而大獲好評。
嗱，人紅就梗係是非多，雖然劇外明玉同海蘭察成日孖住出嚟放閃，但最近大陸就翻咗佢舊帳，指姜梓新喺2年前錄影大陸綜藝真人騷《完美假期2》嗰陣，就同節目內其中一個女嘉賓周晨晞經常有曖昧行為，兩人除咗喺節目內唔避嫌地又攬又嘴又餵食，仲話佢哋兩個以Simpson公仔傳情。
嗱，睇番呢位有幸同姜梓新傳情嘅同性密友周晨晞，個樣同行為都同陳冠希幾似，其實唔講的話，大家憑外型又的確幾難分得出佢係女仔，皆因周晨晞嘅打扮極為中性。而佢係節目度又不時主動攬錫姜梓新，兩人嘅互動十足十情侶，而且仲表現得鬼咁sweet，難怪會傳同性緋聞。
雖然有網民認為呢啲親密舉動只係節目效果，但姜梓新同周晨晞就從來冇否認又冇承認大家嘅關係，所以到底佢哋係普通朋友定密友呢？
姜梓新經理人馮小姐今日接受《蘋果日報》電話訪問，佢大方表示姜梓新目前冇男朋友，又否認同性戀取向，佢話：「沒有（男朋友）欸，真的沒有。是傳過跟周晨晞，她（姜梓新）家教比較嚴的那種，因為媽媽跟她住在一起。」
馮小姐透露姜梓新本身係南京人，早前嚟北京發展時，身體唔係咁好，所以姜媽媽就搬嚟北京一齊住，負責囡囡起居飲食，馮小姐稱：「你想她的年齡才剛畢業，所以沒有拖拍也很正常。媽媽也管得比較嚴，晚上不准出去，不能甚麼的呀。」
(蘋果日報)
藝人楊怡、林峯、馬國明等昨晚到將軍澳出席晚宴活動。
林峯最近陪伴女友張馨月到內地江蘇鹽城出席女友弟弟婚禮，關係似乎更進一步。由深圳趕返港出席活動的他則沒有接受訪問，似乎是要迴避感情問題。
楊怡與林峯十分老友，早前還與藝員訓練班同學飯敘，問到她可有見到林峯女友，她笑說：「我驚講錯嘢，嗰日冇人攜眷呀。（見過林峯女友未？）相同真人都有見過。（林峯出席女友細佬婚禮？）哦，好事呀。我見過一次，印象好好，好nice，同我哋班朋友傾偈幾投契嘅，我唔講咁多喇。（戥佢開心﹖）梗係戥佢開心，因為每次見到佢都叫佢快啲結婚，都係時候差唔多啦。（聽你講結婚？）佢唔會聽我哋講啦，佢有自己嘅主意，唔使逼。」
楊怡透露老公羅仲謙已在內地拍完電影，近日在港過中秋，隨後亦會在港拍戲。
問到豈不是「造人」機會大增？她笑說：「承你貴言，唔好咁啦，次次都講呢個話題，我走先喇，哈哈。（有壓力？）冇壓力嘅，但次次都問呢個問題，好驚呀。」講到《再創世紀》收視平平，楊怡沒有失望，認為最重要是有口碑，收視點就控制不了。
(on.cc東網)
現代人工作忙、壓力大、沒時間休息，使用電子產品的時間增加，又遇到冬天比較乾燥，就容易引發乾眼症。
眼睛常盯著電腦、手機，眨眼的時間被拉長，再加上眨眼不完全，眨眼時上眼瞼沒碰觸到下眼瞼，眼油無法從淚腺中釋出，長久就導致瞼板線阻塞。其實改善乾眼症，重點在經常「眨眼」讓眼睛分泌淚水，同時讓眼睛暫時休息，就能迅速改善。
下列幾個方法，可有效改善乾眼的症狀：
眨眼閉眼
透過眨眼閉眼的練習，能改善乾眼症：先閉上眼睛，上下眼皮必須要確實接觸；閉眼至少兩秒鐘，使上下眼瞼接觸時間增加；再緊閉兩秒，幫助控制閉眼的肌肉及神經傳導途徑能夠發展；最後才張開眼睛。以上4步驟是一次的眨眼閉眼循環的練習，每天15次，持續數週後對眼睛周圍肌肉的訓練，能有相當的成效。也可以使用食指輕輕將眼尾向上向外側拉提，看起來好像鳳眼，然後慢慢的眨眼。
眼球運動
眼球轉動的運動也有效，眼球向上下左右，或順時針、逆時針的方向轉動，有時配合手部畫圈，眼球隨著手部轉動。眼球轉動能消除眼睛疲勞，強化眼睛周圍的肌肉。但高度近視的人要小心，眼球轉動的速度不能太快或太用力，否則會造成視網膜剝離。
穴位按摩
按摩眼睛附近和相關的幾個穴位，對眼睛有保健的效果。睛明、承泣、迎香、翳風、太陽、天穴等等。
熱敷
傳統的居家熱敷也有幫助改善乾眼症，用攝氏45度毛巾熱敷，每間隔2分鐘換毛巾，一個過程約20分鐘。10分鐘後眼瞼可達攝氏40度，才能有效舒緩瞼板腺阻塞的情況，一天熱敷數次，長期持續的使用居家熱敷，效果更好。
環境也很重要，在太乾燥或者使用冷、暖氣空調的地方，要放一盆水增加溼度。吹電風扇要避免長時間直接對面吹。平時看電腦30分鐘時，最好休息10分鐘，或轉移目標看遠處。改善乾眼症其實並不難。
(大紀元)
