今日天氣炎熱，Bonnie就帶咗三個仔仔去咗沙灘玩，佢喺網上晒出多張照片，並開心留言：「你有你感受，我有我享受。」
相中亮點當然係Bonnie大晒三點式，好身材表露無遺，吸睛程度爆燈！而囝囝就喺度玩沙，Bonnie一邊睇住佢哋，一邊舉杯暢飲，認真開心！
身為四子之母藝人黎淑賢（Bonnie）一向都好重視家庭樂，不時都同仔仔周圍去玩。好多網民都大讚40歲嘅Bonnie身材弗爆，保養得宜，仲話相信Bonnie一定係最享受同囝囝一齊玩嘅時光添！
(on.cc)
今個月22號就44歲嘅郭羨妮（Sonija），為專心照顧現年6歲嘅囡囡Kylie，近年減少咗好多幕前演出，日前出席活動時，仲話自己年紀大，同埋想專心照顧Kylie長大成人，放棄追個多小朋友，更笑話要生多個就要等下一世。
雖然減少幕前演出，不過間唔中都要接下工作，Sonija最近就拍緊部新戲，點知一開工就唔小心整親，不過受傷都開心過人，因為有囡囡呵番囉！Sonija剛剛貼出兩張相，一張係撞瘀膝頭，另一張就係囡囡正幫佢捽緊個傷患處。
Sonija留言：「拍戲時有撞傷碰瘀，雖然痛入心，但回家後有人為我療傷，心仍是暖和甜的。」Sonija就有女萬事足，唔知老公朱少杰有冇呵番呢?
(APPLE DAILY)
今日被爆與24歲歌手發展姊弟戀，知情人士指二人在去年10月拍攝綜藝節目後，關係變得親近，最近確認對彼此的心意而成為戀人。
男方於去年固定演出《都市漁夫》，而洪秀賢則作為第一個女嘉賓，Microdot第一次與36歲女星洪秀賢見面便對她有好感，當時在幕前已經充滿「粉紅泡泡」，對洪秀賢十分積極，而二人後來在社交網亦有不時傳情，早前Microdot參加「冰桶挑戰2018」時就有點名洪秀賢，當洪秀賢上載影片時，Microdot亦有在留言留下三個心心符號，二人又在留言上寫上「Good Night」及「晚安」，非常之Sweet！
雙方事務所都承認拍拖傳聞，並指二人在去年拍綜藝節目時認識，其後與友人們食飯時自然地成為朋友，最近才開始拍拖，而兩人仍在了解之中，希望大家給予祝福。
(on.cc)
李蘊前年為圈外商人老公羅章冠奉女成婚，囡囡紫晞喺同年5月出世，之後就搬咗返廣州相夫教女，轉下眼今年3月宣佈陀B仔，預產期喺下個月底。
生第二胎有咗經驗，梗係要做足準備，李蘊最近喺社交網除咗有啲大肚相之外，噚日亦貼咗張同好友嘅合照，身邊嗰位朋友輕輕摸住李蘊嘅巨肚。
李蘊留言話：「喺我返香港待產之前，同好鄰居們食個飯，半年後見啦。」睇相都覺得個肚好巨型，有人就好心建議佢，大肚婆唔好咁頻撲，既然唔喺香港住，其實都冇必要喺專登返香港生仔，留番喺大陸待產，應該會仲方便。
(apple daily)
懷孕六個月的她出席其創立的同芯慈善會活動，在戶外曝曬的她獲該會的香港主席雷震東買雪糕給她解暑，她呆一呆即接過雪糕食，並說：「咁好味嘅？係熱嘅！我喺屋企冇得食，冇食幾個月，今日咁有意義佢獎我食雪糕！」此時到場的藝人黃婉曼見狀即搶走雪糕：「以前自己佗BB唔緊張，依家見人佗B就緊張過人，我成日提住佢休息。」
黃婉曼的囡囡Kyra快將一歲，她已計劃生第二胎：「Kyra好乖好易湊，但擔心佢太過文靜，佢係觀察型，去Playgroup觀察完，人哋已經玩完走。」
(on.cc)
64歲謝雪心在無綫熱播劇集《宮心計2深宮計》飾演章尚宮，獲得不少觀眾喜愛。她接受商台《1圈圈 星光背後》 節目訪問，談到11歲獲任劍輝（任姐）及白雪仙（仙姐）賞識，成為他們的門徒及加入雛鳳鳴劇團。不過她其後因結婚組織家庭退出雛鳳，傷透「任白」的心。
謝雪心自知愧對「任白」 用心的栽培：「那時我從沒掙扎，我覺得我是要退出的，因為那個年代真的是有事業便沒有家庭，所以就專心做家庭主婦。那個年代的粉絲並不會希望自己（偶像）結婚、拍拖，所以我算是逆水而行，是困難的，但我覺得無理由結了婚就不能做戲，到結了婚，我又會想生小孩的事。所以經過6年的時間，做完我那個階段該做的事，我就再出來工作了。我回來時第一時間跟任姐、仙姐說『我會再出來演出了』，然後任姐看著仙姐，既不是說『Yes』，亦不是說『No』，而是說『我們的心願也總算了結了』，當時我真的不知怎算好，原來自己毅然退出都傷害得她們挺深。雖然她們栽培得我不算是成材，但起碼是有起色，外面的觀眾也是受落，所以她們會覺得可惜。」
曾獲得最佳女配角殊榮
任姐於1989年病逝，謝雪心表示任姐的離世對仙姐造成很大打擊：「任姐走了，仙姐一定會傷心，雖然當時我們的年紀都算輕，但都會明白。任姐以前經常唱《火網梵宮十四年》的一句『有今生唧，邊處重有來世吖，唉』，那時我只當這句是曲那樣練，但後來是深深體會到這一點。看到仙姐，我就知道哭不是最傷心，哭都哭不出來就能體會到撕心裂肺，這個狀況維持了真的很久，是你們想不到的那麼久。有時去仙姐家，她會在自己的房間裡獨自唱歌，我相信那種感覺就像是她與任姐在聊天一樣。她有慢慢好起來，但釋懷的時間並不短。」
11歲獲任劍輝（任姐）及白雪仙（仙姐）賞識
任姐的離世，對謝雪心亦是雙重打擊，因為她父親的離世只與任姐離世差一年。故此，她便決意轉當文武生，將傷痛投放在任姐的舞台藝術之中。
（mingpao）
孕期皮膚出現問題，要如何才能夠同時達成健康胎兒和Ｑ彈肌膚的目標呢？怎樣的保養方式，才最適合孕媽咪呢？孕媽咪以物理性保養為主，僅需把握住清潔、保濕及防曬三大原則就已足夠，若長痘痘則有別於平常治療方式，切勿使用A酸類產品；想嘗試醫美保養療程，也請產後再進行為佳。
由於懷孕期間荷爾蒙劇烈改變，要加強基礎保養，懷孕初期最好選擇中性肥皂不刺激為原則，如果夏天一天可以洗3至4次臉，冬天則以2次為限，因為冬天比較不容易出油，若過度清潔會導致無法保濕；其他肌膚清潔用品選擇上，要注意內含成分，若含水楊酸、甘醇酸、果酸，敏感性皮膚可能造成刺激，且大量使用水楊酸，可能造成懷孕初期出血、胎盤剝離，懷孕後期可能造成動脈導管阻塞。
懷孕期間，保養儘量以物理性簡單保養為主，可以使用台灣最便宜、好用又天然的「絲瓜水」，不用特別挑選價格高昂的產品，因為保濕重點在於頻率，早中晚各使用一次，可用化妝棉輕拍肌膚或直接使用噴頭式的，若在辦公室長期吹冷氣，也會導致肌膚保濕度變差。
懷孕期間的孕媽咪，皮膚對紫外線比較敏感，無論有沒有使用化妝品或保養品，千萬別漏掉防曬的步驟，即便是處在秋冬的季節也一樣，不然此時因為孕媽咪動情激素分泌的緣故，會使體內黑色素細胞更為活躍，容易造成黑色素沉澱而產生孕斑，所以務必加強防曬。
為了避免造成肌膚負擔，防曬產品也要選擇無刺激性的，並最好選擇質地清爽的SPF30物理性防曬品即可，若超過SPF30以上的防曬產品，黏著度高、難清洗；另外，可以搭配使用帽子或遮陽傘等防曬用品，才能確實避免紫外線進入肌膚。
詳情：Cancer Council Australia 兒童防曬乳 (SPF50+)
選擇保養品務必注意成分對胎兒的影響，若長痘痘時，平常皮膚科醫師可能會開立口服A酸給患者治療，但懷孕時若吃到A酸，恐造成胎兒畸形，而外用A酸目前雖然並未有證據顯示對胎兒有影響，但仍然建議能避免就儘量避免。
因此，懷孕期間看皮膚科醫師，務必告知已經懷孕，並再三確認藥物及藥膏是否內含A酸、杜鵑花酸或其他酸類；孕媽咪治療痘痘，可以選用天然茶樹，來抑制細菌生長，想美白則可挑選左旋C成分，若不清楚產品內容物，則可以帶去給皮膚科醫師鑑定是否可以使用。
詳情：100% 天然純正茶樹油
若在懷孕期間打雷射、脈衝光、肉毒桿菌或做電波拉皮，通常都無法達到預期效果，加上孕期不能施打麻醉藥，若直接做醫美療程，在施打過程中所造成的疼痛，恐引發血壓上升或子宮收縮，而導致不正常出血。與其擔心害怕醫美療程對胎兒有影響，不如等產後2至3個月再加入醫美行列，再一口氣來修復懷孕期間產生的孕斑以及妊娠紋。
(媽媽寶寶雜誌)
藝人陸永同太太Reina婚後生咗兩個可愛囡囡陸一穎（Hannah）同細女陸一心（Simsim），陸永出外搵食養家，而兩個女就由Reina照顧，有人話做全職媽媽慘過返工，廿四小時On Call之餘仲要冇假放。
阿媽都係人點都要娛樂，所以呢日Reina就暫時放低兩個女去旅行，多得有Reina媽咪幫手睇住頭家。Reina上載同老公陸永喺機艙嘅合照，留言：「我阿媽批準（准）我放幾日假先，返嚟再陪兩個囡過暑假… #皇恩浩蕩 #謝主隆恩」網民就留言叫陸永努力造人，兩個去三個返咁話。
陸永一家四口
（on.cc）
黃曉明係圈中出名孝順仔之一，今日曉明喺微博分享多張家庭照，為90歲婆婆慶祝生日，黃家上下，包括曉明父母、親戚、祖孫四代同堂，場面好溫馨。
但就偏偏唔見老婆楊穎（Angelababy）現身，搞到好多網民狂問：「Baby去哪兒？」，甚至直罵無禮貌:「再忙，總感覺怪怪的，畢竟一家人又是公眾人物，從頭到尾沒見baby微博有過祝福。」仲有人話曉明同Baby好耐都冇喺微博互動晒恩愛，推斷佢哋感情有問題，疑似婚變。
不過亦有網民為Baby護航：「出現了肯家有人說她為了私事不務正業…在黑粉眼裡她做甚麼也是錯的。」
現場氣氛一片喜慶，婆婆個樣好後生喎！一啲都唔似90歲，曉明仲為婆婆披上紅色絲巾。
數一數張大合照，總共有拍合照，總共19人，人強馬壯，除咗唔見baby，連小海綿都唔喺相中出現。而曉明就喺微博留言祝婆婆生日快樂，永遠年輕開心，仲話婆婆外表唔似90歲，秘訣係鍾意「笑」，婆婆曾經同佢講：「我的爸爸告訴我，也就是你老姥爺說，一定要堅持行善，不求回報！」
而曉明就一直堅守住婆婆嘅教導，佢話：「我堅信我們的今天也是姥姥的善因留下來的果，會記住姥姥給我們留下的家訓，誠實、勤奮、寬容、守法，姥姥是我們一家人的驕傲。」
(apple daily)
杜汶澤突然留言話暫停出糧，直到另行通知。原來佢將成副身家…
世界盃16強開波，第一日就有兩大球王阿根廷美斯同葡萄牙C朗分別作賽，開波前相信好多人都會諗，點都會有一位球王殺入8強啩！點知世事無絕對，兩位球王齊齊出局，可以join埋一齊搭飛機離開俄羅斯。唔少鍾意睇波嘅明星都話勁失望，當中最爆嘅要數杜汶澤，佢喺社交網話當年好支持阿根廷，自從馬納當拿退役佢都冇乜點樣再睇波，點知尋晚飲大咗將成副身家（即係公司所有伙計嘅成個月人工）買咗阿根廷贏，結果當然係輸咗啦！
杜汶澤（資料圖片）
佢仲宣佈暫停出糧直到另行通知，講到咁佢真係輸好多喎！不過唔出糧屬犯法行為，相信杜汶澤都係講吓笑啫。
（on.cc）
