天王郭富城（城城）結婚同榮升爸爸後，每次提起老婆同個女都冧滋滋，同以往對私事絕口不提嘅態度嚟一個180度大轉變。
日前網上流傳一批城城返內地擺酒嘅相，相中見城城滿場飛，而老婆方媛就做佢背後嘅女人。城城周圍見人就敬酒，見到賓客舉機影相仲笑晒口擺Pose，一啲天王架子都冇，仲表現得好興奮！
其中一張相仲見到城城由老婆傍住抱BB，賓客都上前圍觀，父愛滲晒出嚟呀！
不過就未知今次城城係為囡囡Chant補擺滿月酒定係補擺結婚酒，淨係見社交網嘅地標係內地嘅蕪湖市，即係城嫂方媛嘅家鄉。唔少粉絲見到係真身城城，仲出Post呼朋喚友前去集郵，天王魅力可見一斑！
(ON.CC)
無綫資深演員陳榮峻將於七月十日迎娶拍拖三年的藝人女友吳香倫，這對兜兜轉轉黃昏戀的確令人非常期待！
經歷過失婚失戀，於今年元旦終於搵到真愛，對方比他年輕近廿年、任職銀行，拍拖數月因甚為投緣，決定閃婚，好日子已定於今年十月六日。他自爆是未來老婆反追，才有勇氣再入閘做老襯！
現年53歲的藝人韋家雄早於20歲時結過一次婚，他曾表示是一時衝動，後來因性格不合而離婚。至2012年他遇到第二春，在橫店拍無綫劇《金枝慾孽貳》外景而與同劇飾演「春琳嬤嬤」的陳嘉嘉擦出愛火，當時有指女方是有夫之婦，關係搞不清下，仍交往了三年，最後因女方家長嫌他年長而遭拆散，感情路上再一次失敗，他一度心灰意冷！但估不到六年後，出現了「銀行之花」鄧楚雅（Keynes），正當人人以為他憑其冧女功贏取芳心，實情是女方使出「親手造禮物」一招，以真誠反溝家雄，成功將愛情之火處於死灰狀態的他重新燃亮起來。
家雄與Keynes結識後相處不足大半年，便認定對方，他不時在社交平台放閃，並定於十月結婚，現正籌備婚禮。而與他合作無間，感情要好的康華，當然要重槌出擊，準備豪花五位數字買金飾作賀禮。日前他們現身金飾店，見康華如兄弟般向家雄搭晒膊頭跑去揀金飾，但亦不及其後到場的Keynes搶鏡，一對新人一見面便Sweet爆手拖手，猶如剛拍拖的戀人般熱情，「三人行」出巡商場，逛完商場便到餐廳醫肚，家雄細心為女友揀美食，期間吸引不少Fans駐足觀看及邀請合照，場面熱鬧。
見當日家雄能夠左擁Keynes右抱康華，足證他在兩個女人心目中的位置。他雖然曾以搞Gag冧掂不少女生，身邊不少共事的同事都讚賞他是一名「暖男」，又愛說笑話氹身邊人，人緣極好。
但他昨日受訪時謙稱：「其實我冇乜氹女秘技，只係做番自己，真誠對朋友！」又稱沒有用冧功氹未來老婆，反之Keynes無限愛心，親手縫製銀包、皮帶和造生日蛋糕送贈，所謂「幸福親手造」，其真誠再燃起家雄對愛情的希望：「佢係一個不拘小節嘅人，我哋性格好夾，相處開心，咪一齊囉！佢好有心思，親手造好多嘢送畀我，呢份心思先最珍貴，我好感動！」
家雄與第一任妻子所生的兒子韋庭鋒，現年27歲，他稱兒子衷心送上祝福，並與「未來媽媽」相處融洽，相當感恩。問兒子與Keynes夾得嚟？他說：「佢兩個都好夾，我哋一齊飲啤酒，我個仔又帶埋佢女友出嚟，我哋一家四口一齊食飯好開心，今次再婚，我個仔都好支持，仲祝福我添！」
（on.cc）
現年34歲嘅鍾嘉欣喺2015年做咗幸福人妻，秘嫁比佢年長13年嘅脊醫老公Jeremy，生咗得意囡囡Kelly後，今年3月再宣布懷有第二胎，「處女黨」班姊妹都話要向佢取生仔經。
處女黨成員 （資料圖片）
懷有7個月身孕嘅嘉欣現正喺溫哥華專心養胎，日前讀者胡小姐直擊嘉欣喺溫哥華嘅生活實況。胡小姐透露喺上月底喺Richmond區見到嘉欣揸車湊囡囡放學，素顏戴住眼鏡嘅嘉欣穿上一條白色連身鬆身裙，大騷長腿。
雖然腹大便便，但一啲都唔錫身，一手抱住囡囡上車，盡現母愛。胡小姐話﹕「當日大約下午三點幾，佢一個人去接囡囡放學，見佢囡囡都好乖，冇扭計跟實媽咪。嘉欣亦係慈母型，成日接囡囡返學放學，有時就兩公婆一齊接送。」
據聞嘉欣同老公為未夠兩歲嘅囡囡Kelly選讀當地一間私人開辦嘅幼稚園，由於係小班教學，每班只有6至7位小朋友，但就有三名老師照顧，所以學費都唔平，每月大約要1,600加幣，約9,600港元。由於加拿大人一向好少請工人姐姐，所以接囡囡返學放學，同做屋企家頭細務都係由嘉欣負責，真係做足賢內助本份。
(apple daily)
現年36歲的葉翠翠，15年嫁拍拖十個月、建築公司副董事周曉東（Raymond）成為幸福人妻。
去年4月，翠翠一索得男，為老公誕下7磅半「小王子」周津羲（Jake），今年1月再度宣佈有喜，預產期在六月。
今晚9點半，翠翠喺社交網貼咗幾張一家四口嘅相，宣佈「小小王子」已經出世，重9磅。
翠翠留言：「感謝大家的愛護，小小王子來到我們的家庭了！9磅，非常健康！生產過程順利，聽到小小王子的嘩嘩哭聲真的好感動。入到產房非常緊張，一直抖震，好緊張，一心想住小王子和小小王子，時間好快便過去。現在可以好好休息了。」
傳媒聯絡啱啱生完嘅翠翠，問佢再生囝囝係咪好開心？佢話：「好開心呀，無諗到BB有9磅重，有帶埋小王子去醫院，一做完手術上到房就見到佢喇！」
今次都係開刀生嘅翠翠話，今次生B過程好緊張，佢話：「醫生都好好，叫我唔駛咁緊張，老公都有喺身邊陪住我。今次緊張過第一胎，因為第一胎早咗出世，都嚟唔切緊張，又唔知會發生乜事，今次就知道晒發生乜事，所以會緊張，同埋易忟憎啲。」
哥哥見到細佬有乜反應？佢話：「佢見到小小王子喊，佢又喊，佢應該唔知做乜。之前無同佢講，因為佢應該未明白。」
會唔會再追囡囡？翠翠話真係未諗，因為湊一個陀一個都辛苦，如湊住兩個應頂唔順。
升任大哥的小王子，亦第一時間由爸爸帶著到醫院探望媽咪同細佬，最搞笑係一歲多嘅小王子唔知呢位新成員係乜水，唔知佢係細佬，即係亦唔知自己做咗大哥，見到BB喊，哥哥小王子竟然又跟住喊，可想而知場面幾咁惹笑。不過小王子多咗個伴，夠曬熱鬧。
（apple daily）
呢排千嬅趕劇忙到死，其實真係休息時間都唔夠，好多人都奇怪佢點解忽然要回歸無綫拍劇，搞到自己咁辛苦有乜為。囝囝Torres之前都有埋怨媽咪陪佢時間唔多。。。
楊千嬅最近雖然忙緊為無綫拍電視劇《多功能老婆》，但噚晚奶奶63歲生日，老公丁子高搞咗個盛大生日會同媽咪慶祝，作為媳婦，千嬅點忙都要請假去，呢排千嬅趕劇忙到死，其實真係休息時間都唔夠，好多人都奇怪佢點解忽然要回歸無綫拍劇，搞到自己咁辛苦有乜為。
囝囝Torres之前都有埋怨媽咪陪佢時間唔多，咁呢輪仲要拍埋劇就肯定更加少時間陪個仔，原本千嬅同老公計劃今年追多個，但接咗呢齣劇後打亂咗計劃，可能要推到出年先至可以實行造人大計。今年突然咁勤力做嘢，聽聞千嬅係想幫老公創業，因為今年佢離開寰亞公司，撐老公搞經理人公司簽佢，所以佢點都要積極做嘢嚟幫丁子高間新公司。
(蘋果日報)
黃翠如今日喺金鐘出席商場活動，但人多空氣焗，有圍觀女粉絲暈倒，令翠如十分擔心，活動後即上前慰問。佢話以前到亞馬遜拍節目，中暑暈倒，隨團巫師幫忙：「當時40幾度，嗰次有少少抽筋冇知覺，巫師用古老療法，喺我頭頂噴煙，後來我醒番。」
原來當日有好多奇遇，黃翠如感新奇：「巫師俾我食草藥，話會睇到自己前世今生，但我睇到自己手腳變樹。」佢話期待可以再有這些冒險旅程，但要遇到肯一起冒險嘅團隊。問到佢蕭正楠會唔會會陪伴？黃翠如話：「唔好一齊冒險，冇乜事要另外有人照顧，但佢勇敢過我，體能更好。我鍾意一個人去探險，唔使一班人，係我旅行小執着。」至於佢拍檔洪永城卻喜歡去曾有戰爭嘅地方，反而道不同。
(蘋果日報)
組合Robynn & Kendy嘅31歲成員Robynn（葉晴晴）宣布獲求婚成功，恭喜晒！佢喺社交網上載與男友嘅甜蜜照，並發文表示拍拖八年，經歷無數高高低低，多謝男友一直對佢無微照顧，帶畀佢歡樂同無限支持，好似鼓勵佢豁出去參加馬拉松賽事。Robynn仲話早前完成演唱會後，當晚男友喺後台向佢跪地求婚，同一晚完成兩件人生大事，更加有意義！隨即唔少圈中人都送上祝福，包括、吳若希劉美君、王灝兒及AGA（江海迦）等…
Robynn留言話：「多謝你由出道前到現在一直在我身邊，多謝你在我人生中最崩潰的時刻用你最大的力氣把我由黑洞拉出來。多謝你這八年無論什（甚）麼風雨都陪著（着）我渡（度）過。多謝你，無論我有多麼的不完美，多麼的失暈，多麼的不自信，你都看到最美麗最堅強的我。 多謝你在我的音樂路上一直這麼支持我，默默地當我的頭號粉絲。多謝你每天給我的歡樂，在我太累在沙發上睡著（着）時幫我蓋被子。多謝你鼓勵我去跑我人生第一個10k，而跟著（着）我當年的龜速一直在我身邊跑，甚至我第一次半馬，也還是一直在我身邊跑。多謝你讓我認識神對我的愛有多大。多謝你，一直等待著（着）我。多謝你選擇了在我最自豪的演唱會後，用最私人最簡單最真實的方式，跪在我面前。You are truly the love of my life, and the rock of my life. I am so excited to move into the next chapter of life with you. I truly am the luckiest.」
Robynn接受東網訪問時表示：「我們即將踏入人生新的階段，多謝大家祝福！」
(on.cc東網)
周秀娜在無綫劇集《宮心計2深宮計》飾演鄭昭儀，成功為「皇上」馬俊偉懷龍胎。在31集「太上皇」李龍基承諾她誕下皇子，便讓出江山皇權，令眾人滿心期待。
「皇后」胡定欣於是施計命人在宮中散播，只要摸到金鵲樹上的喜鵲蛋，就可以一索得男，連生貴子。「鄭昭儀」信以為真，「玲瓏公主」劉心悠為免她冒險，代為爬樹取蛋，但失足墮下，「鄭昭儀」為救「玲瓏公主」被壓到腹部流產。
「皇上」失望痛心，「玲瓏公主」奉上劍讓他治罪，但「皇上」未能落手殺她。
「皇后」則開心浸浴，舉杯暢飲。
(明報)
呢位人兄今日更新社交網，上載一張18歲時喺聖城耶路撒冷嘅照片，然後用英文寫道：「I am so glad that I had a chance to go to Jerusalem 30 years ago.Amen. #jerusalem（我很高興30年前有機會去耶路撒冷」，照片所見，18歲的他身形瘦削，一臉青澀，但戴上黑超非常神氣。
今年48歲的他已是香港樂壇首屈一指的作曲人，是天王黎明音樂上嘅御用愛將，曾連續六年奪得CASH作曲家大獎，最近還踩過界當上腕錶設計師，而他太太更是女廚神，煮得一手好菜。圖片開估！
答案係：雷頌德！
紅極一時嘅佢之前宣佈娶模特兒女友，不過二人已在2015年底離婚收場，近日佢宣佈同36歲女星認真交往，今年4月開始發展相差13年嘅情侶關係。。。
日本90年代紅星吉田榮作曾迷盡亞洲女觀眾，全盛時與加勢大周、織田裕二睇齊被封為「平成御三家」，呢位昔日萬人迷下年1月就踏入50歲，近日佢宣佈同36歲女星內山理名認真交往，今年4月開始發展相差13年嘅情侶關係。吉田榮作同內山理名去年9月合演TBS警匪劇《確證》一拍即合，隨後開始以朋友發展至情侶。
紅極一時嘅吉田榮作在1997年宣佈娶模特兒平子理沙，不過二人已在2015年底離婚收場，吉田榮作當時被指與平子各自搵食，平子理沙多次被爆背夫偷食，吉田榮作都唔輸蝕，離婚前數月亦被拍搭上年輕混血Model加賀美聖良大搞婚外情，年前又傳出同廿年前舊拍檔中山美穗再續前緣，感情生活多姿多彩。
(蘋果日報)
