鄺文珣06年與商人應德榮結婚後，先後生咗兩個囝囝，大仔Cadence已10歲幾，二仔Casper都8歲。
鄺文珣本來兩個晒數，但舊年發現又有咗，追女成功，全家都好開心。
Chesney眼仔碌碌，五官精緻，完全倒模自靚媽咪，由於佢係家中孻女，當然孻心肝，唔止係爹哋小情人，兩位哥哥都錫到妹妹燶。
鄺文珣特別為壽星女Chesney搞生日會，除親力親為佈置，又訂大蛋糕，仲同Chesney扮靚靚，變身小公主，加上Chesney頭髮濃密，齊蔭頭更加可愛。
兩位哥哥都爭相要給妹妹birthday kiss，結果係咁錫唔停，妹妹成面濕晒，成為生日會上一個趣事。
(蘋果日報)
朱茵、張繼聰、莊思敏、沈震軒等，昨晚喺銅鑼灣出席電影《古宅》首映禮，朱茵表示部戲年幾前拍，見番戲中嘅小朋友大得好快，仲認得，問到佢係咪喺片場唔敢瞓？朱茵話︰「係呀！因為全場都冇燈，好昏暗，過咗日頭會好黑，仲會冬暖夏涼。」問佢有冇見到污糟嘢？佢話︰「我都唔會亂搞或亂望，以尊重嘅心態，都冇事嘅。」不過佢話拍攝時，係有啲唔自在，因為現場係一間有百年歷史嘅大宅，雖然佢信教唔會拜神，不過有啲情況佢都會收利是。
問到會否帶囡囡黃鶯去睇戲，朱茵話︰「佢今日見到啲飛，都問我有冇份，我話冇份，佢又問點解。套戲係驚慄片，又要解釋一輪，仲問媽媽做乜嘢，好多嘢問。但唔可以畀佢睇到，因為我抱人哋BB，佢都唔得，有時見到我喺綜藝節目被蝦，都唔得。」問佢會否追多個？朱茵表示要睇緣份，是否有計劃？佢就話︰「冇嘢係有計劃。」
講到早前同囡囡拍嘅大陸綜藝節目《想想辦法吧爸爸》，是否延播？朱茵表示唔清楚，佢自己都好想睇，想睇番老公點樣湊女。有傳佢收千萬酬勞？佢就話︰「要問番公司，對我哋嚟講好難得，係一個紀念，唔計較幾多錢，最重要係一家人。拍之前個女同爸爸冇咁好，見到爸爸仲踢開佢、嫌棄佢，依家睇到爸爸嘅偉大，信任爸爸。」有傳延播因明星消費仔女，佢只表示期待睇。
張繼聰自言今日化身保安護住朱茵，但朱茵老公黃貫中都在場，問阿聰朱茵是否其女神，阿聰話︰「我哋呢一代冇人話唔鍾意佢，大家都係演藝學院校友，讀書時佢已經好紅。我哋第一日開工見面，就拍一場感情戲，之後我fans行為出晒嚟，話畀佢聽好鍾意《都市的童話》，呢部係佢第一部劇，好多幻想空間。」至於老婆謝安琪冇嚟過探班，因為地方偏遠。如果拍驚慄片都唔驚就死啦！拍呢套戲都驚，唔驚就死。」而部戲講母子情，為人子女要體諒父母，「其實個仔好醒目，佢會話畀阿爹知，帶佢去睇恐怖片，所以瞓唔着，唔使瞓，佢好識射波。」
(蘋果日報)
前港姐張嘉兒2015年與金融才俊Nathan結婚，翌年在港誕下女兒Leora。
張嘉兒在社交網上載手抱女兒、協助她用氧氣罩的相片，看來女兒正在生病中，情況令人擔心，她發文表示「我個女不嬲都係敏感底，生病嘅時候，氣管都會容易收窄，搞到呼吸會吃力一啲，好似哮喘病發咁。佢今次比較嚴重所以我哋入咗醫院，瞓咗兩晚。」
張嘉兒表示在醫院的治療程序，是先要吸一種氣體令到佢氣管放鬆，然後因為女兒的血氧量都比較低，所以亦都要吸呢一個氧氣罩，她說「呢兩晚簡直好似冇瞓過覺咁。首先每兩個鐘頭就要帶佢去一間房度吸嗰種放鬆氣管嘅氣體。然後因為佢都唔會好似大人咁比我地用條帶綁住個氧氣罩，所以我就用手幫佢揸住係面上邊，揸足成晚。有時唔覺意瞓着，佢嘅血氧量指數又會變番低，就會有Alarm響提我要幫佢帶番，所以都瞓唔到覺。」
幸好張嘉兒透露女兒終於可以出院，發文不是希望大家為她們擔心，而是希望祝福所有遇到同樣問題的小朋友，都可以健康快樂，免疫力愈來愈強。
(on.cc東網)
黃浩然與太太莫家嘉（嘉嘉）於2005年結婚，二人婚後育有七歲和五歲的囝囝，兩公婆人前人後都十分恩愛。
不過明報收到告密信，內容包括嘉嘉與一名男子的親密合照，該告密信亦附有疑是嘉嘉和該名男子曖昧私訊截圖，而告密者更爆大鑊，指嘉嘉傷害別人家庭。
明報向黃浩然求證，他起初有點愕然，更面色一沉，當他翻閱告密者提供太太與疑似發生曖昧男士的親密合照以及私訊後，他便說：「呢啲好舊㗎喎﹗」確認相中女主角是其太太，他則力撐太太：「我對太太絕對信任啦！冇咩好回應，我同太太關係好，覺得無人可以做到任何事，傷害到我的家庭，因為我和家人好團結的。」
問他識不識相中的男主角？他說：「我唔識佢，唔識佢。」會不會跟太太開家庭會議，了解事件？他說：「咁我當然會話佢知有咁事發生啦！都無秘密嘅，但係…其實我諗啲相係….可能我都影過好多呢啲咁嘅相，因為大家出嚟玩，大家朋友，好正常，我覺得無乜嘢啫﹗（以後提太太小心啲？）唔需要，照正常。（有無不開心？）無嘢喎，不過我覺得有呢啲事發生好奇怪，對於我嚟講好平常，呢啲事喺我身上已經發生得遲嘞，我入了行廿幾年，先有人講呢啲，我覺得已經遲了，當笑料一宗。」
談到事件牽連到外父的名字也被爆出來，黃浩然為此感到憤怒：「當然嬲，我覺得好有問題囉，屋企人都攞嚟講，仲要用紅筆寫，都不關他的事，我是公眾人物就無所謂啫﹗」他表明不會再就有關事件作回應，免得再有手尾跟。
(明報)
佘詩曼(阿佘)憑住《延禧攻略》「嫻妃」一角最近爆紅中港台。劇中同佢爭寵嘅女星，年齡全部都細過佢，好似飾演魏瓔珞嘅吳謹言，現實生活中係28歲，而演富察皇后嘅秦嵐就37歲、演高貴妃嘅譚卓係35歲。
阿佘戲中角色設定為23歲嘅「嫻妃」，雖然比現實年齡43歲要「後生」20年，感覺有少少勉強，但佢勝在有演技搭夠。其實，阿佘除咗要逆齡拍戲，呢排仲要周圍飛去宣傳呢套劇，不過見佢依然容光煥發，都應該好有一套護膚攻略。
阿佘喺劇入面嘅角色係相當怕老，原來佢戲裡戲外都好貫徹，好似之前佢出席雪花秀嘅活動，佢就講到現實生活中同戲入面角色一樣，唔願接受皺紋，更講笑皺紋係「最討厭的東西」，佢對傳媒大講護膚心得：「我後生時覺得要預防，所以20年前已搽頸霜、面霜，搽得好足，手肘都好緊要，所以o依家仲可以。」
講返當日拍攝《延禧》時係夏天，要拍足兩個月，皮膚好受挑戰，面對45度高溫，皮膚非常缺水，更笑言要同劇中女主角交換保濕方法，最後發現撐傘搽防曬，再加敷面膜最有效。除咗做足護膚，阿佘平時養生都好注重，就最鍾意食生果同大量飲水，先keep到無瑕肌。
(蘋果日報)
「楷女郎」郭嘉文（Karmen）同「小小超」李澤楷拍拖兩年，不過今年夏天李澤楷被指同一位長腿索女同遊泰國，經《蘋果》追問之下，李澤楷向郭嘉文派定心丸，又解釋呢位長腿索女其實就係郭嘉文。
暑假擺明就係去玩嘅日子，點會淨係去得泰國一個地方度假咁少，郭嘉文今日就喺ig投訴唔夠喉，佢喺ig留言話：「One more summer please.（麻煩多一個夏天）」當然佢仲有附上一張罕見泳衣，晒出佢嘅玉背啦！
不過佢tag嘅地方唔係同小小超去嘅泰國，而係另一個香港人旅遊勝地峇里，呢張相，早排去完旅行嘅黃心穎都有俾like話張相影得好，郭嘉文就覆番佢，要多謝姊妹成日都幫佢揸機。
(蘋果日報)
處境劇《愛．回家之開心速遞》好評如潮，幾度添食，有望打破《真情》集數紀錄！
而當中幾條感情線都備受關注，其中飾演「Mandy」嘅謝芷倫（Jan）同馬貫東嘅感情線亦深受觀眾喜愛。
不過，日前劇組出席活動時，有網民就留意到台上嘅布景板唔見有Jan嘅身影，相反，除了「熊氏」一族如呂慧儀、許家傑等角色「板上有人」，馬貫東自己一人都有份，咁點解係Jan冇咗呢？
網民都即刻紛紛喺討論區留言戥Jan唔抵，覺得應該加番佢落宣傳照，更有人表示驚Jan係準備離開劇組而「被消失」！
(on.cc東網)
佢有好消息話畀大家聽，佢要結婚嘞。
佢喺社交網公布喜訊，見到佢喺浸緊風呂期間，男友拿出戒指向佢求婚嘅相片，着住三點式泳衣嘅佢開心到雙手掩嘴，仲晒出一隻好大粒、好閃嘅鑽石戒指，真係好幸福呀！
Mandy仲用英文留言表示「男友係佢另一個自己，大家有相同價值觀、興趣和性格，仲話要學習點樣去做一個好妻子。」相片中仲見到佢哋喺雪山下、鐵塔下咀嘴，真係愛意滿瀉。
曾面試《2015香港小姐競選》、「弗版楊洛婷」之稱嘅Mandy，當年一亮相即驚為天人，樣貌與身材都無得輸，被喻為高質佳麗，可惜最終因為面對太大壓力而退選。
(on.cc東網)
發生家暴後一直封嘴未有回應，惟女方的經理人，今午在微博宣佈兩人協議離婚。
(相關新聞：https://goo.gl/a2c1H3)
經理人楊天真在微博留言：「代表張雨綺小姐與袁巴元先生發布以下聲明：今日二位已經協議離婚。一段感情始終是兩個人的事情，今日結束，願一切塵埃落定，也望各位不再窺私探究。人生有一段相伴即是緣分，願各自安好，彼此祝福。」
內地女星張雨綺和第二任老公袁巴元
而張雨綺於2011年4月與導演王全安在西安領取結婚證宣布結婚，2015年7月張雨綺透過微博發文宣布與王全安離婚。
(on.cc)
人們普遍認為碳水化合物吃多了會胖、不健康，所以近年來，低碳水化合物飲食（又稱低醣飲食、低碳飲食）很受歡迎。然而一項長期研究顯示，持續進行低醣飲食，可帶來減少壽命的風險。
發表於著名醫學期刊《柳葉刀》公共健康刊的一項研究，連續25年調查了約15,000名美國人的飲食和健康狀況，結果顯示，攝取碳水化合物過多或過少，都會影響壽命。
研究指出低碳水化合物飲食（低醣飲食）未必健康，可能減少壽命。
如今，低醣飲食已經被大眾廣泛接受。曾風靡全球的「阿金飲食法」（the Atkins diet），就是用蛋白質和脂肪取代碳水化合物（包括糖）。「原始人飲食法」（The Paleo diet）則試圖模仿人們想像中原始人過去吃的東西——不吃含加工過的碳水化合物的食物，如意大利麵和麵包這類精緻麵食。
整體而言，這些應該算是能有效減肥，且相對健康的飲食。但新發現卻對此提出質疑。
研究顯示，從碳水化合物中攝取約一半熱量的人死亡風險最低。從碳水化合物中攝取不到40％或超過70％熱量的人，則可能減少數年的壽命。用肉類和動物性脂肪代替碳水化合物的人，比進行素食低醣飲食的人死亡風險更高。
「數據顯示，以肉類為基礎的低醣飲食可能與較短的整體壽命有關，我們不該鼓勵這樣的飲食方式。」該研究的領導者、布萊根婦女醫院（Brigham and Women’s Hospital）心血管醫學科的薩拉·瑟德爾曼（Sara Seidelmann）博士告訴《衛報》，「如果真想進行低醣飲食，儘量用植物性脂肪和蛋白質來取代碳水化合物，長期而言可能對健康更有利。」
研究人員在25年內針對約15,428人（年齡在45～64歲之間）的碳水化合物攝取情況與全因死亡率進行研究，得出初步結論。然後將結論與其他它七項研究的結果進行了比較，以確保研究結論的一致性。
結果顯示，50歲開始參與研究、正常食用碳水化合物（從碳水化合物中攝取50～55%熱量）的人，預估可活到83歲。
這些人：
● 比從碳水化合物獲取30～40％熱量的人預估壽命多2.3年。
● 比進行低碳水化合物飲食（低於30％）的人預估壽命多4年。
● 比進行高碳水化合物飲食（高於65％）的人預估壽命多1年。
*該研究所對照的其它七項研究，涵蓋了20個不同國家的432,000名受試者。
（大紀元）
