【《愛·回家》兄弟團】十五年愛情長跑修成正果

2018-10-15

娛圈又有喜事喇，於無綫處境劇《愛·回家之開心速遞》中飾演Terry一角的李偉健昨日 (10月14日) 與拍拖十多年的圈外女友Bo結束愛情長跑，舉行婚禮結婚，早上有傳統接新娘以及斟茶儀式，晚上就有婚宴宴請一眾親朋好友分享喜悅。

兄弟團包括李霖恩，還有主演《開心速遞》的周嘉洛、馬貫東以及阮政峰。其實一對新人已於今年3月在日本京註冊結婚，不過卻沒有法律效力，要在香港再註冊才能正式成為合法夫妻。偉健說：「喺日本註冊只係象徵式，今晚都未註冊，因為我忙到無時間，交唔切文件去排期，預計11月左右先可以註冊。」

新郎哥偉健的心情當然是好開心，又有少少緊張，問到他最愛太太甚麼，他說：「佢好好呀，唔大使啦，又會煮嘢畀我食，就算佢本身唔識煮嘢食，都會上網搵食譜嚟自學，喺我心目中梗係滿分啦。好多謝佢，肯陪我捱窮，我窮咗咁多年，佢都一直陪喺我身邊，對我不離不棄，支持我，真係好好。」他又笑言縱然好愛對方，但兩人也會有嗌交的時候：「淨係結婚都嗌唔少啦。」他又透露兩人的財政於好多年前已經融埋一齊，沒有財政獨立，無分彼此。

雖然結婚了，但偉健和太太並未開始一起居住，因為兩人的愛巢要進行大裝修，他說：「間屋好舊要重新裝修，可能要一、兩個月後先搞掂，我哋考慮緊租酒店住。」至於生B計劃，他就話同太太都唔太敢生：「驚教得唔好，好大責任，有保留，呢一、兩年應該唔會生住。」

婚宴由合作拍攝《愛》劇嘅李霖恩、周嘉洛、阮政峰擔任兄弟，「大小姐」林淑敏、「送水輝」許家傑及阮政峰做幫手做司儀搞氣氛，胡渭康和鄭世豪則上台唱歌贈慶，有份去飲嘅邵佩詩在社交網貼咗李偉健兩公婆嘅甜蜜錫錫相，喜氣洋洋。

甫開席，李偉健即上台向太太發表愛的宣言，他情深款款說：「我愛你，有10蚊畀9蚊你，要你幸福快樂。」令新娘子感動到喊，一度說不出話。

(HK01/蘋果日報/on.cc東網)

【囡囡錫錫超級冧】吳若希第一日即出事

2018-10-14

歌手吳若希（Jinny）近日喺社交網透露同屋企人去三藩市旅行，但點知一去到冇耐，Jinny就唔小心整親腳，真係勁黑仔！

但似乎休息咗一日，Jinny已經冇晒事仲孖住囡囡Giselle去公園玩！Giselle仲好可愛同好乖，喺陽光樹下錫錫媽咪，Jinny成個冧豬樣出晒嚟，真係好有愛！

Jinny喺社交網留言：「你親一口我親一口，左邊一下右邊一下。」唔少網友都讚好Sweet，一定會好似媽咪咁靚女！

(on.cc東網)

【姊弟戀】周勵淇：係被逼公開

2018-10-14

藝人周勵淇（Niki）接受電台節目主持人梁泰來訪問，談及跟年輕六年的徐正溪的姊弟戀無疾而終，她表示：「當時是不小心被傳媒拍到，我根本沒有想過要公開，不公開就沒事！是被逼公開的！我明白大眾關心公眾人物的私生活，但我一直很抗拒將私生活公開，一段關係要面對大眾時，我就會感到很大壓力。我認為在拍拖初期，大家都在了解、在嘗試階段，而如果關係被公開了，就會有很多人有不同的意見，當接收這些意見後，兩人感情便會滲入雜質，這就是不適合。」

徐正曦和Niki拍《衛子夫》撻着，此劇也令Niki在內地人氣上升。

她表示希望一段關係要先經過兩人經營，待穩定後才會公開。對於被稱為「黃金盛女」，Niki覺得無所謂：「年少時我會很介意別人對自己的看法，但現在我並不介意。我亦沒有幻想過自己何時會結婚，婚禮會是怎樣，可能是因為我的性格比較隨性，不會擔心將來。」她續說：「我的拍拖經驗不多，五隻手指數得完，我出席過我家姐周汶錡的婚禮、很麻煩，要安排很多事情，又要招待客人，我會覺得很累、又害怕婚禮辦得不妥。」對於擇偶條件，Niki稱有感覺就可以，也會考慮不同國籍的男性。

(on.cc東網)

【兩公婆身體都⋯】石詠莉：喺街覺得天旋地轉，以為有喜

2018-10-14

劉心悠、石詠莉同陳志雲等今日在跑馬地出席健康運動，心悠平日以跑步打網球為主，近日重點加插練習芭蕾舞，佢話：「12月會同香港芭蕾舞團合作，演出胡桃夾子其中角色，好大挑戰，集中練習緊腳步，希望爭氣啲。面對其他人跳咗廿幾年舞，我企埋去唔知似乜呢？」

心悠暫時練習基本動作，但有時雙腳就唔聽話，並有感跳芭蕾舞係一項好強勁嘅運動，仲要考耐力，現時每日最少花兩小時學習，包括踢腿及一字馬動作，要令髖關節更靈活，心悠會做足基本功夫，覺得年齡唔係障礙：「當然小朋友學快上手，我只諗點樣做好件事，喺舞台表演芭蕾舞係人生願望之一，依家心想未成事，希望成功。」為咗籌備今次演出，心悠推了唔少工作，話會搏命去做，一生人一次，仲講笑：「有信心就會請大家嚟睇，冇信心就唔好嚟睇喇。」

石詠莉靠運動增進身體機能，早前身體弱，試過在街感到天旋地轉，仲誤以為有喜，依家好著重健康，佢話：「我身邊嗰位（老公鄧健泓）開始年紀大，要對身體愛錫多啲，佢最近驗出血液膽固醇過高，已經好努力運動改善，但未合格，我要落足心機研究菜式，平時食得好嘢太多。」又話要照顧老公飲食多咗個「大細路」，希望大家都身體好。

兩公婆身體都有小毛病，但石詠莉好堅定表示冇阻礙造人大計，仲話：「佢好勁㗎，好識做人，唔知你哋講邊方面？」講緊生仔？佢話：「OK㗎，佢好健康，唔使擔心，佢身體好過我。」

(蘋果日報)

【股骨頭缺血性壞死】有指病情復發健康每況愈下

2018-10-14

最初認為這個病可以不治而愈便放棄醫治，及後病情惡化，並放棄了所有工作到美國接受手術，於今年六月現身代言活動，表示身體很好，但未敢談及復出，但有指病情復發。。。

現年55歲的「中國音樂教父」劉歡於2009年驗出有「股骨頭缺血性壞死」，最初認為這個病可以不治而愈便放棄醫治，及後病情惡化，並放棄了所有工作到美國接受手術，於今年六月現身代言活動，表示身體很好，但未敢談及復出，而前段時間他和高曉松上傳了合照，照片當中劉歡的頭髮全白髮，看上去蒼老不少。有指病情復發，健康每況愈下！一直由妻子盧璐悉心照料。

劉歡於2008年北京獻唱奧運會主題曲《我和你》令名氣大增，並由2012年起擔任多屆《中國好聲音》節目中的導師而令港人熟識，而該節目曾經有多名超級巨星參與，當中包括陳奕迅、周杰倫、那英、許志安等。

早前劉歡被拍到撐着拐杖行路。

p.s.股骨頭缺血性壞死的病例多是發生在青壯年族群，研究指出，病患者平均需要接受人工髖關節置換手術的年紀為50.2歲，男性病患以飲酒為常見成因（62.1%），另外愛滋病患也是一個股骨頭缺血性壞死的族群。

(on.cc東網)

【苟芸慧結婚】岑麗香：之前食飯有商量過⋯

2018-10-14

藝人岑麗香以性感低胸裝出席代言活動，她指事前未有給老公強強過目，不諱言以往更性感亦沒問題，故無須每次問准老公，她謂：「平均乖就得，上上落落係應該嘅。」問到平日可有為老公按摩？她得戚表示喜歡在對方做完運動，肌肉特別酸痛時就會效勞，強強也會為她按摩膊頭，那是否二人生活情趣？她謂：「咁又唔係，係需要咋！」

相關圖片

剛從加拿大小休返港的她，透露近日香港與加拿大也很多朋友結婚。

對於好姊妹苟芸慧亦將於本周五（19日）結婚，身為姊妹團的香香表示會隨時候命，問到是否取消玩新郎環節？她謂：「佢講啫！我諗少少都會有，最緊要氣氛，同埋有個好的記憶。（新郎哥話已經收賣咗班姊妹？）冇收賣我喎！（到時姊妹團有冇表演送畀一對新人？）之前食飯有商量過，但未定。」

至於另一好姊妹鍾嘉欣會否返港？她謂尚不知情，更指今次於加拿大之行也未有機會探望嘉欣的細仔。

問到若果見完會否更想生仔？她謂：「順其自然啦！做Auntie都好開心，玩人哋個B又唔使負責任嘅！」

(on.cc東網)

【謝霆鋒低調探望張柏芝】11歲Lucas已經高過爸爸膊頭

2018-10-14

藝人謝霆鋒和張柏芝離婚7年，共同撫養2個兒子Lucas、Quintus，孩子大部分時間和前妻生活。他近日低調返港探視孩子，摟著大兒子開心同框，合照在陸網瘋傳，掀起網友熱烈討論。

網傳謝霆鋒探望張柏芝母子，和Lucas的2張合照在網路傳開。他先是親密搭肩，見11歲大兒子已經高過自己肩膀，露出燦爛笑容，摸摸兒子頭摟緊拍照，父愛滿滿。

▲▼謝霆鋒低調回港看兒子。（圖／翻攝自微博）

謝霆鋒低調回港看兒子，大兒子Lucas高過他肩膀。

謝霆鋒露著兒子滿臉笑容。

謝霆鋒和兒子團圓一向低調，2017年為了幫小兒子Quintus（謝振南）慶祝7歲生日，還和父母謝賢、狄波拉在住所舉辦「鋒味」生日派對。自生日派對後，相隔一年多再度出現父子同框照，網友驚呼「兒子這麼大了」、「高顏值一家人。」

(Ettoday)

【差葉璇同黃宗澤！】網民：這才是TVB的感覺

2018-10-14

杏兒留言：「難得的合照，我覺得還差葉璇，你們覺得呢？」而被tag嘅葉璇就上載自拍回應：「我正在地鐵站通頂演持槍悍匪啊[笑cry]！我的心跟你們在一起」

無綫金牌監製潘嘉德尋晚舉行榮休暨生日宴，唔少藝人都趁機敍吓舊，非常熱鬧！當中最引起網民討論嘅一定係《少年四大名捕》吳卓羲、陳鍵鋒、林峯及馬國明難得合體，而做咗人母嘅胡杏兒就喺微博上載加上人妻楊怡嘅六人大合照，不過佢就覺得差咁個人，佢就係葉璇喇，杏兒留言：「難得的合照，我覺得還差葉璇，你們覺得呢？」

而被tag嘅葉璇就上載自拍回應：「我正在地鐵站通頂演持槍悍匪啊[笑cry]！我的心跟你們在一起」

網民就留言話呢個組合諗起《衝上雲霄》、《再生緣》、《西廂奇緣》，不過仲有人神回：「其實還缺一個Bosco（黃宗澤）！」

原來尋日Bosco去咗鄭州工作，唔知如果喺香港佢會唔會去呢？

仲有唔少當年喺無綫拍劇嘅藝人包括甚少公開露面嘅陳美琪、陳慧珊、古天樂、梁漢文、李克勤夫婦等等都有赴會。

網民都好感慨話「這才是TVB的感覺」，諗番起嗰一個年代嘅TVB劇集呀！

(on.cc東網)

【網民大讚卓林⋯】吳綺莉：一點都感受不到

2018-10-14

近日，小龍女屢屢在社交平台曬出和女友照片，自從成龍出資幫扶小龍女開工作室以來，小龍女和女友的生活至少是有保障了，但是母女兩人關系降到了冰點，不僅關系大不如前，而且關系更是臨近冰點，著實讓人唏噓啊！

近來小龍女又在社交平台曬出了自己的照片，不過，近照中的小龍女看上去似乎瘦不少，可以說是整個人都暴瘦，臉看著都比之前小，就連胳膊瘦的也只剩皮包骨，看來即便是成龍在經濟上資助了小龍女，她們的生活依舊過得很艱難。

不過，細心的網友應該會發現，瘦下來的小龍女看著倒是越來越像吳綺莉了，不愧是親生的，臉型和容貌確實和吳綺莉愈來越像，都留言稱：卓林長得就是像你啊！結果，沒想到的是遭到了吳綺莉怒懟：一點都感受不到。

看吳綺莉的態度，似乎對小龍女很生氣，即便是說出恭維的話，吳綺莉也是絲毫不留面子，並且堅稱小龍女和自己不像，不過，吳綺莉這這話是不是有什麼言外之意，自己的女兒和自己不像，還能像誰呢，難不成是在說像成龍嗎？

吳綺莉的好閨密郭秀雲也曾在媒體上表示母親吳綺莉拿卓林是沒有辦法的，聲稱她也很難過，但生活還是要照常來過。她們之間是生活方式失控了，可回過頭來一看，不僅僅是生活方式失控了吧，更多的是母親吳綺莉已經放棄了女兒卓林，讓卓林感受不到家庭的溫暖才有了現在的叛逆。

早些年的時候，吳綺莉對小龍女確實不及前兩年關心，甚至還會傳出過吳綺莉虐待小龍女的醜聞，至於原因自然還是因為小龍女的生父問題，還希望她能及早放下心中的芥蒂，和小龍女能夠融冰。

(騰訊)

【同兩個「老公」合照】羅仲謙嬲爆爆：叫我情何以堪

2018-10-14

TVB著名監製潘嘉德昨日舉行榮休宴兼預祝下月70歲大壽，好多圈中藝人都有出席，亦令唔少經典組合重聚(相關新聞：https://goo.gl/1bD4ov)。其中楊怡同羅仲謙夫妻檔現身。

問到佢哋點樣賀德哥，羅仲謙就話：「乜都有啦，心意啦，同埋最緊要個人嚟支持。」楊怡就話：「今日嘅心意係慈善作用，因為佢都講到明酒水、禮物，乜都唔好買喇，人情方面做幾多都冇所謂，都係作慈善用途。」

被問到同德哥有冇好難忘合作，羅仲謙即時表示係同楊怡訂情作嘅《On Call 36小時》，羅仲謙：「係呀，《On Call》攞咗好多獎，又可以贏埋老婆啦，幾着數呀！（媒人，咁要送多啲嘢俾德哥。）契爺嚟o架。」而楊怡即搭咀話：「老竇嚟o架！叫咗幾十年。」羅仲謙又補充：「其實新人最緊要機會，佢最鍾意俾咗好多機會新人，俾咗好角色我哋，令我哋發展比較順利。」而楊怡即話：「係，呢個係事實嚟，因為我喺訓練班出嚟之後，好多角色都係德哥嘅劇嗰度嚟，佢真條好提攜新人。」

問到楊怡，同德哥合作邊套劇覺得難忘時，佢就話：「哇！太多喇！」然後羅仲謙又搭咀：「梗係《On Call》啦！」跟住楊怡話：「《On Call》難忘，（你可以識到羅仲謙。）呢個係人生不忘磨滅嘅事實，但拍德哥嘅劇，我最有印象都係《再生緣》，因為係啱啱出嚟嘅角色，亦係去內地拍，係一套好開心、好多回憶嘅劇集，所以呢套係好難忘。」

至於問到佢哋造人大計，佢倆個就話：「俾啲時間我哋先，唔好俾壓力。」

不過羅仲謙之後就喺社交網上載咗一張合照，相中見佢扁晒嘴，似乎好唔開心咁喎。

其實係因為相中唔止有佢哋兩公婆，仲有同楊怡喺《on call 36小時》系列飾演兩公婆嘅馬國明。同兩個「老公」合照，楊怡竟然黐近馬國明多過謙謙，難怪「真．老公」嬲爆爆，仲留言：「你們旁若無人，叫我情何以堪呢」

(on.cc東網)