前港姐麥明詩（Louisa）一直話題多多，無論喺工作表現或打扮性感啲都會引起熱烈討論，近日更有疑似走光直播片流出，備受壓力嘅佢今日終於爆煲！
佢喺社交網發長文訴心聲，坦言自己只係想做個有正常生活嘅藝人，可以唔顧儀態食嘢同識男仔，當中佢重提參選港姐時不慎走光一事，叫大家喺佢着泳衣時唔使好似驗屍咁驗，最後佢以一句「Please don’t make me see myself as different.（請不要讓我視自己為異類。）」嚟總結，希望大家可以當佢普通人一樣，唔好給予過多注視同壓力。
佢留言謂：「我希望做一個藝人，一個可以掃街搭地鐵擘大口食嘢嘅藝人，一個可以着泳衣但唔使驗屍咁剃到一條毛都冇嘅藝人，一個可以好似正常女仔玩交友app同異性flirt嘅藝人，一個可以嚎啕大哭開懷大笑嘅藝人，一個可以將精神放喺活出充實自在人生嘅藝人，我只希望做一個人。」
(on.cc東網)
無綫資深演員陳榮峻將於七月十日迎娶拍拖三年的藝人女友吳香倫，當日兩人下午會在香港堅道聖母無原罪主教座堂行禮，晚上筵開55圍酒席宴客。
現年62歲的陳榮峻，早年喪妻，與57歲的吳香倫拍拖後，令他重燃人生希望，陳榮峻的三子女亦很贊成爸爸再婚。兩人均是天主教徒，亦已上婚前輔導班，學做人夫人妻，婚禮在即，早前他們到迪欣湖拍婚照，過程順利，兩人手拖手深情對望，sweet爆。
拍攝期間發生了一段小插曲，陳榮峻穿着的皮鞋突然甩鞋底，他即乘機冧太太搞笑地說：「甩鞋底喎！不過照顧老婆重任就唔會甩底。」氹得吳香倫甜絲絲。
陳榮峻大爆未婚妻是大頭蝦，早前試婚紗，吳香倫差點跌爛手機，由於太太烏龍百出，甚至會擔心不懂下廚的她無飯食，認真廿四孝老公。
(on.cc東網)
忽然喺社交網宣布要無限期停工：「結束今天的錄影了，開始入行以來第一次的無限期停工。突然想說些甚麼，又覺得矯情。是啊！我從來不灑脫，所以才要裝的很灑脫。累了！力不從心了！希望你們能明白。 」
現年51歲、台灣歌手張宇1993年入行，憑成名作《用心良苦》一砲而紅，在台灣樂壇舉足輕重，其後的作品《月亮惹的禍》等都令人回味，間中亦有涉獵拍劇等工作，經歷25年圈中高低，近年主力在大陸發展，參與Hit爆歌手新人騷《我是歌手2》，又拍攝多個綜藝節目等。
已經踏入5字頭，張宇忽然喺社交網宣布要無限期停工：「結束今天的錄影了，開始入行以來第一次的無限期停工。突然想說些甚麼，又覺得矯情。是啊！我從來不灑脫，所以才要裝的很灑脫。累了！力不從心了！希望你們能明白。 」
有網友即急問佢係咪退休？佢就輕描淡寫回應：「退不退休再說，但你怎麼說的好像我已經駕鶴西去了。哈哈！」
今次一別，又唔知等幾耐先可以再聽到佢嘅新作品面世喇。
(on.cc東網)
今年56歲嘅黃秋生，同太太吳惠貞結婚26年，婚後二人育有兩子睿名及煜政，然而本周四《蘋果》卻收到一名自稱Joyce的讀者報料，稱已婚26載的秋生，有一個20歲的私生子，秋生回覆本報時亦直認不諱，承認William係佢嘅私生子。而William嘅生母就係Joyce，今日有周刊報道指Joyce事隔廿年先向爆料，其實係為咗一個字「錢」，報道指過去多年Joyce都當William係提款卡。
報道指，Joyce是岑建勳嘅姨甥女，Joyce喺17歲嗰年同已婚嘅秋生拍拖，話佢哋嘅關係維持咗十年，當時Joyce英國、香港兩邊走，到William兩歲嘅時候就同囝囝返咗英國定居，報道指多年來秋生都有做父親嘅責任，仲喺英國買屋安頓佢哋兩母子。然而過咗廿年，Joyce先至公開數臭秋生，報道就指因為多年嚟Joyce當囝囝係提款咭，不時要秋生加碼俾錢，如果唔配合就會攞William嚟出氣。有指秋生以往亦會接到囝囝嘅爆喊電話，秋生唔想難為阿仔，就唯有就範。
今年20歲嘅William，準備升讀大學，秋生覺得William都大個仔，所以就將生活費直接過俾佢，引起Joyce嘅不滿，所以就將事件公開。有指Joyce同秋生分手後，已經結過兩次婚，同o依家嘅老公亦有一對仔女，秋生接受另一本周刊訪問時就不願多談，而佢亦好坦白咁話自己亦再冇其他秋生仔女，報道入面仲有知情人士話，秋生同Joyce有私生子嘅事，都已經困擾咗佢好多年，所以今次事件公開咗，對佢嚟講都係一種解脫。
知情人士亦證實Joyce真係已經結咗婚，亦有仔有女，秋生同佢亦再冇聯絡。今日《蘋果》聯絡過秋生，對於私生子被公開係為「錢」一字，與及Joyce已再婚，佢話：「咪好囉，終於有個了結。佢一早就應該將D心血放番喺自己家庭啦。不過佢o依家又唔俾個仔返屋企，我o依家又擔心緊個仔入大學前住喺邊。呢樣唔得又嗰樣。」
(蘋果日報)
胡定欣、田蕊妮﹑古天樂﹑吳卓羲﹑陳慧珊﹑張兆輝夫婦﹑陳煒﹑苗僑偉﹑劉偉強﹑丁子高﹑黎諾懿夫婦﹑伍詠薇、余思霆﹑吳岱融﹑梁烈唯﹑王浩信﹑陳展鵬﹑姚子羚﹑李施嬅等到賀，星光熠熠。。。
丁子高、歐陽震華、伍詠薇、苗橋偉、陳欣健、張兆輝同太太嚟賀樂易玲嘅59歲生日，問到佢會唔會接拍《飛虎2》，佢就表示：「唔得喇，同其他工作嘅期撞咗。」再問佢會唔會感到可惜，張兆輝直言無辦法：「有時工作成日都係咁，一個人做唔晒咁多嘢。」提到佢受歡迎，講到點擊率高，佢話：「咁就係仲有機會，希望佢繼續有好成績，仲會拍第三輯、第四輯，拍落去，到時我咪有機會做到，因為其實撞咗期嘅工作喺香港，接嘅時候都係好突然通知，所以無辦法。」
講到早前，佢同太太登報澄清自己太太家姐、即佢大姨欠債一事無關，佢表示：「都無辦法喇，唯有好好警惕，唔好先使未來錢，要自己按返自己能力同步驟。」再問到佢哋驚唔驚有人以後追債，受到騷擾，張兆輝表示：「騷擾我都無辦法，其實唔關我事，應該要搵返嗰個人，始終呢啲嘢，一人做事一人當，不過總言之講就係咁樣講，希望就唔好搵我哋。」
田蕊妮就單人嚟賀樂小姐生日，佢就帶咗支酒到賀，佢話：「生日唔知送乜，送支酒大家開心啲。」提到近況，佢就話早前同老公杜汶澤去咗美國兩星期，阿田說：「年年都會去，去打坐，健康啲。」問到佢幾時再拍劇，佢就笑言自己係佛系演員：「緣份到就會拍，其實都差唔多，都應該付吓責任拍下，老公之前同我講，話我差唔多停咗一年，係唔係唔拍？唔拍就不妨話畀佢聽，其實依家係錄緊歌，仲未錄完。」講到佢係唔係要揀劇本同揀對手，佢就笑言唔係：「點有得揀劇本，我呢啲，邊有得揀對手，有啱就會拍。」
(蘋果日報/明報)
48歲李嘉欣與丈夫許晉亨2008年結婚，10年來一直非常恩愛，與兒子Jayden一家三口過住美滿生活。
嘉欣今早在社交網分享幾張圖片，除了跟幾位女性朋友的合照、單人照外，還有許晉亨從後攬住她的照片。
照片中，他們笑容一致，流露著幸福笑容。
(明報)
42歲張新悅臨盤在即，不過依然好活躍，完全唔怕辛苦，帶住個巨肚四圍去，早前仲趁端午節遊船河，然後喺社交網貼巨肚相，話要留念一下，因為相信肚皮唔會再有機會咁大。
而噚晚佢就約埋相識18年嘅老友吳佩慈，同埋一位女性友人食飯，吳佩慈仲為佢送上蛋糕，預祝張新悅第四位千金即將出世，張新悅亦有加tag，話倒數9日。
張新悅留言話：「做了三個小孩的媽媽知道時間寶貴，有時有心卻無力。謝謝妳們準備的蛋糕。除了真係好靚好味最重要是百忙還抽空給我這個又有心又有愛的surprise！」而同樣生過三胎、為紀曉波誕下兩子一女嘅吳佩慈，去年6月產B仔後，今年初已事先張揚會再生。不過，噚晚就先同好姊妹預祝就生第四胎。長髮披肩嘅吳佩慈手捧大蛋糕，加上一條超短牛仔褲，39歲嘅佢依然少女味極濃。
今日《蘋果》揾過張新悅，佢話：「約咗成個月，同佩慈好好朋友，以前喺台灣一齊做嘢，另一位係台灣嘅女仔朋友。」張新悅仲自爆，今日以為自己生得，「真係以為生得，點知原來『食詐糊』啫。」
(蘋果日報)
前港姐陸詩韻最近有份參演無綫劇《宮心計2深宮計》，但自由身的她日前為亞視節目《今晚見》擔任嘉賓。
訪問過程有問詩韻當年選港姐輸給葉翠翠可覺唔抵，她說：「唔會，我都入咗三甲，得到2005年港姐亞軍，（黑幕？）我都唔知！因為卸任港姐後，我都有拍劇，但遇到男友，又幫屋企做生意，曾諗過結婚退出，但後來不了了之，思浩都話我被男人呃，仲話我樣似精明，其實我係鱷魚頭老襯底，好感情用事，所以思浩叫我，第時有男友要畀佢哋過目先！」
(on.cc東網)
她努力製造恩愛氣氛，沒想到還是發生了出軌事件，儘管懷孕五個月，還是崩潰，眼看夫妻關係再度出現裂痕：「如果再不親的話，大概一輩子都不會再親了，所以我現在每天都繼續做。」
36歲日本寫真女星安田美沙子日前爆發婚變，就在懷孕5個月時，設計師老公下鳥直之帶圈外美女開房被拍到，照片曝光陷入婚變危機。她近日參加節目錄影，透露夫妻每天都會玩親親，結果老公還是外遇了，為此還氣到翻桌。
安田美沙子結婚5年，「我每天都會給他送出門的吻、回家的吻，想說這樣他就不會搞外遇了。」她努力製造恩愛氣氛，沒想到還是發生了出軌事件，儘管當時懷孕5個月，還是崩潰爆氣，把家中的桌子給翻了，後來半年都要求檢查丈夫手機，結果輪到對方抱怨「這樣好煩啊！」
安田美沙子說：「我每天都會給送出門的吻跟回家的吻，想說這樣他就不會搞外遇。」
得知老公偷吃，安田美沙子說：「我當時懷孕也氣到翻桌。」
安田美沙子認為如果不再夫妻親吻，「我想一輩子都不會再親了。」
眼看夫妻關係再度出現裂痕，安田美沙子想起自從生下孩子後，就沒再和老公親吻，「如果再不親的話，大概一輩子都不會再親了，所以我現在每天都繼續做。」她主動修補婚姻，也被大家稱讚「真了不起！」
(ETTODAY)
余文樂上年12月同台灣女星王棠雲結婚，今年5月囝囝余初見(Cody)出世喇！榮升爸爸嘅樂仔今晚終於現身活動，到上環出席手表活動，佢話自己仲係放緊假：「不過呢個job係半年前已經接落，所以一定要出席。我已經放咗1個月假，為咗湊小朋友推晒啲工作，依家努力學習湊BB。」
初為人父嘅樂仔，同老妳分工合作，樂仔笑話自己揀咗個筍位：「我負責餵奶，換片同掃風就係媽咪(老婆)負責，我做夜更，3個鐘餵1次，早更媽咪做。」推咗嘅工作加埋有冇成球呀?樂仔即刻：「點只呀！不過唔關工作事，我係為咗照顧BB，唔想BB一出世，我就去做嘢，想再放多一個月假。」
今個月10號係Cody滿月，問到樂仔會唔會幫囝囝搞百日宴?佢就話唔搞啦，到時只會同屋企人食餐飯。講到囝囝，樂仔就勁開心，仲話Cody路大得好快：「初初出世好細粒，o依家重咗好多，大過張櫈，BB個樣似我，不過媽咪話似佢。」
會唔會再追多個女?樂仔坦言：「想，但有啲驚，想生又唔敢生，因為生女好危險，太太係獨生女，由細到大都唔多朋友。目標係想生3個，睇我能力啦！能力下降咗，因為老囉，湊細路真係好攰，要好多時間，樣樣想自己親力親為，要同老婆輪更湊，工人姐姐只係負責協助。」
樂仔同老婆上年底喺澳洲結婚，佢話唔會喺香港補擺喜酒，之前已經同屋企人食咗飯。至於早前同老婆去咗去意大利旅行，樂仔就自爆本來老婆一直想去意大利結婚，但因為有咗BB，所以就答應老婆擇日再出發：「佢一坐完月我哋就即刻去旅行，不過去到又好掛住BB，好想返屋企，依家手機多好多都係BB嘅相。」
(蘋果日報)
