【下周成婚】準新人苟芸慧陸漢洋靚爆婚照曝光！

2018-10-13

藝人苟芸慧（苟苟）與陸漢洋（William）將於本月19日拉埋天窗，原來他們早在5月時到韓國拍了一輯婚照，苟苟揀韓國的原因，除了她是韓星孔劉的鐵絲外，她自己本身亦擁有四分一的韓國血統之故，是次的拍攝班底非常強勁，包括韓星朴信惠和李聖經的御用化妝師、攝影師則曾為李英愛和金喜善拍攝等。

他們除了拍婚紗照外，還有多款不同的造型，有戶外的清新Look，亦有晚裝的高貴Look，足足影了兩天。苟苟大讚韓國化妝術，令她妝容煥然一新，而William亦大讚老婆靚爆。

她說：「化妝師化粉底有獨門秘技，會不停拍打面部，令粉底更易滲入皮膚，我好似被人打咗幾把咁，但個底妝真係好薄好自然，我好鍾意。」

對慣鏡頭的苟苟，拍攝時自然駕輕就熟，至於準新郎哥William則顯得甚為緊張，表情動作甚為生硬。現場的攝影師，為了緩和緊張氣氛，刻意用女聲講解如何擺甫士，逗得她們笑不攏嘴。William笑說：「老婆實在太靚，甚麼角度都咁靚，我當然大壓力，驚會破壞了張靚相，所以都係避重就輕，影多點我嘅側面比較穩陣。」他謂平時教苟苟賽車，如今由老婆教他擺甫士做模特兒。他說為拍攝獻出了第一次，因他從未着過粉紅色衫，第一次做pink man，拍出來的效果亦令他出乎意料之外。其中一日他們在戶外拍攝，剛遇上舉行國際美食展，到處掛了很多國旗，他們即找來香港區旗下影相留念。

苟苟熟悉首爾，故此行帶充當首次去韓國的William做嚮導，她說：「William第一次去韓國，以往我哋旅行都係佢負責安排，今次輪到我做導遊，帶佢周圍食嘢，佢最鍾意黑豆豉炸醬麵，不過都係等完成咗兩日影相先去食，佢怕有肚腩。」

(on.cc)

【陳太代佢拎住】新郎陳展鵬太緊張出動大型貓紙宣誓

2018-10-13

藝人陳展鵬與單文柔終於修成正果，今日舉行海上註冊，新娘子穿上白色低胸透視婚紗，大晒身材，新郎則身穿黑色西裝。

兩人在約五十名賓客見證下宣讀誓詞、交換戒指及祝酒儀式，未知陳展鵬是否太緊張，讀誓詞時竟出動大型貓紙，還要由單文柔代他拿着，場面搞笑！

誓詞寫着：「我請在場各位見證：我陳展鵬願意娶你單文柔為我合法妻子。由開始相知相識，彼此陪伴走過，不單止係好朋友、好情人，我笑嘅時候你會戥我快樂和滿足，我喊嘅時候你會默默守在旁邊為我遮風擋雨。彼此明白二人結合並非1+1=2，而係0.5+0.5=1，互相compromise。我在此向你保證，一生之中對你忠心不變，矢志不渝。」

之後新娘拋花球，由一名小妹妹接到。

相關新聞：

【陳展鵬單文柔換上婚紗及禮服】海上行禮衆人見證成婚 https://goo.gl/ygpE4b

【新郎陳展鵬好細心】陳太單文柔差啲… https://goo.gl/DgSVAG

【笑到四萬咁口】視帝陳展鵬今迎娶28歲單文柔 https://goo.gl/SZSF7M

【今日出嫁】準新娘單文柔：我會努力做好陳太呢個角色 https://goo.gl/QM7rVo

（on.cc）

【鄭嘉穎突然發文】周秀娜即刻叫佢唔好諗唔開

2018-10-13

鄭嘉穎近日到韓國出席釜山電影節活動。

他趁公餘時間到戶外放鬆一下，攤在海邊石壆稱要「享受一下釜山的陽光」，見他穿上外套加長褲，像「趴地熊」一樣，十分可愛。

太太陳凱琳（Grace)大讚嘉穎「Funny and Charming」(搞笑又有型)。

而他在新戲的對手周秀娜以為嘉穎要跳海，立即留言話：「你唔好諗唔開啊！」

(ig / singtao)

【心痛卓林】郭秀雲望到卓林張相「嘩」一聲

2018-10-13

名媛郭秀雲（Sharon）環保團體共300多人今早出發到長洲進行清潔沙灘活動，眾人於中環碼頭受訪。

其中Sharon指超級颱風山竹的確令香港受到未曾試過的破壞：「依家揸車都見到好多樹仲係連根拔起，又驚有啲樹枝會跌落嚟，都真係有排執，所以市民出力幫手係一件好事。」續呼籲大家行動時要做好安全措施，例如戴手套、着合適的鞋、甚至帶備用具等，又指Andrew私下都會夾埋一班朋友去維園做清潔。

問到最近可有留意卓林的動向？Sharon顯得有所回避先答沒有，然後交代自己近幾個月的行蹤，於美國跟隨多個環保組織宣揚環保意識，說畢記者追問有否邀請卓林幫手搞環保活動？

她才回答：「喺美國呢段時間都冇留意佢啲新聞，係有日得閒望吓facebook發現佢喺張單人近照Tag咗我，望一望『嘩！咁瘦嘅？』淨係留意到呢啲，唔知佢喺邊，Auntie就梗係有啲肉赤啦！」

又講到每個人必經的路都不一樣，再重申不知道卓林的近況，亦表示冇時間去跟進，而現時首要是約「死黨」吳綺莉食飯。

「有時年輕人可能會覺得我哋思想舊，覺得有自己一套唔需要睬我哋，希望佢自己諗通咗，我哋先再溝通，但都有少少擔心會唔會嘥氣。（之前嘅溝通都覺得沮喪？）咁耐以嚟，係囉…」

(on.cc)

【讓敏感肌振作】戰勝轉季天氣

2018-10-13

「笠滋滋」的三月份，是其中一個令敏感肌容易「病發」的季節。對於擁有敏感肌的朋友們來說，初春不單止是百花盛放的時節，更是紅，腫和痕癢來襲的時候。接下來我們一起打破三項護膚迷思，讓敏感肌振作起來，戰勝潮濕天氣，迎接這個充滿無限生命力的春天﹗

相關圖片

愈補濕愈好？

的確，健康的肌膚每天都要「飲飽水」。一般擁有敏感肌的朋友對護膚成效都不敢奢求大多。「補濕」作為其中一種最基本的肌膚護理，自然得到十分的重視。但敏感肌在選擇補濕產品時要格外留神。某些街知巷聞的補濕乳液或乳霜的質地比較「杰」，感覺上補濕成份非常濃郁，因此深得大家歡心。但塗在臉上「笠滋滋」的質感卻為細菌提供了很優越的生長環境。敏感肌受到刺激便會即時變紅和痕癢。選用了不適當的補濕產品，不但得不到理想的護理效果，反而有機會令敏感一發不可收拾。

天然成份就萬無一失嗎？

大家普遍認為標榜無添加，有機或植物成份的護膚產品理應比較天然。因此它們都成為敏感肌的護膚首選。事實上，對敏感肌來說，「天然」不等於萬無一失。

一些含有植物成份的護膚產品，例如玫瑰花成份等，就不是人人受得來。特別在肌膚水油失衡的潮濕日子裡，有機的植物成份愈活躍或愈天然，愈有機會刺激不穩定的敏感肌。因此我們必須清楚自己的肌膚到底對產品的什麼成份過敏，以便作出更精明的選擇。

轉天氣，保養品也要換季嗎﹖

根據天氣替換保養品能夠照顧肌膚不同的需要。但大前提是要以肌膚的真實狀況去調節，不要「為換而換」。敏感肌一般對保養品的接受能力不太高。如果要在回南天為保養品換季，首選成份簡單而且質地清爽的產品。專業的皮膚科醫生建議，每當肌膚開始變得不穩定時，就得停止所有複雜的護膚程序，以清水洗臉，有需要可塗上簡單的乳液。另外，保養品的更換程序適宜循序漸進。要是把所有慣用的保養品一氣更換掉，不但容易刺激敏感肌，亦不能找出令肌膚過敏的罪魁禍首呢﹗

（hokkfrabica）

【大S自爆懷孕血淚史】突發癲癇險奪命仲要打催卵針

2018-10-13

台灣女星徐熙媛（大S）一向對自己身材好有要求，最近接受訪問時，就自揭懷孕血淚史！

最近大S就接受咗一個大陸雜誌嘅訪問，而呢個自傳式嘅訪問仲深入到不得了，除咗睇到佢係一個極度貪靚、完美主義外，為咗個「瘦」字無所不用其極，真係睇見都戥佢辛苦。

訪問中，大S透露，節食，係因為香港藝人。佢見到啲香港女星為咗Keep住身材，只係食少少，就係咁影響咗佢。為咗上鏡好睇，大S要求自己體重長期維持係42kg（即92磅），曾經有段時間，大S佢每日都只係食一餐，而呢一餐就只得雞蛋同豆漿，真係頂唔順喇，佢先會食少少醃菜同白飯。呢段睇到都覺得可憐嘅日子，直到同2010年同汪小菲結婚後先至有改變，因為要養好身體生仔，佢由一碗雞湯開始，打破咗15年來淨食「素」嘅飲食習慣，而且仲要打催卵針同減工嚟改變荷爾蒙。

結果最後順利有咗BB，不過當時嘅大S，就連想食過冬甩都要懷疑自己，打電話問細妹小S（徐熙娣）係唔係正常，當小S話「懷孕就是要大吃」嘅時候，大S最高峰嘅時候就係一次可食五個冬甩、瞓前又要食雪糕，就連大S都要自嘲當時嘅自己好似一隻海狗，而老公汪小菲更表示大S就快生嘅時候，連梳化都落唔到，可見由48kg變成海狗嘅大S，前、後真係好大對比。搞到老公都嚇親，但嗰時大S完全唔擔心，以為可以同以前一樣想瘦就瘦，點知生完第一胎佢徹底崩潰，因為體重仍然同產前一樣係72公斤（約158磅）！

訪問中，又提到汪小菲好懷念8年前自己喺北京認識了咗「很漂亮、瘦瘦的、無憂無慮」嘅大S，但可惜佢最煩嘅事，就係肥咗後嘅大S，可以因為身材問題而唔出門，事關汪小菲話大S有咗後，只成功逼到佢出門一次，點知就俾人偷影，結果大S自此足不出戶，直到產後修身成功。

至於到生第二胎，大S就因為生產過程中突發癲癇，搞到差啲冇命，不過體重就由68kg跌到落58kg，不過佢之後亦有繼續努力減肥，原因就係大S話如果自己瘦唔到，就唔會有導演搵佢拍戲，而老公汪小菲為咗鼓勵佢，仲不時喺微博出post讚佢瘦。

除咗外型要完美外，工作上大S都一樣需要完美，除咗會問清楚工作現場鏡頭擺位、細節外，當知道因為自己對兜風耳而錯過演《還珠格格》嗰陣，大S更誇張到竟然考慮去形容。而該段訪問中，又提到當年同拍《流星花園》同《倩女幽魂》嘅大S，因為受唔住同時演人又做鬼，走去搵《倩》編劇陳十三認錯，以自己酬勞嘅一半價錢，希望求佢寫自己嘅戲份少啲，又或者係快啲喺劇情上寫死自己。

《流星花園》（資料圖片）

《流星花園》中嘅杉菜，令大S徐熙媛爆紅

拍《倩女幽魂》時，大S曾以酬勞嘅一半，要求編劇快啲寫死自己

如今生完兩個小孩嘅大S，對於體重已逐漸看淡，以前沖完涼會睇勻全身，Check吓邊度需要多啲肌同少啲肉等等，依家沖完會立即着衫同唔照鏡。雖然有3個磅重機，但佢坦言好耐都冇磅過！

(綜合報道 / on.cc / apple daily)

【陳展鵬單文柔換上婚紗及禮服】海上行禮衆人感動見證成婚

2018-10-13

視帝陳展鵬與單文柔（Phoebe）今日拉埋天窗，今朝一早喺四季酒店接過新娘後，眾人即拉隊上船，大搞船上婚禮，一對新人更會在船上註冊，別具新意！

一班親友都準備上船。

當中展鵬「家姐」李麗霞（黑妹）、前亞視港男杜挺豪等亦有出席，杜挺豪更由加拿大返港出席老友婚禮，二人識於微時，當年同為亞視藝員，感情要好。今次一對新人大搞海上婚禮，均表示希望有個難忘回憶。

展鵬「家姐」李麗霞！

展鵬（右二）獲杜挺豪（左二）由加拿大返港出席婚禮，果然好兄弟！

個個都笑容十足賀新人。

而二人亦換上西式婚紗及禮服，並處身威士忌灣，在眾人見證下成婚。

展鵬與Phoebe甜蜜咀嘴，任親友舉機喪影，場面又溫馨又熱鬧！

相關新聞：

【新郎陳展鵬好細心】陳太單文柔差啲… https://goo.gl/DgSVAG

【笑到四萬咁口】41歲視帝陳展鵬今迎娶28歲前港姐單文柔 https://goo.gl/SZSF7M

【今日出嫁】準新娘單文柔：我會努力做好陳太呢個角色 https://goo.gl/QM7rVo

【陳展鵬單文柔中式婚照曝光】準陳太：我唔忍心佢畀人玩！https://goo.gl/F38r6B

(on.cc)

【出現呢九種症狀】好可能係腎虛

2018-10-13

腎臟對我們來說是非常重要的臟器。體內水分是否流動順暢，是決定身體是否健康的關鍵，而且也會影響到是否能長保年輕。這是因為生命必須依靠體內水分流動順暢才能維持下去。

但從中醫的觀點來看，腎臟並不是單獨的器官，而是要從「腎臟團隊」這樣大的整體來看。

腎臟和腎臟團隊的關係

所謂腎臟團隊是由下述部位所組成的：

● 腎臟（製造尿液）
● 膀胱（儲存尿液）
● 生殖器官
● 耳朵
● 二陰（糞便、尿液的出口）
● 髮（頭髮）
● 骨骼（也包含牙齒）
● 腦（健忘症、失智症等與腦神經系統有關的症狀是受到腎臟的控制）
● 恐懼、驚嚇（腎臟會被身體恐懼、不安、驚嚇和衝擊所影響）
● 寒（腎臟會被寒冷所影響）
● 黑、鹽（鹹）（腎臟會受到黑色食物、鹹味的影響）

上面所提到的「腎臟團隊」，不是只有臟器而已，也包括了頭髮和骨骼等構成物，還有恐懼、驚嚇的心理狀態等。中醫上，認為臟器之外的其他部分也都是「團隊」中的一份子。因此，從腎臟和腎臟團隊的運作及狀態來看，要是團隊的功能下降的話，就認為是「腎虛」。