陳柏宇（Jason）今年4月開心宣佈與太太符曉薇(Leanne)成功懷孕，今日BB終於出世喇！
Jason喺ig貼上一家三口合照，BB女眼仔都未開，Jason留言﹕「我一見到佢就忍唔住喊。Abigail, i choose u!!! (throws out pokeball)」。
剛為人母嘅Leanne樣子顯得好精神，笑得勁開心。佢今日接受《蘋果》電話訪問時透露係剖腹誕女，佢話﹕「Thanks,啱啱生完，好興奮同感動，我都未知BB幾重，因為我剛啱出手術室。」
Leanne透露比預產期提早兩星期出世，有冇感動到喊？佢話﹕「有呀，老公喊得仲勁。但我出院嗰日，老公要返大陸演唱會，而家要搵朋友陪出院。」
鍾嘉欣早前宣佈誕下兒子，雖然至今都未有拍劇打算，但仍不忙爲最後一套存貨劇集拍片支持。
TVB新劇《再創世紀》中有不少好戲之人，包括郭晉安、林文龍、楊怡及鍾嘉欣等，其中鍾嘉欣飾演的Janice與現實生活中的她一樣，是在加拿大土生土長的「竹昇妹」，那當然不能浪費她一口流利的英文吧！
日前播出的一集中，林文龍飾演的高哲到加拿大，勸鍾嘉欣飾演的Janice回香港生活，而鍾嘉欣就說：「I don’t like the 節奏，I don’t like the 空氣，I don’t like 啲人咁功利」。
不過有不少網友就批評，鍾嘉欣以中英夾雜的形式講對白感覺太浮誇、太作狀。
可能無線都有留意網民的意見，竟將該後中英夾雜對白片段，自製remix版惡搞，雖然remix得不算非常洗腦，不過也非常搞笑，「自抽」功力也不弱！
(singtao)
譚小環轉營開小食店後，生意搞得有聲有色，店越開越多。
不過最近有讀者報黎先生料話幫襯譚小環嘅渣哥東涌新店買生菜魚肉時，食到有菜蟲。讀者黎先生今日（24日）下晝3點幾係東涌渣哥買咗生菜魚肉同碗仔翅返屋企食，當時佢仲見到老闆娘譚小環在場。
黎先生接受本報電話訪問時話：「太太碗生菜魚肉食咗3份1嘅時候，發現有條蟲，應該係菜蟲。」跟住佢就拎咗碗魚肉落舖頭，黎先生話道明來意之後，對方講咗聲「唔好意思」就問黎先生想換返乜嘢食物。最後黎先生換咗等值嘅魚旦離開，佢話：「我同佢講碗魚肉有嘢嘅時候，身邊啲食客都望咗一望。」黎先生話冇要求其他賠償，只係想譯小環可以管理好啲食物質數而已。
東涌係渣哥日前新開分店，老闆娘譚小環連日都去監場，視察業務，對於有讀者投訴吃生菜魚肉出現疑似菜蟲，小環回覆《蘋果》，佢喺電話中說：「我哋2014年開業到依家，四年幾，同一班員工，但我哋向來對食物處理好小心，洗菜都唔會忽視，我哋尤其注意食物衞生，咁多年嚟我哋都有提醒員工洗菜要小心，從未發生過今次有食客發現有菜蟲事件，當嗰位客人返嚟同我哋講番，我哋有道歉，亦有問佢想退錢定更換其他食物，佢揀換咗幾份魚蛋開心離開，佢接受咗，唔知點解佢仲傳相《蘋果》。今次發生咗呢件事，我哋再檢討，亦再三提醒員工，即使頭髮絲咁幼菜蟲都要小心。」
(apple daily)
模特兒出身的她有「翻版徐子淇」之稱，出道以來身邊的緋聞男友氹氹轉，當年她接拍《衝上雲霄II》，盛傳吳卓羲都曾經用糖水向她追求。
之後她又疑似介入「長腳蟹」呂慧儀與老公黃文迪的婚姻等等。
現年33歲的傅嘉莉（Kelly）自從加盟無綫後，知名度提升了，演出機會也愈來愈多，不過始終不及她的緋聞多姿多采！
近日有傳媒收到讀者爆料，指Kelly暗撻富二代髮型師，該髮型師更擁有兩間地舖酒吧，估計髮型師身家都近千萬！
Kelly在社交網及限時動態，也曾經上載在髮型屋內與緋聞新歡的照片，甚至私人聚會中也見兩人結伴出席。
被指冧爆富二代髮型師一事，Kelly回覆說：「我冇同佢拍拖，個髮型師識咗十幾年，入行就搵佢整頭髮。（話你哋拍拖？）我覺得係笑話一則。（你個髮型師好富貴仲開酒吧！）我知道佢有經營酒吧，覺得佢係好勤力嘅人，但我哋除咗剪頭髮之外，私下比較少接觸。」
過去年幾她努力工作修補形象，在演藝事業發力，講為人熟悉的，要數到她在《衝上雲霄II》中咖啡妹一角，之後在《財神駕到》擔正，與三屆視帝黎耀祥合作，其中《張保仔》及《我瞞結婚了》都獲得最佳女配角提名。最近在《特技人》中的津津一角，亦為人所談論，更被指與戲中的關楚耀戲假情真。
(on.cc)
琴晚係農曆八月十五中秋節，好多人都會約埋屋企人食飯慶祝，好似許晉亨同李嘉欣夫婦咁，今年都唔例外。
琴晚6點40分左右，佢哋一家三口坐七人車到達灣仔福臨門食飯做節。
坐喺車頭嘅許晉亨率先落車，之後去後座扶妻兒落車，李嘉欣今年着連身裙現身。
之後到佢哋個仔許建彤（Jayden）到車，已經7歲大嘅Jayden着住西裝，戴住副眼鏡現身，超搶鏡！
Jayden高到就嚟去到媽咪膊頭喇！
當記者上身向許氏一家三口送上祝福時，Jayden 好有禮貌同家教，回番記者：「中秋節快樂！」
到李嘉欣行入酒樓等電梯時，佢似乎刻意俾囝囝企喺佢哋兩公婆前面，入電梯後又俾個仔企入邊，似乎想減低囝囝嘅曝光機會。
(on.cc / apple daily)
佘詩曼（阿佘）、林盛斌（Bob）為無綫節目《延禧南巡》演趣劇，重演《延禧攻略》「嫻妃」大鬥病塌中的「高貴妃」，佘詩曼飾演番「嫻妃」，而古裝扮相的Bob則演「高貴妃」。
視后阿佘演繹趣劇時七情上面，扯住林盛斌的假髮。
阿佘超好戲！
大家都忍唔住笑！
阿Bob即謂：「假髮好易甩㗎。」
阿佘最後變成掹耳仔。
而當大家玩得不亦樂乎之際，「彩蛋」出場，陳豪「客串」皇上現身，力撐舊拍檔阿佘！阿佘超驚喜！之後接受訪問，陳豪被問到睇《延禧攻略》最喜歡佘詩曼哪一段戲？他表示：「大結局佢Solo嗰場，我諗大家都同意嘅。（你係咪真係有睇㗎？）Of course，我屋企唔睇電視，但會睇阿佘！」逗得阿佘笑不攏嘴。
林盛斌被問到演趣劇時是否忍不住笑，他謂：「係，因為大家都唔夠時間，佢（阿佘）又啱啱落機，都係上台前對一對稿，所以會有啲甩稿，之前同阿佘都分別喺啲綜藝一齊演出過，大家都講過想演一齣好戲，今次演出都係阿佘提議同我一齊做，佢好犀利，一舉手一投足，都好有戲。」講到造型十足十「肥版爾晴」，Bob直言他跟飾演爾晴的蘇青都在微博聯絡過，對方更指想見真人，如今終於有機會見面。
而談到許凱，Bob大讚對方「又高又靚仔」，連他也心動！昨日是林盛斌39歲生日又適逢中秋節，他指會在家與屋企人度過，他還指自己將會做心臟通波仔手術，現最緊要身體健康。
陳豪以神秘嘉賓亮相無綫節目《延禧南巡》，曾與佘詩曼（阿佘）合作劇集《公主嫁到》的他，表示已很久沒有與對方見面，他謂：「之前原本一齊合作戚其義新劇，都期待再合作，但個Project Delay咗！依家見阿佘咁紅，都戥佢開心。」
(on.cc)
內地劇《延禧攻略》的三位演員吳謹言、許凱及蘇青昨日來港出席活動、與觀眾慶中秋。有不少女粉絲的許凱送香囊給兩名觀眾，並和她們自拍。
其中一名女粉絲大讚他眼神溫柔，許凱笑言：「你令到我好怕醜。」
吳謹言則負責餵粉絲食湯丸，問到她會否想一齊食？她坦言：「不想吃，因為之前拍戲吃了很多，拍完之後沒有再吃過湯丸。」
許凱又大爆拍劇時經常聽到蘇青(爾晴)與吳謹言唱歌，他自言：「我沒有唱，因為我唱得不好。」蘇青即時清唱幾句，大展不俗歌喉，而吳謹言與許凱商量過後，兩人亦合唱了幾句。
最後三人在台上逗留了數分鐘，不停擺甫士給觀眾拍照，吳謹言派心心、許凱送飛吻，冧到現場粉絲興奮尖叫，三人似乎都捨不得落台，最後要由工作人員請落台。
對於昨日抵港時黑面兼拒收粉絲禮物，内地藝人「傅恒」許凱表示因抱恙在身，再加上很疲倦、喉嚨又乾又痛，上機後一直瞓到落機才被叫醒，所以步出機場時懵盛盛，見到粉絲們如此熱情感到很驚訝，根本反應不過來，他謂：「以前常來香港、都很自由，但這次不一樣，想給大家知道是誤解，不存在不開心跟黑面，我為何會對支持的人不開心，在此說聲抱歉。」說罷便鞠躬致歉。
「傅恒」許凱被問到擇偶條件，他表示首要善良、溫柔及單純。問「皇后」秦嵐是否符合要求？他謂：「她是皇后姐姐，不可以。（姐弟戀？）他是好姐姐，很照顧我。（「瓔珞」吳謹言呢？）我跟她關係很好，私底下也常聯絡，因為是同事。」
談到與內地女星白鹿的緋聞，許凱沉默片刻謂：「請大家把注意放在我作品上（看完了！）後面還有很多。（那跟白鹿是甚麼關係？）網絡上面怎麼說，自己是控制不了，所以就不去說。（擔心粉絲不喜歡？）沒有，只是現在工作，沒考慮去談戀愛，現在是單身。」
(on.cc)
👍🏻超人氣產品以優惠價發售：滴雞精、消毒奶煲、孕婦枕、羊奶皂、清潔消毒產品
👍🏻【香港行貨】嬰兒車、嬰兒床、嬰兒餐搖床、椅汽車安全椅；提供【免費送貨】及以超特價發售
【即買即送】嬰兒尿片或乾棉試用裝
【加碼優惠】預先讚好 MyBB.com.hk, MBStore 及 MB Family Facebook專頁及分享此帖子到生活時報，可額外獲贈禮品！
【預先登記成為 MB Family 會員專享全年折扣！】 https://goo.gl/syMi7E
大陸女星楊冪和劉愷威屢傳婚變，日前劉愷威被傳暗撻富家女Britney，兩人合照在網上瘋傳，更有傳言指楊冪同老公已秘密離婚兩年。
對此劉愷威嘅工作室否認傳聞，強調劉愷威並不認識Britney，只係拍戲時電影公司高層帶佢嚟探班，劉愷威基於禮貌同佢影合照。
老公被傳緋聞後，楊冪一直沒有回應，今日中秋節，楊冪終於在微博「蒲頭」，晒咗一張單人相…
留言：「中秋快樂鴨！啦啦嚕嚕啾咪！」相中見佢有笑容，似乎冇受老公緋聞影響，不過，中秋係一家人團圓嘅大節日，楊冪都係只貼單人相，真係好低調私生活。
(apple daily)
台灣女星楊丞琳最近參加大陸真人秀節目《新舞林大會》表現不俗，本身就有舞蹈底子的她各式舞風都難不倒，但隨著比賽日程漸長，身上大大小小的受傷也越增越多，日前才發生過腰部抽筋受傷的事情，近日節目公開的預告當中再度看到她手臂似乎有拉傷的情況，甚至她自己還有聽到骨頭「喀」一聲，也讓她崩潰的連說三次「真的不行了！」
在23日晚間播出的《新舞林大會》中，節目先放上選手練習時的預告，只見楊丞琳一身黑色勁裝，梳著俐落馬尾看起來相當專業，在練習時與老師也配合得很好，不過在練習到一半時，她忽然發現自己的右手「怪怪的」。
比劃不同的手部姿勢時也看得出她表情不太對，後來立刻告訴老師「自己的右手好像有點拉傷」，工作人員趕緊拿痠痛噴霧治療一番，但治療結束又立刻投入練習，敬業的態度也讓人尊敬。
不過從節目正式播出的片段看來，楊丞琳表演完全看不出已經受傷的狀況，還是還有像空中蹬腿的高難度舞姿。
她也在微博轉發自已的影片截圖，笑稱「今晚，讓我奮力一蹬！」也表示看到片段之後立刻想起當時的酸痛感，但還是覺得很過癮，目前節目也已經進入最高潮，也讓人更期待楊丞琳未來還會有什麼樣精采的表現。
（sina）
