二人結婚三年，兩人都係大忙人，經常因工作分隔兩地，更一度被傳婚姻亮紅燈。
但實情係不知幾恩愛！經常被網友拍到一齊去旅行。
（資料圖片）
今日兩人又再度現身機場喇！
照片所見，藝人劉詩詩同吳奇隆一身情侶裝打扮，同樣穿上藍白間條T恤，奇隆下身穿牛仔褲而詩詩就牛仔裙，真係襯到絕，着成咁喺遠處已經好似有光環一樣，一眼就畀粉絲認出！
唔單止咁，佢哋仲十指緊扣，全程有講有笑，而詩詩更用深情嘅眼神望住奇隆，甜到漏！
吳奇隆更全程盡顯男人風度，推住行李等老婆唔使操勞，兩人更去逼地鐵，認真貼地。
（on.cc）
近日網上流傳一條她乘搭小巴，與同車乘客鬧交的短片。片中有人指她上車時打尖，結果上車後林凱欣與乘客發生罵戰，舌劍唇槍各不相讓，相當激烈。
罵戰開始林凱欣先介紹自己：「我叫林凱欣，凱璇門個凱，欣賞個欣。你哋想屈我十三蚊冇問題嘅。」然後有乘客指她打尖上車，林凱欣即反擊：「我咪話畀你哋上先囉，我都唔知咩事。我明明畀你上車，做咩話我打尖呢？」有乘客又指：「我抱住細路仔瞓着咗，等咗兩架車先上嚟，你就唔好打尖啦。」林凱欣則力辯：「我做乜要打尖呢？真係奇怪喇。」然後林凱欣突然揚聲：「呢個阿姐十三蚊我畀。」然後片段又有把女聲話林凱欣：「無啦啦話要幫我哋畀十三蚊，跟住又話我哋屈佢十三蚊喇，跟住仲搵人影我哋相，跟住又話報警話我哋一家騷擾佢。」
擔任世界盃足球女神模特兒林凱欣（左）
其後片中有名男子叫林凱欣唔好嘈，林凱欣就話：「我係artist嚟嘅，你覺得有咩事我就開記招。」跟住就用自己手機開啟自己facebook帳戶展示畀人睇，仲叫人影低埋佢。片段長約十分鐘，最後林凱欣終於落車，仲將自己個手提電話號碼講埋出嚟，叫人有咩事可以搵佢咁話。
林凱欣喺社交網都有講番件事，佢發文指：「其實嗰日呢我諗住行去小巴門口問司機呢度有冇旺角小巴，咁個阿嬸就以為我打尖，點知佢連一男一女都打埋尖。上到車我話個阿嬸做乜話我打尖，跟住女人又嚟喺度鬧，我先知道原來佢哋係一家人。其實我想（上）車都係同佢哋理論，咁就呃咗我13蚊搭呢架車同佢哋理論，你可以講返（番）我同你講嘅嘢畀你聽，其實係一場唔（誤）會，叫佢哋自己諗吓啦。我畀個電話個女人，我都係想佢哋冷靜番嚟打畀我，點知佢哋都post片。」
其後林凱欣接受訪問，指事件已到警局備案，由於短片中她說出自己的電話號碼，她指這兩天被人電話騷擾，一日有近百個電話：「我係同佢講電話號碼，有乜可以搵番我，但無諗佢會照出街，好冇品。（你收到好多騷擾電話？）好多，有啲有來電顯示添！打嚟唔出聲又有，打嚟講猥瑣嘢又有，好無聊，兩日收到幾百個電話騷擾，所以去咗警署備案。」她說自己並沒有排隊打尖，只是上前問車長路被誤會，對於自認是藝人後，更加成為矛頭，她說：「藝人唔一定就要畀你鬧，藝人就係做雞咩？好忟，我已經唔理佢，由得佢Po，嘈多幾日就冇嘢。（下次忍下氣？）好勞氣，全架小巴得七個人，大把位，我點解要打尖？有時排隊，我見老人家都畀人先。」
（on.cc）
兩人結婚超過一年半，兩個月前宣佈有了愛的結晶，近日兩人開心揭曉BB性別！
她已經懷6個多月身孕，她在社交網與老公以吹氣球方式來公佈寶寶性別，她拿著粉紅色、老公則拿著藍色氣球，2人同時吹氣球，但她阻止老公繼續吹藍氣球，只讓粉紅氣球一直漲大，結果很清楚了，原來是B女！
她還向肚子的寶貝喊話：「期待妳的到來呦，以後妳功課不用太好，因為馬迷（媽咪）功課也沒很好；以後妳身高不用太高，因為馬迷也沒很高；以後妳不用太美，因為馬迷也沒很美。馬迷只希望妳健健康康快快樂樂的，這樣就好囉。」
藝人陳怡蓉不忘提醒未來的女兒，一是「但妳爸功課很好，以後妳自己看著辦」，又說「馬迷不美但是氣質好」，搞笑的發文讓粉絲們紛紛留言獻上祝福「恭喜是個小公主」、「小怡蓉一定會像馬麻一樣～～氣質漂亮善解人意又帶點搞笑因子」、「恭喜！是個女兒，女孩貼心是個漂亮小公主」。
（sina）
面膜日日敷，但你確定你用的是安全嗎？現在就是要告訴你敷面膜要小心！
水中銀（國際）生物科技有限公司在今年2至6月，從門市及網上平台購入28款面膜，涉及25個品牌作檢測。28個樣本中，20個為片裝紙面膜，8個為軟膏狀、泥狀或啫喱狀(塗抹式)面膜，當中包括了睡眠面膜及具不同效能如保濕、舒緩、滋潤、祛斑、修復、淨白面膜。
結果發現，2款台灣產的片裝紙面膜，含歐盟禁用的防腐劑Methylisothiazolinone（MIT），有機會引發接觸性敏感反應；另有1款法國產塗抹式面膜，在斑馬魚胚胎急性毒物接觸測試中，令魚胚胎出現心臟水腫；同時在轉基因鯖鱂魚慢性毒物測試中，令逾半魚胚胎死亡。
於28款面膜樣本檢測中，以上25款被評為綠魚品質卓越, 通過水中銀三重測試包括魚胚胎急性、慢性毒物測試及國際成分篩查
市面出售的2款台灣面膜，含有歐盟禁用防腐劑；另有1款法國產的面膜則未能通過慢性及急性毒測試；有4款面膜更含5種或以上可致敏化學成分。皮膚科醫生指，面膜標榜功能愈多，化學成分愈複雜，如聲稱有「美白」、「收毛孔」等多功能，愈有機會產生混合效應，誘發皮膚炎。
28個樣本中有4個含5種或以上常用可致敏化學成分，包括防腐劑、酒精及香料等；但當中75%仍通過急性及慢性毒測試。
水中銀首席執行官杜偉樑解釋，面膜中含致敏成分多，不代表毒性特強，「當中致敏成分比例較輕者，有機會通過毒理測試，惟要注意若長期使用含多種化學成分產品，有機會產生混合效應，誘發接觸性皮膚炎。」
皮膚科專科醫生蔣頌儀指出，聲稱功能愈多面膜便愈有機會致敏，「如聲稱可美白、收毛孔面膜，多含A酸或水楊酸，長期頻密使用可致角質層變薄，加速皮膚水份流失，容易致敏。」她又提醒，芳樟醇（Linalool）、檸檬油精（Limonene）等已被歐盟列為可致敏香精，使用時要留神，「要留意自己膚質，若油性肌忌用滋潤面膜，否則易塞毛孔，令暗瘡出現。」
她又提醒，當試新面膜產品時，可先將小量面膜貼或抹在不當眼位置，如面頰旁和頸部，待10至15分鐘後無出現過敏才敷全面，而且面膜不宜敷太長時間，亦要留意產品標籤建議時間，「每周僅需敷2至4次，每次10至15分鐘。若敷時間過長，面膜上的水份易令表皮層溶化，反而減低皮膚鎖水功能。」而有濕疹者更應小心選用面膜。
(左)水中銀首席執行官杜偉樑先生, 皮膚科專科醫生醫生(右) 提醒部分面膜含5種或以上可致敏成分需特別關注
（綜合報道 / 水中銀）
閨蜜團「胡說八道會」一向感情好好，呢日成員胡定欣、黃智雯、李施嬅、姚子羚及胡蓓蔚約埋一齊歎下午茶。雖然身在上海嘅胡杏兒未有出席，但場面都認真熱鬧！
今次獨欠胡杏兒~
一班姊妹聚埋一齊，除咗食好嘢之外，當然唔少得瘋狂自拍啦。五個靚女先喺餐廳入面貼到實一實影大合照，然後再移師到出面嘅露天茶座繼續影到夠本為止。個個靚女一對住鏡頭就即刻名模「上身」，大擺煞食甫士，而胡蓓蔚亦親自操刀做攝影師，佢雖然着上斗零踭，但為咗幫好姊妹影靚相，更不惜瞓身踎低，認真落力。
(on.cc)
天后容祖兒與劉浩龍（師兄）今年3月被爆五年情玩完，但事後未有承認分手，關係撲朔迷離！今年4月，師兄開騷時，祖兒如「女主人」般撐場，更在社交網撰文力撐對方，關係耐人尋味，並傳出兩人復合消息。
直到前晚，兩人被目擊撐枱腳，相信「龍兒」已正式復合！據現場食客爆料，祖兒與師兄於晚上8時許現身餐廳，獲安排坐在餐廳的暗角位置，開了一支酒兼邊食邊傾，期間見她不時甜甜笑。食至尾段，餐廳職員捧着點有蠟燭的甜品到他們的枱上，齊齊吹蠟燭，估計是師兄為祖兒二人世界補祝生日！雖然醉翁之意不在酒，但兩人所揀選的餐廳亦大有來頭，該意大利餐廳至今已連續六年奪得米芝蓮三星級，主打白松露、黑松露菜色，其肉眼牛排及小牛排亦是招牌菜，環境甚有浪漫情調，適合慶祝紀念日。
撐足兩個多小時，「龍兒」於晚上11時才離開，撐完枱腳的祖兒明顯超級開心！兩人原本並排而行，但當見到記者在場即刻意彈開，相隔兩個身位前後腳行，被撞破好事的祖兒亦「變臉」收起笑容。
見到記者立即彈開幾個身位！
步出商場外並一同登上祖兒的七人車離開。司機先送祖兒返香閨，然後再送師兄回貝沙灣寓所。
另外，師兄前日上午在社交網的時限動態上載健身照片，並留言：「一個鐘消耗500幾個卡路里，再跑5Km消耗400個卡路里，再加埋我冇食過早餐，我今日可以食好多嘢！」可見他當日明顯有備而來，準備與祖兒撐枱腳。
(on.cc)
藝人李漫芬（Fanny）與老公談成坤的愛女談在心（Elfa）舉行百日宴，筵開15圍。問到B女是否難湊？Fanny表示囡囡已戒夜奶，所以感覺較為輕鬆，晚上可睡4小時。她又透露囡囡喜歡笑，故有乳名「腰果眼」，又指佢學嘢快，不時眼望望。
不過，Fanny大呻自從女兒出世後，她在家中的地位就不保：「老公以前返屋企會錫我先，依家就錫個女。」問到是否呷囡囡醋？她笑謂：「初初結婚感情好，依家就差少少，老公會錫BB先。BB都黐Daddy，Daddy返咗工後，BB會望吓食飯位，睇吓佢喺唔喺度，冇辦法啦，係前世情人。」至於問到可有遺傳到媽媽的口才？談成坤則表示有，還透露囡囡表情多多。
問到可會追多個B？談成坤就恨三年抱兩，他說：「唔生好似好自私，囡囡會覺得悶，有多個B就可以分擔吓。」而Fanny則直言沒有想過，要看天意，因為生仔比想像中辛苦，她說：「以前睇相話我會生兩個，當時廿幾歲，連男友都冇，不過佢講嘅嘢都有啲中咗。」又大讚BB腳頭好，自言產後一個月已拍劇和擔任司儀。談到收身的成績，她表示懷孕令她增加12磅，距離減肥目標還相差8磅。她又透露肉赤老公捱到瘦：「老公依家連胸肌冇埋，因為佢打兩份工。我哋冇請工人，係自己湊，怕工人湊BB會似工人。」
今天都是契媽契女第一次見面的大日子，她第一時間封利是給契女，抱抱契女。這位契媽原來大有來頭，就是…太平公主陳煒！BB女不但旺媽咪李漫芬，腳頭好到旺埋契媽！
契媽是太平公主呀！
契媽陳煒：「我同Fanny好有緣，佢哋結婚嗰陣就做姊妹兼MC，Elfa係我第一位契女，有小小心意畀佢，咁佢先會孝順我！」又指忙完九月份嘅劇就會有上契儀式，至於可會叫Fanny再生一個？她表示相信對方會再生，她又笑指自己要學湊B，對於將來拍劇都有用，可會拿契女來學湊？她笑謂：「唔止學湊B，仲要好好向佢學習添呀！」
（on.cc）
歌手謝安琪（Kay）接受電台訪問，講到生完第二胎後狀態大勇被喻為「索媽」。
（資料圖片）
她謂：「如果注意保養調理，生完之後身體可能會比生之前更好，我都好想鼓勵大家，同埋生完後唔好急住減肥，呢啲急唔嚟，我親身經驗係，我自己都係餵人奶到7個月，因為突然就收咗奶，所以我就開始專注番自己身體度，開始比較有嚴格嘅時間表要自己跟住去做運動，每日有時間就去跑步，好多係透過跑步，去調節呼吸，跑完步係好開心，令自己會想做更多嘢。」
（資料圖片）
(on.cc)
藝人羅霖一身年輕打扮到尖沙咀出席活動。受訪時她指自己都有興趣投資車位，大呻喺香港買樓好貴，即使日做夜做都買唔到：「車位都係一個好嘅投資方法，尤其係做藝人收入唔穩定，對我嚟講都係買磚頭穩陣啲，本身喺2年前都儲到首期，但都畀咗仔仔去美國讀書。」
羅霖表示做生意比買樓更大風險，更以自己做例子，透露正入稟法院追討代言費及股份：「喺年幾之前同一位拍檔合作髮型產品，但可能生意有管理問題，後期有半年都收唔到代言酬金同股份，已經叫咗律師追討半年都未追討到，做生意真係有好多法律嘅灰色地帶，從正常途徑追討都未必得。（涉及幾多位數字？）都接近七位數字。」
三個兒子 （資料圖片）
她無奈指今次就好似之前辦離婚一樣，搵咗律師都得唔到咩結果：「真係變咗白做，希望佢良心發現畀番我，我仲要養3個仔，真係唔容易。」仲有同拍檔聯絡？羅霖表示沒有，又指拍檔唔覆機之餘，仲避開自己。
(on.cc)
日前她在社交網直播宣佈懷孕3個月，才過幾天就被爆料今天已去登記結婚，在親友的陪伴下，老公捧花、單膝下跪正式求婚。
月底將與男友登記。（facebook）
貝童彤曾是一批正式出道的9位黑澀會美眉（黑Girl）成員之一，之後便轉型成為兒童台的「彤彤姐姐」。
(Facebook)
據《ETtoday星光雲》報導，貝童彤23日和老公正式到戶政事務所登記結婚，挺著3個月孕肚的她，頭戴花圈，身穿純白蕾絲洋裝，露出一雙雪白美腿，還毫不忌諱踩著高跟鞋，絲毫看不出是孕媽咪。圈外老公捧著一束鮮花，在外頭牽著她的手單膝下跪，她則靠在老公的肩膀上爆喊：「一直期盼的夢想，終於在今天完成了…一路莫忘初衷，讓我們開始吧。」現場氣氛感人。
(Facebook)
她日前宣佈懷孕，懷孕至今3個多月，身體狀況奇佳，完全沒有一般孕婦會有的不適，反而食慾大開，因此胖了3公斤，但她也坦言，成為新手媽媽，對於即將到來的孩子「既期待又怕受傷害」，每次產檢，開心能跟寶寶見面，也很擔心會聽到小孩健康出狀況。
（自由時報 / ettoday）
