37歲嘅名模熊黛林（Lynn）今年4月為老公郭可頌誕下咗一對孖女，話咁快Lynn已經坐完月喇，係時候要進入收身階段，話晒係名模，又點可以懶。
坐月時對腳超腫，令唔少網民都好擔心！
呢日佢就去咗跑步，點知跑到一半就落雨喇，佢話：「終於可以做運動了！可是走到一半下大雨了！那就休息一下拍張照片吧」見Lynn素顏但皮膚好好，穿上小背心嘅佢，可能係谷奶關係，上圍目測升Cup唔少！睇到網民嘩嘩聲！
皮膚好白。
當時落緊雨喎！
(微博 / on.cc)
【網民嘩嘩聲】熊黛林首晒坐月後靚樣！
【曾被雪藏】無奈接拍王晶《強姦3》：要不是為親人，我死了九次！
藝人張文慈接受梁泰來電台節目訪問，對於有指她曾遭「迷姦」，她坦言不想多提，不想再被誤會做宣傳：「近日又再被翻炒，不想被人覺得我拿來做宣傳。當時我覺得自己好醜、很害怕、很不開心，那時真的不懂應如何處理。公司藝員部可能誤會了我，這也很難怪他們，因為我自己都有責任，只怪自己笨。」
張文慈4歲時父母離異，由祖母一手撫育她與兩弟弟成長，她坦言家貧，入行是為了肩負養家責任，但當年被亞視雪藏，收入停頓，故此無奈接拍了王晶的《強姦3》維持生計：「那時年紀還小，只覺得如果我不拍（《強姦3》）的話，以後就不能拍。講真，『有頭髮，邊個想做癩痢？』，拍攝時，真的一點都不開心。但我當時覺得，不拍就無路行。」但她澄清從沒拍過暴露的三級片。
當年被亞視雪藏時，張文慈曾接拍王晶執導嘅電影《強姦3》以維持生計。
張文慈更自揭當年若不是為了親人，早已輕生：「我曾經想過不知為甚麼而生存，但我有一個生存的理由，就是奶奶，是她養大我，所以我要養她報答她。我就是因為這個原因而有動力，要不是為親人，我死了九次！我真的有想過自殺，就是那段被雜誌報道後被雪藏的時間，有一天我坐在窗口，真的很想跳下去。」
張文慈表示曾想過跳樓輕生，不過為咗家人打消自殺念頭。
張文慈至今單身多年，她指或許因為從前演得壞女人角色多，過往吸引的追求者，多是壞男人：「其實入行以來拍過拖的男人，一隻手數得晒！信主之後，我也是單身，也被標籤『剩女』很久了，但我一點都不怕，一點都不擔心。」
（資料圖片）
(on.cc)
【感觸流淚】前港姐患癌指數好高 好擔心…
她出席《粉紅粵韻傳愛心》活動，身為乳癌組織聯盟「護乳大使」的她，透露婆婆、媽媽及阿姨均因乳癌離世，故準備與在場觀眾分享照顧患病親人時的點滴。
由於近親有乳癌，令前港姐朱慧敏患癌指數相對大大提高。
曾參演《愛回家》
為安全起見，朱慧敏表示每半年都要接受乳房檢查，她表示：「其實保持良好嘅情緒，病痛都少啲，女性癌症好多都同情緒有關，有時做人處事好多都未必改變得到，倒不如用積極態度去睇件事。」
談到在場聆聽康復者分享時，朱慧敏想起已離世的親人而流淚，她謂：「婆婆患病時我仲細，但放學都着住校服去醫院探佢，到媽咪患病時就有陪佢去化療，過程中媽咪冇留過一滴眼淚，仲笑笑吓，可能唔想我擔心。（會唔會做義工探訪患者？）我眼淺，如果表演令大家開心，同埋分享吓，我絕對義不容辭。」
（on.cc）
【2嵗家姐乖巧幫媽咪做好準備】原來就快生得 自己都無法相信！
佗緊第二胎嘅佢原來就快近日就快生得！
之前影咗好多大肚寫真，一家三口超溫馨！
今朝佢喺IG晒出同囡囡嘅合照，並留言：「Good morning！！！Almost time for baby to come out！We are sooo excited. Can’t believe it’s happening！Hospital bag is ready to go.（早晨！BB就快出世喇，我哋都好興奮，真係無法相信！我已經準備好走佬袋喇。） 」
囡囡Tessa就快做家姐喇！
Jessica C. 個肚好似籮咁大。
JC教囡囡幫手執走佬袋。
好乖呀！
相中JC以素顏上陣，雖然佢坐喺度，仍清楚睇見個肚好似籮咁大，見到都令人期待！而在旁嘅Tessa亦好乖咁幫媽咪手執走佬袋，仲笑得相當開心，似乎知道自己就快做家姐啵！
（on.cc）
【表現驚慌現身解釋】JW：我一世返唔到轉頭…
歌手王灝兒（JW）為《明愛暖萬心》擔任嘉賓，談到她早前在節目《美女廚房》上劏魚時，表現驚慌兼雞手鴨腳。
可能仲未驚完！
她笑言：「我唔係好差啫，我係第二。因為我之前未劏過魚，平時都係工人或者媽媽處理，所以我真係唔識，其實中間係有師傅幫我，我先可以做埋落去。（之後要努力鑽研劏魚？）唔會，都係交畀工人同媽咪。」對於不少人將她劏魚時的驚恐表情截圖，她笑謂：「第二日已經有好多人喪send相畀我，我一世返唔到轉頭，就連男友嘅家庭群組都有截我圖，我覺得佢哋全家都好支持我，我好感動，佢哋唔會歧視我。」
JW揚言自己懂得烹調普通菜色，尤其煮咕嚕肉，所以她在《美女廚房》才選擇炮製炸魚，她又指男友也試過她的手勢，問到男友對其廚藝的評價時？她說：「佢應該係話全世界最好味，其實佢煮嘢食好過我。」
(on.cc)
【報唔報警係當事人話事】見義勇為黃建東反遭網民圍攻鬧爆！
藝人黃建東周六晚途經港鐵彩虹站時，聞得便利店職員大嗌「偷嘢」，立即與多名熱心途人追捕疑人，涉案男子被截獲及被接報警員帶走。
橙衫男拔足逃走。
見義勇為市民(左)截獲橙衫男，將其按在地上。
見義勇為的黃建東在事後卻遭到網民抨擊，指只是價值共40港元的麵包和焗豆，點解黃建東唔幫手畀錢？又唔幫口求情？
黃建東今日喺社交網舉咗「六點」詳述事件過程，表示當時出自本能幫助女店員，佢留言：「當我知道係發生咩事嘅時候，我有諗過個男人嘅情況可能好慘好肚餓，佢只係偷咗少少食物，俾（畀）人捉到亦肯俾返（畀番）錢，係咪應該就咁算數呢？但係首先，報唔報警係當事人話事，並唔係我哋側邊呢啲途人決定，必須要尊重番當事人。第二，無論個男人係咩情況都好，偷嘢始終係犯法係不對的，佢有呢個行動就必須為自己的行為負責。第三，當佢俾（畀）人捉到之後話『我俾返（畀番）錢你』，證明佢身上係有錢可以支付食物。第四，有街坊話呢個男人之前試過偷過好多次嘢，當然呢個係咪事實我唔會知道。第五，之後問返（番）便利店職員，佢話原來成日有人走來偷嘢，但係次次都捉唔到。第六，之前啲人成日話香港人好冷漠，但原來有起事上嚟有人求救要捉賊，大家係會願意停低齊心協力去幫忙。呢一點我係好感動的。」
黃建東又話每個人都有有唔同觀感，但係佢覺得今次做得啱嘅。
（on.cc）
【生B前把握機會】楊張新悅：我一世再也不會有那麼大的肚
懷有第四胎嘅名媛楊張新悅依家佗B 37週。
就快生得嘅佢就把握機會，喺生B之前出海吹吹海風。
佢喺社交網大晒靚相，着上三點式嘅佢先近鏡自拍騷線頭。
然後再嚟張全身照大晒巨肚，實行為封肚前最後一擊留低倩影。佢仲留言：「相信我一世再也不會有那麼大的肚，記念一次吧！ 」唔少網民都大讚佢四肢非常纖瘦，話如果唔係騷巨肚嘅話，真係睇唔出原來佢就快生得。
相比當時32週孕肚，今次望落去好似突然大咗好多…
(on.cc)
【TVB唔敢搏】李澤楷以1億5千萬超荀價奪得…
據知無綫搵律師研究過之後擔心合約細節上會有問題，所以唔敢搏，但電訊盈科就敢搏，結果就俾1750萬美金加200萬美金，即約1億5300萬嘅超荀價…
四年一度世界盃掀起全城睇波熱潮，今屆俄羅斯世界盃決賽周由電訊盈科旗下now TV同免費電視ViuTV取得香港獨家播映權，究竟，「小小超」李澤楷嘅電訊盈科係用幾錢買到呢個全球矚目嘅盛事呢？據《蘋果》收到嘅可靠消息，係超荀價1億5300萬，而無綫就因為「唔敢搏」而走寶。
上屆巴西世界盃，無綫以逾3億港幣買世界盃決賽周獨家播映，之後盛傳樂視出價逾4億搶到俄羅斯世界盃決賽周播映權，去年底樂視因為財困，於是將世盃播映權賣比nowTV同ViuTV。
林保怡、林敏驄、Coffee等，當日都有出Viu TV世界盃活動。(資料圖片)
據《蘋果》了解，樂視2年多前係以7000萬美金，即約港幣5億5千萬港元，喺國際足協（FIFA）嘅中介公司買入俄羅斯世界盃香港獨家播映權，分4期比錢，每期1750萬美金(約1億3733萬港元)，樂視比咗3期之後財困冇錢比第4期，由於合約規定第4期錢要喺去年12月1日之前交，否則樂視之前俾嗰3期錢全部作癈total loss，FIFA會將個播映權再攞番出嚟拍賣。喺咁情況下，樂視就搵無綫及電訊盈科等幾方面斟，內容係由佢哋支付第4期尾數，即1750萬美金，另外再加番200萬美金嘅簽約費比樂視。
俄羅斯世界盃揭幕禮全球矚目。(資料圖片)
不過，據知無綫搵律師研究過之後擔心合約細節上會有問題，所以唔敢搏，但電訊盈科就敢搏，結果就俾1750萬美金加200萬美金，即約1億5300萬嘅超荀價，攞到俄羅斯世界盃香港獨家播映權。而日前俄羅斯對沙地阿拉伯嘅世界盃揭幕戰，Viu TV就以平均10點收視（約66萬觀眾）撼贏無綫《晚間新聞》同陶大宇和郭可盈主演的重播劇《刑事偵緝檔案III》。
對於以超荀價1億5300萬買到今屆世界盃香港獨家播映權，電訊盈科公關回覆《蘋果》話:「No comment。」
(apple daily)
【大家都知道要放低】張寶兒：好驚，要時間去適應
藝人張寶兒出席「big big channel KIDS x Think big 夏日大想」活動，她表示經理人正安排她上《美女廚房》，但未定日期，她坦言：「好驚，因為對住啲爐同鑊，要時間去適應。（想事前知道對手？）當然想，我都有睇《美女廚房》，有睇JW（王灝兒）劏魚，我都驚驚哋，未必劏到，我之前去韓國拍《學是學非》要畀啲魚仔食腳皮，我叫得仲大聲過坐過山車，我未試過劏生嘢，平時都係買處理好嘅食材。（要練習定？）我都要踏出呢步。」
另外，提到男友袁偉豪早前喪父，問到男友心情如何？她說：「成件事都過咗去，大家都知道要放低，但好難話有乜大改變，要時間去適應，佢嘅工作好密集，依家投入工作。（你點安慰佢？）陪佢多啲，好難有安慰說話，始終要靠佢自己去釋懷。佢哋全家陪到爸爸走最後一程，都算係好圓滿，冇乜遺憾。」
(on.cc)
【被指搶香香角色？】唐詩詠：十幾年嚟已練成金剛不壞之身
岑麗香加入無綫7年之後，終於正式宣佈唔續約，要離開大台！
其實呢兩日已經有傳佢要走，大台高層樂易玲亦向傳媒透露，香香要返加拿大陪老公同調理身體，準備生小朋友。
不過打咁多嘢，都係冇解釋有傳佢被唐詩詠取代做新劇女主角後，決心離巢呢單嘢。
唐詩詠出席活動時就話係公司安排：「我冇權利去選擇。係公司安排，從來都唔知道係乜嘢劇。」又話唔會怕呢啲傳聞：「喺呢個是非圈工作，十幾年嚟已練成金剛不壞之身。」
（sina）