早前宣佈迎娶女友單文柔嘅陳展鵬，今日與單文柔一齊以「準夫妻」檔，現身灣仔會展出席活動，陳展鵬話佢哋其實不時孖公仔現身公開會動。
但今次就係宣佈婚訊後首次：「稱呼上唔同咗囉，不過唔關我事嘅。」單文柔笑言未習慣大家叫佢做陳太同陳師奶，陳展鵬話：「師奶殺手好吖，啱我呀！」
工作同生活上經常見面，唔怕見到厭？陳展鵬笑指唔厭，而係甜，仲加多句：「仲有啲漏，甜到漏。」單文柔就話：「當然唔厭，厭都唔嫁畀佢啦！」
佢哋表示計劃10月中註冊舉行婚禮，問到會唔會有接新娘等傳統儀式﹖陳展鵬表示會盡量做晒，不過單文柔話：「我屋企比較多老人家，我唔想佢哋太攰，所以有啲嘢，我想簡化啲，但基本傳統儀式都會做。」
有報道指陳展鵬早前買咗10個骨灰龕位，當中仲預埋畀「準老婆」，不過單文柔話：「唔好咀咒我啦，而家搞緊喜事。」陳展鵬就表示：「結婚係開心事，點解要搞到好似白事咁，我睇到標題都唔知畀咩反應，過咗喜事先再答。」
(apple daily)
正投入綵排下月開鑼的巡唱，她近日在Instagram上載綵排的照片分享，只見她穿上背心，向鏡頭故作Cutie擠眉弄眼，而上圍更是呼之欲出。
休息中
已步入中年的39歲日本女歌手濱崎步近年衣着愈來愈豪放，對自己身材表現得好有自信。不過，她就常被勁彈身型走樣兼變臉，胸部常常離奇「升Cup」，這輯照片又被網友發現她的上圍怪怪地，似搖搖欲墜，有網友嘲笑她「胸部就快跌到落肚」、「個胸好唔自然」，懷疑她隆胸失敗。
(on.cc)
江若琳（Elanne）同「生煎包王子」蕭潤邦（Oscar），將於年底12月23日舉行婚禮，兩人6月初已經影好婚紗相。
Oscar今日喺ig貼咗張相，相中見到新郎同新娘跪喺度向長輩斟緊茶，後面有班兄弟同姊妹們，睇落仲以為Elanne同Oscar提早行禮？
(apple daily)
娛樂圈又再傳喜訊，31歲08年國際中華小姐冠軍嘅佢，其後簽約無綫，但發展平平，佢15年離開無綫，結束7年賓主關係，翌年才結束合約，同年即轉投邵氏兄弟。
朱璇當年參選中華小姐，除奪冠，還獲青春小姐成為雙料冠軍，亞軍係香港佳麗張嘉兒，季軍則係重慶佳麗徐萌。朱璇當選後簽約無綫，佢演藝事業發展未如理想，卻被爆搭上湯臣集團太子爺、徐楓兒子湯珈鋮，16年朱璇出席活動時，提到身邊好友紛紛結婚生B，那緋聞男友湯珈鋮可有求婚？朱璇尷尬話：「吓！冇，我單身。」
16年4月，朱璇出席活動時，記者問到楊怡與羅仲謙喺英國古堡低調結婚，朱璇話結婚係私人事，仲預告將來都會低調結婚，只會邀請最親密好友出席，果然佢結婚真係佑好神秘。
朱璇生於小康之家，父母曾長時間於法國從商，北京出生。朱璇喺13、14歲已喺北京做model，16歲中學畢業留學法國巴黎修讀戲劇表演，07年代表巴黎參加歐洲華裔小姐競選獲得冠軍，08年首位代表巴黎參選國際中華小姐朱璇也大熱奪得冠軍同青春小姐。
同宋熙年、李亞男好好朋友
近年又返大陸發展，今日凌晨有網友貼出出席朱璇喺比利時舉行婚禮照片，相中看到朱璇穿上低胸婚紗，新郎則打煲呔配禮服，郎才女貌。
據知朱璇嘅老公係大陸富二代，一對新人喺歐洲舉行婚禮，只邀請雙方至親出席觀禮，低調進行。穿上婚紗嘅朱璇明艷照人，佢同老公十指緊扣，非常恩愛，新郎樣貌有點似年輕版伍衛國。朱璇當年參選，報稱三圍係33.5、23.25、35，佢婚禮上有兩個造型，有放下長髮，亦有紮髻，各具美態。不過低胸婚紗都展示佢巨咪細腰S身形。
（apple daily）
林盛斌（Bob）早前三條血管全塞，接受「通波仔」手術，可謂經歷過生死。現餘下一條血管擇日
再做手術。
手術後一家六口齊齊整整慶祝孻仔一歲生日
走過鬼門關，人應該有點轉變，但想不到這次他上載半裸照之餘…
更表明IG若果有三份之一的人支持的話，會好認真考慮學袁偉豪出本好Chok的寫真，思想上變得更大膽及天馬行空。
Bob留言：「如果唔好計個身型同髪型，其實我個樣真係好好J㗎……嗱，我IG就有124000個follower，如果呢個post有超過41334❤️(三份之一)，我會好認真咁考慮一吓（下）出年書展出返本寫真，好似袁偉豪之前好chok嗰本咁！」
（ig/ mingpao）
視帝陳展鵬及單文柔（Phoebe）公布結婚後，終於可以高調拍拖放閃！最近有指展鵬對未來陳太照顧有加，除去年擲千萬以媽媽名義購入將軍澳一個單位，作為二人愛巢外，他早前更於沙田西林寺以逾二百萬購入十個骨灰龕位，為長輩未雨綢繆，而快將入門的Phoebe更會被未婚夫「照顧到死」！
Phoebe接受訪問，全程笑得合不攏嘴，一副幸福模樣，但當談到骨龕位時，她坦言事前毫不知情：「展鵬冇提過，總之結婚係開心事，我就冇諗到咁長遠，依家只係諗緊婚禮點安排，自己只想做個最靚嘅新娘子啫，話晒一生人一次嘅回憶嘛，我真係冇諗過。（係咪二百萬買位呀？）我冇干預過佢呢啲嘢，或者你問完話番畀我知啦，我都想知，哈哈。」她又大讚展鵬為人傳統踏實：「佢有時做起嘢嚟幾認真，我覺得呢方面都幾可愛嘅。」
（on.cc）
日前正式榮升人妻嘅卓韻芝，連日喺社交網分享結婚花絮相。
見到阿芝同老公梁子賢分別拎住隻結婚公仔扮斜視，不過最搞笑係阿芝婆婆都玩埋一份，但佢就「擰歪面」，難怪阿芝就搞笑話：「婆婆，不是整張臉轉啊！」網民都話呢張相好溫馨，仲話見到婆婆笑到見牙唔見眼，好可愛呀！
藝人周勵淇（Niki）在中環出席剪綵活動，她剛由上海工作返港，剛好避過「山竹」襲港。她表示因到上海工作而錯過了好友卓韻芝的婚禮，令她深感遺憾。
姊妹團原本有Niki份，但發現原來有工作在身，後來要退出。
「收帖之前已經接咗工作、好難推，我都有同佢講好遺憾，遲啲會同佢食餐飯。唔緊要啦，佢拍拖又快、結婚又快，我諗生仔都好快，好快就百日宴，哈哈。好幸運佢打風前一晚結婚。」
講到錯過了十拿九穩的搶花球環節時，Niki笑說：「係啦！最尾邊個搶咗？其實班姊妹個個都結咗婚，係差我同阿Sa（蔡卓妍），阿Sa話佢都結過喇，應該留畀我，唔緊要啦，我哋兩姊妹邊個結先都好，都希望佢快啲結婚。」而她透露暫時未有對象，感情事順其自然。
（綜合報道 / on.cc / apple daily）
影星鄭伊健、陳小春、錢嘉樂、謝天華及林曉峰五位「古惑仔」相隔18年再叙首，主演的電影《黃金兄弟》在沙田舉行首映，監製及有份演出的曾志偉、錢嘉樂太太湯盈盈、林曉峰太太康子妮及兩名兒子都有到場，五子坐名車出場，現場有舞獅助興，又有大批好友出席。
轉戰大陸發展嘅謝天華，05年就同圈外女友李天恩(Tina)結婚，2014年就公佈太太以42歲高齡懷孕，今年4月，天華喺微博貼咗一張超聲波圖宣佈屋企將會有新成員。
話咁快嚟到9月，昨日謝天華喺沙田出席《黃金兄弟》活動時，不停被陳小春、鄭伊健、錢嘉樂同林曉峰指責佢片酬收得最高，問到天華係咪拎嚟做奶粉錢？身邊幾位兄弟都起哄叫佢：「講啦！」
他隨即笑住宣布太太懷有第二胎，兄弟們都一片哄動！ 
最終天華就大方公佈BB性別：「係呀，都可以講得㗎喇，係喜上加喜，開心事嚟嘅，嚟緊屋企會再多個新成員，今次係粉紅色嘅。」身邊嘅兄弟即刻高呼好嘢，恭喜天華湊夠個好字。
(apple daily)
早年憑《愛．回家》彈起，其後又於旅遊節目《3日2夜》大晒身材，被網民激讚上位，本身家底豐厚的她住南區豪宅，自然多裙下之臣，不過她偏愛成熟型，近年屢傳與44歲的「譚詠麟愛將」衛志豪撻着。
去年八月，譚詠麟自拍時踢爆他們一齊出席明星足球隊聚會，但依然不肯承認關係。早前阮兒於社交網上載三張泳照，即被網民指是「男友視角」，估計相片由衛志豪操刀。
現年31歲的荷蘭籍「中越混血兒」阮兒拍拖斷正
據知，因衛志豪形象花弗，一度令阮兒卻步，直至她患病「生蛇」，病情反反覆覆，男方不時虛寒問暖，又陪她睇醫生，終對他改觀，慢慢培養出感情，至今相戀已幾個月，她更成功融入男友的社交圈子。
衛志豪
二人雖然低調拍拖，但始終紙包不住火，日前他們到銅鑼灣行街拍拖終斷正！兩人當日先到傢俬店閒逛，戴Cap帽的阮兒與衛志豪一先一後扮陌路人。直至行到轉角位才放下戒心，雙雙在梳化坐下談心。
之後又睇掛架，此時衛志豪用手搭着阮兒膊頭咬耳仔，不時互望甜笑，並步往睡房區。
兩人在睡房區玩到癲，又不停「Un」床試彈性，玩得不亦樂乎。
之後他們步往天后，途經公園時見四處無人即拖手漫步，但阮兒突然停下並不斷𢱑大髀，衛志豪見狀即俯身為女友查看，發現她被蚊叮，即拍打女友大髀止痕，阮兒當然冧爆。
其後二人途經地產舖即停下研究，似是搵心水單位，雖然該區租金入場費逾二萬元，但對阮兒來說絕對濕濕碎。
二人商量完一輪，便有講有笑離開，似胸有成竹同居試婚。之後他們幫襯果汁店，阮兒買了一杯西瓜汁，連喝幾啖後遞給男友，難得衛志豪不介意飲口水尾，更邊飲邊捉實女友玉手，認真甜到漏。
（on.cc）
今日37歲生日，同時亦都係佢囝囝生日——今日喺IG Story報喜，BB已經出世喇！片中見其中印混血兒老公Jason抱住BB咀咀，暫未見老婆亮相。
之前名模Rosemary曾透露今日係預產期，為迎接小生命來臨，兩公婆已準備一間白色佈置嘅BB房，朋友都送咗大批BB衫畀佢。
雖然明知就生得，但Rosemary仍百無禁忌，月初大住個肚足踏四吋高踭鞋行騷撐何國鉦入行25周年。
未幾又被拍得做「跟得夫人」、陪老公去中環夜蒲，肚大如籮一樣可以身穿大露背短裙上陣，仲做埋柴可夫車老公返歸，真係寫個服字。
Rosemary好姊妹貝安琪就好開心，佢話：「真係好戥Rosemary同Jason開心，Rose嘅狀態好好，睇咗好多BB相，BB非常得意，相信所有BB出世嗰時都似爸爸多啲，今日冇時間，呢幾日會去探佢。」
好姊妹貝安琪
（apple daily）
