有指遺書中她自爆八年來一直忍受丈夫出軌，同時身患癌症的她又被小三騷擾，常發送和老公的親熱照給她作挑釁，令她有感生無可戀，以「走投無路」來形容自己。對於有關消息，其經理人及家人目前尚未證實。
曾有「上海第一美女」美譽、和男星古天樂在電影《家有囍事2009》中合演情侶的內地女星沈麗君，有內地消息傳出她於本月十日跳樓自殺，輕生前給一對子女留下一封很長的遺書。
現年35歲的沈麗君本為模特兒，於2009年拍《家》片後開始為人熟悉，有指她和拍拖只有八個月的丈夫結婚後，立刻退出娛樂圈，專心一致做全職主婦。消息指其遺書中透露，一直做好賢妻良母的本分，又指因自己身子弱，丈夫精子畸形，故兩次懷孕都打了超過200針保胎針，惟丈夫在她懷孕時多次出軌。
她更指丈夫對小三十分寵愛，捨得花幾百萬元在對方身上，但對子女卻非常計較，連買一對價值數百元人民幣的鞋都嫌貴！另外，遺書更為小三「起底」，只對方16歲時已在夜店出沒及曾被包養。
(on.cc東網)
婚禮籌備已七七八八，繼早前影完靚靚婚紗相後，原來已影了裙掛相，而日前更進行過大禮習俗。雖然剛忙完拍劇工作，但見他仍精神奕奕，明顯幸福滿瀉，羨煞旁人。
無綫藝人韋家雄將於10月6號迎娶「銀行之花」鄧楚雅（Keynes），見他甫出相片，禮品擺滿一大枱，儀式做到足，娶靚老婆，絕不失禮。
被問婚後可會快快生B？他卻稱先過二人世界，暫未計劃生育。
(on.cc東網)
藝人森美受「山竹」影響，工作首當其衝，原定晚上接了婚禮司儀騷的他，現在連家門也不能踏出半步，他說：「同主人家講咗，除非安全情況下，我會去，否則冇辦法。」
他說家外走廊玻璃也爆了，無法出門，放在露台的小雪櫃也被吹跌，幸未有撞破露台玻璃，他趁風勢稍弱時，急急將雪櫃移回室內。
(on.cc東網)
藝人黃又南百足咁多爪，近年踩入時尚界，繼出太陽眼鏡、設計腕錶，最近仲首次出潮服，早前，他穿上自己的設計到貨櫃碼頭、舊式天台大廈等地方拍攝。
他透露靈感來自生活體驗：「在忙碌的都市生活中，難免會遇上迷失的時候，甚至對生命產生麻木感，好想提醒大家，要跳出麻木，尋求突破。」籌備了足足一年，看到製成品，十分開心。提到自己的「突破」戰績：包括為開騷操肌練出14吋麒麟臂、為演活血癌病人角色地獄式減肥暴瘦18磅等，他說：「我真係連續4、5日冇乜點食嘢，每日飲4至5杯齋啡，到真係頂唔順先食少少麥皮。我幾日入面瘦咗7磅。」
他笑言相片是他進行地獄式減肥前所拍，穿上大碼Tee，只是剛好合身。現在血癌病人角色拍攝已完成，望能逐步增肥。
他強調自己只是為了演活角色，才進行地獄式減肥，絕不建議大家參考他的「非人」減肥方法。他說：「我都有自己嘅堅持。你付出幾多，冇人比你自己更清楚，提醒大家不要對生活麻木，付出努力定必會得到成果。」又南果真正能量爆標！
(on.cc東網)
超強颱風「山竹」襲港，好多高樓大厦都俾佢吹郁，o依家同老公陳豪住喺南灣豪宅嘅陳茵媺（Aimee），今日就係ig貼出屋企內搖緊嘅吊燈，寫住「Our chandelier and building is swaying… Getting dizzy. Stay safe everyone!!!」（我們的樓宇跟吊燈一直在搖晃，有點暈，大家要注意安全。）影片中佢屋企盞吊燈係咁搖，似乎Aimee屋企都真係搖得幾犀利。
隔咗一個鐘後，Aimee又再出post，而今次佢就影住浴缸內同樣「搖」住嘅水，表示個颱風仍然好強勁、屋企仍然感覺到搖晃，而佢仲問大家係咪應該俾小朋友喺呢缸搖住嘅水度沖涼：「The wind is so strong our building is swaying… Look at that supposedly still water. Should I still give kids a bath in swaying water?」（風真的超強，我們家還在搖晃，看看那本來應該靜止的水，我應該在這水中幫孩子洗澡嗎？）
而網民睇見咁嘅情況，都叫Aimee先暫時唔好幫小朋友沖涼住。
(蘋果日報)
今日係大陸女星范冰冰嘅正日生日，最近捲入避稅風波嘅佢已經神隱咗超過兩個月，外界都唔知佢到底近況如何，不過今日有網民發現范冰冰嘅微博自動跳出生日祝福訊息，但大約五分鐘後，「范冰冰」上線並刪除咗呢條微博，有網友話：「原來冰冰一直都在！」，之後佢嘅微薄又恢復之前嘅停滯狀態。
日前大陸官媒《環球時報》撰寫社論建議稅局要俾外界知道范冰冰現在嘅狀況，以免造成人心惶惶。不過《蘋果》據知情者消息指，冰冰俾稅局調查咗一輪之後，已經安全返咗屋企一段時間，只不過稅局要求佢喺調查結果出嚟之前，唔可以向外發放消息同接觸外界，所以佢一直好低調，唔敢同外界接觸，等結果出台，佢先知自己有冇事。
今日生日范冰冰都係靜靜喺屋企過，冇特別慶祝，朋友發生日訊息俾佢，佢一樣冇回覆，唔怪得導演李玉同陳嘉上要喺自己微博祝佢生日快樂！
(蘋果日報)
「山竹」嗌得做超強颱風真係一啲都唔講得笑，就算安坐家中一樣可以感受到風力有幾強，因為成幢樓都會畀啲風吹到搖擺！好似藝人梁麗翹咁，佢喺社交網發咗條片，影住屋企天花板盞燈喺度不斷左搖右擺，佢仲留言話：「全屋人搖到暈浪，Nanette（梁麗翹囡囡）被搖到乜都嘔晒出嚟。。。」佢仲話囡囡已經嘔咗三次，佢自己都好暈浪，雖然喺屋企但係都好驚，除咗攬實囡囡都唔知可以做啲乜！
而藝人李珊珊都出現同樣嘅情況，佢都喺社交網甫咗條片，一樣係見到屋企盞燈不停搖晃，佢留言話：「搖呀搖～ 搖到外婆橋～～ 坐車不會暈車浪的我，也作嘔！」
另外，名模熊黛林（Lynn）都有分享家中「戰況」，見風勢強到連佢屋企嘅吊燈都搖搖欲墜，認真牙煙！佢就搞笑咁話啲吊燈搞到佢好暈，佢表示：「好暈吖！以後有了一個新名詞叫『暈颱風』！」
(on.cc東網)
受到強颱風「山竹」影響，香港多幢樓宇被吹爆玻璃，多處有樹木倒塌，道路交通亦受阻，多間學校校舍亦受到不同程度破壞。教育局宣布明日所有學校停課。
教育局表示，強颱風山竹襲港，頻密的狂風大雨已對本港造成影響，考慮到社區的各項設施需時清理和維修，為確保學生的安全，無論明天是否仍有熱帶氣旋警告信號及暴雨警告信號發出，全港所有學校都停課。
局方表示，學校應根據既定的緊急應變措施指引，在安全的情況下，保持校舍開放，並安排人手在校內安全的地方照顧有確切需要回校的學生。家長應考慮家居、附近的道路、區內天氣、學生的照顧等因素，決定是否送子女會回校。
香港教育工作者聯會(教聯會)及香港教育專業人員協會(教協)今(16日)曾聯絡教育局，要求當局盡早宣布明天(17日)所有學校停課。家庭與學校合作事宜委員會主席湯修齊、全港12區家長教師會聯會亦籲教育局盡快宣布明日全港中小學幼稚園全日停課。
教協聲明指，道路交通在風暴後需時回復正常，校方亦需時檢查校舍損壞情況，曾於中午聯絡教育局局長楊潤雄，基於保障學生安全，建議當局盡早宣布明天所有學校停課，讓學校在明天先檢查校舍情況後，再於周二(18日)正式復課，要求當局盡早決定，讓校方有足夠時間安排人手，以及檢查校舍。
(東方日報/RTHK)
之前城城喺囡囡Chantelle一歲生日會上，公佈Moka再陀B嘅消息，而Moka喺今個月初參加台灣女星余佳噥嘅生日派對時，已經明顯「肚凸凸」。
颱風「山竹」襲港，吹到好多樹都冧晒，當中仲包括喺天王郭富城屋企外面嘅樹，今日「城嫂」方媛（Moka）寫咗條微博，留言話：「希望山竹快點離去，大家一切小心，平安！」仲加咗3個雙手合十嘅emoji。
而喺Moka條微博張附圖中見到，窗外幾棵樹都已經吹到斷枝，其他仲撐得住嘅，都已經歪晒，相信風勢真係好大。
外面大風大雨咁危險，Moka都係同囡囡乖乖哋喺屋企好喇，唔好四圍走喇。
(蘋果日報)
年輕人，10號風球下係咩驅使你出街呀？係愛？定係責任呀？其實係…..你懂的！
「山竹」正在珠江口一帶掠過，香港多處勁吹強風，風力大到難以前行，甚至人都吹跌。網民Kelvin Ling在社交平台Facebook群組「Tai Po 大埔」上載片段，見一名身穿綠色衣衫的男孩被強風吹倒在地，即使伏在地上亦難以爬行，在原地動彈不得。之後一名穿黑衣的男子跑往救駕，卻因地面濕滑而跣腳跌倒，更被強風吹到炒埋花槽壆，真係睇到都覺得痛。
之後兩人掙扎一番後終可站起身，並互相扶持步往附近涼亭暫避。兩人身旁強風颯颯，樹木被吹至搖搖欲墜，煞是恐怖。
不少網民留言指摘兩人玩命，害人害物。更有人鬧爆兩人是智障，如果因追風而喪命是不值得可憐。
(on.cc東網)
