卓韻芝同自己細5年嘅梁子賢昨日無懼颱風山竹，喺中環外國記者會舉行婚禮，姊妹團鄭秀文（Sammi）、蔡卓妍（阿Sa）、梁詠琪（GiGi）等一身粉紅，而阿芝就以一身白色low cut婚紗，蹺住老公，兩人戴上自製結婚戒指，約於8點20分見傳媒。
記者一見到佢哋，就同梁生梁太打招呼，兩個人聽見新名銜都笑得好開心，不過老公明顯怕醜。記者起哄叫佢哋錫錫，但兩人都怕醜，阿芝不斷推：「唔使啦，唔好呀。」但梁生喺眾人要求下，都有借位扮錫面。
訪問時，老公就先行告退，由阿芝一人受訪，佢首先多謝傳媒冒住風雨出席，打風結婚真係打唔甩，阿芝話噚晚有留意風向：「自己都有上網搵下『山竹』究竟係一樣點嘅植物，原來山竹又叫做夫妻果，所以都相信個（颱）風會俾我同朋友聚會咗先。」
阿芝又話擔心賓客安全：「啲長輩食完會叫佢哋快啲返屋企，所以都想快啲完咗訪問，等我多啲時間同朋友傾下偈。」今次宴會都請咗好多賓客，佢話：「百幾二百個，唔算好多，但場地有限，一直都加緊人，無辦法啦。」
(蘋果日報)
39歲才女卓韻芝同34歲從事電影美術嘅「閃電俠」梁子賢共諧連理，阿芝今晚嘅婚宴會喺中環外國記者會舉行婚禮，仲安排咗最索姊妹團，有鄭秀文（Sammi）、蔡卓妍（阿Sa）、梁詠琪（GiGi)等，阿芝今晚西式婚宴要簡約，佢想跟出席友人盡興。(相關新聞：https://goo.gl/JGJnED)
原來阿芝低調於本月10號先搞中式擺酒，當日主要宴請至親，阿芝的親友都由加拿大同挪威坐長途機返嚟，見證佢嘅幸福。阿芝當日着裙褂出嫁，俞琤不但做主婚，仲要送酒，令一對新人好感動。婚宴當日還搞咗過大禮同接新娘，新郎同兄弟團殺到，婆婆叫阿芝房中等候，婆婆掛住同孫女婿傾偈，一時太興奮忘記叫阿芝出嚟，直至阿姨提醒，認真搞笑。
升呢「人妻」嘅阿芝，佢仲向早已加入人妻行列GiGi同Sammi取經，阿芝認為兩夫妻相處要終身去學，因為佢相信會喺老公身上學懂好多嘢，佢大老公有耐性肯付出，情人眼裏出「靚仔」。
姊妹團之一嘅阿Sa，黃昏時段喺ig貼咗張GiGi、Sammi嘅姊妹團合照，仲留咗個tag「#打風都打唔甩」。
(apple daily)
龔嘉欣同孫慧雪今日喺銅鑼灣皇室堡出席Catwalk Show，佢哋同一班小朋友行catwalk，嘉欣大讚小朋友記位好叻，事後佢表示本身好鍾意小朋友，以前有幫張頴康嘅囡囡餵奶，問佢幾時可以生小朋友？嘉欣話：「我都想早啲，但要諗清楚，要揀個合適對象結婚先，我想生兩個，有伴吖嘛，最好年紀近啲，好似我同哥哥相差一年，如果龍鳳胎或者孖胎就最好，一次搞掂；雖然屋企冇呢個基因，但有次上玄學節目，師傅話我生孖仔。」
阿雪指爸爸同叔叔係孖仔，所以屋企有孖胎呢個基因，佢話：「如果我再生對孖仔就大鑊，生孖女仲慘，老公話會有雙重擔心，要植入晶片跟蹤兩個女，好似打風咁，我要去超市買定BB嘢食。」
提到阿雪早前喺網上呻，疑似同老公嗌交，佢話：「生咗小 朋友嘅夫妻係咁，大家都好緊張個小朋友，例如報學前班，又會諗報邊間好，用中文定英文面試好，大家都會爭拗，不過最後我會say sorry，因為小朋友喺度，我唔想嗌交。」
此外，嘉欣最近拍緊新劇《殺手》，同黎耀祥同陳豪有好多肉搏埋身戲，所以搞到周身瘀，佢話：「祥哥好有成績，佢練到有4嚿腹肌，我都有馬甲線，但想多兩嚿腹肌。」
(apple daily)
超強颱風「山竹」逐漸逼近本港，天氣非常熱，不過都無阻歌手關心妍（Jade）嘅善心。今日Jade就帶埋囡囡楊榮心（心心）去賣旗，仲喺社交網分享相片，並留言：「山竹 來臨之前帶 #楊榮心 去做第一次義工賣旗，心心好叻叻賣到好多旗 #智樂FUN紛賣旗日2018 」見到戴住粉紅色嘅皇冠兼拎住星星權杖嘅心心好叻，化身粉紅小天使跟住媽咪一齊賣，仲好開心同媽咪影相，簡直萌爆！網民都留言話身教真係好重要，Jade果然係好媽媽，仲叫Jade賣完就快啲同心心回家做好防風措施呀！
Jade接受訪問時話：「我係大人都熱到濕晒，心心咁細個、咁矮，可能太貼地關係，佢仲熱得犀利，加上早上10點幾呢個時候，佢習慣咗個瞓覺，所以就呆啲，不過佢好受歡迎，好多人因為佢好得意，所以主動嚟買旗。（Jade嘅吸引力輸畀個女？）係呀，我都唔夠佢嚟，可能我哋賣旗嗰度好多講普通話同英語，唔係好多人識得我啦，不過因為太焗，我哋買咗45分鐘旗都走啦，但心心第一次賣旗，收穫都好好，幫個慈善機構籌到錢，可以幫到啲住院小朋友買玩具同提供更多服務。」問到打緊風嘅銅鑼灣咩情況，佢話：「好少人囉，可能啲人去晒避風，或者趕住去買糧，平時銅鑼灣呢個時候都好多人，但我都奇怪點解條街咁少人。」
講到「山竹」被指係十級巨風，有冇做足防風措施？佢話：「家中啲落地玻璃窗已黐好膠紙，亦已買定蔬菜畀囡囡食，記得上次『天鴿』襲港，我住嗰度被風吹到屋都震，今次又話吹東南風，我屋企嗰座向應該好食風，所以都有啲驚，今晚會叫老公快啲返屋企。」
(on.cc)
藝人黃翠如與蕭正楠以情侶檔到青衣出席活動，與粉絲們玩遊戲，阿蕭更與男粉絲即場對唱，被翠如取笑：「佢唱歌好過你呀！」阿蕭更自爆因工作未能與翠如在中秋佳節團圓，但會提早打邊爐慶祝。
提到二人經常拍拖出活動，下一步是否影婚紗相？阿蕭笑說：「我哋兩套劇《師奶Madam》同《幕後玩家》都影咗兩次啦，唔使影，問公司拎番咪得囉！（係咪可以跳過直接結婚？）問佢（翠如）啦！佢忙到見唔到人。」翠如聞言笑說：「我今晚都開到聽朝，膠紙都冇時間黐（預防颱風）！」談到可以停工結婚？阿蕭說：「我哋有我哋節奏。」
講到曾合作《巨輪》的陳展鵬結婚。
阿蕭說：「我哋同年㗎，仲係小學同學。（佢奉子成婚？）真係唔知喎，遲啲咪知囉！單文柔都冇拍《美女廚房》，可能太忙喇，戥佢開心！之前都改咗口叫阿嫂㗎喇！（展鵬快你好多喎！）差唔多啦，佢節奏快啲。」翠如就指單文柔愈來愈靚。
(on.cc)
電台節目主持人梁泰來邀請「劇團王子」潘燦良擔任嘉賓，潘燦良大談與女友蘇玉華的相識經過，直言「見蘇玉華如見陽光」。
潘燦良自爆多次求婚，女友也答應了，但至今仍未正式結婚，他坦承是因為懶惰：「結婚的儀式是絕對可以做的，不過或許我們雙方都比較懶，不時會想結婚的，但隔一陣子便會放下了。加上我們覺得現在的狀況很好，大家都認定對方是餘下來人生的另一半，對我來說她已是我的家人。」
兩人拍拖22年，至今仍然非常甜蜜。能夠維繫感情這麼久，潘燦良表示除了背景相似，性格上能互補不足也是原因之一：「性格合得來的意思並不是個性相似，我跟她是完全不同的。我比較柔弱，又比較保守穩重一些，但她就是比較勇敢、開放一點，我們一凹一凸。」
(on.cc)
「富察皇后」秦嵐日前旋風抵港，引起一陣熱話，劇中飾演弟弟「富察傅恒」嘅大陸男星許凱，近日亦喺北京機場被人野生捕獲，但就突然「走樣」，脹咗一個碼，肥到連頸都冇埋，令唔少粉絲心碎。
「傅恒」生得高大、靚仔，人又細心，係魏櫻洛嘅初戀情人兼至愛，唔知係咪《延禧攻略》已拍完一段時間，傅恒養尊處休得太耐，搞到食肥咗。
原本好Fit~
發咗福？
許凱上周六(8號)喺微博留言︰「感謝各位老師！今天收獲很大，導致胖了一點點點。」但當時就冇貼相，估唔到真係肥咗咁多，佢喺機場着咗一件格仔恤衫加牛仔褲，起初見有人影相即尷尬用衫遮面，後來先大方被影。其「發福圖」喺網上瘋傳，有人話許凱現在肥到似卡通人物「車厘龜」，更有人留言﹕「我和許凱的愛情結束了」，看來許凱都要加把勁操fit，留住粉絲嘅心。
(apple daily)
夏季到了，就算防曬、墨鏡、遮陽傘齊上陣，也是難逃無孔不入的紫外線！想要美白，多吃點抗光感的食物就可以了，以下幾種食物，可以輪著吃，每天吃，對皮膚真的很有好處，不單單是美白，還能祛黑斑。
水果中最能美白皮膚的莫過於檸檬，因為檸檬中含有豐富的維生素C和鈣質，多吃檸檬可以增白皮膚、去除色斑、緊緻膚質、消除自身的疲勞和肌膚的抗老化作用。
蘋果營養豐富，是一種廣泛使用的天然美容品，被許多愛美人士奉為美容聖品。蘋果中所含的大量水分和各種保濕因子對皮膚有保濕作用，維他命C能抑制皮膚中黑色素的沉著，常食蘋果可淡化面部雀斑及黃褐斑。
櫻桃中含有豐富的維生素A，可以有效的滋潤皮膚，對皮膚起到美容的作用，能夠有效的抵抗黑色素的形成。新鮮櫻桃中含有糖、蛋白質、β胡蘿蔔素、鐵等豐富的營養，而鐵是血液中血紅素的重要成分，血液充足可以使肌膚變得白裡透紅，而β胡蘿蔔素以及維生素C都是皮膚美白的重要元素，多吃櫻桃可以使皮膚快速變白。
1周吃3次魚可保護皮膚免受紫外線侵害；長期吃魚，可以為人們提供一種類似於防曬霜的自然保護，使皮膚增白。
堅果中含有的不飽和脂肪酸對皮膚很有好處，能夠從內而外軟化皮膚、防止皺紋，同時保濕，讓肌膚看起來更年輕。
你是否有下眼袋經常浮腫的煩惱？那麼就可以試試用青瓜來做眼膜，它含有天然的抗氧化劑和黃酮成分，可以幫助舒緩眼周的不適。
哈密瓜和其他深黃色水果一樣，含有豐富的抗氧化物質，例如β-胡蘿蔔素、維生素C等。β-胡蘿蔔素具有治療光過敏性疾病及皮膚癌的效果，而維生素C，能預防黑斑、減少皮膚黑色素的形成，幫助皮膚美白、防止老化。
葡萄富含單寧酸、脂肪酸、維生素B群，具有抗氧化功效，是優越的抗老水果，且外皮、果肉到葡萄籽皆富含美白漂亮成分。
奇異果含有維生素C及維生素E，可以中和自由基，將因日曬、壓力等產生的自由基消除，保護肌膚，增強皮膚抗老化功能。
洋蔥富含維生素C和尼克酸，它們能夠促進細胞間質的形成和損傷細胞的修復，使皮膚光潔，紅潤而富有彈性。此外， 吃洋蔥能滅菌、治感冒鼻塞，神經衰弱者可將洋蔥放在枕邊，有助改善睡眠品質。
芝麻糊有加速新陳代謝功效，可使膚色更紅潤滑溜。黑芝麻糊效用更勝鮮奶，食用芝麻皮膚會滑溜、少皺紋，令膚色紅潤白淨。不過一碗芝麻糊差不多有大半碗白飯熱量那麼高，不要貪多。
打算從事戶外活動的人，最好在晚上吃些番茄！原因是茄紅素被小腸吸收後流通到全身，在6～8小時後抵達肌膚細胞。在充滿紫外線的早晨前傳送到肌膚，幫助發揮「吃的防曬乳」的功效喔。
(大紀元)
39歲才女卓韻芝今日出嫁喇！恭喜，恭喜！
現年39歲、前電台DJ卓韻芝（阿芝）今晚將和年輕5歲、從事電影美術的梁子賢（閃電俠）在颱風「山竹」高掛下在香港外國記者會舉行婚禮，原來她的婚禮分兩日，早於周一已低調舉行中式婚禮儀式、包括過大禮儀式及擺酒。
阿芝在擺酒當日的早上「過大禮」及「接新娘」，她說最搞笑是年邁的婆婆因記性不好，問她過大禮需要甚麼時，婆婆不停說椰子，故過大禮出現很多很多椰子，而在等接新娘期間，留在房中的她，遲遲都未等到婆婆叫她出房問，原來又因婆婆愛熱鬧，只顧住和閃電俠傾偈和招呼「兄弟」們，結果忘了阿芝，最後由阿姨提議才醒起阿芝「被禁錮」在房中。
到擺酒時，穿上中式裙褂、戴上大金豬頸鏈、雙手還有數對龍鳳手鈪及金戒指的阿芝和穿西裝的閃電俠以「中西合璧」的造型出現。
一對新人除跪低向婆婆奉茶外，就忙於招呼外國專程回港的親友們，而當晚只請親友飲喜酒，故只在酒店筵開數席。
41歲藝人陳展鵬日前宣布和拍拖兩年、28歲的單文柔於十月在香港擺酒結婚，準新郎之前為向女友驚喜求婚，何止絞盡腦汁，仲出盡腳力！
他透露為了令英國求婚之旅保持神秘，除親身為女友揀了四套婚紗外，又以英國地方靚，所以順道影婚紗相作紀念為理由，叫女友先到婚紗店試身。到出發前一天，他又親自到婚紗店取婚紗，可是婚紗店的大廈電梯壞了，他惟有來回行了廿層樓梯！到第二日出發往英國時，他的雙腳痠痛到連樓梯也行不到，女友事後得知此事，又心甜又覺得好笑。
雖然陳展鵬在英國街頭的巴士前求婚成功，但單文柔原來仍「未收貨」，事關她未收到求婚鑽戒，對此非常期待，又說不知會否有第三次求婚，但如有，希望屆時只得他們兩個人，因在英國求婚時，身邊實在太多遊客「見證」住。
(on.cc)
