本身與兩名前夫育有兩名囝囝，前年佢7月第三度嫁人，與年輕7年嘅圈外人結婚，去年三月誕下囡囡。
現時佢正佗第四胎。
噚日，土屋Anna同13歲大仔澄海出席活動。
土屋挺肚出席活動，穿身格仔連身裙及腳踏厚底涼鞋亮相。
預產期在11月中的她，透露今胎應該係生女，可以着番三女星波嘅衫仔，澄海都話好期待再添新成員，令家裏更加熱鬧。
34歲日本女星土屋Anna演過電影《下妻物語》嘅日本女星土屋Anna
（apple daily）
【育有2個仔1個女】挺8個月孕肚 宣佈第四胎性別係…
【湊仔返學放學買餸煲湯】名模靚媽周汶錡堅持先親自湊仔後顧事業
名模周汶錡（Kathy）穿上低胸露肩連身短裙出席品牌活動，育有一對囝囝的她，透露大仔Jacques已上學一個星期，今日細仔Avner就第一日返PN班（幼兒班）。
笑言終於有投入做媽媽的感覺，她說：「今朝湊完大仔返學，去街買完餸，然後送細仔返學，返屋企煲湯，再湊大仔同細仔放學，我都覺得自己似鐵人，跟住嚟做嘢，自己鍾意做嘢！助手話我都有今日喇！」
開學當日Kathy衣著貼地，一身街坊裝，零化妝，與其他星媽勞師動衆出街大相徑庭，非常親民！
她說大仔是返傳統學校，主要中文為主，所以變相由她負全責，她說：「大仔都未慣，有扭計、喊、唔肯返學，要適應吓。」她說會堅持日日送，除非不在港。
（on.cc）
【最記得歐陽震華同劉德華】童星Jacky仔原來已經19嵗喇！
Jacky仔…………
係咪一講就知係邊個呢？人稱Jacky仔嘅王樹熹，2004年起就演出多套劇集，細個時候嘅佢，拍劇時表情多多、得得戚戚、演技真摰，成功奪得萬千觀眾芳心！真係大佢少少都會鍾意咗佢！但係點解會冇啦啦講起佢？不經不覺佢已經19嵗喇！
Jacky仔最近出席活動時，當年趣致模樣無咗，變成乖仔斯文look。
提到拍過咁多套劇集，邊位演員令佢最深刻印象？Jacky仔諗咗一陣就答，「係歐陽震華，2007年同佢拍《爸爸閉翳》，做佢個仔。真係隔一兩日就見一次，佢成日都同我玩，有時又會教下我。另外仲有劉德華，當年拍《童夢奇緣》我做佢年輕版嘅弟弟，雖然同佢無戲份，但佢都有嚟探我地，又會關心我讀書呀，又會同我玩。」
小時候可以同咁多巨星合作，真係唔係每位童星都會有嘅經歷。2009年，Jacky仔因為準備升中學開始淡出幕前，突然之間無咗童星嘅光環，會否有點失落？他就話，「我覺得心態要轉變嘅，始終童星長大後就會比較少啲機會拍攝，咁我都覺得學業要緊，始終唔可以忽略。咁而家入咗大學，有機會同時間咪接返，其實做童星對我嚟講係一個幾有趣嘅經驗。」
而家讀緊城市大學媒體與傳播系嘅佢，依然好熱愛演戲，雖然近年傳媒寒冬，但Jacky仔嗰團火依然無熄，「希望畢業之後可以從事返傳媒行業，我真係好有興趣！」
希望大學畢業後會娛樂圈都會見到Jacky仔啦！
(綜合報道 / on.cc / hk01)
【仲叫大家要小心】大肚陳嘉寶：一直仔細觀察我的身體狀況、心跳
藝人陳嘉寶（Anjaylia）去年同富二代兼滑水健將黃頌祈結婚，近日佢喺社交平台透露承認懷孕半年，但呢位大肚婆百無禁忌，除咗飛去峇里見證好姊妹出嫁，又照樣行山做運動！
佢喺社交網話尋日做完運動去大學同學聚會，話連同學都覺得佢應該休息，但佢就解釋，其實問過醫生意見，話適量運動係可以嘅！佢仲上載咗條鍛煉手臂嘅片段，見着住Bra Top嘅佢，手手腳腳仲好纖瘦，雖然冇正面樣，但見條腰都係粗咗少少，真係得天獨厚。
佢話：「問了兩個執業多年的專科醫生，她們都異口同聲的對我的運動習慣、強度表示贊同，還建議我千萬不要停呢！另一個關鍵就在於專業的指導了。感恩遇上了非常細心而且擁有多年相關經驗的教練，一直仔細的觀察我的身體狀況、心跳，並根據我的情況為我調整訓練的強度，才讓我能在這幾個月內維持靈活精神，除了整個人更有力量、平衡力大增之外，就連手手腳腳都變得比以往更緊實更細呢！」
最後Anjaylia溫馨提示大家，叫大家要小心為上，但亦唔好睇少自己嘅力量，可能有意想不到嘅驚喜。
(on.cc)
【好姊妹都佗仔7個月喇】Coffee林芊妤：哥哥跟小弟弟親一親
林芊妤（Coffee）身邊都有不少同期大肚的朋友，繼早前跟吳日言（Yan）影大肚比堅尼合照後…
Coffee留言：「之前一起主持節目而認識，到現在一起前後懷孕，太有緣份了吧，哈哈哈！」
而這次就跟岑潔儀（Zoey）鬥曬巨肚。Coffee留言說：「我的是哥哥 哥哥跟小弟弟親一親」，看來二人同樣佗著男B。
岑潔儀現時懷孕七個月多，早前透露在乘搭地鐵時無人讓座給她…
Coffee近期不斷更新自己懷孕情況，再另一個post又再曬肚，她寫上：「到最後階段 才開始忙著想要和寶寶留倩影 急著要準備好bb房的東西 衝著去上媽媽課 趕辦babyshower的事宜 這是我一貫的風格 臨急抱佛腳 #9月是我的月份 #特別有動力」
(mingpao)
【罕見夫妻檔一齊出席】吳若希：一影相佢就硬晒呔
歌手吳若希（Jinny）偕老公何兆鴻出席慈善晚宴。問可有想過成立個人慈善基金？她說：「未有時間去搞，我哋個協會成立咗近兩年，每個月都會跟不同機構搞一至兩個慈善活動，今晚個慈善晚宴籌款目標主要係幫小朋友。」
問可會帶埋囡囡參加善舉？她說：「一定會，喺我心裏面已經計劃好，依家佢細唔識，但我都有幫佢將啲玩具、衫仔捐出去。」談到老公好少陪她出席公開活動，她笑說：「係呀，今次係慈善活動嘛，佢好怕醜，一影相佢就硬晒呔唔識笑。」
(on.cc)
【產後腫脹、抑鬱情緒…】宋熙年：原來仲有好多生B前未預計過嘅問題
藝人宋熙年（Sarah）早前為老公陳智燊（Jason）誕下囝囝。
呢日佢更新社交網，分享做咗2個星期新手媽媽嘅感受。佢晒出一張之前佗B時嘅孕照，並用英文留言講述自己嘅心路歷程。
佢提到話明白做媽媽嘅路唔係好似喺公園散步咁簡單，而係漫漫長路，懷孕只係呢條路嘅開始。佢續指產後呢幾個星期好有挑戰性，而佢已經為餵人奶及不眠不休照顧BB做好準備，但原來仲有好多生B前未預計過嘅問題，包括產後腫脹、抑鬱情緒、賀爾蒙失調及傷口恢復等等。雖然要面對咁多問題，不過佢就表示當抱住BB，老公又攬住自己嘅時候，就覺得一切都值得。
宋熙年又話當抱住B仔同被老公攬攬時，先令佢重拾理智，又自封「瘋狂媽媽」，希望回復昔日嘅自己同感言「世上只有媽媽好」。
(ig/on.cc)
【港姐冠軍馮盈盈禍從口出】前港姐莊思明：成個感覺好Cheap
前港姐馮盈盈在節目《#後生仔傾吓偈》禍從口出，表示如果港姐嫁個有錢人，會被指「係雞」、「係公廁」言論粗鄙。
節目中陸浩明先勾起話題說：「如果男仔入贅就畀人話食軟飯。」馮盈盈即說：「如果我哋嫁畀有錢人，就畀人話睇死佢啦！想吊金龜啦！係雞，係公廁！」唔少網民都留言話盈盈身為港姐冠軍，應該要謹言慎行！
前港姐朱潔儀得知馮盈盈在節目中大談「公廁論」而感到驚訝，她說：「冇聽過人哋咁講港姐，邊度聽番嚟？咁肉酸㗎！以前選美時，啲總監教我哋做港姐要謹言。」其後她表示冇睇該集節目，不方便評論：「不過唔應該宣揚唔真實嘅訊息，因為好多女仔參選港姐真係為咗學嘢，電視嘅威力好大，會影響下一代，有人會跟你、會學。」
前港姐莊思明對此馮盈盈此番說話大感不該，她說：「唔好話佢係港姐，就算係公眾人物都唔應該係個節目咁講，個節目又咁多年輕人睇，首先對自己個形象唔好，第二會有損香港小姐嘅身份，第三佢會影響到新一代人嘅想法。我唔知佢咁講係咪為咗個節目有效果同埋想Keep住有Noise，但成個感覺好Cheap，佢可以用其他字眼去表達，唔需要用到咁激進嘅字眼，唔好為出位而用呢啲字眼。」
(on.cc)
【網民送祝福】楊洛婷一歲囡囡成身cream
樂隊Dear Jane主音Tim（黃天翱）與老婆楊洛婷，為囡囡Tanya慶祝1歲生日，拍下寫真紀念。
剛出世
一歲喇！
楊洛婷在社交平台開心分享照片，肥嘟嘟的Tanya食蛋糕食到成個嘴仔、身及地下都有Cream，更興奮得打翻蛋糕，非常可愛。楊洛婷又上載老公Tim彈結他引到囡囡手舞足蹈的短片，並感謝小公主帶來樂趣、歡笑，網民就留言祝福Tanya快高長大。
【被懷疑係奉子成婚】驚爆已經嫁小學同學
剛剛驚爆婚訊，她在聲明中透露，丈夫是相識多年的朋友，並自言由6歲入行至今已18年，十分感謝各界的支持，今後會努力兼顧好工作和家庭，望各界溫暖守護。她透過所屬事務所宣布已在本月跟一名圈外男子結婚！事務所強調志田沒有懷孕，並非奉子成婚，她今後會繼續留効藝能界。
《14歲媽媽》的25歲日本女星志田未來
雖然志田沒有公開丈夫的年齡及職業等詳細資料，但有日本的電視台爆料指，其夫是小學時代的同學，現時在大型證券行工作，性格認真，對任何事都相當努力，而兩人拍拖至少已1至2年。
童星出身的志田，於2015年踏入22歲後首度爆出戀情，對象是同樣童星出身的同齡男星神木隆之介，一周內三度到男方屋企過夜，然而半年後男方被爆換畫，變相兩人感情告終。近年志田曾在活動上流露恨嫁心情，是次她願望成真，一方面叫不少網友感到驚訝，另方面廣獲網友送祝福。
(on.cc)