【戀情曝光】捕獲去咖啡店出雙入對

2018-10-02

似乎一拍即合，近日更被網民發現出雙入對，日前佢哋喺一間咖啡店被捕獲，兩人十足小情侶一樣，二人嘅關係引起大批網民討論。。。

22歲小鮮肉男星添麥菲查洛美（Timothee Chalamet），去年憑《以你的名字呼喚我》（Call Me By Your Name）升格成為影壇新貴，目前佢有幾部戲喺身，早前就為Netflix新片《The King》飾演年輕嘅國皇亨利五世，故事講述其兄弟戰死之後，於十三世紀末被加冕，當時正值英格蘭同法國嘅戰爭時期，佢就要面對連場戰事。《The King》由畢彼特（Brad Pitt）嘅公司製作，David Michôd任導演，《吸血新世紀》男星羅拔柏迪臣（Robert Pattinson）同埋尊尼狄普（Johnny Depp）嘅19歲女兒Lily Rose Depp都有份參演。

《The King》嘅撮合下，添麥菲同星二代Lily Rose Depp似乎一拍即合，而且更成為知己，近日被網民發現在美國街頭出雙入對，日前佢哋喺紐約一間咖啡店被捕獲，兩人十足小情侶一樣，Lily Rose仲摸住添麥菲條腰，二人又被發現到紐約市嘅中央公園，二人嘅關係引起大批網民討論。

目擊者透露：「佢哋朝早10點出街，行行吓添麥菲停低，拉Lily-Rose埋身，咀咗都好一陣間，超過成一分鐘。」

目前，添麥菲已開始要投入另一新片《小婦人》（Little Women）嘅開鏡工作，日前佢同《不得鳥小姐》（Lady Bird）拍檔茜爾莎羅倫（Saoirse Ronan）、《戲夢巴黎》（The Dreamers）男星路易斯加維（Louis Garrel）等現身波士頓準備開工。

(蘋果日報)

【羅生羅太幸福快樂】楊怡：繼續幸福下去

2018-10-02

藝人楊怡同老公羅仲謙唔經唔覺結婚兩年，兩年前嘅今日，佢兩個係香港豪擺52圍，場面熱鬧！

趁住呢個咁高興嘅日子，羅太楊怡於社交網上載同羅仲謙嘅恩愛合照，仲話希望同老公可以繼續幸福下去。

她留言：「時動，時靜，願我們繼續打打鬧鬧，蹦蹦跳跳，開開心心的幸福下去❤Happy 2nd Anniversary❤」

唔少網友都話估唔到時間過得咁快，仲希望呢對羅氏夫婦幸福快樂，希望快啲有好消息傳出！

(on.cc東網)

【演「嫻妃」一角再爆紅】但原來佘詩曼最初拒拍《延禧》

2018-10-02

今年43歲嘅佘詩曼，事業就好暢順，最近更憑大陸宮廷劇《延禧攻略》，事業更上一層樓。但係感情方面，自從08年同鄭嘉穎傳緋聞後，近年阿佘仍然單身。

據知阿佘曾打算推卻熱爆劇《延禧攻略》，除因覺得非由她任女一外，又是演反派，且跟之前拍過的無綫劇《金枝慾孽》類同，嫌欠缺新意，只是經「佢」極力游說，阿佘才改變初衷接拍。

結果劇集一播爆紅，助她再登上事業高峰外，更令她半年內，接多個綜藝節目、廣告、商演、內地劇及香港電影，短短六個月賺六千萬！

而呢個人就係阿佘經理人啦！

佘詩曼自從兩年前離開娘家無綫，自立門戶組工作室，邀韓君婷同性舊愛陳早茵（Joanne）任經理人。

陳早茵就係陳欣健個女！Joanne是阿佘的工作得力夥伴，除工作上獨具慧眼外，私下更24小時全天候服待，陪阿佘送賀節禮物給佘媽不特止，仲送花、陪食、陪玩等，十八般武藝出盡，招招貼身，氹得阿佘好開心！

有指Joanne醉翁之意不在酒，出任經理人非為阿佘搵錢，而是近水樓台追佘才真。

周刊報道話阿佘喺社交網貼嘅花相，係陳早茵所送。

(on.cc東網/蘋果日報)

【擬結婚通知書曝光】但就發現鄭嘉穎陳凱琳竟然…

2018-10-02

48歲鄭嘉穎喺今年8月同拍拖3年嘅27歲港姐陳凱琳喺峇里結婚，嗰陣唔少朋友專登去咗當地出席婚禮，嘉穎仲為Grace喺教堂舉行咗一個浪漫嘅婚禮，一對新人喺聖壇前執子之手，由牧師帶領進行誓詞儀式，有情人終成眷屬，事後嘉穎話：「見到Grace行入教堂我已忍唔住，都流咗兩條馬尿，亦好感觸，多謝大家祝福！」

好多新婚夫婦喺外地註冊結婚之後，返到香港都會補辦手續，今日《蘋果》發現鄭生鄭太已經遞交《擬結婚通知書》，之不過佢哋報住嘅地址亦唔一樣，嘉穎報道喺大角咀海壇道，Grace就報住婚前同爸爸媽媽一齊住嘅九龍塘大宅，似乎唔想新居曝光！

要到法律上係夫妻先同居？

之前有指嘉穎將會以2016年買入嘅何文田皓畋單位做愛巢，但今次地址報稱係大角咀，唔通呢個先係佢兩個註冊結婚後嘅新居？

(蘋果日報/on.cc東網)

【沒有明天的婚姻】結婚在即發現患上胃癌：永遠都十指緊扣

2018-10-02

每天都當丈夫患重病，因為這是兩夫婦最好的保鮮方法，丈夫患癌亦令她人生大成長：「我哋係沒有明天的婚姻，所以不能不十指緊扣。」

與劉嘉玲排練兩個月舞台劇《奪命証人》，直至第四場公演，他才有空與太太和嘉玲三人合照。

她說人生有危就有機，最感恩的是丈夫患癌，令她人生大成長︰「我哋係沒有明天的婚姻，所以不能不十指緊扣。」

胡美儀的人可以用高低跌宕、先苦後甜來形容。三歲被家人離棄的她，童年缺乏愛，寄人籬下的日子讓她變得聰明，生活艱難，所以她從小就比別人努力，為了證明自己的存在價值。

一個男人可以改變一個女人，一個決定可以改變一生。02年，胡美儀的未婚夫毛俊輝(當年是香港話劇團藝術總監)結婚在即，卻發現患上胃癌，當時胡美儀內心爭扎，但最後她都選擇兩人如期結婚，陪丈夫一起抗癌，輾轉16年了，胡美儀說每天都當丈夫患重病，因為這是兩夫婦最好的保鮮方法。她說︰「多謝老公十幾年前嘅癌症，因為佢唔知有冇命，做化療都話得三成把握，後來佢好番，我就覺得我哋係『沒有明天的婚姻』，所以o依家單單清，有嘢唔會留隔夜，永遠都十指緊扣，十指中間唔可以有石仔『銀』住，咁就過咗十幾年，好多時身體語言勝過千言萬語，我哋喺用行動去證明愛。」

她說丈夫患病期間，尤幸得到信仰支持，令她安然渡過︰「嗰陣時我依然如常工作，我嘅一貫作風，係唔開心嘅嘢會冚住先，先面對工作。對一個從小就識搵出路嘅人嚟講，我表面控制情緒嘅能力好強，你諗吓，我四歲已經揸住個鎚仔揼瓜子，又要踎喺街邊摘芽菜，我明白摘完芽菜之後就可以有粒波子糖。咩苦我都試過，加上嗰陣因為有信仰，我同丈夫都係基督徒，嗰陣主帶我哋走過深谷。」

胡美儀說舞台劇是她與丈夫的溝通橋樑，兩人因為舞台劇相識、相知到相愛，現在兩人也是吃早餐已經傾戲劇，話題不絕。她與毛俊偉在舞台上合作無間，但私下難度半點拗撬都沒冇？胡美儀擺出一個胸有成竹的表情說︰「冇㗎！我哋有『符弗』，我哋會公還公私還私。佢做導演，我做演員，譬如做完個劇返屋企前，我會問佢︰『我哋仲有冇公事要傾？如果有，咁我哋就去啡咖店飲杯嘢傾埋先。』傾完至返屋企，返到屋傾就唔再講，咁就唔會將公事混埋私人感情度，變成爭拗點。我同佢嘅生活情趣係睇戲，睇完你講吓我又講吓，我覺得好有趣味，最近忙，我哋會揀啲唔好咁深咁用腦嘅戲嚟睇，最好就係大家relex笑一場。又或者《職業特工隊》呢種，劇情好鬼緊張，個注意力去晒電影度，咁咪可以減壓囉。」

(蘋果日報)

【個肚就…】86磅方媛首曬全身照

2018-10-02

早前天王嫂方媛（Moka）傳再度有喜，但佢喺社交網站自爆體重得86磅，似乎為懷孕傳聞闢謠。不過反而就令網民擔心佢係咪因為孕吐先瘦咗咁多。。。

一向好支持老公郭富城嘅Moka呢日搵埋朋友一齊，親身力撐城城主演嘅新戲，睇完戲立刻喺微博幫城城宣傳。

照片可見，Moka身穿紫色鬆身衫，同短褲大晒長腿，身材未有明顯變化，立刻引起網民討論再度懷孕嘅傳聞之外，更令網民大叫骨痹嘅，就係以「真的超好看」五個大字力讚城城，狂派高帽。

仲不忘大放閃光彈，騷出同老公同框「合照」，猛同城城嘅海報Selfie，真係估唔到平時見到城城真人嘅佢，連海報都唔放過！

(on.cc東網)

【有風險】大肚張名雅：所以都未知

2018-10-02

藝人張名雅懷孕七個月，不過目測其身形就一點都不似，大家都不覺得她似孕婦。

名雅坦言預產期會是十二月，第一胎順產的她，今胎都希望可以。

她謂：「我自己想順產，可以快啲復原，不過醫生都話我呢一胎胎盤比較低，但又唔會有乜影響，只係臨生時個胎盤都係低嘅話，醫生話開刀好啲，所以都未知。依家大住肚做唔到嘢，都好期待快啲生完BB復工，拍劇做自己鍾意做嘅嘢！依家肚唔係好大，但我係伸縮肚，食咗嘢就會大一倍咁，剛剛做完產檢，醫生話同我上一胎對比，我自己較瘦，但個胎就較上一胎長肉。」醫生話胎盤低有風險，第二胎隨時要開刀。。。

說到預產期差不多是聖誕節，她謂：「我又唔想疊到正聖誕節，因為可以分開兩個日子慶祝嘛！」

(on.cc東網)

【唔係賴弘國】阿嬌傾慕發文求關注

2018-10-02

唔少網民見到都唔相信，仲話一定係阿嬌畀人偷咗帳號，隔咗一陣阿嬌再次留言，澄清自己冇畀人偷帳號，有啲尷尬咁留言。。。

藝人鍾欣潼（阿嬌）出道多年紅遍兩岸三地，就算今年同「醫界男神」賴弘國結咗婚升呢做人妻，佢啲粉絲數繼續係有增冇減，本身係偶像，咁佢嘅偶像係邊個呢？尋日佢喺微博開估，仲主動發文求一位男士關注添，而呢位男士嘅外形，網民搞笑用「老公最安心」嚟形容！

令阿嬌傾慕嘅男士名叫孟非，佢好直接喺孟非微博留言自稱死忠粉絲，希望可以互相關注，唔少網民見到都唔相信，仲話一定係阿嬌畀人偷咗帳號。

隔咗一陣阿嬌再次留言，澄清自己冇畀人偷帳號，解釋咁做嘅原因係最快最容易可以接觸到孟非，有啲尷尬咁留言：「老師，不好意思，冒昧的要求把你拉出來了！」

仲話已經私訊咗孟非等緊佢回覆，十足平時粉絲對佢嘅態度一樣勁搞笑！

最終阿嬌都得償所願互相關注，有網民留言話好彩阿嬌迷嘅係外表唔出眾嘅孟非，如果唔係賴弘國隨時會嬲嬲豬！

講番少少關於孟非嘅資料，佢係內地一位出名嘅主持人，標誌性嘅光頭形象深入民心，佢以口才見稱，主持嘅節目《南京零距離》成為當地收視率最高同埋當時全國廣告價格最高嘅電視新聞節目，你都咪話唔巴閉！

(on.cc東網)

【迎接新成員】雙喜臨門：家人負責請陪月

2018-10-02

繼獲鄧萃雯等為她於主題樂園慶生外，正日下午她則與家人及教會好姊妹等齊齊燒烤再慶祝。仲自爆即將迎接新成員。。。

剛於9月30日度過生日的張文慈（Pinky），繼獲鄧萃雯等為她於主題樂園慶生外，正日下午她則與家人及教會好姊妹等齊齊燒烤再慶祝。談到這個生日，她感恩表示：「好圓滿，集齊晒家人、朋友及粉絲嘅祝福，依家人大咗，我要求嘅嘢好簡單，唔需要大鑼大鼓華麗咁慶祝，但求身邊有三五知己已足夠。」

由於弟婦將於月中臨盆，Pinky近日忙拍劇之餘，更幫手為新成員加入做準備：「因為仲拍緊劇集《解決師》嘅關係，所以可以幫手嘅嘢都有限，都係家人負責買嘢、請陪月，而我出唔到力就出吓錢囉，不過都係開心嘅。」

(on.cc東網)

【戴白色情侶帽十指緊扣】捕獲大台小花撻著…

2018-10-02

形象清純，獲讚純過蒸餾水，戴上白色情侶帽的二人步往餐廳時邊行邊談情，心花怒放的她還情不自禁主動拖着男友傾到冧爆甜笑。。。

現年23歲的江嘉敏形象清純，獲宅男力讚純過蒸餾水，被視為「宅男咪神」的她入行日子雖短但緋聞卻一大籮，更曾被指與王浩信拍攝《兄弟》時做「小三」，主動獻殷勤又私下短訊男方。

緋聞多多的她雖不時表示自己單身，但原來她近月已秘密開「dry」，暗撻名為Anthony的六呎男，男友更是著名電競公司的高層，家住太子道西價值千多萬港元的豪宅，平時駕駛寶馬房車出入。江嘉敏為免戀情曝光影響上位，一直與家人居於跑馬地的她，為了密冚戀情還於西貢租了一間偏僻村屋作為私竇，方便與男友談情。

一臉滿足甜笑

日前下午約四時，江嘉敏穿上粉紅色上衣，戴上帽及口罩，與男友雙雙離開私竇，她驅車送男友離開後即返電視城開工，至晚上八時許收工又急急驅車往男友寓所，及後Anthony駕駛其寶馬載女友往旺角醫肚後再返回寓所，江嘉敏下車時極為警醒，四處張望一番後才手拖手與男友上樓，兩人逗留個多小時才離開，男方還換了衫，女方亦一臉滿足甜甜笑，之後再驅車返西貢私竇繼續煙韌。