【兩兄妹都咁可愛】離婚之後全職湊小朋友

2018-10-01

09年嫁大馬銀行才俊，之後宣佈離婚，現時全職湊仔，有工作嘅時候先會返嚟香港：「佢打扮都好隨意，身材非常fit，面目秀麗，所以唔少人都認到佢。。。」

當年係化妝品牌Olay之御用代言人﹗

39歲嘅混血模特兒Danielle Graham喺09年嫁大馬銀行才俊Patrick Khoo，前年宣佈離婚，二人共同撫養一對子女，大仔Benjamin及細女Sophia都跟住媽媽一齊生活，三母子關係親密，不時都見Danielle喺Ig貼佢喺大馬湊仔女嘅生活相。

Danielle現時全職湊仔，有工作嘅時候先會返嚟香港，平時都喺大馬定居，《蘋果》讀者謝小姐日前就喺大馬當地一個游泳場館見到佢，同行有一對仔女同工人姐姐，當時Danielle戴cap帽、身穿白色有帽運動服同拖鞋，謝小姐就話：「佢打扮都好隨意，身材非常fit，面目秀麗，所以唔少人都認到佢，佢就等緊囝囝出場，佢個女同埋親友、教練就企喺觀眾欄觀看，佢對仔女都生得可愛，都似混血兒。」

原來，Danielle大仔有份參加比賽，謝小姐話：「見佢哋一家人幾親蜜、溫馨，佢哋啱啱到達會場時，Danielle幫對仔女同教練舉V手勢影合照，佢囝囝喺分組賽排第一。」

原來，Danielle都有貼仔女參加游泳比賽相上Ig，囝囝Ben更獲佳績，參加自由式同背泳都獲金牌，Danielle似乎好為囝囝贏出比賽開心。

(蘋果日報)

【古天樂曾讚對方係夢中情人】久未露面Keep得好好

2018-10-01

同佢合作拍攝無綫劇嘅古天樂都在場，而古仔多年前曾表示對方係自己嘅「夢中情人」，二人難得再合體當然要合照，仲嘟晒嘴仔，非常開心！

藝人莊思敏（Jacquelin）出席朋友宴會，仲喺現場向其他賓客集郵，佢將合照上載至社交網，見到久未露面嘅袁潔瑩都有在場，Jacquelin同對方頭貼頭合照，大晒事業線，而近鏡下袁潔瑩皮膚依然白滑，保養得唔錯！

而1997年同袁潔瑩合作拍攝無綫劇《廉政追緝令》嘅古天樂都在場，而古仔多年前曾表示袁潔瑩係自己嘅「夢中情人」，二人難得再合體當然要合照，袁潔瑩仲嘟晒嘴仔，非常開心！

Jacquelin就搞笑引用古仔經典歌曲《男朋友》嘅歌詞留言：「回答我可不可以　暫時讓我講出感覺後才直說你有男朋友現在就要走」唔知佢現場有冇唱畀古天樂聽呢？

(on.cc東網)

【素顏keep得好好】捕獲朱茵帶囡囡小一面試

2018-10-01

現年46歲的「性感女神」朱茵於12年與拍拖15年、前Beyond成員黃貫中（Paul）結婚，當時她已懷孕三個月，同年10月女兒黃鶯出世。黃鶯今個月就6歲，已屆報讀小學一年級之齡，前日就被讀者Mary透過「爆相爆片」，直擊母女二人在將軍澳區一間小學等待面試。

照片中，見朱茵與黃鶯與其他家長及小朋友一樣，正等候安排面試，二人排排坐，朱茵就幫囡囡拎書包仔，黃鶯就乖乖坐着看圖書，Mary表示：「呢間學校好多人鍾意，好多人去咗面試，嗰陣淨係見到佢哋兩母女排排坐喺度等，唔覺得佢哋好緊張喎，佢個女好乖又可愛，坐喺媽咪側邊喺度睇書，佢教女都教得好好。」

讀者還透露朱茵素顏示人，大讚她保養得宜：「我以前都係佢fans，依家好少見佢，不過見到佢素顏keep得好好，而且仲冇乜架子。」如今，不少藝人都愛為子女揀傳統名牌小學或國際學校，朱茵所揀的學校是直資中小學一條龍服務，以英文教學，在區內口碑甚佳。

而越大越精靈的黃鶯，眼睛大大，五官似媽咪，朱茵與阿Paul一向錫女錫到燶，相當保護囡囡童年成長，甚少讓女兒曝光，就算在社交平台都甚少分享囡囡的正面相。但隨着黃鶯長大，朱茵與阿Paul都開始放寬。

早前阿Paul就帶同囡囡去了內地，接拍真人騷《想想辦法吧爸爸》，雖然節目播映時間一改再改，尚未知何時出街，但早前預告片已看到黃鶯十分醒目，上鏡一點都不怕羞，常露出甜美笑容，主持人問她知道父母的工作是甚麼時，她更搞笑地指阿Paul的職業是畫家，媽媽朱茵的工作就不知道，不少網友都留言好奇平時火爆性格的阿Paul如何湊女，阿Paul在鏡頭前更被「小情人」黃鶯收服，變得千依百順。

至於朱茵，早在黃鶯未夠一歲，就為記念女兒成長，首次寫書出《6磅10安士》散文集，她將女兒放在首位，大大減少幕前工作，專心湊女，做跟得媽媽。而黃鶯也甚嗲朱茵，Paul就爆料女兒有時呷醋，笑他會搶走媽媽，也講過不要弟妹，笑言不喜歡BB。

(蘋果日報)

【要開刀續命】養子反而安慰返張慧儀：媽媽，你不要擔心！

2018-10-01

現年47歲的張慧儀於2006年在北京的「平安之家」福利院，遇上患有先天性心臟病而被棄養的小男孩張晃維（Hanson），對方一聲「媽」便將她融化，當時雖知他只可多活數年，但二人緣分極深，慧儀咬緊牙關，誓要窮一生精力，將這名患病養子帶大，如今Hanson奇迹活到15歲，功不可沒的她並未放下擔憂，因為深明兒子時刻要為生存搏鬥，其心臟缺氧問題日益嚴重，口唇發紫，行路愈來愈氣喘，故必須進行名為「Fontan」之手術，慧儀受訪承認已到警戒線：「仔仔心肺功能唔好，血含氧量低，口唇紫黑，唔好話跑步，連斜路都行唔到，醫生話佢必須做呢個手術，遲啲想做都做唔到！」

仔仔樂天積極

面臨挑戰，做母親的當然心痛，但只能以積極和樂天的態度去迎戰。工作不斷的她為珍惜親子相處時光，日前放下所有工作，帶仔仔去拍全家福，其後更展開吃喝玩樂的一天。原來Hanson最愛就是日本「幪面超人電王」動畫及相關產品，慧儀當天與Hanson在酒店High Tea後，便到玩具店買其最愛的「電王」卡，雖然有好多張卡已重複，但為要集齊全套，Hanson只好向媽媽撒嬌，成功購得心頭好，其後兩母子再殺落文具店打「電王」遊戲機，玩足大半天，兒子滿足，媽媽安慰。

反過來安慰媽媽

身為媽媽的慧儀，心緒不寧，連出門都忘記帶鎖匙，但愛玩樂的Hanson相當懂事，知道媽媽擔心自己的病，反過來安慰她，對前路充滿希望的Hanson對媽媽說：「呢個世界咁美好，我要快啲好番，媽媽，你不要擔心！」又主動向她擊掌，自信心超強，教媽媽感動得淚盈於睫。

慧儀受訪透露Hanson手術後，仍要臥床一段長時間，所以趁入院前，帶兒子去開心吓：「我有解釋畀佢聽個手術係點做，遇到嘅問題，我都好心痛，但佢嘅反應係好Easy，好樂天，笑住同我講叫我唔好擔心，只係要求我每天喺醫院陪佢！（手術風險？）係會有，呢個仔心肺功能唔好，又單心室，手術都好複雜，但希望提升血含氧量，口唇唔再發紫、行動自如啲，唔好成日氣喘，生活質素可以改善！（運動唔可以太劇烈？）係，好彩我個仔嘅嗜好較靜態，砌吓Puzzle咁，佢依家冇返學，校長、同學都好關心佢，成日有寄卡問候！」

「我冇錢，但都想出力」

由於仔仔的健康問題，令慧儀於2013年開始接觸兒童心臟慈善機構，最近更當上相關機構的執行委員，幫手籌款：「呢個機構主要幫一啲心臟有問題嘅兒童過渡一啲復康、醫療，甚至心靈上問題，好幫到我，加上佢哋已經做咗20幾年，不斷服務好多基層家庭，好有意義，我冇錢，但都想出力！」

(on.cc東網)

【方媛PO相自爆】網民勁擔心：係咪因為孕吐先會⋯

2018-10-01

天王郭富城（城城）太太方媛早前傳出懷有第二胎，雖然城城「耍太極」冇正面回應，不過網上流出方媛嘅凸肚相，令傳聞疑幻似真。

呢日方媛更新社交網，佢晒出一張靚靚自拍照，以及一張影住體重磅嘅相。

而磅上嘅數字則顯示「39.1 KG」，亦即係只有約86磅，佢仲留言指「瘦出新高度」，認真驚人！

唔少網友都表示擔心如果佢真係佗緊BB嘅話，太瘦會對身體唔好，亦有網友問佢係咪因為懷孕嘔吐嘅問題，先至令體重下降。

(on.cc東網)

【被仔仔問點解仲唔離婚】陳錦鴻：我都想畀佢知…

2018-09-30

藝人陳錦鴻出席其有份投資的金萬年酒家開幕活動。講到最近重返幕前為ViuTV拍劇，劇本講述他周旋於三個女人之間：「你話我點能夠抗拒，哈哈！依家仔仔大咗，我都想畀佢知，一個人係需要工作，佢以前覺得我搵錢好簡單，我要畀佢知拍劇好辛苦，想做個榜樣畀佢睇。

而且呢套劇係講愛情，仔仔依家青春期，我會喺屋企會同佢一齊對劇本，佢會問我點解仲唔離婚。我希望通過呢套劇，令仔仔對愛情唔好咁死心眼。佢睇書同老師都會教人要從一而終，但呢個世代唔應該畀咁大壓力自己，如果發現唔鍾意對方，大家又冇小朋友嘅話就應該盡快分開，我係怕佢傷到人又傷到自己。（你拍劇少咗時間陪佢，佢會唔會唔開心？）唔會，我會安排啲習作畀佢做，我幾夜收工都會幫佢改，令佢覺得大家係有連繫。」

講到酒家生意，他稱與一班股東自2003年開始合作做生意，在港有三間食店，廣州有一間：「2003年沙士爆發，演員工作停晒，朋友建議我做生意，但我完全唔識做生意，好在當年拍《創世紀》飾演許文彪、做資料搜集嘅時候，問咗超過五十個生意人關於經營商之道，後來有十幾個人都一直有聯絡、做埋好朋友，佢哋見我一個後生仔，咁被動做演員搞唔掂，所以叫我做生意。最初同另一個人諗住開間幾百呎嘅舖，後來愈嚟愈多人加入，最後間舖係二萬呎。」他坦言後來兒子出世，為照顧患自閉症的兒子故一度暫停生意及演員工作。

已出過兩本書分享育兒之道的錦鴻表示有興趣再出書，希望可以與兒子一齊合寫，但兒子對出書的興趣不大。

(on.cc)

【曾與陳慧琳合唱】突然暴瘦70磅

2018-09-30

曾於10幾年前來港發展，更作歌俾天后陳慧琳（Kelly），又同過Kelly合唱《再見北極雪》，近年多喺大陸發展，已經好耐冇見過佢。不過，近日喺網絡流傳他肝癌猝死，今日聯絡過台灣男唱作人、有「情歌教父」之稱嘅周傳雄（小剛）方面，其大陸經理人公司回覆稱：「周傳雄老師身體非常好，謝謝關心。感謝。」

現年49歲嘅小剛，於2011年起受胃病困擾，身高1.78米（約5呎10吋）嘅佢，由176磅暴瘦至108磅，情況令人擔心，後來喺老婆Vivian嘅細心調理下，體重回升至132磅。

據台灣《蘋果》報道，小剛以前喺台灣嘅經理人公司幫手打去大陸問小剛嘅助手，對方否認小剛病逝消息，仲話後日（10月2日）有商演。小剛嘅助理仲透露小剛近年搬去上海，胃病方面有定期覆診，接近痊癒，目前飲食正常，甚至已經可以開始飲酒，力證小剛身體冇問題。

小剛曾來港發展，先後為陳慧琳及李克勤等香港歌手作歌，後來轉戰大陸，擔任過第二屆《超級星光大道》評審等。

（apple daily）

【疑與《開心速遞》傻强戲假情真】前港姐拍出真感情：現實都係嘅

2018-09-30

前港姐兼無綫娛樂台主播蘇可欣（Eunice）早前有份客串劇集《愛．回家之開心速遞》，飾演學生會之花，同「傻強」馮奕森發展一段短暫嘅感情，Eunice：「我見到傻強變靚仔之後，佢借咗把遮畀我，我就開始鍾意佢，但點知佢最後變番平時咁，我就離棄佢。（現實都鍾意靚仔？）現實都係嘅，但擁有唔到望吓都好。」

Eunice話覺得拍劇好好玩，仲希望繼續有得拍：「我仲好想繼續拍，同場嘅演員又差唔多年紀，睇得出《愛》劇啲演員感情好好，同埋我第一次拎住劇本去睇，終於感受到其他演員講做功課嗰種感覺，所以希望可以拍多啲。」

(on.cc)

【肺癌病情一直只有修哥知道】修哥胡楓心酸痛心吻別

2018-09-30

修哥胡楓在最近出版的周刊訪問中，稱在她彌留時曾往探望，那是中秋前一晚，他收到她的家人通知，謂希望他能到醫院送別。

每聽到「青青河邊草寂寂郊野路…」就想起「表妹」吳君麗。戲中的「表哥」修哥憶述，病榻中的她已不大清醒，既心酸且心痛的他當時親了她一下，希望她知道這位「表哥」疼她。吻了一下再一下，修哥說不清楚吳君麗是否感受到，只望她離去前有點安慰。

修哥在訪問中稱，吳君麗近年健康欠佳，但她性格不喜歡麻煩別人，所以很多朋友都不知其近況，甚至無法聯絡得上。

半年前，吳君麗病情惡化，無奈缺席仙姐白雪仙九十大壽。吳君麗為此耿耿於懷；至六月，薛家燕娶新抱，吳君麗有感稍有好轉，很想趁此良機與好友聚首，故帶病出席，由修哥攙扶照顧，亦只有修哥知道當天精神奕奕的「表妹」實際情況如何。

一代名伶吳君麗本月26日在瑪麗醫院因為肺癌引致肺積水病逝，享年88歲。

薛家燕亦有接受周刊訪問，她表示不知道吳君麗是病重期間硬撐出席婚宴，更哽咽謂去年知道吳君麗身體不適入院，後來從其家人口中得知已無大礙，之後又見吳君麗出席公開場合，故以為已病癒。家燕姐又稱與吳君麗是光顧同一家髮型屋，上月從髮型師口中得知吳君麗剛離開，還十分精神，故一直很放心。未料到婚宴之後，已成永訣。

(apple daily)

【邊講邊喊】朱茵：作為一個母親，最驚的事就是剛剛一刻

2018-09-30

一代女神朱茵最近積極重返幕前，早前帶囡囡同老公到内地參加真人騷，最近還參與電影拍攝。

在新片《古宅》中，要由20多歲演到60多歲，戲中還有個兒子張繼聰，今次可謂演技大挑戰。

對於這次要特技化妝變老，膚色暗黃又眼紋盡現，朱茵表示：「不介意扮老，今次受劇本吸引而接拍，自己亦好喜歡今次角色，這個角色好堅強，家中即使怪事連連，仍要守住兒子及家庭。」

其中拍攝阿聰決意離開農村出外闖天下，母親慘遭兒子「拋棄」時，育有一女的朱茵拍時已經眼濕濕，看playback更觸動落淚，她邊講邊喊說：「故事講我個仔已經長大，不停講想走，但我次次都阻止到，不過今次就阻止不到，我角色的世界就只有個仔…，連這支柱也失去，作為一個母親，最驚的事就是剛剛一刻，孩子要走了。」

（mingpao）