前年嫁俾鄭萃雯哥哥做人妻。
無綫又有新聞主播離職！今次輪到09年加入無綫、現年30歲嘅李朗怡（Connie），繼日前佢喺Ig貼舊相，倒數離職日將至，噚日佢再貼咗一張坐喺主播枱前嘅相片，然後留言「新聞報道完，晚安」，即有網民留言話唔捨得佢，又有人祝福佢新工作順利，前主播兼李朗怡舊同事姚雋彥都有話：「Welcome to the free world.」
加入無綫九年嘅李朗怡，由實習記者開始做起，之後曾於無綫互動新聞任主播，亦有參與其他新聞節目《時事百科》、《周五搜記》採訪工作，11年兼任《天氣報告》主播，至前年有機會擔任午間新聞主播，上月坐正做晚間新聞主播，但她仍然選擇離職，原來將過檔港台新聞部。《蘋果》聯絡過李朗怡，但她只禮貌回覆，表示不接受訪問。
李朗怡成日喺社交網分享佢同鄭萃雯一對孖仔嘅相。
(蘋果日報)
陳柏宇（Jason）太太符曉薇（Leanne）日前誕下愛女Abigail，新手爸爸對女兒愛不釋手，係咁瘋狂影相。
今日Leanne終於出院，不過Jason要到中山舉行演唱會，未能盡人夫責任接太太返家，要由Leanne朋友代勞。
下午四點，Leanne獨自抱住Abigail，在養和醫院樓下見傳媒，素顏戴住黑超踢拖嘅佢精神奕奕，行動自如，多謝大家祝福。
新手媽話：「好辛苦，估唔到有種撕裂感覺，又冇覺好瞓，兩至三個鐘就會被拍醒，同埋BB唔讚得，最初都讚佢好乖冇扭計，第二日就扭抱，可能老公成日抱住抱慣咗。」
Jason本來噚晚要出發到中山，但因為想見多愛女一面，改為今早才出發。Leanne形容：「好恐怖，今日去中山，走咗幾個鐘就video call我，打嚟傾咗幾句，就問我個女喺邊，我話：『我都話你唔係打嚟搵我㗎啦！』我唔會呷醋，佢咁錫個女都係好。以前我哋會為寵物爭寵，依家老公就話：『唔緊要啦，我有個女！』」
雖然今日出院搞到佢手忙腳亂，仲遇著工人姐姐到港要接機，只能交由朋友幫手，Leanne都好堅強話：「之前老公陪過夜，依家就由朋友陪，因為屋企都需要人照顧寵物。」Leanne又謂最初Abigail有少少黃，佢哋都好擔心，不過經醫生診斷後話BB健康，可以出院喇，大家先至放心晒。
出院返家後Leanne要真正落手落腳照顧BB，接受另一艱難新挑戰，但另一方面，今晚終於可以獨霸女兒：「喺醫院嗰陣，通常護士接手，即使我阿媽嚟到想抱B，Jason都抱住個BB，死都唔肯放手，係個好可怕嘅愛女狂。」
(蘋果日報)
感冒咳嗽吃「止咳藥」就好？當心吃到引發支氣管炎、肺炎。
感冒咳嗽就可以吃止咳藥？其實並不然。醫師指出，咳嗽時自行服用止咳藥，倘氣管內有「痰液」，會因為咳嗽被藥物抑制，而無法順利排出，痰液積存在氣管中，不但會加重病情，嚴重時甚至會倒流入支氣管或肺臟，引發支氣管炎及肺炎。而止咳藥應是感冒後期，沒痰液後，出現「乾咳」時使用。
一名30多歲女性，有氣喘病史，一週前開始出現咳嗽症狀，咳出很多黏稠痰液，同時伴隨些許呼吸不順，自行服用止咳藥，情況未見改善，反而出現呼吸急促的現象。就醫時發現肺部有喘鳴聲，已氣喘發作。
書田診所家醫科主任醫師周明文指出，氣喘者因為小支氣管攣縮以及黏稠痰液堆積，會導致呼吸道變窄，呼吸困難且劇烈咳嗽，倘此時服用止咳藥，不利痰液的咳出，痰就會卡在呼吸道，反而會令呼吸更加困難，此時應使用氣管擴張劑減輕支氣管攣縮，化痰劑稀釋痰液，以利痰液的咳出，使呼吸道變得通暢。
▲醫師提醒，當感冒喉嚨有痰，千萬不能亂吃止咳藥，以免痰液積存在氣管中。
周明文進一步表示，咳嗽其實是一種反射動作，目的是將氣管內的異物排出體外，以保護支氣管及肺臟，避免支氣管炎或肺炎的發生，是具有自我保護的正面功能。
另外，不少民眾對化痰藥也有所誤解，以為化痰藥可以將痰液化為無形。但周明文指出，其實化痰藥只是將黏稠的痰液稀釋，較易被咳出，有時因痰液由濃變稀，痰量反而會增加，這時一定要補充充足的水份稀釋痰液，有痰時多喝水更有助病情的改善。
那止咳藥真正的使用時機是什麼時候？周明文表示，當感冒接近尾聲，氣管內已無痰液，但因氣管在發炎之後變得異常敏感，只要有些許的刺激，如冷空氣等，就可能導致咳嗽，此種「沒有痰液」的乾咳，才是使用止咳藥的適當時機。
周明文提醒，冬季室內外溫差大，不少人感冒咳嗽，但並非有咳嗽就適合使用止咳藥，須經醫師檢查判斷，若咳嗽持續超過3天仍未改善，建議應尋求醫師診治，切勿擅自服用止咳藥，以免引發嚴重併發症。
(ettoday)
韓國42歲型男權相佑與韓國小姐出身的38歲女星孫泰英於2008年結婚，昨日剛好是兩口子結婚十周年，早前他們一家四口結伴到峇里島拍攝家庭寫真，順道慶祝結婚十周年，昨日雜誌官網再公開多張未曝光的寫真，當中亦有他們的全家福，囝囝祿熙更Chok爆擺甫士，十分型仔。
出名係廿四孝老公的權相佑，除了與愛妻孫泰英大擺恩愛甫士晒幸福外，又拖實9歲囝囝祿熙及3歲半囡囡利浩，流露慈父的笑容。權相佑與囝囝十足餅印一樣，他更濕身讓囝囝騎在他肩膊上大擺溫馨甫士，而囡囡則遺傳了媽咪的優良基因，細細個已經好靚女！
中秋返鄉被捕獲
此外，日前有網民在首爾江南區水西洞的水西車站捕獲權相佑一家四口，當時孫泰希負責拖實一對子女，身穿衛衣及牛仔褲的權相佑則行在前面，一家四口勁溫馨，似乎權相佑亦趁日前的中秋連休假期帶家人返鄉探親。
而孫泰英昨日在社交網上傳兩公婆於2008年3月3日至6日的拍拖合照，又留言說10周年結婚紀念日，希望與一對子女幸福生活。
(on.cc東網)
薛家燕「天梯」的故事來比喻跟拍拖12年的商人男友，男友曾兩度向她求婚(相關新聞：https://goo.gl/7Sys6L)，但她沒有答應或拒絕，因考慮雙方年紀問題，故不想改變現狀。而家燕這段秘封戀事，其長女石祐珊說：「其實媽咪唔係想公開啲乜，只係閒談近況啫，至於媽咪嘅男友，媽咪係唔會公開佢張相，因為佢喺圈外人。」
問到身為仔女可接受媽咪這段感情，她說：「好支持，其實好早之前，我哋幾個仔女都好鼓勵媽咪拍拖，只係媽咪顧住工作，當初媽咪有人追，我哋都擔心過對方，唔知對媽咪有咩目的，但係喺呢12年嘅觀察，我哋覺得對方對媽咪好好，好細心，好真誠，真係深深畀佢打動咗，但詳情我唔可以講咁多，因為要保護佢哋呢段感情。（媽咪男友係咩類型？靚仔、實幹，佢哋合唔合襯？）實幹型，我已經講咗好多，雖然佢（媽咪男友）唔會成日喺香港，但都唔想嚇親佢，因為佢係圈外人，我哋見過好多次，其他真係唔想講咁多。」
問可想媽咪再婚？她說：「一定唔會畀壓力佢，但好鼓勵佢拍拖、甚至結婚，有人錫，有人照顧，如果將來有好消息，大家一定會知，唔會隱瞞。」不過石祏珊強調媽咪就算紅館演唱會後，明年開始減少工作，但一定不會息影：「因為媽咪好鍾意工作，只係我覺得媽咪都辛苦咗咁多年，係咪喺時候享福，享受人生呢？」
(on.cc東網)
颱風「潭美」吹襲日本，首當其衝嘅係沖繩，原來大住個肚嘅吳日言日正身處當地，佢日前起程到當地，與老公重遊兩年前結婚之地，原本今日搭夜機返香港，未料遇上「潭美」，被迫滯留當地，要3日後先有飛機返。
吳日言今日向《蘋果》表示：「其實一、兩日前已經收到航空公司通知班機要取消，要喺度留多3日先至有航班安排到俾我，所以我要留多幾日。」
雖然留沖繩，但吳日言大讚當地人有人情味：「我原定今日要check out，但o依家因為機場封咗，所有陸路都封晒，就算我有車我都離唔開呢間酒店。不過日本呢度啲人好有人情味，原本我留低喺度要3,000幾蚊一晚，但佢反而收番我一個平咗嘅價錢，1,000一晚，俾我安全咁留喺度，唔好再周圍走。」
吳日言話o依家情況還好，起碼有瓦遮頭，不過因為佢話：「因為身處嗰間酒店好近海，好大風，同埋見到啲浪不停咁冚過嚟，我未試過聽到咁強勁嘅風聲，所以其實都幾驚，聽到啲風『啪啪』聲。」
之後吳日言再喺IG貼大肚泳照報平安，佢留言話：「原本今日回港，因為颱台24（港稱：潭美）吹襲沖繩，所以機場同陸路都全線封閉。可能Baby貴人出門招風雨，不過放心，同大家報個平安，我會留在安全地方。」
(蘋果日報)
全晚最開心係安志杰媽媽，見到孫仔開心到見牙唔見眼，而Andy因為長期喺大陸拍戲，好少機會三代同堂一齊食飯，所以今個中秋節可以一家團圓，對Andy嚟講係最開心嘅事，Andy話：「好開心好難忘，可以同屋企人一齊賞月，為Elvis安排百日宴。」
安志杰媽媽特別訂造咗套中式傳統禮服送畀孫仔，安氏家族就送Cupcake做賀禮。Jessica就忙足全日，除咗自己要扮靚靚出席盛宴之外，最重要係為一對寶貝仔女裝身，Jessica笑話：「希望子女快高長大，看回Andy的童年照，發覺Elvis跟爸爸有九成相似，令我感到有點意外。」
(蘋果日報)
本月10日踏入37歲生日的藝人葉翠翠，與一百位粉絲舉行生日慈善派對，丈夫Raymond帶同一歲半大仔及近三個月大細仔撐場，期間大仔甚受現場粉絲歡迎，紛紛上前逗他玩及合照，場面熱鬧。
大仔受歡迎
翠翠透露決定把生日會的費用全數捐助慈善團體，好讓毛孩重建家園。對於大仔成全場焦點，翠翠謂：「好似佢係主角多過我，不過都接受咗呢個事實，平時甫佢啲相，畀like都多過我幾倍嘅。」
唔敢追女
談到丈夫有何表示？翠翠即踢爆對方忘記了其生日，就連一句祝福說話也沒有。
她謂：「佢有話會補送，但都冇，只係一星期前買咗個蛋糕返嚟，唱生日歌時大仔好開心，以為同佢慶祝咁、好搞笑。（追多個女？）會冇命㗎！由佗到生、收身之後再佗，真係好攰，所以兩個夠數，再生嘅話屋企會反轉，依家屋企已經夠亂。雖然本身鍾意女，粉絲都叫我生，但呢個社會生女會好危險，所以唔會刻意去追。」她更指準備為大仔物色學校，但未開始已感煩惱，皆因準備功夫很多，小朋友也要有一定的認知，笑指不會催谷囝囝。
(on.cc東網)
現年68歲的藝人薛家燕，離婚後一直獨自照顧三個子女，鮮有談及感情事的她，原來有一位秘戀十二年的商人男友，對方更比她小十多歲。這段姊弟戀，並非順風順水，亦曾有過分手危機，但愈想分愈愛得深！
不想改變現狀
薛家燕說男友曾以《天梯》的故事來比喻兩人的感情，更爆出男友兩度向她求婚，但她既沒有答應，也沒有拒絕，因為她擔心當自己七十歲時，對方才五十多歲，所以令她不想改變現狀。而且第一段婚姻失敗對她打擊至深，這種像末日降臨的慘況，實在不想再痛多次。
(on.cc東網)
楊千嬅重返大台拍劇，同「劍雄哥」黃浩然故劍重逢合作《多功能老婆》，套劇日前終於煞科，不過有報道指，同劇嘅陳煒因為千嬅遲大到，等到佢好嬲好嬲。
千嬅咁忙，就係因為同時間接咗電影《麥路人》工作，昨日《麥路人》喺灣仔舉行感謝宴，千嬅出席時被問到點睇啲報道，佢話：「其實冇咩回應，因為呢啲報道成日都有，其實就唔真實，不過有啲係事實。」
千嬅隨即解釋，事實係指的確有遲到過，但時間就唔長：「因為拍攝時間長短一定有，我哋度期係留咗好充裕嘅時間，的確拍《多功能老婆》係有三、兩次遲到過，都係十分鐘內，自己做咗呢行，一知道會遲就打俾寶華姐（大台資深編劇），叫佢拍住其他先，就算我或者助手都一定會做。」
分身不暇，連拍《麥路人》千嬅都有遇到突發情況：「拍《麥》就遲過一日，當日要去中環睇尾龍骨，唔醫就行唔到，你知中環有幾塞車啦，但遲幾多就真係唔記得喇，好耐之前嘅事。」佢再笑笑口講：「其實呢啲我都唔明，我等咗啲時間就唔係時間咩。anyway，呢兩套作品拍完好滿意。」
但報道講到陳煒好嬲？千嬅表示唔覺之餘，仲以入行多年經驗提出懷疑：「又唔覺喎，如果真係有咁嘅事點會依家先寫，都成4,5個月前嘅事，呢啲料唔會冇用㗎。」
(蘋果日報)
