因為林文龍同鍾嘉欣最近喺《再創世紀》再續前緣，為當年喺《法證先鋒》入便，圓咗佢哋兩個唔可以一齊嘅夢，再加上喺網上有唔少消息話《法證先鋒》將會開拍第4集，唔少網民好期待呢件事。
聽講呢套劇將會喺下個月舉行記者會，本來有傳話係胡定欣同馬國明擔任主角，點知最後原來係佢哋兩個都唔會做，除咗譚俊彥之前講過話會演出之外，其他人係一個謎。
不過今日李施嬅喺IG貼咗張影住《法證4》嘅天書相，留言話要做準備功課，之後陳煒同黃心穎就留言話大家要努力。
言下之意，女角人選將會係佢哋三個，咁男主角呢，有傳除咗譚俊彥之外，仲有黃浩然同埋鄭俊弘，咁啱得咁橋，監製梅小青講過呢套劇會係新配搭，睇嚟呢啲人選又好脗合喎！
查實網民最想都係見到歐陽震華、林文龍、蒙嘉慧、鍾嘉欣，以至後期嘅鄭嘉穎、佘詩曼呢啲原有班底助陣。
上一輯用咗黎耀祥張可頤徐子珊吳卓羲胡定欣，拍攝手法同之前《法證先鋒》系列好唔同，甚至乎有啲「Over」咗，太強調科技嘅pro，少咗「人味」，嗰陣已經有唔少聲音，唔知今次呢個組合，觀眾又會唔會接受呢？
(蘋果日報)
陳自瑤（YoYo）同視帝王浩信嘅婚姻早前數度被指亮紅燈，但佢哋共同出活動，又分別否認傳聞，兩人結婚剛七年，育有6歲多獨女王靖喬，王浩信非常痛錫女兒，更喺社交網貼過陪女做功課相片，又收過囡囡慶祝台慶50周年嘅畫作，不過，近年卻未見王浩信同YoYo貼出家庭樂照片。
王浩信忙於拍大台新劇《解決師》，有讀者李小姐日前喺晚上9時許，喺機場抵港等行李嘅10號輸送帶，發現YoYo母女回港，李小姐透過《蘋果》嘅「爆相爆片」分享相片同短片，李小姐話：「我見到陳自瑤同個女推住行李車，喺10號輸送帶等行李，佢將架行李車推咗埋一邊，佢自己就走過去輸送帶查吓行李出嚟未，佢有時又抱下個女，有時又放低佢，我唔知佢邊度返香港。」
李小姐話YoYo攞完行李出閘，邊行邊打電話，無耐就有一男一女接機，個男人幫YoYo推行李，而YoYo見有人幫手睇住囡囡，就爭取時間撳電話，冇乜點理囡囡。
短片中所見，YoYo囡囡好乖，全程寸步不離媽咪，而視帝爸爸王浩信一劇接一劇，要享受一家三口家庭樂，相信要等埋王浩信拍完手頭上劇集有空，又要夾到囡囡學校假期先可以成行。王浩信今日回覆傳媒時話：「她們去了泰國，但因為我要開工，所以未能前往。」
(蘋果日報)
佢晒出多張囝囝嘅近照，相中見佢比之前又長大咗唔少，睇落非常精靈。見到囝囝愈嚟愈大，加上第二胎「面世」嘅時間愈嚟愈近，令佢都忍唔住問。。。
藝人張名雅依家正為老公佗緊第二胎，早前自爆今胎係意外懷孕嘅佢，今日再喺社交網發文指原來連懷孕周數都搞錯咗，佢文中提到：「今日去做產檢先發現原來我已經懷孕七個月啦。等我傻傻一直以為啱啱先係六個月。」
之後，佢又分享呢次佗b嘅情況：「呢個BB都好活躍，同Mario係我肚嗰時不相伯仲。一直踢不停，踢到我嗰肚變形咁滯。今日醫生做超聲波時仲感覺到佢踢咗幾下個超聲波導頭話佢好大力添！」
另外，佢晒出多張囝囝嘅近照，相中見佢比之前又長大咗唔少，睇落非常精靈。見到囝囝愈嚟愈大，加上第二胎「面世」嘅時間愈嚟愈近，令佢都忍唔住問：「你會是一個好哥哥嗎？」並大賣關子叫粉絲估吓呢胎係仔定女。
(on.cc東網)
郭富城出席電影《麥路人》晚宴，透露電影已拍得七七八八，只有小部份未拍完，如果導演想補拍或想追求完美，可以叫經理人安排一下。城城又讚今次合作嘅導演黃慶勳好勤力、好努力去準備，作為演員會盡量配合同遷就，又指現在已經拍緊另一部新戲，但詳情唔可以透露。城城今次同楊千嬅、鮑起靜及萬梓良合作，佢話對上一次同萬梓良合作，已經係30年前拍無綫劇《成吉思汗》，當時自己啱啱喺訓練班出嚟嘅新人。
城城緊接再開戲，豈不冇時間照顧囡囡？城城即笑話︰「呢個世界有wifi，有wifi就聯絡到，唔使擔心。」至於有報道指其母同太太方媛有婆媳糾紛，佢成為磨心？城城表示：「絕無咁嘅事，係憑空想像嘅小說，每次有電影上、有演唱會，都會有咁嘅封面同劇情，見怪不怪，只可以講呢啲係無中生有嘅嘢，喺呢一刻我屋企好健康，好快樂，好和諧，呢啲不實報道回應一次就足夠，（婆媳關好好？）當然啦！」
至於，有傳方媛再為佢陀第二胎，問城城有好消息未？佢就兜圈回應話：「大家睇住我大同成長，好關心我嘅家庭生活，總之希望大家比啲時間比啲空間我，順其自然，交俾嗰天，總之屋企係咪添多個丁呢？就由天安排，暫時無可奉告。」
(蘋果日報)
大陸宮鬥劇《延禧攻略》，除咗帶挈幾位主角人氣急升之外，劇中富察皇后身邊嘅宮女「明玉」姜梓新憑住個「初戀樣」亦跑出，其後更因為喺大陸綜藝節目中唱《囍帖街》而大獲好評。
嗱，人紅就梗係是非多，雖然劇外明玉同海蘭察成日孖住出嚟放閃，但最近大陸就翻咗佢舊帳，指姜梓新喺2年前錄影大陸綜藝真人騷《完美假期2》嗰陣，就同節目內其中一個女嘉賓周晨晞經常有曖昧行為，兩人除咗喺節目內唔避嫌地又攬又嘴又餵食，仲話佢哋兩個以Simpson公仔傳情。
嗱，睇番呢位有幸同姜梓新傳情嘅同性密友周晨晞，個樣同行為都同陳冠希幾似，其實唔講的話，大家憑外型又的確幾難分得出佢係女仔，皆因周晨晞嘅打扮極為中性。而佢係節目度又不時主動攬錫姜梓新，兩人嘅互動十足十情侶，而且仲表現得鬼咁sweet，難怪會傳同性緋聞。
雖然有網民認為呢啲親密舉動只係節目效果，但姜梓新同周晨晞就從來冇否認又冇承認大家嘅關係，所以到底佢哋係普通朋友定密友呢？
姜梓新經理人馮小姐今日接受《蘋果日報》電話訪問，佢大方表示姜梓新目前冇男朋友，又否認同性戀取向，佢話：「沒有（男朋友）欸，真的沒有。是傳過跟周晨晞，她（姜梓新）家教比較嚴的那種，因為媽媽跟她住在一起。」
馮小姐透露姜梓新本身係南京人，早前嚟北京發展時，身體唔係咁好，所以姜媽媽就搬嚟北京一齊住，負責囡囡起居飲食，馮小姐稱：「你想她的年齡才剛畢業，所以沒有拖拍也很正常。媽媽也管得比較嚴，晚上不准出去，不能甚麼的呀。」
(蘋果日報)
藝人楊怡、林峯、馬國明等昨晚到將軍澳出席晚宴活動。
林峯最近陪伴女友張馨月到內地江蘇鹽城出席女友弟弟婚禮，關係似乎更進一步。由深圳趕返港出席活動的他則沒有接受訪問，似乎是要迴避感情問題。
楊怡與林峯十分老友，早前還與藝員訓練班同學飯敘，問到她可有見到林峯女友，她笑說：「我驚講錯嘢，嗰日冇人攜眷呀。（見過林峯女友未？）相同真人都有見過。（林峯出席女友細佬婚禮？）哦，好事呀。我見過一次，印象好好，好nice，同我哋班朋友傾偈幾投契嘅，我唔講咁多喇。（戥佢開心﹖）梗係戥佢開心，因為每次見到佢都叫佢快啲結婚，都係時候差唔多啦。（聽你講結婚？）佢唔會聽我哋講啦，佢有自己嘅主意，唔使逼。」
楊怡透露老公羅仲謙已在內地拍完電影，近日在港過中秋，隨後亦會在港拍戲。
問到豈不是「造人」機會大增？她笑說：「承你貴言，唔好咁啦，次次都講呢個話題，我走先喇，哈哈。（有壓力？）冇壓力嘅，但次次都問呢個問題，好驚呀。」講到《再創世紀》收視平平，楊怡沒有失望，認為最重要是有口碑，收視點就控制不了。
(on.cc東網)
現代人工作忙、壓力大、沒時間休息，使用電子產品的時間增加，又遇到冬天比較乾燥，就容易引發乾眼症。
眼睛常盯著電腦、手機，眨眼的時間被拉長，再加上眨眼不完全，眨眼時上眼瞼沒碰觸到下眼瞼，眼油無法從淚腺中釋出，長久就導致瞼板線阻塞。其實改善乾眼症，重點在經常「眨眼」讓眼睛分泌淚水，同時讓眼睛暫時休息，就能迅速改善。
下列幾個方法，可有效改善乾眼的症狀：
眨眼閉眼
透過眨眼閉眼的練習，能改善乾眼症：先閉上眼睛，上下眼皮必須要確實接觸；閉眼至少兩秒鐘，使上下眼瞼接觸時間增加；再緊閉兩秒，幫助控制閉眼的肌肉及神經傳導途徑能夠發展；最後才張開眼睛。以上4步驟是一次的眨眼閉眼循環的練習，每天15次，持續數週後對眼睛周圍肌肉的訓練，能有相當的成效。也可以使用食指輕輕將眼尾向上向外側拉提，看起來好像鳳眼，然後慢慢的眨眼。
眼球運動
眼球轉動的運動也有效，眼球向上下左右，或順時針、逆時針的方向轉動，有時配合手部畫圈，眼球隨著手部轉動。眼球轉動能消除眼睛疲勞，強化眼睛周圍的肌肉。但高度近視的人要小心，眼球轉動的速度不能太快或太用力，否則會造成視網膜剝離。
穴位按摩
按摩眼睛附近和相關的幾個穴位，對眼睛有保健的效果。睛明、承泣、迎香、翳風、太陽、天穴等等。
熱敷
傳統的居家熱敷也有幫助改善乾眼症，用攝氏45度毛巾熱敷，每間隔2分鐘換毛巾，一個過程約20分鐘。10分鐘後眼瞼可達攝氏40度，才能有效舒緩瞼板腺阻塞的情況，一天熱敷數次，長期持續的使用居家熱敷，效果更好。
環境也很重要，在太乾燥或者使用冷、暖氣空調的地方，要放一盆水增加溼度。吹電風扇要避免長時間直接對面吹。平時看電腦30分鐘時，最好休息10分鐘，或轉移目標看遠處。改善乾眼症其實並不難。
(大紀元)
在中醫看來，不同的臟器對應不同的顏色，肝臟對應青色，心臟對應紅色，脾臟對應黃色，肺臟對應白色，腎臟對應黑色。因而養肺就要吃白色食物，白色的水果、堅果、蔬菜都可以。胡乃文中醫師介紹了幾種簡單易做、又能潤肺養肺的膳食，以及常見的白色養肺食材。
◎濃米湯
用白米煮出的濃濃的白米湯，對肺很有益處。濃米湯可以生津止渴、潤肺，預防咳嗽和感冒。
◎百合銀耳湯
食材：蓮子1兩、百合5錢、白木耳1朵、冰糖適量。
做法很簡單，先將食材用水洗淨泡軟，然後放入湯鍋，加適量水煮熟，再加入冰糖調味。
這幾種食材都是白色食物，對護肺、預防感冒有很好的功效。在煮湯的時候，時間要久一些，將白木耳中的膠質溶到湯裡，讓湯的口感更黏滑，這樣更能夠起到潤肺的作用。
◎冰糖蒸梨
梨是治咳嗽的好處方。做冰糖蒸梨，先把梨從中間剖開，把中間的果肉挖掉，加些冰糖、川貝、杏仁，在鍋裡蒸四五十分鐘，等冰糖化了，梨熟了，就可以食用。
冰糖本身有化痰潤肺的作用，加上川貝和杏仁，化痰的效果就更好。吃冰糖蒸梨對治療咳嗽有很大的幫助，因把痰的問題調整好了，因痰而導致的咳嗽就自然好了。
◎杏仁
杏仁止咳平喘、潤腸通便，和貝母在一起有化痰功效。
◎山藥
山藥不僅補腎、補脾，還有瀉肺的作用。
◎花生
花生也是白色的，雖然它的皮是紅色。吃花生對肺也有一定的好處。有趣的是，紅色的花生皮也稱「花生衣」，它也是一味藥，血小板過低可以用它來治。
◎蓮藕節
蓮藕本身就有涼肺的功效，而蓮藕節是藕最涼的部分。在出現流鼻血、流行病等肺熱的時候，可以吃蓮藕節來調養肺。
(大紀元)
陳倩揚早前誕下孻女陳希桐Aurella，現時兩個月大，二仔三歲半，長子七歲，面對唔同年齡層小朋友好多事情分享，今日在灣仔錄影ViuTV何基佑主持節目《超級奶爸2》，何基佑本身有一子，年底將會再添一女，兩人大談湊仔經。
倩揚見到兩位哥哥都好錫妹妹，分別畫畫攝在妹妹床邊，佢話：「每日兩個仔同老公返到屋企都望住妹妹，我就自己一個煮餸冇人理我，我就快35歲，望到呢個畫面都好滿足。」成為三子之母會否做全職媽咪？倩揚會選擇性工作，慶幸現時網上平台工作可以喺屋企做，暫時湊女都唔算辛苦，因為兩個月係一個新生時期算易處理，只係喊下換片，反而要顧及兩位哥哥呷醋感受，倩揚話：「哥哥大個要畀多啲耐性，依家如果哥哥喺屋企我會盡量少啲抱妹妹，會畀番多啲互動兩個仔，特別係二哥，要分身畀時間三個小朋友。」真係忙過返工，所以倩揚話：「我身上呢條裙係未生前著，今日可以著得落，雖然未收哂身，會慢慢減肥唔急，依家家都好興微胖。」
老公見到阿女係前世情人咁冧？倩揚話：「老公話未感受到前世情人感覺，阿女喊嘅時候都係要我搞掂，老公都會問阿女唔係黐daddy多啲咩？」何基佑就話：「朋友等住拆我招牌，話我生個女肯定死喺阿女手上。」陳倩揚就笑佢做爸爸好難處理小情人，何基佑拭目以待囡囡出世，仲話：「平日覺得阿仔喊就喊啦，但如果女喊，就係爸爸衰爸爸唔好。」
(蘋果日報)
薛芷倫日前喺Ig貼出一張同張新悅同袁詠儀三人合照，不過事後張新悅就對呢張相似乎唔多滿意，覺得自己被「膠面」同「好多P圖」，仲話：「其實我哋皮膚好靚。」
噚日張新悅話：
「唔知咩一回事，最慘相張搞到我好似膠面咁，好多p圖，其實我哋皮膚好靚。」
「其實大會仲有好多靚相，不過Fanny（薛芷倫）攞咗呢張嚟post。」
「Fanny 擺相係佢嘅決定，我最傷心張相咁膠面，好想拎張靚啲嘅相畀佢睇，膠面好核突，暫時冇需要，廿年後先啦。」
之後《蘋果》問番當事人薛芷倫，佢話完全冇P圖，只係用咗部美顏相機影相selfie。薛芷倫仲話，影完之後，「佢哋仲話影得啲相好靚，成晚係玩得好開心，我覺得我相信，靚靚都同意，嗰晚係一個好開心嘅一晚。」再問此事會否影響佢同張新悅感情，佢就大方話：「同枱食飯、相聚都係一個緣份，隨緣。」
張新悅今日接受本報電話訪問時，就解釋自己噚日嗰番說話呢，其實係冇特別意思，只係想講唔使任何美顏工具，大家皮膚都靚：「今天有朋友send俾我睇啲報道，問我係咪講錯嘢我先留意到。我真係冇任何唔好嘅意思，但表達得唔好。原意是輕鬆講下笑，無留意會引起誤會，所以依家都係唔好講咁多，怕越描越黑。」
問張新悅會唔會搵薛芷倫解釋番件事？佢就話：「私下會做，相信Fanny（薛芷倫）會明白！」
(蘋果日報)
