藝人岑杏賢（Jennifer）出席慧妍雅集的月餅義賣活動，提到早前她在詛咒黃心穎與馬國明分手的留言下讚好，她稱只是不小心，不知道自己有讚好：「係之後有人問我係咪Like咗，我先知，好在佢同我講，我即時Unlike，再打畀心穎，有同佢講對唔住，佢都好明白。好在我哋都熟，佢知我唔係有心，我以後會小心啲。」
她表示今年中秋未有人約，但自言不需朋友介紹異性，靠自己認識會更好。不過今年中秋，她想過得特別些，希望可以鼓勵更多人做運動，故會開直播教運動：「其實我上個月都挑戰自己，連續三十日、每日做一個鐘嘅帶氧運動，好成功、好開心。（有冇瘦咗？）冇，反而重咗少少，因為有Build up咗肌肉。」
而早前捲入罵戰風波的心穎心情似乎未受影響，在社交網大晒索爆水着照，雖然冇正面睇，不過都有美好的背面風光，有網民更留言問心穎：「係咪馬國明影㗎？」
(on.cc東網)
喺金鐘一間酒店舉行註冊儀式，由於為人較為低調，所以婚禮以cocktail party形式進行，並且只係邀請兩家嘅家人及幾位圈中朋友。。。
黃德斌同圈外女友Joyce Wong拍拖18年，今日終於正式拉埋天窗，喺金鐘一間酒店舉行註冊儀式，由於德斌為人較為低調，所以婚禮以cocktail party形式進行，並且只係邀請兩家嘅家人及幾位圈中朋友麥子樂、徐榮、戚其義、簡慕華、李啟傑等等。
身穿便服嘅德斌，講到佢成家立室，加上《逆流大叔》票房報捷，可謂雙囍臨門，德斌表示好開心。票房好先有結婚嘅諗頭？德斌話：「冇特別㗎，你哋成日問我，我都話隨時結，真係咁啱㗎咋，冇話套戲咁，然後先咁，冇㗎！」問到婚宴形式？佢表示：「同親戚、幾個圈中朋友下晝食下嘢，所以冇兄弟姊妹團。」雖然德斌指冇接新娘同玩新郎儀式，但有向長輩斟茶。
問到有咩愛的宣言向太太講？德斌笑住話：「你知我㗎啦，多謝你哋關心。」佢仲指註冊嘅時候，都覺得好感動。由於工作太忙嘅關係，聽日繼續為《逆流大叔》謝票，所以德斌透露未有計劃同太太去渡蜜月。至於生小朋友計劃？佢即刻指：「未有計劃，唔容易㗎，呢個年代唔係你想就想點，自己handle到先，0依家玩住人哋嗰啲先，幾好玩㗎！」
麥子樂表示同德斌相識十幾年，又跟Joyce好friend：「Joyce嘅父母好玩得，成日都見到，衷心恭喜佢哋白頭到老，永結同心。」送咩禮物？子樂話：「佢以前成日請我食飯，請我飲嘢，所以喺佢嘅大日子，我封番封勁嘢畀佢。」
趙希洛就話今日嚟係送人情，同埋叫德斌快啲做老竇。而簡慕華、戚其義、戴耀明、徐榮及李啟傑等圈中好友亦紛紛到場祝賀，戚其義仲帶埋韋家雄嘅喜帖嚟派。
(蘋果日報)
姚子羚同李施嬅都單身咗好一陣子，但呢個世界上唔係只有愛情，仲有友情都難能可貴。子羚同施嬅最近決定孖住去旅行，到曼谷曬太陽兼hea住玩，暫時撇甩埋「胡說八道會」其他姊妹，享受二人世界。
子羚同施嬅今日都有喺ig貼泳衣相，最初只係晒白滑玉背，之後再騷正面照，唔少網民都讚佢哋好索。
施嬅以英文留言﹕「城市變藍色了，同姚子羚游水唔可能唔幫佢影泳衣照。The city turned blue today! And I love it! 」
而子羚就話﹕「喜歡在鬧市中享受一刻的恬靜…我喜歡藍…因為我嘅“大象”姊妹都好享受這片藍色天空和無限大嘅泳池。」
(on.cc東網)
和大人一樣，孩子在空腹的時候也有一些不宜食用的食物，而且孩子的腸胃比大人的更加嬌嫩，食用了會給孩子脆弱的腸胃造成負擔。寶爸寶媽們來看看～孩子空腹時不宜吃的食物有哪些…
糖是一種極易消化吸收的食品，空腹大量吃糖，人體短時間內不能分泌足夠的胰島素來維持血糖的正常值，使血液中的血糖驟然升高容易導致眼疾。而且糖屬酸性食品，空腹吃糖還會破壞機體內的酸鹼平衡和各種微生物的平衡，對健康不利。
酸奶。空腹時胃內的酸度較大，酸奶又屬酸性，此時給孩子喝酸奶，一方面會刺激胃部，另一方面酸奶中的乳酸菌易被胃酸殺死，因此保健腸胃的作用會大大減弱。酸奶適合在孩子飯後2小時或睡前喝，不但有促進消化的作用，又有排氣通便作用。
牛奶和豆漿。牛奶和豆漿是不少孩子的早餐必備品，但它們都含有大量的蛋白質，如果孩子空腹飲用，蛋白質就會轉化為熱能消耗，起不到補充營養的作用。
香蕉中有較多的鎂元素，空腹吃香蕉會使人體中的鎂驟然升高而破壞人體血液中的鎂鈣平衡，對心血管產生抑製作用，不利於身體健康。
橘子含有大量的有機酸和果酸，如果孩子空腹食用，會造成孩子的胃酸含量猛增，破壞孩子的胃粘膜，導致孩子胃脹、反酸、嘔吐。
蕃茄含有較多的果膠、單寧酸，它們與胃酸發生化學反應生成難以溶解的凝膠塊，易形成胃結石。
紅薯營養豐富，是父母和孩子都愛吃的食物。但孩子如果空腹吃紅薯，紅薯中的單寧和膠質就會刺激胃壁分泌更多的胃酸，讓孩子感到燒心、噁心。
空腹時切記不要讓孩子吃冷飲，過冷的食物會刺激胃腸發生攣縮，將導致各種酶促化學反應失調，誘發孩子腸胃疾病，甚至會導致內臟器官功能受到損傷。無論是什麼季節，孩子空腹時最好不要吃冷飲。
喝茶是一種好習慣，現在不少父母也鼓勵孩子從小喝茶。但空腹飲茶會稀釋胃酸，降低孩子的消化功能，還容易引起“茶醉”，讓孩子心慌、頭暈、頭痛、乏力、站不穩。
下月便53歲的天王郭富城，早前傳出太太方媛成功再懷城種！
去年9月方媛為城城誕下女兒Chantelle，女兒剛滿一歲，原來方媛已火速懷了第二胎。
方媛的孕照今日終曝光，早前她出席閨蜜聚會。
閨蜜在社交網po出兩張有方媛的照片，相中的方媛穿着吊帶連身長裙，腹部微隆，但仍然面尖尖，手也很纖瘦，得天獨厚！
閨蜜留言：「感謝我所有的天使，我真的很高興有你們。」方媛是城城的嬌妻，在好友心目中也是小天使。
(on.cc東網)
近年轉戰內地發展，少咗喺香港露面，原來佢8日前喺香港機場回家嘅高速公路上遇上交通意外。
今日佢喺社交網上載一張瞓喺擔架床上嘅相片，留言講番當日情況：「今天是發生交通意外後的第8天～當晚下著（着）雨，我和朋友從香港機場回家的高速公路上，因的士司機剎不及車而撞上前面一輛的士，幸好我們都有繋上安全帶而不至於受到很嚴重的傷害，但因為事發時我正在回覆短訊，在車禍前一秒才反應過來，在沒有任何心理準備的情況下，來不及保護自己，以致拉傷了頸背神經。當晚救護車把我送到瑪嘉烈醫院檢查了骨頭沒大礙便出院回家休養了。（在此謝謝當晚的救援人員，醫生和護士）
感恩這只是一場小意外，現在我已無大礙，生活和工作安排一切如常，精神狀態也很好，不用擔心。然而經歷過才知道發生交通意外的一刻是有多可怕，我相信傷者精神上的創傷遠比身體更甚，所以我希望在這裏勸喻各位司機及乘客，在馬路上要保持警惕，上車時第一時間要繋上安全帶，別存有僥倖心理，時刻留意路面情況，生命永遠是最可貴的。^^」
祝Theresa早日康復啦！
(on.cc東網)
王祖藍同李亞男結婚三年，上兩個月公佢哋係網上宣佈終於造人成功，預產期應該去明年農曆生年前後。
唔知係咁啱，定係神嘅安排，祖藍第一套導演嘅電影《你咪理，我愛你，死未？》（暫名），已經安排喺出年賀歲檔上映，到時真係雙喜臨門。
講番祖藍套處男導演作《你咪理》，係改編自同名嘅舞台劇，故事圍繞男歡女愛，由拍拖到分手、之後結婚生仔、死別嘅段落結合而成。而今次改編成電影，仍然保留歌舞嘅原素，歌舞片賀歲都咪話唔特別。
今次祖藍嘅電影係純港片元素，所有主要演員都係本地演員。因為要唱歌跳舞，祖藍就搵咗唱家班嘅杜麗莎同老友阮兆祥演出，主要演員仲有今年憑《黃金花》兩度封影后嘅毛姐毛舜筠，佢今次會向演技挑戰，分飾4、5個不同角色。愛情部份就會由人妻岑麗香同方力申擔當，祖藍會自導自演。
據知，處男下海當導演嘅祖藍不容有失，試過有一個兩分鐘鏡頭，佢足足拍咗14個鐘至收貨。
(蘋果日報)
藝人陳凱琳（Grace）上月與老公鄭嘉穎拉埋天窗後，二人各自返回工作崗位密密接Job。
剛榮升為鄭太的她，最近獲內衣品牌邀請到意大利維羅納睇騷，更被安排坐頭排。
她相當識趣地穿上火紅色內衣Top上陣，外面再配搭西裝外褸，實行來個人妻大解放！
照片吸引大批網民留言讚Grace性感迷人，未知嘉穎見到Grace此造型會否呷醋呢？
(on.cc東網)
梁烈唯就爆Seed寫道：「你真是一個人渣！本着得饒人處且饒人的心態，嘗試對你仁慈，原來是不可以的！」
藝人梁烈唯今日一早就喺社交網上載多張微信對話，直斥有人借佢個名呃人，言語間又透露對方非首次，嚴重警告對方唔好再冒佢同佢朋友名義去做任何事情，更大鬧對方係人渣！
公開騙徒對話內容
對話內容關於某人開私人派對兼收入場費800蚊人仔（約港幣930元），該人指派對將有藝人如梁烈唯、馬德鐘、林盛斌等出現，入場費更「包吃包喝和交流」！不過對話內容提到有咩藝人參與時，疑似「受害人」就話佢哋都唔係咩大明星，仲話好似佘詩曼、謝霆鋒咁先有興趣Join……
畀人冒名騙財，梁烈唯就爆Seed寫道：「騙子又出現！大家小心！Nick 你真是一個人渣！本着得饒人處且饒人的心態，嘗試對你仁慈，原來是不可以的！我在這裏嚴重警告你，不要再用我或我的朋友的名義去做任何事情！我們跟你絕對不會有任何合作空間！更不要想我們會是朋友！請大家小心留意這騙子，不要被騙！ 」
(on.cc東網)
著名時裝設計師何國鉦其公司成立25周年，與一個鐘錶品牌喺灣仔會展舉行一個cross over時裝騷，今個月預產期嘅名模Rosemary、關楚耀及傅嘉莉(Kelly)將有份行騷。其他出席嘅嘉賓包括梁詠琪、傅明憲、陳煒、鄺美雲、何傲兒、謝雪心、貝安琪、童愛玲、谷祖琳、龐景峰、陳法蓉、李若彤、李蕙敏、黃佩霞夫婦等。
下星期分娩嘅Rosemary着住4吋高踭鞋現身，佢話已經好少着高踭，問到陀住BB行騷驚唔驚？佢話：「唔驚，點解要驚呀！(你大肚喎！)我依家都有教瑜珈嘅，老公都唔知我行騷，但相信佢都會反對嘅！」Rosemary話自己都已經準備好晒，Ready生BB，都有啲緊張同興奮。問到知唔知自己肥咗幾多？「唔知呀！冇磅到，(綵排情況如何？)其實我係同Dorian一齊謝幕，佢會拖實我，我都係大肚啫，又唔係傷殘。Dorian對我嚟講係一個好amazing嘅人，所以佢邀請我，我一定會嚟，我好有信心，會等我行完個騷先出世，係一個好好嘅紀念日，係我生之前最後一個騷，今次會揀順產，好好彩陀BB咁耐都冇唔舒服，都算好好彩。」
Kelly與關楚耀一同接受記者訪問，二人笑言今次都算係情侶檔，兼且佢哋有份主演嘅劇集《特技人》又大結局，關楚耀笑言現實與戲都見到Kelly都有啲混淆，好似重返去年拍緊戲嘅時候咁，Kelly接住話：「感覺好甜美，希望可以keep住呢個情侶檔，可以接多啲job，有多啲機會。」
關楚耀話，喺後台嘅時候，好多人都同佢哋玩，影相時仲笑佢哋幾襯！佢即講笑話：「如果我哋結婚，記得早啲到！」今次佢亦好開心獲何國鉦邀請行騷，笑指要向Kelly請教，話佢係舞台上前輩喎！完騷後佢哋亦會會合《特》劇嘅演員一齊睇大結局，問到會唔會有慶功，佢就話可能會㗎！
(蘋果日報)
