陳奕迅(Eason)以代言人身份現身旺角，為世界盃活動擔任揭幕嘉賓，原來讀書嗰陣，Eason已經好鍾意踢波，佢仲因為身型高大，最初係負責守龍門，之後轉為進攻球員，最愛頂頭搥！不過Eason笑言近年體力不足，有時追波會出現拗柴情況。
嚟緊世界盃開鑼， Eason話最希望梗係愛隊德國捧杯，佢仲自爆會去俄羅斯觀睇揭幕賽，佢勁興奮話：「我第一次喺現場睇世界盃，亦都係第一次去俄羅斯，以前最近都係做巡迴去到黑龍江，我有個疑問唔知嗰度食乜。」
佢仲話今次預計會睇兩至三場賽事，主要逗留莫斯科，其中有一日空閒，已經計劃做遊客遊覧紅牆。Eason嘅身形狀態回勇，佢話近年發現企得耐會膝頭攰，經了解後發現原來係肌肉力量唔夠，所以喺一個月前開始接觸健身：「每次做個半鐘，每星期做一至兩次，其實我好掛住自己個腮，一向都有俾人哦叫我減，但哦慣咗咪唔理，不過自己都覺得好多疾病都係管道塞引起，o依家做完健身流多汗好舒服。」
Eason仲自爆早前曾經有諗過去做手術去眼袋，不過諗深一層，做手術始終有風險，加上本身純尚自然，所以決定放棄做手術，選擇以運動排汗，佢笑笑口話：「我有諗過唔知會唔會自己脂肪強勁，如果做咗手術兩日後，眼袋出返嚟咪好唔抵！」
(蘋果日報)
今日林子善出席大台活動後被問到情慾錄音事件，係咪特登安排同老婆去旅行「補鑊」，但林子善否認，仲話一早已經計劃咗呢段時間去旅行，係補度蜜月，佢仲話老婆一早知道晒所有事，而且新婚不久爆單咁嘅醜聞，令佢哋兩夫婦之間關係更加強化，仲獲好多朋友支持。
林子善更重申，自己唔會一船踏兩腳，又認為同舊愛L小姐，再見後唔使做仇人，而佢亦唔怕再被爆料，坦言冇影床照，亦冇玩過乜嘢激情嘢，做嘅嘢都係好平常，自己完全冇壓力。
同前業主關係好
本來陳展鵬一直努力抑制怒火，可是一講到陳媽媽，陳展鵬即按捺不住。
「即係已經唔係拖一兩日……係幾個月，真係已經頂唔順，冬天真係太凍，我搵煤氣公司上去。你唔搞，我就自己搞，我俾番張單你，唔掂呀真係！燈嗰啲我可以幫你搞，但煤氣，大件嗰啲，我點幫你搞啫？煤氣公司仔係上過去check過，話要改位，要換，跟住佢話：『都係太貴，唔好喇。』都係我自己搵師傅上嚟。」
「有呢啲事發生嘅時候，你會覺得，仲有咩好傾呢？係咪？啲小問題已經咁多喇。好喇，跟住冷氣機，我都話維景灣畔我住咗咁耐，我會唔會整口釘落個冷氣機然後要你換呀？即係……如果我有做過，我雙手跛！我可以咁講！」
藝人張達倫謂：「我都喺無綫14年，而且依家有咗小朋友，要有啲抉擇，公司係栽培我嘅地方，但我想出外拍吓網劇同試吓拍電影，我係要不停郁嗰啲人，唔可以停嘅。（有小朋友先嚟外走？）依家努力搏殺，搵多啲錢令小朋友之後生活好啲、開心啲。」張達倫現時正拍攝劇集《白色強人》，之後就會傾出面的工作大計，與出面不同的人合作。
原以為倩揚會封肚不再生，她卻笑說：「咁會照顧好3個小朋友先，但如果個天再畀我，我亦唔抗拒，我好享受將小朋友一張白紙開始，灌輸佢色彩人生同好嘅價值觀。」
美國小天后Ariana Grande早前與拍拖兩年的饒舌歌手Mac Miller甩拖後，火速認戀新歡Pete Davidson。
藝人林盛斌（Bob）早前透露細仔林道申（Jaye）受濕疹困擾，面部同手臂都紅晒，作為爸爸嘅Bob當然心痛不已，甚至希望幫囝囝承受皮膚問題添！
幸好經過積極求醫，以及父母嘅悉心照料下，Jaye嘅濕疹情況有好轉。
Bob今日亦喺社交網宣布呢個好消息，並上載一張囝囝嘅近照，見Jaye嘅皮膚唔再一撻撻紅晒，變番白滑無瑕，真係好番好多喎，相信最開心梗係擔心咗好耐嘅Bob同Bob嫂啦！
Bob仲代囝囝多謝大家：「各位Uncle同Auntie，我好返（番）好多啦，多謝大家嘅關心，我而（依）家靚仔返（番）少少嘞！」