藝人吳綺莉女兒卓林與加拿大籍女友Andi今年四月到加拿大生活，其經濟狀況一度令人擔心。不過，兩人繼續我行我素，愛得癡纏！
今年六月，Andi已經以「未婚妻」稱呼卓林，前日更在社交網站宣布訂婚。而一直很擔心女兒的吳綺莉，原來早已知悉此事。
今日亦透過短訊回應卓林與Andi訂婚一事：「大家說得開心就好，我冇回應。」記者再問卓林是否親自告訴她訂婚一事，她繼續以相同答案回覆，不想多談。
(on.cc)
【一早就知道會問呢啲】劉德華：唔好搞我個女
劉德華將於12月舉行「My Love Andy Lau 劉德華 World Tour」，今日喺洲際酒店舉行宣傳，華仔以棟篤笑形式又唱又跳，舉行咗一個35分鐘嘅小型演唱會，期間展示佢以前拍劇同演唱會畫面，重溫經典爆呔場面及講述墮馬後一啲小趣事，連女兒問題都回答無所不談，與現場百多位粉絲及贊助想共度開心時刻。
講到難忘畫面時，螢幕展示華仔曾經在演唱會中造型，包括小鳳仙、空中飛人、跳拉丁等，重點係難忘嘅爆褲相片，華仔形容：「係不可修補的裂縫。」自始後造褲會整闊啲，並心情大靚對傳媒表示今日問乜都得，你敢問，我咁答，即時問佢今日唔使湊女放學咩？華仔就話：「就係知你哋會問呢啲，所以搞哂你哋嚟呢度，唔好搞我個女，今早我好似batman咁，冇人發現我入過學校。」
再問到佢屋企人會唔會嚟睇演唱會？華仔大方話：「點會唔嚟，用下腦啦。」之後華仔就跳咗一part獨自去偷歡舞步，問到佢現時腰部如何，佢話係得嘅，OK嘅。
(apple daily)
【太太最緊張唔係生仔】陳柏宇：剪歪咗咁就一世
歌手陳柏宇（Jason）到電台宣傳新歌《認真如初》，提到剛上載一條冇着褲的惡搞短片，他笑指冇着褲是重要元素：「呢啲係我先諗到，又唔係犧牲色相，我啲同事慣咗睇我唔着褲周圍走，我成日喺佢哋面前換衫，唔想浪費時間走入房。（女同事有冇投訴？）冇呀，福利嚟㗎。拍片啲人問我拍唔着褲使唔使問過公司先，我話唔使，我係導演嘛！」
快將成為人父的柏宇坦言不緊張：「應該會剪臍帶，其實我入去（產房）已經係最大鼓勵，如果剪歪咗點算？咁就一世，感覺幾『頻能』。」
他指太太預產期在10月初，已大致準備好嬰兒用品，只欠一個比較大的沖涼盆：「可能最後都係買個細嘅，或者擺BB喺洗碗盆沖涼，可以企起身嘛。（太太符曉薇好緊張？）唔算好緊張，佢緊張點瘦番多啲。（生多個先收身？）收咗先個惰性冇咁強，已經懶咗咁耐。」
太太Leanne 下月初預產期 （資料圖片）
Jason透露BB出世前後約有一星期放假，希望工作時間不太長，讓他有多點時間陪女兒：「我會帶個女出嚟，歡迎你哋湊，自問有經驗、唔驚跌佢落地就隨便。」至於新歌宣傳，他笑言不用太「老正」地介紹，最重要有娛樂性包裝：「所以除褲囉。（下次除埋衫？）唔得，下次笠絲襪喺頭。我好即時性，諗到就拍，一擺低就會唔記得。」
(on.cc)
【之前由於登革熱…】今次鄭俊弘可謂「雙喜臨門」！
無綫big big channel舉辦《夏日VR明星決戰》，星夢娛樂的鄭俊弘、林穎彤等五人勇奪團隊總冠軍，贏得三萬元獎金。鄭俊弘與林穎彤笑說每人有六千元獎金，原本打算去長洲遊玩，但因登革熱作罷，惟有改為大吃一餐兼請老闆何哲圖吃生日飯。
事隔年多在月中再出唱片的鄭俊弘可謂雙喜臨門，他說：「希望成績好，因為呢隻碟有好多歌係自己創作，所以呢隻碟更似自己嘅『親生仔』，用咗好多心血好期待。」
林穎彤透露現在開始錄歌，預計明年推出新歌，她亦趁機請師兄鄭俊弘為她寫歌，鄭俊弘說：「可以，但係我要同你傾吓你鍾意咩曲風，自己都未試過寫歌畀人。」
（on.cc）
【萬衆期待】胡杏兒終於同佢重逢：是我最喜愛最喜愛的
今日兩位終於都重逢喇！杏兒今日喺社交網度貼出同佢嘅合照，佢留言話：「絕世好爸的二女和四女，衝上雲霄的Belle和Zoe，但其實，Flora演的專業人士是我最喜愛最喜愛的，希望有一天我們可以一起演一遍。」
胡杏兒社交網
2003年，大台播放劇集《衝上雲霄》，相信大家仍然好懷念吳鎮宇同馬德鐘飾演嘅飛機師Sam哥同Vincent，記得佢哋當然仲會記得佢哋戲中嘅另一半陳慧珊飾演嘅Belle同胡杏兒飾演嘅Zoe，時間飛逝，轉眼已經15年，雖然大台喺12年就開拍《衝上雲霄2》，可惜陳慧珊同馬德鐘都冇份演出，而杏兒飾演嘅Zoe死後，就以另一身份同吳鎮宇嘅細佬吳卓羲發展感情…
劇集《衝上雲霄》
劇集《衝上雲霄》
睇到杏兒嘅留言，發現原來佢哋合作《衝上雲霄》前，已經合作過劇集《絕世好爸》，戲中秦沛飾演佢哋爸爸，父兼母職咁湊大四姊妹，分別係劉錦玲、陳慧珊、郭羡妮同胡杏兒，呢四姊妹嘅組合，相信依家都幾難有機會見到了。
劇集《絕世好爸》
(apple daily)
【一直用毛毯遮住個肚】閨密爆料有喜三個月！
之前已經有傳聞話佢哋擦出愛情火花，之前有消息突然傳出佢大肚啦！所以突然將所有工作停曬，雖然佢喺微博發文否認大肚，但據佢哋啲閨密爆料，佢的確有喜了，接近三個月，所以除咗輕鬆嘅廣告工作同品牌活動，佢幾乎係全面停工。
馮紹峰最近拍完劇後，暫時亦打算停工陪女友，噚日佢兩個一齊喺上海飛深圳，再喺深圳坐車嚟香港度假同買嘢。
佢哋拍拖同結婚都未認過，但就經常出雙入對俾人影到，咁點解到依家佢哋都唔肯認戀情，聽講係因為女方啲廣告合約條款問題，所以對於感情事都要低調啲，不過佢哋雙方都已經有計劃年底前拉埋天窗，有計劃去歐洲結婚，不過之前不會向外公布。其實媒體早排都問過憑《花千骨》喺內地走紅嘅趙麗穎係咪要結婚生仔？
佢工作室發言人依然係否認大肚傳聞。而噚日佢哋兩個喺上海飛到深圳時，兩個人坐喺最前排一行，兩人都戴住帽，低頭整理行李，趙麗穎一直用毛毯遮住個肚。
（apple daily）
【請邱淑貞袁詠儀楊千嬅夫婦到場】郭富城方媛慶祝…
天王郭富城於去年4月同方媛結婚，同年9月22日喺社交網宣告生女，貼一家三口手牽手相，並寫道：「開心、微妙、感恩！我們三人！成長、家庭、守護！」
天王老竇郭富城為慶祝囡囡Chantelle踏入1歲生日。
據知琴晚城城喺迪士尼酒店為愛女搞咗個生日會，除咗有米奇同米妮陪囡囡切蛋糕，城城仲請咗藝人好友帶埋星二代出席，包括沈嘉偉同邱淑貞，張智霖同老婆袁詠儀、楊千嬅夫婦等，成班小朋友陪囡囡喺樂園歡度生日，充滿笑聲。
楊千嬅夫婦 (資料圖片)
張智霖及老婆袁詠儀都受邀 (資料圖片)
城城從來都冇透露過囡囡嘅出生日期，仲以為小公主係9月中出世；直至噚日城城喺迪士尼為囡囡搞1歲生日會，相信Chantelle嘅正確生日應該係9月初。
張智霖同袁詠儀嘅囝囝魔童喺IG貼相話好悶
(apple daily)
【「超現實」遇上當年照顧自己的護士】2磅早產嬰28年後當醫生
美國加州一名黃姓華裔女護士(Vilma)在兒童醫院的新生嬰兒加護病房工作已達32年，近日她上班時，嚇然發現一名兒科醫生的名字非常熟悉，閒聊一輪驚覺就是28年前她親手照顧過的早產嬰。
1990年4月，Vilma負責照顧早產的賽米納托爾（Brandon Seminatore），當時他的體重只有2磅6安士，當年她更抱著賽米納托爾拍合照，並得知其父是警察。上月，Vilma輪值日班工作時巧遇賽米納托爾，她也發現這名年輕醫生的名字相當熟悉，只是想不起二人在那裏見過面。直到賽米納托爾提起醫院是他出生的地方時，Vilma便開始懷疑賽米納托爾就是28年前親手照顧過的孩子。
「我問他爸爸是不是警察，一陣沉默後，他問我是不是Vilma，我就說對」，Vilma回憶相認一刻，她先震驚，之後便欣喜若狂，「很明顯，其母要他來找一名叫Vilma的護士，但他不以為意，並認為當年的她應該已經退休。」賽米納托爾直呼是「超現實」，「因為他從沒想過會遇上曾經照顧過自己的那個人……不是所有人都有機會看到自己的病人長大，我非常開心能和她分享這開心的時刻。」
(singtao)
【被工藤佑采寸爆】黃心穎：唔想同佢扯上關係
黃心穎噚日因為講咗落選港姐工藤佑采黑面態度有問題，仲話對佢徹底失望而搞到今日俾工藤喺ig開post爆seed喪鬧，黃心穎最初喺回應傳媒時就表示：「冇乜好回應。I stand on my ground.尊重個舞台、尊重自己。」
黃心穎之後再補充又話：「節目一早安排咗係咁、我唔信last minute先話要佢哋唔入圍個啲（佳麗）出嚟跳，佢仲要話我借佢上報？真係無乜再想補充、以往嘅參賽者、個個都係好珍惜呢個舞台、留俾自己一個好好嘅回憶。跳好佢、做好自己係應有態度。」
心穎最後再強調，表示唔想講落去：「我其實唔係好想再繼續講落去，因為我唔係要同佢拗又或者開個罵戰，我係講出我嘅立場…但我覺得冇乜所謂，但我就唔想繼續周璇落去，亦都唔想再去回應。我都唔想同佢扯上關係。」
至於心穎男友馬國明對心穎與工藤佑采掀鬧戰，則表示：「其實我唔知發生乜嘢事，希望大事化小，小事化無，無謂再講喇。」
（apple daily）
【前後腳然後提早半個鐘離場】原來同羅天宇暗撻半年！？
08年參選香港先生入行嘅羅天宇，最出名嘅都算係喺《愛‧回家》當中飾演嘅馬子仁一角，
感情方面，入行後同參選過港姐嘅湯洛雯拍拖，本來兩人都相當甜蜜，可惜喺今年3月，湯洛雯最後承認兩人已經分手。
而呢段情當中，仲曾經傳出過有第三者，被指介入兩人戀情嘅陳瀅當初雖然已經即時否認，但今日又有周刊爆出陳瀅同羅天宇已經暗撻半年，日前更相約周志文同劉佩玥一共四個人前後腳入場睇戲，陳瀅更提早半個鐘離場。
陳瀅 （資料圖片）
今日有傳媒向羅天宇求証係咪同陳瀅拍拖，羅天宇回應表示：「唔係，（目前單身？）係，Sorry，其他嘢唔回應喇。」
（on.cc）