不經不覺，余慕蓮（魚毛）效力無綫已有四十多年。2013年王維基開電視台，魚毛曾稱不滿在無綫時只做配角：「我度度都想簽，有嘢撈實撈。邊間叫我拍嘢都得，好想佢哋畀我做靚女。」落實效力維基後，未開工已有糧出：「簽咗三年約，兩年死一年生，主要係拍劇。」又歎謂當日退休後，無綫只找她做過《向世界出發》一個節目，令她心灰：「TVB冇乜機會畀到我，簽咗都係等運到。原本接洽我嘅李小姐已經冇做。」所以不了了之。
維基開台不成，魚毛過著退休生活，今年復出為ViuTV拍劇，包括《VR驅魔人》、《PLAN B》及《詭探前傳》。日前還接受商台節目《1圈圈》梁泰來訪問，再一次談到自己的感情生活。
余慕蓮出生於單親家庭，四歲父母離異，母親再婚，魚毛說：「唔知係咪演戲演得多，變咗對婚姻冇信心。可能我自細喺單親家庭成長，都有啲影響。」
「我都唔想下一代好似我細個咁唔開心，因為結婚都唔代表老公會對我專一。冇錢嗰陣又要同佢一齊捱，有錢佢又可能會去滾，咁何必要結婚呢？冇男人都可以過活！我很多朋友，我嘅朋友都對我很好，好關心我。」
數年前魚毛也曾接受梁泰來訪問，也談到感情生活。當時她決絕地謂：「我好怕煩，結完又離，我會同男性朋友唱歌睇戲，但我會閂大閘同着灰膠鞋唔過電，我唔會畀機會異性，亦唔會畀機會自己。」今次再受訪，問及是否一直沒有追求者？余慕蓮稱一直認有，但都沒有接受。
「入行以後都有追求者，係我唔接受啫。如果約我嘅話，一大班人就去，一對一就唔去。試過收工有人話要送我返屋企，但我話：『唔使喇，我每天半夜收工都係咁樣走，有的士嘛！』」
「我唔會俾人機會，亦唔會俾機會自己。細個做戲院帶位嗰陣都有追求者，我又唔會對佢哋有好感，做朋友就冇所謂。我怕投入咗（一段感情）之後，變成一個容易受傷的女人。」
(蘋果日報)
鄺文珣留言話：「暑假絕不可以錯過的節目，也是妺妹的第一次！」
