【遷出愛巢】黃智雯轉哂口風

2018-05-29

黃宗澤、吳卓羲、黃智雯、陳凱琳同王敏奕等人，噚晚喺尖沙嘴出席劇集《飛虎之潛行極戰》慶功宴。套劇菲嘅犯駁位同破綻又成為網民photo hunt熱點，但係劇集喺大陸點擊卻破32億，黃宗澤仲自爆已落實拍續集，更笑言：「如果個故仔講我未死，咁我都應該有份（拍）。」仲話唔介意除衫騷肌，認為係「男人嘅例行公事」喎。

反而吳卓羲最擔心嘅唔係有冇份拍，而係幾時拍，仲為黃宗澤擔心埋一份，驚冬天開拍要露肉會凍親喎。講到個劇錄得32億點擊率，吳卓羲笑言：「其中30億點擊都係俾咗三哥（苗僑偉），我得幾千咋。」講到話開續集會否加價，佢就話有就當然好啦，仲話如果用番以前最初嘅舊價，連食個快餐都俾唔起咁話……同場仲有繼續開心展示新髮型嘅陳凱琳同黃智雯。

早前黃智雯憑《三個女人一個因》事業更上層樓，演技備受肯定，但感情生活同樣受注目。去年被揭搬咗去有米男友詹文天位於東半山嘅千呎豪宅「試婚」，但今年初原來已靜悄悄搬返新蒲崗「娘家」。

黃智雯同詹文天拍拖4年，多次傳婚訊，更有傳聞指女方疊埋心水今年嫁，但最近口風突轉，以事業為重為由、向外稱唔急住嫁。噚晚再問佢，佢都係話太忙：「正拍緊套時裝劇，七月仲有戲，所以一直未定婚期。再睇下邊日係好日子啦，依家以工作為先。」

(蘋果日報)

【結婚5年有心無力？】細龍生承認現時確實…

2018-05-29

他說：「我好喜歡逛街頭小店，可惜樓價租金問題，小店生存機會愈來愈少，我們能做到的確不多，唯有見到類似的小店都會逛逛，夾硬都買少少東西支持一下。」

細龍生鄭世豪今日到電台宣傳新歌《有心無力》，他笑稱不是自己的故事，只是想表達很多人想幫忙別人，卻有心而無能為力。

講到生B方面，他即笑言呢方面當然「有心有力」，但承認現時確實有心無力實行：「這方面我是有心有力，只想暫時想享受2人世界，未有計劃，我們2公婆都覺得無所謂，不過，我要強調我是有心有力的！」

細龍生鄭世豪與太太於2013年結婚（資料圖片）

（mingpao）

【大批粉絲留言祝賀】40歲嘅佢生咗B女不過…

2018-05-29

40嵗女星前年3月與細一歲嘅企業家男友結婚，去年10月宣佈懷孕喜訊，她隨即停工安胎。今日終於傳出好消息，B 女出世喇，母女平安！

而今日再有好消息，指她於今日晏晝誕下B女，母女平安，正式升呢做媽咪，獲大批粉絲留言祝賀。不過……現年40歲嘅韓劇《通往機場的路》金荷娜所屬事務所表示，金荷娜短時間內將集中湊B，暫時唔會接拍新劇。睇嚟粉絲要失望了，短期之内都唔會見到佢嘅作品。

（apple daily）

【網民激讚】城嫂大方承認

2018-05-29

郭富城老婆方媛（Moka）曾被網民質疑係人工美女，噚日城嫂喺社交網自爆一直喺面上「動手腳」，佢貼咗一張半邊面嘅大頭相片，寫道：「畫了一個全妝，眼妝化的可還行。」

本來係炫耀化妝技巧嘅城嫂，怎知被眼利網民發現大秘密，留言問：「我怎麼記得你沒有痣啊？」

之前面上美白無瑕嘅Moka，左頰忽然多咗一粒銷魂痣，甚至有網民估係咪畫上去呢？怎知城嫂卻留言自爆：「之前遮了」！揭破了自己左邊面頰中間，原來有粒小痣嘅秘密，其他網民都留言表示：「有痣更好看」又讚佢皮膚好，甚至叫城嫂下次晒全面相，城嫂亦回覆：「好。」

（蘋果日報）

【第一段豪門婚姻】73歲白姐姐激罕講仔仔：唔睇見就唔好諗

2018-05-29

73歲嘅白姐姐白韻琹，與59歲謝偉俊結婚之前，曾有過一段婚姻。前夫家是緬甸首富，老爺鄺榮輝來港創立機械工程王國，而當時任空姐嘅白姐姐，機艙認識了鄺榮輝及其私人秘書莊永楚、即胡漢清之母。鄺榮輝仲介紹白姐姐識自己次子Andrew。白姐姐同Andrew嘅婚禮，仲請來陳寶珠任伴娘。

可惜這段豪門婚姻不能天長地久，白姐姐為鄺家誕下一子，撫養權歸男家。多年來白姐姐鮮有談及兒子，但卻在今日出版之周刊專訪大方談及，指兒子已45歲，長居美國，她多年來一直經濟上支持兒子，供書教學。至於母子關係，白姐姐形容：「OK啦。」白姐姐在訪問中表示，兒子只係一個普通人，唔想佢受自己盛名所累，破壞其平靜生活、無啦啦變公眾人物。她說：「Out of sight, out of mind。唔睇見就唔好諗。」

兒子定居美國洛杉磯，據謝偉俊在訪問中所講，他曾入讀牛津，以及法國、比利時等著名學府，現於美國政府軍部效力，仍然單身。喜歡貓。有指白姐姐不時往探望，且一直經濟支援。至於是否預留財產俾個仔？白姐姐不欲正面談及，只反問：「佢點會攞我啲嘢？」謝偉俊就稱，鄺家以前相當顯赫，但此一時彼一時，據他了解鄺家沒有留低乜嘢俾白姐姐個仔，故白姐姐於財政方面支援亦不足為奇。

講番鄺榮輝。多年前曾有報道指，鄺送過一隻八卡古董鑽戒俾新抱白韻琹，鑽戒係其中一位美國總統第一夫人戴過，鑑於這位總統夫人既高貴又勤力，鄺榮輝先至買嚟送俾新抱。白韻琹當年被問及此事，亦承認謂：「鄺先生認為如果擁有珠寶嘅舊主，喺社會上有一定地位之類，更可以令珠寶無限增值。」

據知當年鄺榮輝跟有飛虎將軍之稱嘅陳納德是知交，兩人經常結伴到拍賣會投心頭好。鄺榮輝對珠寶素有研究，拍板之前會先了解首飾背後嘅歷史故事。當年佢嫁女，鄺本來想買荷李活影星李察波頓送俾玉婆伊莉沙白泰萊嘅結婚戒指做嫁妝，但後來又覺得玉婆嫁咁多次，意頭唔太好，所以唔俾個女買。

(蘋果日報)

【不憤被TVB投閑置散？】去意已決：覺得我喺香港嘥咗一年時間

2018-05-29

「時間過得好快，會好唔捨得化妝、梳頭同工作人員，好鍾意同佢哋傾偈……男友好支持我返去，佢知道我要喺香港留一年都有啲唔開心」她昨日下午在將軍澳電視城接受訪問。

「香港嘅節奏唔係咁適合自己，其實本身都諗住返嗰邊發展，選嗰晚都講咗一句想去荷里活發展，喺香港玩咗一年，時間過得好快，會好唔捨得化妝、梳頭同工作人員，好鍾意同佢哋傾偈。」

卸任港姐後將返回加拿大生活及尋求工作機會的雷莊𠒇，透露返到加拿大會隨即投入工作：「嗰邊有幾份工作等緊我，嗰邊嘅經理人公司覺得我喺香港嘥咗一年時間，希望我快啲返去，因為荷里活嗰邊好需要中國人面孔嘅演員，自己有信心可以做得到，由細到大都好希望拍西片，今年都學詠春同埋不停做運動準備，自己希望做打女拍動作片覺得好刺激。」

返回加拿大後雷莊𠒇要前往試鏡尋找機會，她說：「自己唔怕排戰，嗰邊嘅工作制度會好啲，同埋可以賺得多啲錢，自己都要照顧父母。」講到返回加拿大生活，問男友是否最開心？雷莊𠒇笑說：「係呀！佢好支持我返，當選之後佢知道我要喺香港留一年都有啲唔開心，我當時同佢講我會好快返去，不過返去都係工作第一、男友排第二。」

（on.cc）

【小朋友便秘點算好？】不如試下以下方法！

2018-05-29

臨床上，看到便祕的孩子實在是非常多。1-2 歲大概 10%。然後逐步攀升。六歲以前會上升到 35 % 左右。適當的益生菌當然可以處理便祕問題，但是這樣是對的嗎？便祕對於很多孩子來講，主要是身體在提醒孩子：飲食有問題、生活作息有問題，應該要好好調整。

每天要足夠的水分攝取（奶、水、湯等等通通都算）。計算方法很簡單。十公斤的孩子，一天至少需要 1000 cc 的水分，15 公斤需要 1250 cc，20 公斤需要 1500 cc，25 公斤需要 1625 cc，30 公斤需要 1750 cc。如果您有興趣。算式為：第一個十公斤（0-10）需求為 100 cc/Kg/day。第二個十公斤(11-20)為 50 cc/Kg/day。第三個十公斤以上(21以上)，就是 25 cc/Kg/day。這是最基本的需求，如果有大量流汗，則需求會再往上升。

多攝取高纖維食物，如：各式各樣的青菜，與某些水果（桃子、木瓜等等吃起來會一絲一絲的水果）孩子的生長是需要油脂的。善用各種天然帶有油脂的食物：如鮭魚、鰻魚、三層肉等等。充足的運動。減少坐著的時間。久坐也是便祕的成因之一喔！

按圖了解更多

總之，便祕主要是因為飲食與生活作息有問題導致的，根本性的改變飲食與生活習慣，才是解決問題的辦法。靠藥物或益生菌的輔助爭取時間，然後去調整孩子的飲食與作息，才是王道。而且一定要儘早處理。

(白袍旅人兒科醫師楊為傑)

【先生B後舉行婚禮！】BB出世感動到喊

2018-05-29

真係超可愛啊～恭喜正式榮升爸爸媽媽！爸爸就話佢感動到喊，媽媽睇落精神都唔錯～同BB一樣健健康康！你哋覺得BB似媽媽定爸爸呢？

韓國樂隊FT Island嘅25歲成員崔敏煥，今年1月宣佈跟女團LABOUM嘅20歲前成員律喜婚訊，隨後崔敏煥宣佈做爸爸嘅消息，自爆BB胎名叫「贊兒」，而崔敏煥及律喜早前亦已經登記結婚。

今日崔敏煥方面傳來好消息，表示律喜日前平安誕下兒子，二人榮升父母，目前律喜跟BB都非常健康，崔敏煥亦正悉心照顧老婆，而FT Island成員亦因為「姪仔」平安出世而非常開心。

隨後崔敏煥於Instagram公開跟老婆及囝囝嘅合照，留言指囝囝於18日出世，當日佢感動到喊，同時感謝大家嘅祝福。而崔敏煥跟律喜嘅婚禮，會於律喜調理完身體後、於10月19日舉行。

(蘋果日報)

【媽媽索、囡囡Cute！】大肚鍾嘉欣孖KellyBB母女裝上陣！

2018-05-29

佗B六個月嘅女星鍾嘉欣現時喺加拿大專心養胎，雖然香港粉絲有一排都唔會見到佢，但佢亦不時喺社交網同大家分享最新近況。

呢日，佢喺IG就Post出一張同囡囡Kelly去公園玩嘅相，仲留言：「I guess this is what life’s gonna be like in a couple months. 😊👨👩👧👼💟🌼（我估這就係嚟緊幾個月嘅生活）」仲hashtag「cantwait」，睇嚟佢真係好期待腹中BB嘅出世！