藝人李蘊（Renee）早前誕下囝囝，不過囝囝日前患上蠶豆症，需要入院照燈。
Renee連日來都喺社交網不停更新囝囝嘅最新情況，之前仲表示就算囝囝照緊燈，都堅持每日泵人奶拎去醫院畀囝囝，真係廿四孝媽媽。無耐就發文報平安，指囝囝終於出院：「仔！我地返屋企啦！！」相中見囝囝比起之前明顯精神咗好多，而Renee亦展露微笑，相信囝囝嘅情況已無大礙。
今日佢喺社透過宣佈仔仔已經改咗名嘞，叫做「羅明新」，並留言「我有名啦！我叫羅明新，叫我小新或者新新。」
李蘊仲上載咗張仔仔新相，見佢眼仔同鼻都大大，仲識得望鏡頭。相入面仲寫住「Hello 我叫羅明新請多多指教。」真係好精靈呀！
（on.cc）
昨晚港姐宣佈12強誕生，大熱幾乎全部晉級，包括（2）庄嘉慧、（3）梁致欣、（4）鄧美欣、（7）丁子田、（10）李芷晴、（11）李明芙、（14）何泳芍、（15）陳苑澄、（16）黃子桐、（17）陳曉華、（18）高育英、（20）鄧卓殷。
昨晚港姐決賽宣布完十二強之後，便要穿泳裝進行問答環節，而遭淘汰的八位落選佳麗，當時要出場伴舞，不過未知是否已出局，八位落選港姐「Hea跳」又甩拍子。
其中（9）工藤佑采更被指邊跳邊黑面，完全零笑容，未知其心情是否因為未能晉級，但仍要幫手跳舞有關？事後工藤佑采受訪時否認黑面，只解釋因為記住舞步，但又顧不及個樣。
（9）工藤佑采 （最左）
（9）工藤佑采 （右）
大家覺得呢？
(綜合報道)
早前二人被安排到灣仔出席慈善活動，推廣稍後的跑樓梯比賽。二人齊為該慈善機構擔任大使，由於「三年抱四」關係，席間被司儀李志剛開玩笑「愈生愈有」。
已有3歲長子及2歲三胞胎的鄭麗莎直言未打算封肚：「我19歲就想生六個，拍拖就會問對方想唔想生。老公叫我唔好搞住，我32歲過多少少時間仲生到！」她又表示與兩個兄長感情好好，覺得家人才是自己最大的後盾！
談到家中四位小寶貝，鄭麗莎說：「三胞胎上緊Playgroup喇，佢哋三個好Close。大仔今日想跟埋我嚟，但佢要上興趣班。」雖然忙湊仔，但她依然出席很多活動及做品牌代言，難怪她自言精力旺盛：「嚟緊我仲會參加呢個慈善跑樓梯活動，同隊友接力每人跑七層。見到每年有份參加比賽嘅智障人士有進步，有啲仲搵到工，我都好開心！」
(on.cc)
Jasper在《爸爸去哪兒》節目當中，乖巧懂事的性格深得不少網民喜愛。算起來Jasper今年已經5嵗了！
今年幼稚園畢業，Jasper也是其中的一個。當時爸爸媽媽陳小春應采兒的工作室還分享了一大波Jasper在畢業典禮上表演的畫面。
而且我們還第一次見識了Jasper的拉小提琴技能。是的，Jasper竟然會拉小提琴！驚不驚喜意不意外？
這陶醉的神情真是有模有樣！
轉眼間暑假已經接近尾聲，還沒到九月一日，Jasper似乎已經早早地開學了。
應采兒在社交網上曬出了Jasper背著書包的背影，並引用了作家龍應台書裡的一段話，作為對兒子的開學寄語：孩子，我要求你讀書用功，不是因為我要你跟別人比成績，而是，我希望你將來會擁有選擇的權利，選擇有意義、有時間的工作，而不是被迫謀生。當你的工作在你心中有意義，你就有成就感；當你的工作給你時間，不剝奪你的生活，你就有尊嚴。成就感和尊嚴，會帶給你快樂。
這段話很是讓人感動，雖然不是應采兒說的，但是說明她平日裡有在看關於教育方面的書籍。所以Jasper之所以會這麼乖巧懂事，不是因為平日裡開玩笑說的“爸爸媽媽負負得正”，而是應采兒悉心教育的結果。
照片中Jasper穿著T恤，短褲，看起來很像校服，背上還背了一個大大的書包，至少比Jasper的身體都要寬了。希望別裝太多的書，不然書包太重會影響身體發育哦！Jasper打扮得十分清爽利落，一看就是一個好學生！
外公也暖心發表了一番祝福：我家寶貝一年級啦，希望今後他能看清、踏穩、勇敢地走每一步啊，公公已追不上你了，你大步走，我慢慢跑，加油！
希望Jasper能讀好書，學好習，有能力選擇自己喜歡和享受的工作，自己的人生自己掌舵！
(騰訊)
藝人郭富城與楊千嬅出席新戲的開鏡拜神儀式。
城城表示今次首度與千嬅合作，飾演金融才俊：「我睇劇本時畀劇本打動，我同經理人小美講一定要接，叫佢唔好接其他嘢做住，好耐冇遇過一部香港電影畀我咁深刻體會，相信觀眾會好期待，而且啲演員個個好有份量。」他為該戲到了深水埗、旺角、廟街等拍攝，坦言平時很少到這些地區。
問到千嬅在戲中與城城的關係時，她表示比情侶更複雜，大家同是天涯淪落人：「係講香港貧窮線下無家者嘅故事，我哋每個人代表一個職業，好貼地，我對呢個題材都好好奇，我有去觀摩同實習角色嘅職業。」
除了該戲外，她現正拍攝無綫劇集《多功能老婆》：「我拍劇拍到一半，小美搵我拍電影，我覺得個劇本好有挑戰性，而且又有城城，萬梓良重量級演員，雖然拍劇拍到個人虛虛哋，我都照接。我真係入咗戲，冇瞓過覺，攰到對白都講唔到，城城話有黑眼圈就啱，唔好補妝。」
提到黎明公開了女兒的照片，千嬅見到時即大叫：「好似佢（黎明）！不過依家咁細睇唔到似邊個多啲，啲人初時都話我個仔唔似我，我點都話似我，生得咁辛苦。（同黎明對親家？）控制唔到，自由戀愛。」城城就笑言是開心事，但自己較為低調。
(on.cc)
自爆出「陰陽合同」後，逃稅風波席捲整個內地演藝圈，被指受牽連的范冰冰神隱多時，更有消息指出她已經被捕。日前有粉絲在社交網發放圖片表示巧遇范冰冰！
照片中的范冰冰身穿著淺藍色恤衫，下身搭配一條深色裙，一臉憔悴倦容，淡妝下仍可見到黑眼圈，她雙手合十感激這段日子粉絲依然不離不棄。
雖然面對巨大難關，但她仍然在停車場臨上車前為粉絲簽名，而她的手上發現兩隻鑽戒，似為早前傳出與李晨已分手一事闢謠！
有網民轉述一名朋友近日曾到訪范冰冰家的對話，指范冰冰近日不上網，完全不知道外界發生麼事，而她近期只關心一名到上海進行心臟手術的西藏小孩，因為所有費用都是她支付的！亦有傳出范冰冰將於其生日正日（9月16日）全面復出，並到泰國參加綜藝節目。
雖然網民講到言之鑿鑿，不過細心觀察照片，發現范冰冰身上的裝束，與2016年她出席金馬獎時所着的是一模一樣，故推斷只是舊照片，而上述言論亦有可能是過於思念范冰冰的粉絲們所想像出來的。
(on.cc)
港姐選舉尋晚圓滿落幕，即係意味上屆港姐冠軍雷莊𠒇（Juliette）正式卸任！早前已經講過唔會唔簽大台，返去加拿大發展。尋晚就好難得現身公仔箱，為港姐冠軍加冕！
事後，佢已經急不及待喺Instagram用法文留言「Et c’est fini!（結束了！）」佢仲上載同上年亞軍何依婷及季軍黃瑋琦合照，有網民笑言唔講都唔記得亞季軍係邊個！雷莊𠒇仲喺照片上寫咗「on to a new life（一個新的生活）」！而今日佢再用英文發長文講卸任感受，仲話「我從一開始就已經倒數」。
雷莊𠒇長文如下：
好多人問我卸任嘅感覺，Well～你可以從我面上嘅笑容睇得出，我真係好開心終於完成！如果你真係了解我，你會知道點解（當時機成熟嘅時候我就會公開）。但係我從一開始就已經倒數，點解？因為我總係對下一個事情更加興奮，就好似大學時夢想可以表演嘅感覺咁！真係好正，但我有更大嘅夢想，我一直以來都冇變過都係同一個人，忠於自己！我認為沒咩值得傷心，不久之前我就已經準備好繼續向前行了！
唔少網友都留言：「好行唔送，再見！」、「究竟佢做過啲咩？」不過仍好多人支持佢，叫佢勇敢追夢，去荷里活發展要加油，仲話「阿𠒇 我會不捨得你的」！
（ig / on.cc）
下月預產期，臨「卸貨」前專程影了一輯大肚寫真靚相，更終於透露BB性別，宣佈一索得男！今次分別影了兩輯大肚寫真，由於她崇尚自然及養生，特別選擇沙灘和瀑布拍攝，由攝影師Oliver Joan操刀。另一輯則於酒店拍攝，由曾經為Ana R影產後寫真的攝影師Paul S負責。
相中見到名模Rosemary以多款造型上陣拍攝，雖然腹大便便，但熱愛運動的她在水底仍能輕鬆擺出高難度甫士，收放自如。
另外，在瀑布前影的照片她還全裸上陣只以雙手掩胸，又在床上「穿着」以鮮花製成的「Bra」，手托巨肚拍照，非常唯美。而得天獨厚的她，肥肚不肥身，一向豐滿的上圍更加澎湃！
甚少出鏡的老公Jason，今次難得與老婆合照，兩人拿着超聲波照片，表示十分期待BB出世。Rosemary計劃自然分娩，預產期是她的生日，如果同日出世，將會是她最好的生日禮物。懷孕期間，可能她經常做運動及瑜伽，所以身體沒有特別不適，只是飲食習慣有少少不同。
而廿四孝的Jason，一有時間就陪她看醫生，上孕婦瑜伽堂，又一齊shopping買嬰兒用品。其中令Rosemary最感動的是老公專程陪她到日本上催眠生產堂（hypnobirthing）。Jason分享時表示，他作為一個創作人，可以與老婆有一個小生命是他人生最奇迹的一件事。在Rosemary懷孕期間，Jason每晚都攬住佢個肚直至瞓着，令她覺得份外甜蜜和珍貴。
（on.cc）
羅霖日前53歲生日，接受傳媒訪問表示擔心身體差，加上要獨力養3名兒子，財政壓力大，6年已支出了500萬喺兒子生活及學費身上，而多年來沒收過任何贍養費，都要自食其力。
前夫劉坤銘琴日就發聲明反擊羅霖對佢嘅「零贍養費」指控，當中劉坤銘聲稱，已按照12年的離婚協議及法庭的頒令，作出財產處理，包括房產、現金等資產轉移，並已完成支付給對方所有相關金額。除了金錢糾紛，劉坤銘就指對方涉及誹謗，不滿羅霖以受害人身份自居及以孩子作宣傳，並渴望與孩子建立關係，但就遭到前妻破壞。
剛聯絡到身在大陸工作嘅羅霖，佢指今日星期日，要聽日先會透過律師發聲明，不過佢聽到前夫列出嘅指摘，情緒顯得激動，聲線有點哽咽，表示「有人可以擘大眼講大話」、「自己講大話就畀雷劈」，當中佢最不滿被指控破壞父子關係，佢表示：「我成日都講，男仔係要當爹哋係偶像、榜樣，無論如何，就算唔養你，都係佢哋爹哋，父親節都會提佢哋send message畀佢哋爸爸，係大仔同二仔覺得佢無負父親責任而唔鍾意佢，佢哋有同我講話可以出嚟講番件事，但我想保護佢哋私隱，我同佢哋講媽咪養唔掂，就希望佢哋跟番爸爸，有能力就會接返佢哋返嚟一齊生活，係二仔同佢傾，佢應承咗兩個仔同佢住，之後又經律師要我列出16-18年收入支出畀佢睇。」
羅霖表示多年來，因離婚同撫養兒子問題，要花費大量金錢透過律師周旋，指雙方律師曾建議可以雙方坐底傾，二人同是教徒有同一個牧師，牧師曾建議去搵佢傾，可以用愛化解呢啲問題，不過對方堅持要發律師信，試過一年可以發10幾封信嚟：「好似試過佢話我唔畀細仔星期六、日同佢出街，要發律師信畀我，有時係細仔唔想同佢出街，想同我去玩，同埋佢都有細仔電話，總知佢有好多錢同時間。」
對於劉坤銘指一直都有給兒子生活費，指父母都應當承擔，更在回覆中指：「一直無間斷地支付三個孩子的學費，直至三個孩子完成大學。」羅霖就表示：「大仔、二仔每年在美國讀大學都要每人交50萬學費，未計佢哋生活費，佢係每年畀9萬學費畀每一個仔，而細仔學費就係佢畀，不過其他生活費、學習興趣、睇醫生任何費用都係我負責，呢啲全部都有律師證明。」
針對「零贍養費」言論，劉坤銘講到對方聲明指已根據法庭頒令，已作出財產處理，包括房產、現金等資產轉移，並已完成支付給對方所有相關金額，羅霖就表示多年來都冇物業：「如果有物業，你哋實查到，同埋我唔使要租樓住，佢生意唔好，我借過我多年工作嘅幾百萬積蓄畀佢，甚至要典當手錶，仲有佢冇AE信用卡，我幫佢申請咗附屬卡，嗰啲錢係佢還返畀我。如果我收佢咁多錢，我唔使做得咁辛苦，可以喺屋企湊仔，陪個仔喺美國讀書。」
（apple daily）
《2018香港小姐競選》最終由17號陳曉華大熱奪冠，亞軍是20號鄧卓殷兼奪最上鏡小姐，季軍是7號丁子田；監製何小慧賽後表示不會公開三甲票數。
冠軍陳曉華、亞軍鄧卓殷（左）、季軍丁子田（右）。
14號何泳芍大熱倒灶，進入5強的她未能順利入三甲，直言有少許失望，但三甲亦實至名歸，也是佳麗圍內估的3個；至於她欠缺甚麼？何泳芍自覺表現OK不過有少許緊張，問答不算好，才藝笑言不在水上沒發揮好。問到會否想留娛圈發展？她亦想，但也希望繼續一邊潛水，始終是熱愛的事。
（singtao）
