第三輯《美女廚房》今晚首播，主持之一的林盛斌（Bob）今日早在instagram「打底」。
透露新一輯未必夠驚喜﹑不夠笑點﹑甚至跟上一輯有落差，他又承認首集表現拘緊，默契亦待改善，好多地方仍要改善。
林盛斌今日已在IG打定底，指有好多地方要改進。（林盛斌instagram圖片）(圖片：明報)
黃心穎
陳凱琳（Grace）
結果今晚播出第一集後，不少網民留言指：「節目好悶」﹑「煮餸過程太短」﹑「美女學徒唔知坐喺度做乜」﹑以及「估嘉賓好無聊」等，幸得嘉賓之一的農夫，能帶動節目氣氛，說話夠啜核兼惹笑，以及膺今集美女廚神的龔嘉欣，廚藝不錯。
龔嘉欣揮低黃心穎陳凱琳，輕鬆奪得第一集「美女廚神」！
(mingpao)
陳庭欣（Toby）前年飛甩翟威廉，戀上「有米大狀」唐偉倫（Warren），以為兩人婚期不遠，未料日前爆出兩人分手，Toby仲極速有新歡，戀上現年40歲、由屋邨仔變擁美容王國，身家億億聲嘅楊振源（Benny）。
結過婚兼有一對仔嘅Benny，經常喺社交網上載同兩個囝囝共敍天倫嘅相。
相反近年緋聞唔少，曾經同孫慧雪、劉依靜傳拍拖嘅佢，從來唔會喺社交網講感情事，惟獨今年3月喺facebook貼文，同Toby發表愛的宣言：「我前半生對愛情做得不夠好，不懂珍惜眼前人，在這幾年時間，不斷接受不同朋友的聲音及建議；這一刻間，我非常認真地愛一個人，此刻我面對很多很多過去的我的意見，我想在這靜思的深夜晚上，公開為她去作出承諾，我很愛您，在這一年間，在我事業基礎穩定後，我反覆問自己我是否可完全改變過去的我，我非常確定我願意跟您分享我一生成就，去為您付出我的一切，一生一世，希望您願意跟我走到人生盡頭；在此我想請關心我的朋友見證，我此刻人生得到很多東西的時候，我真心願意跟他分享我的一切成就，希望各位衷心祝福我。」據知Benny喺今年3月21日向Toby發表愛的宣言，仲已經將感情狀況改為「戀愛中」，一反過往少提感情事嘅習慣。
至於以「過去咗」唔想回應同Warren分手一事嘅Toby，原來喺Benny發文前3日，先至用WhatsApp「通知」Warren要分手。知情人向《蘋果》爆料話：「Benny3月21日post文，佢就早幾日用WhatsApp同Warren講分手，之前一啲先兆都冇，真係好絕情。」知情者仲話身邊朋友都知Toby有異心：「覺得Warren好慘，因為Warren真係對佢好好，仲已經諗住結婚，估唔到咁好嘅男仔佢會放棄。」
(apple daily)
藝人胡定欣近日忙於排練嚟緊同馬浚偉合作嘅舞台劇，雖然排練忙碌，不過佢都不忘探好姊妹胡杏兒同佢囝囝Brendan（Baby Lee）。
呢日定欣就喺社交網大晒賣萌合照，並留言：「終於忍唔住要搵Baby Lee，你唔好大得咁快呀！班契媽sssss工作相當繁忙，可能下次見你已經識行識走，不過你可以Keep住可愛爆囉！」
見到Brendan喺度食手指，個樣萌到爆！隨後，定欣再貼咗張用手機程式同Brendan扮豬仔嘅相，網友都話Brendan真係大個仔咗好多，仲話佢咁可愛，難怪一班契媽錫到佢燶呀！
(on.cc)
當年憑無綫節目《笑談普通話》而人氣急升的Lily，2010年嫁予經營製衣及門鎖的有米老公Bong，兩人一直渴望有小朋友，今年終趕上尾班車，在4月宣佈懷孕！今年44歲屬高齡產婦的Lily，未有因佗B而變得小心翼翼，曾揚言會照美甲及染髮，相反老公Bong則變成緊張大師，化身私人保鏢全天候睇實Lily。
面對老公嚴密監控，Lily日前終撇甩老公「放監」獨自行街輕鬆一番，卻連環「犯禁」！懷孕5個多月的她，當時一頭啡金短髮兼身穿T恤牛仔褲，肚皮雖明顯大了不少，但身形未有走樣，手腳依然纖瘦，穿上斗零踭鞋的她步履輕盈。準媽媽Lily主攻嬰兒用品，期間行足四、五間舖亦未見疲態，最後她鎖定目標走入一間專賣BB車的店舖。甫進店，Lily即不停詢問店員BB車的功能，期間未有理會自己粗身大勢，多次踎低起身試「開車」、「收車」。
在店舖企足個半小時後，她終覺得疲倦，坐在店內梳化休息，期間Lily又犯禁，突然在手袋內拿起冰凍汽水暢飲消暑。 
休息過後，Lily繼續濕平，經過玩具店時停低睇玩具及圖書，但未有收穫。最終Lily轉戰超級市場，除買營養高的食物及牛奶外，經過水果攤位，Lily竟然在西瓜位置徘徊，更落力揀西瓜，企圖挑戰禁忌，令人睇到牙煙！Lily老公Bong為免嬌妻操勞，即出動過百萬名車兼化身「柴可夫司機」接送，然後雙雙回家！
對於連環犯禁，Lily接受東網記者訪問時，輕鬆地指鞋踭不算太高：「一吋半吋OK，老公冇鬧。（見你飲可樂噃！）佗B要十個月，飲支汽水都唔敢，太大壓力，輕鬆啲對BB都好啲，間中飲一支冇所謂，問過醫生其實冇問題。」講到買西瓜，Lily解釋是買給老公：「西瓜當然唔係我食，我老公要陪我十個月，同我食一樣嘅嘢，佢咪好慘囉，所以我有時都會揀番啲啱佢食嘅嘢畀佢。（老公好緊張？）緊張，個肚愈嚟愈大，天氣又咁熱，佢都叫我少啲出街。我會去有佢陪我嘅地方，或者佢送我，然後喺附近等我！」
(on.cc)
常被派演小人物、鹹濕佬、店小二，甚至壞人。97年金融風暴，一個大浪，這個小人物就給無綫裁走。當年他40歲。
40歲才「被轉工」，由頭做起，吳博君轉行做過麵包師傅、紙紥舖、寫字樓清潔……由於不是做主角的命，銷聲匿跡娛樂圈多年後，沒有人會想起他。
人生如戲，台上台下都是小人物的吳博君，61歲，還未拿到兩蚊乘車優惠，卻命途多舛。今年3月16日，他忽然四肢無力，癱瘓在床，嚇得太太慌打999報警，急送入院，結果證實患了罕有的運動神經細胞疾病（MND）——俗稱「漸凍人」。西醫說：「冇藥醫。」吳博君跌落絕望深淵，見着手腳肌肉不停流失，瘦到皮包骨，太太停工照顧，兩人經濟陷困境。大小便都要在床，四肢動彈不得，頭腦卻是清醒到不得了。
吳博君曾經想過，不如死了更好！
幸而，天無絕人之路，在太太悉心照顧、親友打氣，還有患者的努力下，吳博君現在竟然奇蹟地可以再站起來，靠腳架走路。沒想到，拿起筷子自己進食，感覺原來是這樣美好。
雖然不是貧賤夫妻，但吳博君患病後跟太太都沒再工作，手停口停，問到經濟能力有否問題？博君坦言：「有，自己做唔到嘢，後來太太辭埋份工，真係完全冇收入，我太太諗起演藝人協會，打電話將情況講畀演藝人協會聽，後來協會聯絡咗麥包（麥長青），演藝人協會應承幫我哋少少。佢哋去醫院探我，我當年訓練班同學，冇聯絡嘅都湧晒出嚟探我，好似魯振順、湯鎮業、劉少君……真係走嚟醫院探我，廿三年冇見過！」
得人恩果千年記，博君眼紅紅、聲震震說：「喺呢度我特別多謝薛凱琪。我唔識佢，佢私人捐咗少少錢畀我，雖然唔多，但都係一番心意，我唔明點解有人咁好，原來有人真係好好㗎，人間真係有情，以前都唔係好覺，依家好覺。藝進會好多同學知道，有捐錢畀我，藝進會邊個捐助我幾多，有張清單，睇到劉德華都有捐，大家都好有心，好多謝佢哋，人情債唔知點還，只能講真係多謝佢哋。」
曾在無綫拍過多部劇集的博君，與華仔合作很多，他笑說：「佢好百厭，諗番好多回憶，大家好好同事，最記得佢拍《獵鷹》，佢做差人我做賊，佢拉咗我，喺沙田大坑渠打一大輪，成身污糟邋遢，大家一齊返去沖涼，諗起幾過癮，佢冇架子，只係百厭啲。」
除了演藝人協會和藝進同學會捐錢外，原來博君的前任老闆，對他亦有情有義：「患病前最後嗰份工好輕鬆，因為我年紀有番咁上下，喺一間公司做清潔雜務，有少少收入又唔辛苦，做得幾開心，公司對我非常之好，我已經冇做、入咗安老院，老闆應承每個月津貼我五千蚊費用，為期兩年，我都嚇咗一跳。」他哽咽說：「世間上竟然有咁好嘅人，我真係估唔到，我依家返咗屋企，唔需要佢幫，但我好多謝佢。原來好多人對我好好，同學全部湧晒出嚟鼓勵我：『畀啲心機努力，唔好放棄！』真係好開心，我由一個好絕望，變番充滿希望嘅人。」
（apple daily）
琴日原來係佢哋嘅大日子，兩人去咗蘇梅舉行婚禮，真係恭喜晒！婚禮喺戶外舉行，場地以白色佈置為主，面向海景，環境幽美，現場大約可容納40至50人，而且有樂隊伴奏。
新娘子其實喺幾日前已預告琴日行禮，佢喺社交網上載自己一張穿白色露肩禮服，並寫上︰「Only a few days left to go! Feeling very excited and nervous, butterflies and all…」
今年35歲嘅𡃁靚模始祖活希兒，去年同大過佢13年嘅執行董事陳昌熹（Darrin）入紙申請結婚，當時活希兒契媽孫大倫太太鄧秀英透露兩人今年會喺外國舉行婚禮。今日活希兒嘅朋友喺社交網透露身在蘇梅，並上載一張大合照，見着住低胸婚紗嘅活希兒，相當性感，同老公Darrin企喺中間同一眾賓客影相。
二人趁住日落期間，活希兒換上另一套衫，同老公頭貼頭喺沙灘影相，朋友仲留言：「最好嘅男人同佢太太享受緊最特別美好嘅時刻。」
(IG / on.cc / apple daily)
夏季是指立夏到立秋前，即「立夏、小滿、芒種、夏至、小暑、大暑」六個節氣。
夏天的「長」，是秋天「收」的基礎。若夏天養生不當，「長」氣不足，供給秋天收斂的能力差了，就會發生瘧疾之類的疾病，到了冬至時，病情就可能加重了。因此夏季養生之事不可不用心。
夏季「外熱內寒」，飲食注意哪些？
夏屬火，主長養。夏季心氣旺盛，心主火，味屬苦。在五行，火能剋金，金屬肺，肺主辛。故在飲食上，宜「減苦增辛」，以養肺氣。在飲食上可多食苦瓜、綠茶之類帶有苦味的食品，能減少心火過盛剋肺金的情形。（註：減苦增辛，「減苦」是減去心對應之苦味，而吃苦味的東西可以降心火、制心火，吃得越多制約性越強）
人體在夏季之時，由於陽熱盛於外，伏陰潛於內，故胃腸功能下降，腎氣相對不足，人與自然環境同樣都呈現著「外熱內寒」之象。所以在飲食上該注意些什麼？古人又如何度炎夏？書中是這麼記載的：
《養生鏡》：「夏之一季是人脫精神之時，此時心旺腎衰，液化為水，不問老少，皆宜食暖物，獨宿調養。」；《頤身集》：「夏季心旺腎衰，雖大熱不宜吃冷淘冰雪、密冰、涼粉、冷粥。」；《養生書》：「夏至後秋分前，忌食肥膩餅、臛油酥之屬，此等物與酒漿瓜果，極為相仿，夏月多疾以此。」
《養生鏡》大概的意思是指，「心旺腎衰」乃陽旺陰弱之意，古人夏季食養調和身體陰陽平衡的方法上，提倡食暖物以扶充陽氣、獨宿調養以顧護陰液；而《頤身集》與《養生書》也提到，夏季時飲食不可過於寒涼，過食冷飲，多食則易損傷脾胃，使人吐瀉。不宜過食肥甘厚味之品，飲食以清淡容易消化的食物為宜。
炎夏喝粥，清涼解暑又補養
夏季暑熱之氣外蒸，身體的毛孔開泄，容易多汗而耗損人體的陰液，因此多進稀粥是夏季補充體液（力）的重要方法。如在早晚餐時喝粥，午餐時喝湯，既能生津止渴、清涼解暑，又能補養身體。
介紹4道適合在夏日食用的稀粥：
綠豆粥：有清暑、健脾、解毒的作用。適於糖尿病口渴、中暑及皮膚瘡癤等病症患者食用。
扁豆粥：可健脾化濕、和中消暑止瀉。既可預防中暑，又能治療中暑所致的吐瀉、食慾不振等病症。（註：食用扁豆時宜注意須煮至全熟，因未煮熟的扁豆易引起頭痛、嘔吐、腹瀉、心悸等中毒反應。）
絲瓜粥：具有清熱、化痰、涼血解毒的功效。對熱病、身熱煩渴、喘咳痰黃、疔瘡、癰腫等病症，有較好的防治作用。
荷葉粥：具有清熱解暑、涼血止血的功效。可防治夏季中暑所致的頭昏噁心、腹脹便溏、不思飲食及吐血、鼻出血等病症。
中午小睡片刻，趁機調養心氣
夏日中午人體心氣正旺之時，午休小睡是簡單易行的調養心氣方法，心臟不好者，更應確實實行。
因烈日酷暑極易損耗汗液，而「汗為心之液」，故夏季心氣最易耗傷。心氣耗損，則神無所主，人易昏沉嗜睡。所以心臟不好的人，在炎熱的夏日容易心氣不足，出現心悸、胸悶、多汗、頭暈、倦怠乏力，此時心神的調養特別重要。
如嵇康《養生論》云：「夏季炎熱，更宜調息靜心，常如冰雪在心，炎熱亦於吾心少減，不可以熱為熱，更生熱矣。」
要記得平時應保持心平氣和，靜心調息，慢慢做到心靜自然涼的狀態，可避免心氣損耗更甚。
心火過旺者，清腦熱能助好眠
失眠者，多由陽不能歸於陰為多見。平時心火過旺的人（如：思慮多、煩躁之人），容易陽氣亢奮在上，難以潛入陰分，以至於失眠。這時可以用「苦蕎麥皮、黑豆皮、綠豆皮、菊花、決明子」等清涼退火的材料作為枕頭的填充物，以清腦熱。長期使用，可以健腦明目，促進睡眠。
此外，還可以將嘴巴張開，以發出「呵」氣的方式來疏散心火，使其順調，那麼身體就能安康。
(大紀元)
2018年港姐⋯⋯誕生咗喇？
睇真啲，佢哋其實係98年港姐冠軍向海嵐、亞軍趙翠儀同季軍吳忻熙（前名吳文忻）。當年選美，大家年紀少，台下爭到台上，不過人越大越珍惜過去，始終識於微時朋友最珍貴，今年係佢哋選咗出嚟20周年，噚晚向海嵐、吳忻熙同趙翠儀，以及當年其他落選港姐約咗出嚟Re-U，吳忻熙今日仲喺社交網po相，佢留言：「Our 20th anniversary！是否比20年前還漂亮？！」
據知噚晚聚會，呂麗君都想出席，但咁啱出咗埠，所以未有到場。眨吓眼20年，當年三甲仲齊齊戴番后冠影相，時間飛逝，冠軍向海嵐仲喺幕前工作，佢o依家有幫亞視做主持，活躍演藝圈，亞軍趙翠儀同季軍吳忻熙都升呢幸福人妻，吳忻熙仲係兩女之母，佢不時社交網貼出親子相，老公錫到燶，大晒溫馨。趙翠儀最好生養，先後生咗兩子一女，退出幕前轉咗做傳銷。
噚日仲係趙翠儀牛一，成班好姊妹仲同佢慶祝。大合照當中仲有當年落選港姐，呢班失蹤人口真係唔認得幾多個，但當年湊佢哋嘅保母Rosa竟然完全冇變，佢哋又喺幾位保母中㨂冠亞季，畀佢哋戴后冠影相。
《蘋果》今日打畀吳忻熙，佢話噚晚玩得好開心，席間話當年，佢仲問：「我哋係咪靚過以前？」其實女人有時有閱歴會更有味道，吳忻熙都好認同話：「有閱歷更漂亮。」
佢話大家計劃搞個20周年紀念trip:「預計暑假去玩，但唔知幾多個女仔可以去到。」唔知到時出trip着唔着泳裝呢？
(蘋果日報)
雖然不少粉絲讚嘆她產後回復苗條身形，但亦有人批評她鼓吹產後過快收身的歪風：「好彩當年我生個仔時冇社交網站，如果唔係我睇到呢個分享我會想自殺。」又有人表示：「呢個唔係對新媽媽一個好嘅榜樣，佢太瘦睇落好唔健康。」
60歲美國男星艾力寶雲（Alec Baldwin）早前第4度做老竇，其34歲瑜伽導師老婆Hilaria Baldwin於社交網站Instagram上載她產後12日極速收身的對比自拍照，由原本的大肚子變成平坦腹部，非常誇張！
Hilaria留言分享極速收身秘訣，表示：「人人身體唔同，但我相信應該一路畀佢活動。有好多刻我想放棄產後減肥。去做運動係最難嘅挑戰。我要強逼自己去做，即使係做少少。但持之以恒幫到我好多，因為個身體想獲得注意，亦都想活動。佢對你嘅血液循環、健康、快樂同力量好重要。我尋日先開始可以做到健身。慢慢穩定咁做。唔好做得太過。每次生產都唔同，你醫生可以畀建議你幾時可以開始做。當你可以時，要對身體有耐性。」
(on.cc東網)
由謝霆鋒同導演火火主理的ViuTV節目《鋒味前奏》，節目中霆鋒分享了很多不為人知的事，之前幾集都係由霆鋒做廚煮畀火火食，今次就調番轉，由火火煮畀霆鋒食。
霆鋒仲專登帶了自家出品的拌麵畀火火煮，霆鋒說：「我最近研發緊呢啲手工掛麵。一般即食麵，除咗個麵可能係冇添加劑，嗰包醬油其實多防腐劑到不得了。我研究咗兩、三個月，用好多好多薑蔥蒜、日本嘅櫻花蝦，好多唔同嘅調味料，係真材實料熬出嚟，係我嘅一個拌麵。」
講到食拌麵，火火就回憶住屋邨的日子，他問霆鋒：「你有冇窮過㗎？」估唔到霆鋒話梗係有之餘，仲即刻「想當年」：「有一次同Mani（霍汶希）去撳錢，到我嘅時候，一百蚊我都撳唔到出嚟！跟住Mani好大聲咁話：『一百蚊都冇就唔好學人撳機啦！』本來後面啲人唔知係我哋，跟住啲人全部凸晒個頭出嚟望住我哋……我都試過窮，我都係要捱㗎。」
冇安全感
霆鋒繼續說：「我廿歲已經幫阿妹交學費，好細個已經好想幫屋企。到二十歲嘅時候工作開始ok，開始冇畀人噓，就係啱啱《活着VIVA》嘅時候，成件事開始安心啲。我成日咁積極去學咁多嘢，因為我個人好冇安全感，近幾年好啲。」雖然依家霆鋒搞生意咁掂，但原來他依然有危機感：「驚㗎！所以不斷再學嘢囉。」
(on.cc東網)
