經過一輪比賽，港姐三甲誕生，包括冠軍陳曉華、亞軍鄧卓殷（左）、季軍丁子田（右）。
大會安排一眾佳麗以泳裝現身問答環節，最後取得亞軍的（20）鄧卓殷被司儀鄭裕玲及農夫於問答環節內大考智慧！
農夫叫她幫手改名，想不到鄧卓殷即答：「改做『播種的機』啦，代表你哋將自己嘅Hip Hop種子爆發出嚟。」農夫頓然醒覺一樣，即笑說：「你真係清楚我哋嘅心意，農夫都仲唔夠……大家好，我哋係『播種的機』！」令全場爆笑！
事後就連星級評判的譚俊彥也不禁說：「梗係睇好鄧卓殷啦，一句『播種的機』就搞掂喇！」
應屆港姐冠軍陳曉華（Hera）在問答環節中，當時被司儀問到Do姐﹑薛家燕及汪明荃三位阿姐中，選出港姐冠軍。
她選了家燕姐而非大會司儀Do姐，陳曉華笑言除了是因為怕被家燕姐的死光射死外，也大讚家燕姐笑容迷人。
家燕姐在社交平台亦感謝陳曉華投她一票，並笑稱：「雖然我無計劃選美，但謝謝你投
#CaptainNancy 一票! 你也是我心目中的冠軍🏆！
#我不會用十字步死光攻擊你
#但歡迎你跟我學十字步2.0 哈哈哈
#heyaheyahey」
（綜合報道）
Jason上月剛約滿大台，離開工作12年嘅地方，有指佢為迎接下月來臨嘅小生命，決定全職做湊仔公兼YouTuber。
擁有英國國籍，名校畢業，操英文流利，高大靚仔……咁好條件嘅男人，但入行無耐，陳智燊(Jason)已宣佈封盤，令唔少粉絲玻璃心碎了。
反之，太太宋熙年(Sarah)經常遭受到網絡欺凌，令向來情深嘅Jason好心痛，皺起眉頭話﹕「無論鬧我定鬧佢，鬧你樣衰，鬧你唔鍾意，但冇乜邊樣值得記喺心，嗰下係愕然嘅，但delete咗就算，唔知佢睇唔睇到啦，或者佢都有幫我delete。」
會否反擊？Jason話﹕「好難，有咩可以令攻擊少啲，令大家用一個正確諗法諗呢件事，我都唔知有咩方案令件事舒服啲，好大個問號？但現在都有好多message話Sarah大肚後靚咗，可能母愛浸咗出嚟，都接受咗。」
慶幸Sarah天性樂觀，從未為此流過一滴眼淚，還建議Jason效法美國主持人Jimmy Kimmel拍片自嘲，Jason話﹕「佢話不如攞住部電話，讀番啲刻薄留言。但啲留言有時剩得粗口，完全冇重點，除非鬧番佢，但香港呢個文化我覺得玩唔到，出咗嚟應該『嘩』上C1。」最後Jason同太太決定以平常心面對。
Jason一提起Sarah，臉上總帶著笑容，今次拍攝其中一個地點位處旺角街頭。Jason表示都係為咗太太﹕「成日想帶佢去啲香港特色地方，但佢依家大住肚，唔方便去人多地方，所以好相影啲相返去畀佢睇。」佢透露太太會留港產子，問點解唔去英國生攞英國護照，Jason衝口而出﹕「咁咪好耐見唔到Sarah同囝囝？要去待產，呢排我又要處理自己工作，唔可以陪佢哋，真係唔捨得。」
問到點解咁愛Sarah，Jason咪咪笑話﹕「Sarah選美時冇留意㗎，之後佢加入娛樂新聞台，慢慢熟，佢爽朗率直覺得佢幾正，唔複雜、無機心，相處落就鍾意咗。」Jason自認宅男，所以向來好少桃花，佢笑言﹕「拍劇宣傳嗰啲有，每部劇都有，嗰時未公開(拍拖)，啲女拍檔全部都係吹水。」
（apple daily）
大會安排一眾佳麗以泳裝現身問答環節，（4）鄧美欣被客席主持曹永廉及蕭正楠問到如何幫他們推卻古裝劇演出，鄧美欣先問非所答，竟叫阿蕭女友黃翠如出面游說他接拍，接着才謂﹕「如果阿廉老婆做女主角，佢就一定唔拍啦！」
而（11）李明芙再被問覺得哪位佳麗勝出最不公平時，李明芙停頓幾秒，一味笑不知如何回答，當答是「Honey（何泳芍）」時，鄭裕玲（嘟嘟）即截住李明芙說：「唔使畀人逼架，你唔使講名都得嘅！」
（11）李明芙
麥明詩即說嘟嘟偏幫李明芙，指嘟嘟當年都冇幫自己，嘟嘟再截：「你都選到香港小姐啦！」馮盈盈就幫口：「係呀，所以好收聲喇！」嘟嘟打完場：「冇乜唔公平，冇人唔公平！個個有機會，多謝！」
左起：馮盈盈、麥明詩，兩人琴晚獲安排擔任港姐司儀
經過一輪比賽，港姐三甲誕生，包括冠軍陳曉華、亞軍鄧卓殷（左）、季軍丁子田（右）。
(on.cc)
聽日（27號）就正式31歲嘅前港姐冠軍，撻着擁逾億身家老闆級男友，今個月頭佢就玩自爆，喺社交網晒出拍拖相，話係人生中第一次放閃，搞到大家都估佢哋係咪好事近。
自放閃後見親人都會不自覺提起男友，又會分享佢哋拍拖拍得好Sweet，而琴晚（25日）佢同大班好友飯局，男友Benny都同佢黐到實一實，更加係男主人咁坐隔籬，都咪話唔煙韌，直頭好似一對新人咁!
雖然佢哋就冇咩親密舉動，不過就勁有老夫老妻Feel，仲滿場飛添！
成個場面好似去飲咁，真係好似擺緊酒！陳庭欣（Toby）同大家舉杯時，Benny就喺佢身旁做佢「背後的男人」，望住女友微微一笑，眼神中嘅愛意，真係擋都擋唔住！
Toby今次當然都捉緊機會同男友示愛，喺社交網上載大合照，更直接嗌男友做「我的honey」，嘩，簡直係旁若無人！Toby寫道：「多謝咁多位兄弟姊妹陪我預祝生日，特別係我的honey 🍯♥。。。愛死你哋😘😘😘 」
(on.cc)
現時懷孕近8個月嘅佢今日喺鰂魚涌出席「慈善親子烘焙樂」，同場仲有何傲兒、楊埕同瑪姬，以及同芯慈善會邀來12個低收入家庭嘅小朋友，一齊跟藍帶麵包師傅學整麵包。
佢表示：「我之前唔鍾意食澱粉質，但有咗BB之後， BB好鍾意食麵包，今日都係我第一次學整麵包，師傅讚我有潛質，我諗我會繼續。」蔡一鳳亦大讚現場小朋友學嘢好叻，提到BB快將出世，會唔會諗定咩課程？佢笑住話：「BB嘅嫲嫲已經諗好邊間幼稚園，因為佢識咗幼稚園嘅院長，可能BB 8個月就要讀托兒所。」
提到早前老公盛品儒受訪時，被問到呢胎係仔定女，佢當時故作神秘咁話有男有女，蔡一鳳笑問：「佢係咪咁講㗎？保持神秘啦，好快，10月中就知，我都想 一次收工，（孖胎？）我個肚都似，其實都好重，我諗嚟緊一個月，我個肚會越嚟越大，BB用品都有買，買咗中性顏色。」
佢透露聽日要飛東京做珠寶展：「醫生出咗張醫生紙畀我先上到飛機。」
講到盛品儒曾揚言就算怕血，都會陪入產房，蔡一鳳好愕然咁話：「嘩，我建議佢唔好，佢入去暈低咗，都唔知救邊個，同埋我會開刀，因為我怕痛，好驚生嗰一刻，我有個朋友痛咗12個鐘，最後都要開刀。」
(綜合報道 / apple daily / on.cc)
古天樂今日喺灣仔會展出席「第十六屆世界傑出華人獎」頒獎禮，獲許冠文同楊受成頒世界傑出華人獎殊榮，以表揚佢嘅卓越貢獻，著名鋼琴家劉詩昆亦係得獎者之一。
古仔喺台上領獎時顯得緊張，台下引來哄動，古仔覺得獎項別具意義，事實上都有啲緊張。問佢下一步係咪向博士進發？古仔話：「冇諗咁多，做自己認為做到嘅事，得到呢個獎項已經喜出望外，最重要對得住個獎項，繼續貢獻社會。」有傳古仔喺大陸建第100間學校，佢一聽到就話：「唔回應，關於慈善一向好低調，有能力就會繼續做。」（相關新聞：https://goo.gl/5rYcis）
古仔話今次得獎冇特別慶祝，稍後還要工作，而佢主演嘅新片《犯罪現場》會喺今個星期殺青，佢話：「前幾晚拍通宵，有啲攰，踏正農曆七月十四喺亂葬崗開工，過往做電視台或拍電影都好，出郊外拍嘢都會燒嘢食，今次劇組人員就話唔好，驚好多人一齊食，當晚對眼都唔敢通處望，驚唔知會望到啲乜嘢，平安度過咗拍攝。」不過古仔之前拍開《陰陽路》，應該對呢方面好有經驗，佢講笑話：「唔通拍特工戲多就身手非凡咩？咁多年都冇遇過啲古怪事，只係聽多。」
萬眾期待嘅劉德華跨年紅館演唱會「My Love Andy Lau劉德華World Tour-Hong Kong」，將會喺今年12月15日至1月3日舉行，Fans等咗8年至等到偶像再喺紅館開騷，自然等到頸到長，所以20場演唱會之前接受信用卡預訂，結果1日之內賣晒所有預訂飛，至於公開發售門票日期，就喺9月4日。
雖然距離公開發售仲有個幾星期，但各區嘅通利琴行外已經出現排隊黨，不過好多地方只係見到櫈仔、水樽一類嘅死物霸位，人就唔見喇！記者去過尖沙嘴通利琴行，亦只見到紙皮、水樽排隊，人影都唔多見。但係今日凌晨喺柴灣青年廣場卻發生排隊斬人事件。
就今日傷人事件，華仔透過短片回應，神色凝重嘅華仔話：「今日聽到一個好唔開心嘅消息，傷人嘅事件令到我個心好唔舒服，我希望喜歡我支持我嘅朋友，平平安安去購買演唱會飛，開開心心去睇我嘅演出，我知道每一個有關單位都花咗好多時間，我亦知好難有個好完美解決方式，所以喺呢段時間入面，我哋會盡量去再跟進呢件事，我希望警方兄弟姊妹能夠幫番全港，保護所有市民。當市民喺排隊過程裡面，如果感覺到安全感問題，就要報警，所以我再一次希望大家排隊過程保持冷靜，注意自己安全，你哋嘅安全，令到我開開心心去表演畀你哋睇。」
（apple daily）
她接受電話訪問時表示，本要連續三日到灣仔電競騷商演，但騷前一日綵排後，和經理人、結他手一行三人到灣仔一間食肆晚膳，回家後三人不停又屙又嘔兼頭痛、頭暈，初時三人懷疑吃了不潔食物，以為是腸胃炎，只服用成藥止屙，但完成第一場的騷及工作後回到家，Rona病情惡化，要即睇急症及入院。
近期登革熱大爆發，感染個案不斷上升，而跟「蝦頭」楊詩敏撞樣的樂壇新人徐加晴（Rona）雖非中了「登革熱」，但得了香港「罕見病」，不停上吐下瀉，頭痛又見暈，現已留院觀察。
她說：「結他手屙咗一日好番啲，經理人仲屙緊，我就最大鑊，因為真係不停咁屙水，屙到Pat Pat都赤痛，個肚又似抽筋咁，又發燒，真係頂唔住要入醫院，醫生話我係患咗『Cryptosporidium』(隱孢子蟲)，有病原寄生蟲寄生喺腸道，由於呢個病香港好少見，唔可以食抗生素，醫生話香港冇醫呢種病嘅藥，所以提議搵外國嘅專家睇吓我啱食邊種藥，但藥費要成萬蚊港幣。另一個方法係我要留院打止屙針、吊鹽水同葡萄糖水，直至自己好番為止，因為怕我有危險，所以唔可以出院。（咁你會揀邊個方法？）未知呀。」
問她可會向食肆追究？她說暫不考慮，因為她未證實是跟食肆的食物有關，最心痛是估計要付幾萬元的住院及醫藥費外，還要錯失搵錢機會，她呻：「我接咗電競三場騷，只做咗一場，另外嗰兩場要『嘔』啲歌酬，都成幾萬蚊，仲有嚟緊我會出新歌《我的時代曲》，希望唔好受到影響。」
（on.cc）
51歲天王黎明（Leon）今年4月底榮升做爸爸，其唱片公司女助手Wing為佢誕下囡囡。
女助手Wing
不過自此Leon都冇再提及囡囡近況，但尋晚Leon喺東莞舉行演唱會，有粉絲大叫佢係爸爸，Leon都心情大靚答：「yes，I know ！I am Papa！」仲話遲啲會公司囡囡近況。
說時遲那時快，Leon今日已經找數，竟然喺社交網上載囡囡得意正面相，仲留言：「我的女兒…好胖呵呵，…平凡是她的運氣 分享！一直和我一起成長的家族朋友」相中所見，Leon囡囡單眼皮，皮膚白雪雪，面珠肥嘟嘟超得意！網民都話佢似足爸爸！
（on.cc）
羅霖同劉坤銘於2013年離婚，一度為贍養費對簿公堂，最後兩人協議庭外和解，三個仔撫養權屬於羅霖。
二人此情不再 (資料圖片)
羅霖前日受訪時稱，最近到過律師樓，計過6年內嘅支出同收入，照顧3個仔嘅使費，超過500萬。佢當日仲話：「呢六年嚟，冇一個人相信我贍養費係零，到噚日仲有人問緊我，冇可能冇贍養費，真係零。」佢又舉例，大仔外國升學3年至少使咗150萬，二仔美國讀兩年書，使費都超過100萬。
對於羅霖有關言論，今日劉坤銘發出嚴正聲明，多年來考慮到兒子尚未成年，選擇克制同沉默保護兒子，但鑑於長子及次子已成年，三子亦進入青春期，希望藉機會釐清誤解。劉坤銘在信中稱：「自2011年，羅霖單方面申請離婚至今，羅小姐一直以離婚案件，不斷作出失實的報道。」當中或涉及誹謗，又不滿羅霖以受害人身份自居及以孩子作宣傳。劉坤銘又表示渴望與孩子建立關係，但就遭到羅霖破壞。
劉坤銘又稱，已按照12年的離婚協議及法庭的頒令，作出財產處理，包括房產、現金等資產轉移俾咗羅霖，又謂：「本人亦按法庭的指令完成支付給予羅小姐的所有相關金額。」
而羅霖講過「贍養費係零」，劉坤銘就指兒子的生活費，父母都應當承擔，劉坤銘在回覆中指：「一直無間斷地支付三個孩子的學費，直至三個孩子完成大學。」
劉坤銘最後表示將考慮申請禁制令，阻止羅霖利用孩子宣傳，又話會就誹謗保留法律權利。
(apple daily)
