【嗰一刻真係好惆悵】先患情緒病再患腎病：食飯前差唔多要食30粒藥

2018-08-25

「嗰陣太太嘅睡眠質素好差，但係依然好堅持每朝陪我食早餐，慢慢仲成日頭暈，試過好多醫生都搵唔到乜嘢原因，後來有一個朋友知道，話太太嘅情況同佢家姐好相似，於是乎建議我哋睇精神科醫生。」

絕迹樂壇超過20年嘅黃翊，舊年回歸樂壇，除咗推出新歌之外，10月仲會喺九展開騷，不過黃翊呢條復出之路認真唔易行，大排檔同娛樂圈嘅工作兩邊兼顧，同時又要照顧仔仔，而且太太陳存正嘅腎病復發，試過對腳腫到啲皮膚好似裂開，而且因為排唔到毒，身體嘅毒素去到接近900，令到佢睇嘢矇查查。

黃翊之後喺訪問又表示，o依家太太需要長期洗腎，情況已經穩定。今日喺商台節目《1圈圈星光背後》裡面，黃翊亦有透露太太嘅近況，仲好多謝大家對佢嘅關心。

當年黃翊同黃寶欣分手之後，好快就同陳存正拍拖，雖然佢哋未正式結婚，但係一直都過住好幸福嘅家庭生活。

直到05年生咗囝囝黃睿，太太嘅身體出現問題，黃翊話：「嗰陣太太嘅睡眠質素好差，但係依然好堅持每朝陪我食早餐，慢慢仲成日頭暈，試過好多醫生都搵唔到乜嘢原因，後來有一個朋友知道，話太太嘅情況同佢家姐好相似，於是乎建議我哋睇精神科醫生。」結果太太證實患上情緒病，吃飯前差唔多要食30粒藥。

唔知係咪食得西藥太多，最後發現腎臟出現問題，黃翊話：「呢個起因都係我哋推斷，最初我哋用中藥調理，點知喺宣傳新歌嘅時候，太太腎病復發，嗰一刻真係好惆悵，好彩o依家太太嘅現已經穩定，仲可以自己揸電單車！」

(蘋果日報)

【鍾麗緹接受人工受孕】但二十歲大女擔心⋯

2018-08-25

47歲鍾麗緹早前宣佈再有造人計劃，其實佢與兩任前夫共育有三女，跟36歲第三任老公張倫碩結婚兩年，暫未有所出。鍾麗緹最近就喺微博撰長文，自爆正積極努力備孕，甚至嘗試做試管嬰兒，希望跟老公誕下愛情結晶品。

鍾麗緹稱：「對於我身體條件來說，不得不承認，並沒有想像的那麼容易。我其實已經備孕半年了，可能因為藥物影響了荷爾蒙或者內分泌的問題，身體會有一些變化，但並不是你們所看到的表象，鍾麗緹因生活無節制，對自己無要求而變老變胖了。」

年近五十，要再懷孕確不是易事，但鍾麗緹一直努力中，包括勤做運動、做Yoga，又做針炙同按摩。之前鍾麗緹係茹素，不過佢擔心對BB健康唔好，於是改變飲食習慣，多食蛋白同水果。

鍾麗緹做咗好多資料搜集，決定去美國接受人工受孕，老公亦贊成，但大女Yasmine就有不同看法。今日有周刊報道稱，二十歲嘅大女有少少擔心，如果媽咪真係再生BB，年齡上差距會遠咗啲。但另外兩個女就好鍾意小朋友，好期待多個細佬或者妹妹。

咁呢位勇敢媽媽又點睇呢？佢接受周刊訪問時就話，佢係唔會Set個限期俾自己、即係例如「五十歲之前要生到」嗰類。換言之，係無限期努力！

之前傳佢要努力造人係因為夫家有壓力（張碩倫係獨子），鍾麗緹解釋番，想生BB，係因為佢兩公婆都好鍾意小朋友咋！

(蘋果日報)

【無怪獸家長過】考獲11A：完全冇push佢

2018-08-25

點解阿媽用「不勞而獲」嚟形容呢，有解釋嘅：「係因為我哋完全無push個女，無怪獸家長過。」「其實開刀一啲都唔辛苦，修身辛苦好多。」16年前8月30日，梁芷珊就係開咗呢一刀——生咗囡囡Eily，前日佢提早咗送份厚禮俾媽咪、感謝媽咪16年前辛苦生佢出嚟。呢份禮物，係11A。

Eily 14歲去英國讀書，今年考GCSE/IGCSE，前日放榜，依家身在香港，同屋企人一齊上網等成績。梁芷珊噚晚喺社交網公佈女兒呢個喜訊，寫道：「之前佢有啲緊張，因為學校predict佢有6A*，佢擔心令人失望。結果佢考咗11A，包括1A**， 9A*，1A (Add Maths)，嗰一刻我感覺好安慰，因為最少我唔需要安慰佢。」

「當時我只係諗到要做一件事：打俾羅生（前夫羅傑承）。當時佢開緊會，我留短訊：『Eily考咗11A，好開心。我要恭喜你，我哋再一次不勞而獲。』佢覆我：『Good, thanks.』」點解阿媽用「不勞而獲」嚟形容呢，有解釋嘅：「係因為我哋完全無push個女，無怪獸家長過。」羅傑承要開會，其實梁芷珊都有會要開，所以都未能好好咁消化呢份禮物。到夜晚靜落嚟，梁芷珊寫道：「我先至覺得，呢件事其實唔簡單：我人生只係生咗一個女（應該都唔會再生啩），咁，我都算係生咗一個11A(10A* or up) 女狀元，命中率100%，好好彩。」

「而值得開心嘅係，我終於可以用事實來證明，小朋友讀書學習係唔使迫嘅，開心快樂成長最緊要，絕對唔使報十間幼稚園，唔使補習，唔使學芭蕾舞，唔需要學七國語言。」

「今日（即噚日）同佢有個小小慶祝會，佢有個朋友仔，由細玩到大，Andrian剛考到IB 45分，入咗港大醫科。Andrian媽咪係我中學同班同學，佢都係，爸爸媽媽從來無迫過佢，咪又係做狀元！恭喜兩位小朋友，so proud of you guys, keep it up !」

唔好做怪獸家長固然係，但小朋友自細有一個良好（Eily呢個直情係優良）學習環境，都好重要！香港嘅教育制度，同英國已經冇得比……

【引起網民罵戰】孫慧雪：男人，收皮啦！

2018-08-25

藝人孫慧雪（雪雪）上年7月誕下囝囝Riley，自此一邊工作一邊照顧囝囝，不過日前佢突然有感而發，喺社交網控訴男人嘅不是：「有時候覺得，做女人真係好難，太蠢又唔得，太叻又唔得；太懶又唔得，太上進又唔得；太肥又唔得，太瘦又唔得；太林（腍）又唔得，太惡又唔得；太醜又唔得，太靚又唔得！但相反，女人就要識得包容！男人，收皮啦！　#深夜有感」

點知佢呢番說話引嚟網民正反兩面嘅評價，有人認同佢講嘅嘢，亦有人覺得佢咁講對男人唔公平，結果引起罵戰！

而女星林芊妤（Coffee）都有留言話贊同雪雪嘅講法，但有網民就毫不客氣話佢咁做又想博Like！有網民更留言反駁雪雪：「做男人仲難，唔可以窮，唔可以矮，唔可以醜，唔可以爛口，唔可以冇學識…但相反，同女仔約會仲要男俾（畀）錢，但女仔仲成日講男女平等。」

而雪雪亦好有耐性回覆網民，仲好無奈咁話：「做working mom真係好攰，返屋企可能仲要俾（畀）人怨做得唔夠！吃力不討好！」

未知係咪網民反應太熱烈，雪雪今日又再上載露膊照，似意有所指咁留言話：「最近好像有點混亂，經常做錯決定～要和自己的內心多一點溝通！」

經過連日嚟嘅「網上討論」，大家都猜測雪雪係咪同老公鬧咗交呢？

(on.cc東網)

【識咗冇耐就求婚】楊思琦直認囡囡想有弟弟

2018-08-25

楊思琦喺2013年誕下囡囡楊卓穎，獨力擔起頭家。唔經唔覺穎穎已經6歲，思琦近日接受周刊訪問時，透露囡囡好恨有個弟弟。

40歲嘅思琦直言對愛情仍有憧憬，並自爆兩年前曾遇到一名唔錯嘅男士展開追求，對方年約50歲，有穩定嘅經濟基礎，又關心佢同囡囡。對方好進取，相識好短時間已經表明想搵個太太，搞到思琦卻步。

楊思琦喺2015年上載呢一張大合照，當時有傳身邊男士(左二)係新歡，但思琦否認。

思琦直言當時有太多考慮，唔想「整花自己個file」，內心安全感又不足，所以拒絕對方。反而囡囡現在好想思琦搵番個uncle，然後再組織家庭，畢竟穎穎一直在單親家庭中長大。思琦讚囡囡好懂事，幼稚園畫family member會畫媽媽、公公同婆婆，自己亦已準備好等穎穎大個啲，同佢解釋一切。

(蘋果日報)

【真係接完阿嬌花球就嫁？】阿Sa親自回應消息

2018-08-25

現年35歲嘅蔡卓妍（阿Sa）與百億富二代男友石恆聰（Anthony）雖然拍拖只有一年半，但就有傳兩人有意明年底拉埋天窗。其實阿Sa同男友相戀以來，不時拍拖外遊，感情穩定，今年5月好姊妹鍾欣潼（阿嬌）喺美國搞婚禮時，更將花球直接交到阿Sa手上，做到出晒面希望佢成為下一個新娘！

而早前阿Sa滑水撞傷額頭搞到留疤，男友緊張得四處問人，並搵嚟整容醫生為女友療傷，細心體貼，阿Sa又點會感受唔到男友幾咁錫自己？

雖然曾有過一段婚姻，原本對再婚看淡，但「對的時間，遇上對的人」，開心又幸福就得啦！

阿Sa話﹕「無咁嘅事，唔係事實，都唔知點回應，所以唔回應。」而阿Sa經理人Mani亦說﹕「沒有這件事。」

不過，阿Sa其實每次提起男友個樣都係甜絲絲，雖表明感情事要低調，但不排除會閃婚。阿SA不時讚男友值100分，對佢溫柔又體貼，曾被追問係咪同居，佢回應話：「有分數啦，唔想交代太多私事，總之樣樣都幾好。」據了解，阿SA早已融入男友嘅屋企，與男友家人關係亦好好，之前阿SA去印度買珠寶，石恆聰嘅家姐都有陪佢一齊去。而阿Sa同祖兒、霆鋒、關智斌、Yumiko等去遊船河，Anthony亦會相隨，與阿Sa老友都好玩得埋。

(on.cc東網/蘋果日報)

【三月傳患怪病】已經「人間蒸發」三個月⋯

2018-08-25

不過至今仍冇任何消息，就算尋日（24日）係佢39歲生日，佢都冇更新社交網，喺佢嘅閨蜜都唔見佢蹤影，好似「人間蒸發」咁！唔少粉絲都好擔心，又不斷留言祝佢生日快樂，希望佢快啲好番！

台灣天后蕭亞軒（Elva）今年3月傳出患怪病，原定去年底發布嘅專輯無限期延後，4月開始嘅世界巡迴演唱會都臨時取消，Instagram更新就停留喺5月！當時佢上載黑白照留言「非常感謝大家喺我身體不適時支持我，我承諾會好快返嚟！」

不過至今仍冇任何消息，就算尋日（24日）係佢39歲生日，佢就冇更新社交網，喺佢嘅閨蜜都唔見佢蹤影，好似「人間蒸發」咁！唔少粉絲都好擔心，又不斷留言祝佢生日快樂，希望佢快啲好番！

而佢嘅經理人陳鎮川終於開腔透露Elva最新情況，佢表示：「她在恢復健康中，都很規律在運動！她最近有通知我慢慢可以進入新專輯的練舞，但我沒有給她太大的壓力，畢竟身體健康最重要，已經開始慢慢進入狀況。」睇嚟歌迷可以放心喇！

(on.cc東網)

【引起好多媽媽共鳴】終於坐完月：有點幸福又有點災難

2018-08-25

呢句說話引起唔少媽咪嘅共鳴，佢哋紛紛留言分享心得，教佢做媽咪嘅竅門。之後佢再晒咗張相，依稀見到BB眼大大鼻高高，睇嚟將來都應該會幾靚仔。。。

台灣歌手林宥嘉（Yoga）7月尾升呢做咗爸爸，老婆丁文琪就喺護理院乖乖坐月，尋日先至正式一家人返屋企，佢喺社交網發文講番做人母嘅感受，搞笑話全靠醫生同護理人員一直幫忙，作為新手媽咪嘅佢先至可以生存落去，返屋企之前好擔心冇人幫手究竟會搞成點：「無法想像回家沒有後援的媽媽是怎麼辦到的。」

為安全起見，佢都有請護理員上門幫手，雖然都有出現手忙腳亂嘅情況，起碼BB冇乜嘢不滿喊唔停，自己亦唔會忙到冇時間食嘢。

佢用咗一句說話總結返屋企嘅情況：「回家有點幸福又有點災難。」呢句說話引起唔少媽咪嘅共鳴，佢哋紛紛喺丁文琪嘅社交網度留言分享心得，教佢做媽咪嘅竅門。

之後丁文琪再晒咗張之前BB打腳印嘅相，依稀見到BB眼大大鼻高高，睇嚟將來都應該會幾靚仔。

BB同爸爸似足餅印！

(on.cc東網)

【原因係⋯】媒爆阿Sa明年底嫁男友石恆聰

2018-08-25

TWINS成員阿Sa（蔡卓妍）美國時間5月25日，開心送好姐妹阿嬌（鍾欣潼）出嫁，還在婚禮現場拿到捧花，時隔3個月，她爆出好消息，將與男友「百億麻將館太子爺」石恆聰（Anthony）於2019年結婚。

阿Sa（蔡卓妍）和石恆聰。（圖／CFP）

阿Sa被爆將在2019年底與男友Anthony結婚。

據《壹週刊》報導，石恆聰還沒有向阿Sa求婚，不過兩人對於共組家庭有共識，預計將在2019年底完婚，為何不是今年？傳是阿Sa主演多部電影作品，論得影后機率，今年可能是她出道多年來最高的一年，男友似乎是想讓她「先圓夢」再結婚，才將婚禮延至明年底。

阿Sa在阿嬌婚禮上拿到花球。

阿Sa（蔡卓妍）2015年與陳偉霆分手後，一直無法從情傷從走出，面對感情態度也轉趨保守，寧願單身生活也不想太快戀愛，直到2017年6月，才被拍到活動結束後，直奔石恆聰價值港幣3.3億元的豪宅，據悉，石家人都很喜歡她，覺得不僅沒有天后脾氣，本身也有賺錢能力，是個小富婆不會貪財，成功收服男方媽媽、姐姐、哥哥的心。