39歲官恩娜（Ella）喺14年底宣布同中法混血醫生男友Juan-Domingo Maurellet訂婚，翌年2月舉行婚禮，三年抱兩，生咗一仔一女，組成幸福家庭。
升呢人母後，Ella減少幕前演出，佢為咗家人仲密密煮，廚藝日益進步，仲不時喺社交網貼出生活相。
Ella係一位潮媽，佢為所有餵人奶嘅媽媽爭取應有權益，日前佢就喺Instagram貼出身處瑞士Moléson mountain山上，神態自若坐喺公眾地方餵囡囡飲人奶，佢仲冇用布遮住。
Ella今日凌晨再喺Ig限時動態貼出浸spa相，佢tag咗喺四季酒店內，仲寫咗：「Spa with hubby」，相中所見，Ella赤祼喺落地玻璃窗前嘅浴缸浸浴（冇錯係赤裸！），但佢就搵咗個心心圖案遮住重要部位，只見浸緊浴嘅Ella個樣表現得非常享受。至於邊個咁有幸可以幫Ella影呢張相？相信應該係Ella老公喇。
(蘋果日報)
如果不看她的孕肚，根本看不出是快要生寶寶的孕媽！自爆佗B重咗15kg。不過，佢之前透露過孕期體重只有56kg，不得不說孕前身材更是讓人羨慕。。。
8月23日晚，歐弟老婆鄭雲燦在微博分享了兩張帶女兒Jojo遛彎的照片，還稱自己是「老舅媽」，女兒是「小辣妹」，真是超可愛的辣媽。
照片中，鄭雲燦頭戴棒球帽，身著條紋T恤搭配熱褲，即便已經到了孕晚期，鄭雲燦的身材依舊棒棒噠，從背影看完全沒有一點孕婦的樣子，特別是這雙又細又直的大長腿真是讓一眾准媽媽們羨慕不已！
而一旁的小辣妹Jojo和媽媽一起遛彎也是無比開心，穿著波點裙，扎著斜馬尾的樣子真是可愛炸了，這對「老舅媽」和「小辣妹」的背影殺真是太溫馨太養眼了!
鄭雲燦還曬出了一張自己的單人照，照片中鄭雲燦除了超大的孕肚外巴掌臉依舊，大長腿也是妥妥的，如果不看她的孕肚，根本看不出是快要生寶寶的孕媽！能在足月後還能保持如此好的身材，就問准媽媽們服不服。
網友看後都紛紛稱贊鄭雲燦身材好：「jo媽這小細腿」、「這腿比我細了好幾倍」、「背影就是少女」、「舅媽的背影絕了，18歲的感覺」。
鄭雲燦因為一直勤於健身才能在孕晚期保持如此好的體型，所以好身材什麼的都不是白來的！
而且別看鄭雲燦如此纖瘦，人家懷孕至今可是長了15kg的肉肉呢，看來都是長到肚子上啦。不過，她前不久才透露孕期體重只有56kg，不得不說孕前身材更是讓人羨慕。
隨著預產期越來越近，雖然鄭雲燦表現得很輕松，但是婆婆和媽媽已經守護在她身邊了，時刻准備迎接mini jo的到來！相信大家也非常期待mini jo的到來吧，那麼就祝鄭雲燦平安順利產下二寶啦！
(騰訊)
藝人張繼聰經常喺社交網晒出囡囡張靖（Karina）嘅可愛片段，每次出post必定成功呃like。Karina不但cute爆，而且仲好精靈，細細個未夠兩歲就已經識扮動物叫。另外，開始牙牙學語嘅佢，叫張繼聰時竟然唔係「爸爸」，反而係……！
片中，張繼聰問囡囡貓、狗、牛等點叫，Karina就好叻女咁扮出動物嘅叫聲，當張繼聰問到：「咁爹哋點樣叫呀？」Karina竟然回答：「阿聰。」冧爆嘅張繼聰聽到後即時笑到收唔到聲，認真搞笑！
唔少網民大讚Karina人仔細細已經咁醒目，簡直遺傳晒爸爸嘅精叻頭腦！
(on.cc東網)
近日，二人終於被拍到牽手逛街，圖片十分罕有，因為二人從未被拍到在公眾場合拍拖照片，除力證二人仍在愛河中，擺明就係要公開戀情啦！當時佢哋分別戴上黑白鴨嘴帽和口罩，更顯情侶Feel。。。
分手？懷孕？有網友在北京三里屯遇見趙麗穎同馮紹峰手拖手拍拖，二人進了名店濕平。早前有傳趙麗穎懷孕，並漏夜到了馮紹峰家裏養胎，後來當事人在微博晒出「劈叉」圖片否認謠傳，之後又有消息指二人已經「玩完」，但原來是馮紹峰離開了北京到橫店拍戲。
近日，二人終於被拍到牽手逛街，圖片十分罕有，因為二人從未被拍到在公眾場合拍拖照片，除力證二人仍在愛河中，擺明就係要公開戀情啦！當時馮紹峰與趙麗穎分別戴上黑白鴨嘴帽和口罩，更顯情侶Feel，據悉，馮紹峰還大手筆用了近10萬人仔氹女友歡心，讓她豪買一番，好闊綽！
(on.cc東網)
「美魔女」羅霖今日53歲生日，佢就同孻仔Jonathan、一班友人慶祝，佢班女朋友仲好有心思整咗兩個、兩尺高嘅番梘玫瑰花bear bear畀佢，相當少女feel。
《蘋果》就搵過羅霖，佢就笑言：「少女feel就應該冇，仲有少少，少女心。」講到生日派對，佢就話因為剛做完割粉瘤手術不久，都唔係好想慶祝：「年紀越大就唔係好想慶祝，加上之前做手術，體力差，不過朋友好有心，好早book咗，自己成日都有個願望去睇薰衣草，今年有女朋友陪我去睇，不過我冇時間。」
「又大一歲，覺得歲數係一個數字，最緊要身體健康，心境正面，諗返起呢6年幾做單親媽媽生活，好多甜酸苦辣，希望要堅持，堅毅走未來一步同人生。」
咁三個仔有冇表示呢？羅霖笑言：「噚日搭正12點，老二喺美國send WhatsApp同通電話，大仔去咗美國旅行，有同我WhatsApp，細仔今年第一次話叫我自己揀禮物，喺佢利是錢度扣，不過好笑，佢利是錢唔係好多。」
再問到願望，會否想搵另一半，羅霖就表示：「願望當中，呢個排最後，健康、兒子、父母、工作、有另一半，因為男人靠唔住，最緊要自己經濟獨立，內心強大堅持！」
近日，因病入院割瘤，羅霖聲線中氣不足，講到身體狀況，佢說：「今次做手術係全身麻醉要插喉，傷咗喉嚨，所以把聲差咗，同身體有麻醉藥敏感，當時有啲危險，佢哋見到我個樣腫晒，問我使唔使氧氣，成6、7個人加埋主任，唔好意思咁醜樣畀人睇到，擔心我，幫我打咗三支防敏感針同一支腎上腺素，因為血壓降低，知道身體抵抗力越嚟越低，o依家要有一張卡喺身，有啲咩藥物敏感，要24小時喺身。」
羅霖仲話，最希望係要有健康，同少啲壓力，皆因獨力養三個仔，真係好吃力：「三日前去律師樓，計一計呢六年幾支出同收入，原來照顧呢三個仔讀書、生活費、租金等，有五百幾萬。o依家由零開始，如果堅持唔到，想佢爹哋照顧返兩個大仔，太大壓力，但又好愛佢哋！」
「呢六年嚟，冇一個人相信我贍養費係零，到噚日仲有人問緊我，冇可能冇贍養費，真係零。大仔喺外國讀咗三年，都起碼用咗150萬，二仔喺美國讀咗兩年，都百幾萬，0依家未讀完，因為美國要讀四年，o依家讀緊第三年，大仔又返咗嚟讀理工。」
(蘋果日報)
名模熊黛林（Lynn）今年4月為老公郭可頌（Ken）誕下可愛孖女Kaylor和Lyvia，貴為名模當然貪靚，雖然囡囡得四個幾月，但Lynn都鍾意幫兩位小公主扮靚靚。
佢今日喺社交網站上載咗兩個囡囡嘅照片，着上同款白色T恤配粉紅色公仔圖案短裙仔，頭上仲戴住粉紅色頭箍，十分趣緻，得意到爆！
兩位小公主嘅真面目今次終於睇清楚，雖然孖生姐妹，但就明顯唔似樣，難怪Lynn寫上：「Mini Ken and Mini Lynn！」網友就留言話一個似爹哋一個似媽咪，平均分配都唔錯。
(on.cc東網)
不過幸好之後佢再出一段片post，就發現原來佢嘅呢6位姊妹中，有Sammie鄭秀文、阿Sa、梁詠琪同周麗淇（最近改名成：周勵淇），卡士陣容真係超級強大！
下個月出嫁嘅卓韻芝，最近就開始派帖，咁結婚除咗要派帖之外，仲有好多嘢要做嘅，身為新娘嘅阿芝，其中一樣緊要事，就當然係搵姊妹團啦。
阿芝今日就喺ig度出咗2個post，分別係一張相同一條片去介紹佢嘅姊妹團，不過呢兩個post都俾阿芝惡搞，將6位姊妹轉成粗眉大口大鼻窿，仲以「史上顏值最低姊妹團」嚟形容，齋睇相，講真都好難知道呢班女係乜水。
不過幸好之後佢再出一段片post，就發現原來佢嘅呢6位姊妹中，有阿芝好友Sammi鄭秀文、阿Sa、梁詠琪同周麗淇（最近改名成：周勵淇），卡士陣容真係超級強大！而最難得嘅係，片中呢幾位史上最強陣容嘅姊妹，都唔介意自己個樣被醜化，玩得好開心，而阿Sa、Sammi仲特登配合個「衰樣」而擘大口，搞到梁詠琪仲笑到攤晒喺梳化。
(蘋果日報)
藝人楊愛瑾（Miki）身穿秋冬裝出席活動，受訪時Miki就冧笑話剛與老公郭永淳去法國南部加西班牙「二人世界」旅行，又指從來都未試過離開16月大囝囝Luken咁耐：「都去咗兩個星期，係老公話即使有咗囝囝都要有番少少自己嘅時間，所以都講咗每年最少都去一個Trip。（去咁耐唔掛住囝囝？）一開始都會特別掛住，但後尾都好放心，因為都幫佢安排晒啲節目，例如會去Playgroup、婆婆會探佢，又會同爺爺嫲嫲食飯，咁自己都有同佢FaceTime。」
Miki續大爆囝囝於Playgroup入面好鍾意同其他姐姐玩：「會拖住啲姐姐行。（好有異性緣？）咁唔知啦，但佢好多嘢講，依家仲會學我哋講嘢，所以喺講嘢上面都會小心啲。」又指有睇湊B的資訊，發現小朋友2歲前最好不要睇電視，所以家中現時都沒有安裝。
帶囝囝去探Kary
講到吳雨霏（Kary）剛誕下男B，問到可會帶埋囝囝去探B？她表示冇所謂，只要對方Ready就隨時都可以：「都有恭喜佢生B，但都知佢依家會好忙，好似都生完未夠3個月，當時Luken出世後大半年我都覺得過得好快。（如果探B會買咩禮物？）未諗呀，但都會以實用為主，例如尿片呀、衫咁。」
(on.cc東網)
台灣天王王力宏與太太李靚蕾婚後育有兩個千金，今年仲追仔成功添，今朝十一點佢就喺社交網報喜，指太太已經生咗喇，母子平安！
王力宏晒咗一家三口合照，佢同李靚蕾合埋眼頭貼頭，囝囝就喺李靚蕾懷中，皮膚仲係紅卜卜，照樣都係睇唔到正面，不過就睇得出阿仔好多頭髮，而王力宏仲公開已經為囝囝改咗名喇：「感謝主我的情敵不再是貝多芬，而是：王…嘉…耀 👶🎵❤️ 今天我們有了兒子，老婆 辛苦了，母子均安。謝謝大家的祝福，我跟老婆的心裏充滿感動，溫暖，期待，希望，和感恩！」
其實上次二家姐王嘉娜出世，佢哋兩公婆都晒咗張類似嘅合照。
大女王嘉莉出世就得腳仔相。
(on.cc東網)
家燕姐說：「我哋唔係同班同學，我留意到有個靚仔成日嚟裝我。」佢直認不諱：「佢算係校花，我哋小息就走過去望吓佢有冇返學，我哋只係o靚仔，點敢同佢交流。」
薛家燕與于洋在96年於處境劇《真情》中演螢幕夫妻，往前追溯，原來兩人那些年是同校，當年是童星的家燕姐是校花，學弟于洋不時前往偷望，至70年代，于洋加入銀壇才結緣。于洋曾駕駛跑車約家燕姐遊車河，卻被薛母棒打鴛鴦。今年是家燕姐加入娛圈60周年，兩人日前重提這陳年情史，皆忍俊不禁。
現年68歲的薛家燕在8歲就入行，今年是她入行60周年，家燕姐將於12月初踩入紅館舉行「薛家燕愛你無限60年演唱會」。家燕姐日前與同校的于洋重返母校接受本報專訪，校務人員及學妹熱烈歡迎，家燕姐和于洋更到當年經常早禱的教堂參觀，一齊時光倒流那些年跪低禱告。家燕姐當年一邊上學，一邊拍戲，是學校的風頭躉，她笑說小息時有各級同學慕名到課室偷望，其中一個偷望男生，就是現年69歲的于洋。
于洋雖然年長家燕姐一年，但他卻是學弟，因為他由內地來港，追不及程度讀低一班。家燕姐說：「我哋唔係同班同學，我留意到有個靚仔成日嚟裝我。」于洋直認不諱：「佢算係校花，我哋小息就走過去望吓佢有冇返學，我哋只係o靚仔，點敢同佢交流。」家燕姐中學畢業後全職拍戲，于洋之後也成功投考邵氏而入行。
家燕姐與于洋在70年憑電影《石破天驚》初結片緣，于洋大膽相認同學關係，兩人一齊開工拍戲，火速熟絡。于洋對家燕姐甚有好感，平日除做柴可夫管接管送，有一次更相約遊車河，家燕姐說：「佢當年買咗Alfa Romeo，話接我去街，媽咪聽到要跟埋去。點知落到樓下，佢揸跑車，後面得dog seat，媽咪即刻話『唔好去』，拉我上樓，最終我哋冇得去街。」
趕絕外母型跑車，薛母也「趕絕」于洋，他無奈說：「佢爹哋媽咪好犀利。」家燕姐解釋雙親恐圈中人複雜，反對她跟行內人交往：「估唔到于大哥係最單純，有次我去日本受訓，于大哥過來探我，佢拎個大篋，媽咪以為佢過嚟住好耐，打開篋，裏面全部係買畀我嘅零食，當時我好感激，但媽咪唔鍾意。曾江約我睇戲，爸爸話佢使乜約我，問佢自己唔識去咩，黎小田都試過。」後來于洋移民加拿大，兩人各自結婚。
家燕姐在84年嫁給生意人石保慶，婚後息影生了三子女，可是在95年離婚，家燕姐復出接拍《真情》演「好姨」，原本劇中她跟曾江一對，但曾江沒檔期要離開，劇情改為好姨配上高山青，家燕姐向曾勵珍提議找于洋演出，兩人最終變成螢幕夫妻，家燕姐說：「我人生呢60年，佢出現咗好多次。」
匆匆走過60年，家燕姐感慨道：「活得精采，雖然我人生順境多，逆境係婚姻幾年，憑住大家支持，我可以喺逆境變順境，天無絕人之路。」問到家燕姐恨找伴侶嗎？她坦言：「我都唔夠時間做嘢，有時夜晚餐飯都凌晨2點幾先食，要搵個伴，唔通兩點幾食完，三點幾先見佢，個個都走人。每日開心，有好多朋友就夠啦！」
(蘋果日報)
