導演陳嘉上近年於內地工作，之前他被指曾威脅及性侵內地女星鄭爽且性侵，當時他於社交網表示願意與爆料者對質，之後鄭爽即時出聲明，指與陳嘉上合作愉快，更指謠言全都是憑空揑造。又好難怪陳嘉上咁鬼嬲嘅，原來人哋已經有一個拍拖多年、去到見家長地步嘅正印女友，嘩！分分鐘談婚論嫁㗎嘛！梗係要還自己一個清白啦！

陳嘉上的女友與他年紀相差30年，是一名28歲的內地演員夏沫僑，青春可人，更拍過陳嘉上執導的電影《畫璧》及《四大名捕》。最近夏沫僑仲嚟咗香港，同陳嘉上周圍甜蜜遊，二人翹住手去shopping之餘，仲不避嫌同住一間酒店，都拍拖幾年咯，有乜所謂？

而陳嘉上接受傳媒訪問時，亦大方承認與女友拍拖多年，更笑言：「估唔到依家有人關心！」說到二人年齡相距30年，大家溝通如何及見過對方家長未時，他謂：「家人都知道，但都唔想多講喇！」

（on.cc）

何韻詩到商台宣傳新歌《極夜後》，久未有新作的她承認，自從完成2016年演唱會後，心態上有點迷失，不知下一步該如何走下去，所以在音樂創作上稍為暫緩，她說：「這幾年花好多力氣對抗很多事，消耗好多細胞，但我是不鍾意認輸的人。」

她透露將會陸續推出新歌和專輯，問到是否有資金去做？阿詩指香港樂壇走得比世界慢，歌曲的資金有不同方式可以做到，她說：「IFPI、CASH等等機構都是由舊思想的人掌控，其實賣碟對歌手而言，已不再是可依靠的方法，好多人以為我發生了一些事，以為我死定，大家都停留在那種思想，但外國很多方式可以做。」

提到容祖兒和劉浩龍傳分手，阿詩說：「殺我一個措手不及，我有留意到報道，但話題到此為止，（不會八卦？）不會似你們一樣八卦，（仍是朋友？）話題到此為止。」

(明報)

離開娛樂圈後，轉行做咗律師，但不時會喺社交場合見到佢，上年佢入紙證記結婚，將下嫁有米男友陳昌熹（Darrin），當時佢契媽孫大倫太太鄧秀英亦透露兩人今年會喺外國舉行婚禮。

於1998年拍廣告入行，憑混血兒外貌火速上位並與多位男神合作，更曾被傳與藝人謝霆鋒及陳曉東鬧出三角戀，亦與霆鋒前妻張栢芝有不和傳聞。是非不斷嘅佢，在事業高峰期毅然退出娛樂圈，往澳洲修讀法律課程。

(資料圖片)

今日第一代𡃁模、35歲的活希兒喺社交網站上載了張靚相，佢着上Tube dress婚紗。

寫住：「Only a few days left to go! Feeling very excited and nervous, Butterflies and all…（仲有幾日就到，心情既興奮又緊張）」

(on.cc)

15年港姐季軍郭嘉文坐穩「小小超」李澤楷嘅千億女友寶座，呢兩年不停陪小小超周遊列國嘆世界，唔使做純粹吃喝玩樂又一日。不過，原來噚日郭嘉文病咗，佢喺社交網貼戴口罩抱愛犬相，留言：「同病相憐…儍豬佬」，由於相片玩黑白feel，低頭垂目嘅郭嘉文顯得楚楚可憐，唔知小小超有冇陪佢去睇醫生呢！

郭嘉文呢隻愛犬叫做Oscar，上個月做老竇生咗幾隻狗BB，郭嘉文喺社交網貼相分享「抱孫」喜悅，寫道：「你們都太可愛了，捧在手上軟軟的咖啡麻糬寶寶，卻是很有生命力的在叫媽媽，要健康啊！」

自從升呢做咗「楷女郎」，郭嘉文去年即同大台解約，依家不但出入有司機接送，更傳獲小小超送贈價值一億九龍塘豪宅。郭嘉文閒來喺屋企玩下狗之外，原來佢與同屆友誼小姐林凱恩保持聯絡，日前佢哋約埋去搵梳乎里朝聖。

兩人鬥擺chok pose影相，郭嘉文留言：「有了想保護的人，自然變得強大起來，面對曱甴也不怕。」莫非係對緊小小超李澤楷講？

郭嘉文晒靚相，獲網友讚長腿夠直。（網上圖片）

(APPLE DAILY)