幸福係當你想安定，又喺啱嘅timing，遇到一個人可以俾到安穩嘅感覺!阿嬌今日正式做人妻，喺美國拉埋天窗，「龍虎蛇」Joey、阿Sa及Yumiko，組「至索姊妹團」送阿嬌出嫁，見證阿嬌人生大事。
喺新房時，佢哋鬼馬影合照，阿嬌扮「鬥雞眼」，新郎賴弘國嘟起嘴，一時又情深對望，幾位好姊妹喺後面擺出心心手勢；「戥穿石」都有同「至索姊妹團」影selfie。
阿嬌喺美國舉行婚禮，婚宴亦是選擇了西餐，四道菜包括清雞湯、上湯龍蝦、心形牛扒，當然唔少得結婚蛋糕。至於甜品卻是中式芝蔴湯丸，應該係寓意一對新人甜甜蜜蜜。而一對新人送俾賓客嘅禮物，就係印有兩人肖像嘅——「尿袋」（叉電器）。
婚禮後，Mani在社交網貼圖，並留言說：「今天阿嬌的婚前party大家都很感動，我們都哭了，希望阿嬌永遠都幸福，有多一個照顧她了。」相信賴弘國一定不負所托，首先忍唔住喊嘅佢，方才仲即場獻唱一曲贈老婆——就係陶喆嘅《愛很簡單》：
「忘了是怎麼開始
也許就是對你 有一種感覺
忽然間發現自己已深深愛上你
真的很簡單
愛的地暗天黑都已無所謂
是是非非無法抉擇
沒有後悔為愛日夜去跟隨
那個瘋狂的人是我I LOVE YOU
無法不愛你 Baby說你也愛我
I LOVE YOU
永遠不願意 Baby失去你不可能更快樂 只要能在一起
做什麼都可以
雖然 世界變個不停
用最真誠的心
讓愛變的簡單
愛的地暗天黑都已無所謂
是是非非無法抉擇
沒有後悔為愛日夜去跟隨
那個瘋狂的人是我I LOVE YOU
一直在這裡陪 一直在愛你
I LOVE YOU oh yes I do
永遠都不放棄 這愛你的權利
如果你還有一些困惑 Oh No
請貼著我的心傾聽
聽我說著 愛你 yes I doI LOVE YOU oh yes I do
一直在這裡陪 一直在愛你
I LOVE YOU
永遠都不放棄 這愛你的權利」
席間有唔少感人位，其中男方家人對阿嬌高度認可，新郎爸爸致詞時話：「感謝阿嬌成為賴家的媳婦，最大的禮物就是希望阿嬌可以成為自己的女兒，不僅僅是媳婦！」場面感人！
另外，有份出席嘅盛品儒都喺ig上載短片，見到阿嬌拖實老公入場，賴弘國仲忍唔住錫咗阿嬌面珠一啖，勁浪漫！而阿嬌發表感言時，都忍唔住哽咽！
阿嬌致詞時講咗一番好感性嘅說話，佢同老公一個香港一個台灣，兩地唔同背景及文化都可以走埋一齊，真係好唔容易…..講到呢到阿嬌已經喊到收唔到聲。
但喊嘅當然唔止阿嬌一個咁少，阿嬌由頭喊到尾，但其實最先第一個喊嘅竟然係新郎哥賴弘國(Michael)，跟住先係阿嬌，之後輪到阿Sa蔡卓妍、祖兒佢哋都忍唔住喊。
阿Sa同阿嬌組合Twins已經有17年，感情當然特別深厚，見阿Sa影合照時，經常都做出心形圖案手勢，之後攞住支咪祝福一對新人，講講吓就忍唔住同阿嬌攬住一齊喊，心情真係悲喜交集。
三位姊妹當中，阿Sa男友石恆聰（Anthony）咁啱撞正生日，所以嚟唔到，祖兒男友「師兄」劉浩龍都冇到，只有Yumiko鄭希怡就同老公梁學儲(Andy)及囡囡梁浸浸一齊到賀湊熱鬧。
(蘋果日報/on.cc東網)
