【晚晚播通通要讓路】TVB公佈最新播映安排

2018-08-23

日前公佈累積收視超過100億點擊，佘詩曼話：「之前冇諗過可以達到，依家心想事成當然好興奮，哈哈，不枉本宮心機算盡去演繹！」

掀起中港台三地煲劇熱潮嘅大陸劇集《延禧攻略》，唔單止阿佘覺得開心，身為製作人兼監製嘅于正，事後喺微博貼兼暗示會開拍續集：「透露一下《延禧》二的故事：前緣再續，非遺再傳，唯獨愛與美食不可辜負！」

《延禧攻略》中佘詩曼飾演由忠變奸嘅嫻妃

事實上于正喺14年因為先後因為新劇《宮鎖連城》被指抄襲《梅花烙》，《美人製造》抄襲《邪惡催眠師》而被告上法院，之後沉靜咗一段日子，早前于正接受大陸傳媒訪問，當時佢被問到《延禧攻略》熱爆，可覺得吐氣揚眉？佢話：「沒有，因為我也沒有憋屈過！」之後仲話：「你看無論怎麼別人怎麼罵我，我就基本上就是覺得，事實就事實，不是就不是，就沒有那麼多要去計較的東西。」

提到《延禧攻略》選角過程，于正話秦嵐嘅角色係度身量做，嗰陣開戲睇完富察氏嘅生平，已經覺得非秦嵐莫屬；至於吳謹言呢，于正話係俾佢嘅演技吸引，雖然有唔少人將《延禧攻略》同《如懿傳》比較，于正話實情係一啲都唔同，唔使擔心，兩套劇好好睇，從來都冇諗過要去比較。

另一方面，無綫今日公佈《延禧攻略》嘅播映新安排，由本周（8月20日）開始，一連七晚，星期一至日連續播映，10月5日播映大結局。

新增嘅播映時段星期六晚八點半至十點半，即《流行經典50年》同《美女廚房》。無綫稱，周六晚上同時段安排之多個節目，將待該劇結局後順延播出。

(apple daily)

【當晚原來係TVB…】大懵黃建東竟去錯婚宴場地

2018-08-23

藝人黃建東（Derek）一向都好大頭蝦，繼之前搭車跌咗信用卡，呢日佢再有烏龍嘢發生！

佢喺社交網發文指有公司同事結婚請佢去飲，佢本來預啱時間諗住一去到就開席，點知去到見場地仲未Set好……

佢留言：「我較啱時間好老定咁臨開席前行上去中環大會堂二樓諗住一坐低就開波，發覺個場竟然仲未Set好，原來…佢喺沙田大會堂擺。」

佢續指自己兩邊走搞到身水身汗，仲隔空向新郎哥道歉。

最後搞到遲大到，認真瘀爆，事後他分享瘀事到社交平台，並說：「原來沙田大會堂既美心，係唔等於中環大會堂美心！」

有去飲這餐喜酒的王宗堯，就取笑他去錯地方，並將印有地點名的請帖話：「沙田隻字都好大吓！」搞到建東相當瘀皮。

當晚是TVB幕後同事在沙田大會堂結婚擺酒大日子，一對新人應該唔會嬲嘅！

(on.cc)

【懷孕六個多月】針不離身：飯前同臨瞓前都要打

2018-08-23

她出席電影首映，懷孕中的她手腳仍然纖幼，表示現懷孕六個多月：「但屋企人話我個肚好細，趁依家行得好想出吓街，朋友話之後我就唔想出去，會好論盡，好似恐龍咁，還好依家手腳仲呃到人，冇好腫。」她亦謂已知BB性別，但未公布住。

而講到她之前因妊娠糖尿要入院，她表示：「因為血糖指數好高，做產檢時畀人『的』咗入醫院，住咗四日三晚，悶到慌，大肚婆情緒又激動，最後一日我同醫生爆喊講話想返屋企。（依家冇事？）我係中咗妊娠糖尿，同飲食超標，依家要每日打針，出街一定要打針。」

藝人吳日言謂現時每日要打四支針來控制指數：「飯前同臨瞓前都要打，打到生為止，仲要打多4個月，同埋之後要加藥，但醫生話唔使擔心，所以依家每日我真係針不離身。（好痛？）我打肚皮嗰度，已經係最舒服個位，因為最多脂肪，希望BB出世健康，媽媽受苦都在所難免，將來佢大個我會同番佢講呢個紀錄。」

她亦謂在醫院見到其他孕婦入院生B：「佢哋係咁話好痛，啲人又走嚟走去好忙，所以變咗我都聽唔少嘢，都已經擔心緊第時順產定開刀好。（你想呢？）我想試吓做媽咪順產嘅感覺，但又驚痛。」她謂預產期是12月頭，預約了港島的醫院。

曾慶祝江若琳蕭潤邦麵舘開張（資料圖片）

(on.cc)

【驚個仔會唔開心】man爆鄭嘉穎為鄭太陳凱琳遮風擋雨

2018-08-23

昨日一度發出黃色暴雨警告信號，本來中環雨勢唔算大，但鄭生鄭太——鄭嘉穎同陳凱琳兩公婆一到，就忽然變得好大雨。

琴晚鄭嘉穎同陳凱琳係首次婚後夫妻檔現身，黑白配儼如婚禮延續。兩人一到場即落大雨，工作人員本來準備一人遮一個，但雨勢持續好大，結果鄭嘉穎同工作人員講：「不如你俾把遮我啦。」於是一手攬實太太，一手撐傘，man到爆，亦都好sweet，但兩人仍難免一身濕晒。

影完相，鄭嘉穎亦十分緊張，幫太太抹乾身上雨水，以防著涼。受訪時陳凱琳話好開心可以一齊出活動，鄭嘉穎就話嚟緊應該仲有，但就貴精不貴多啦。至於酬勞，鄭太就答OK啦。係咪當家用？佢話：「家用我哋係一齊用0架。」但鄭嘉穎明明之前話賺到嘅所有錢都俾晒太太喎！此時嘉穎插咗句：「你哋多事啦！」

鄭嘉穎解釋話：「因為太太唔識『當家』係乜嘢意思，咁我就同佢講，我以後負責俾錢，你負責管錢。」當一講到「太太」呢個Term嗰陣，兩公婆都忍唔住大笑，而且係咁嗌打冷顫。鄭嘉穎話：「佢係好知慳識儉，所以我好放心交盤數俾佢管。因為佢好精打細算，冇得頂。」100分？「如果可以俾超過100分，我都會俾。」

陳凱琳就話噚晚下廚蒸水蛋，但蒸過頭起泡泡，鄭嘉穎就好溫柔咁同太太講：「唔緊要，我幫你食晒佢。」佢就為太太解畫；「佢唔係成日煮，煮得多先會煮得好。今次如果我唔鼓勵佢，咁我以後就冇得食。希望佢可以從錯誤中學習啦。相信佢下次一定蒸得到。」

至於度蜜月，兩公婆仲夾緊時間，地點已定。咁生BB呢？佢哋就話呢份係上天嘅禮物。對於老友杏兒早前踢爆你鍾意女喎，鄭嘉穎笑：「仔女都鍾意。如果第時生咗個仔，個仔會唔開心，所以都係公平少少。最緊要似媽咪。」陳凱琳一聽到，都好Sweet咁答：「似爹哋都好0架。」是否準備生兩個滿足老公心願？「冇得咁計嘅，睇下天父點俾啦。」但好開心知道老公仔女都鍾意，冇壓力。

（apple daily）

【大情大性好坦白】麥美恩：慢慢地自己就愛上咗…

2018-08-22

一向大情大性自言不懂打扮的藝人麥美恩（Mayanne），笑言不認得自己！Mayanne穿上迷人復古連身裙，網民都讚佢女人味爆燈！

早前拍攝珠寶廣告，以徐小鳳的黑白波點裙懷舊造型亮相。

以卡通角色米奇配襯整個造型的她自言是米奇粉絲：「以前我有畀朋友話過我個樣好似米奇，耳仔大大，性格又好似米奇咁調皮，大家仲成日送米奇畀我，慢慢地自己就愛上咗米奇喇！今次拍廣告着住懷舊衫襯米奇首飾開正我個瓣，個形象既有女人味又得意！夠晒突破！」

還有型男相伴拍攝！

(on.cc)

【除咗何廣沛】面紅紅直認鍾意朱晨麗：都要人揀我㗎

2018-08-22

面紅笑笑口承認：「唔係我揀人，都要人揀我㗎，哎呀，我唔識講，總之大家都係拍劇，講到啲兒女私情我就臉紅。」問佢覺得自己好啲定何廣沛好啲？佢就答。。。

關楚耀今日喺商台宣傳電視劇《特技人》，劇中佢同朱晨麗、傅嘉莉有對手戲，問佢對住兩位靚女有無戲假情真？關楚耀即笑謂：「假㗎，咁我都好鍾意同欣賞朱晨麗，佢好好又搏命，佢係劇入面唯一一個女仔又跳樓又飛車，仲要嗰時係劇接劇拍，有一日佢真係做到暈咗。」問佢見到朱晨麗暈咗係咪好心痛？關楚耀話：「個個都心痛，唔止我o架。」不過佢都話會對呢類型嘅女仔加分。

問佢會唔會考慮同朱晨麗發展？關楚耀笑謂：「唔係我揀人，都要人揀我㗎，哎呀，我唔識講，總之大家都係拍劇，講到啲兒女私情我就臉紅。」

提到朱晨麗有緋聞男友何廣沛？關楚耀話：「我喺化妝間見過佢，有同佢交流演技，不過無見過佢探班喎。」問佢覺得自己好啲定何廣沛好啲？關楚耀笑謂：「咁要問返朱朱（朱晨麗）喎，唔關我事。」

至於傳嘉莉？關楚耀都大讚對方好好，仲笑指佢同朱晨麗係一剛一柔，問關楚耀鍾意剛定柔？佢話：「最緊要剛柔並重，呢排我耍緊太極、做運動呀，哈。」不過佢就話自己o依家都係想專注工作先，愛情暫時排得好後，仲坦言拍劇後多咗登台，嚟緊都會再造新歌。

(蘋果日報)

【范冰冰原來被安置於…】傳當局要驗埋范丞丞DNA…

2018-08-22

36歲中國女星范冰冰（范爺）因「陰陽合同」而陷入逃稅醜聞，有報道指范冰冰及其經理人穆曉光被捕後，有傳二人以「協助調查」嘅名義，被安置於北京一處秘密賓館，而佢18歲細佬范丞丞則被限制出境。

今日有周刊報道指，大陸官方要徹查冰冰，就連緋聞都唔放過，甚至要調查范冰冰同范丞丞嘅姊弟關係是否真確。

范丞丞（資料圖片）
今年已經18歲嘅范丞丞，一直被傳係冰冰私生子傳足18年。

而冰冰入行多年，亦曾與不少曾合作男星傳過緋聞，當中有陸毅、洪金寶、任泉、王學兵、張衛健、王學圻、李治廷等等，其中同洪金寶一段霧水緋聞，源於2003年合拍《特警飛龍》而傳出，更有大陸報道稱洪金寶係冰冰嘅契爺，關係匪淺。

范冰冰早已斷言否認緋聞，更曾入稟法院，要求網民就誹謗言論道歉並索償；而洪金寶並曾於大陸節目《魯豫有約》回應過緋聞，笑言「是真的話我也不會承認」。

（apple daily）

【大力推門走】陳小春叫應采兒改嫁

2018-08-22

æéåé³å°æ¥çåçæå°çµæ

陳小春與應采兒這對夫妻，一個熱情如火，一個沉默冷酷，湊在一起時簡直像一齣喜劇笑點不斷。兩人最近一起出演綜藝節目，他介紹老婆時思考半天，但還是以「八卦、八婆、話嘮」形容老婆，完全不怕回家要跪算盤，嚇得主持人陶晶瑩倒抽一口氣。

▲▼應采兒、陳小春夫妻日常。（圖／翻攝自芒果TV）

應采兒和陳小春的相處模式先前觀眾已經看過不少，但她這次卻動念改變，不想要再那麼直來直往，她說看了其他夫妻真人秀之後有感而發，「我覺得我們活得不夠偶像劇。」就在陳小春還在納悶的時候，她又補充想要換一種生活模式，沒想到老公竟然冷冷地丟了3個字：「改嫁吧！」嚇得她瞪大眼睛。

▲▼應采兒、陳小春夫妻日常。（圖／翻攝自芒果TV）

應采兒想要偶像劇的生活，陳小春直接回：「改嫁吧！」

▲▼應采兒、陳小春夫妻日常。（圖／翻攝自芒果TV）

不過應采兒不放棄，繼續洗腦陳小春：「我覺得我們要有一種新的說話方式。」打算從現在起講話要走溫情路線，聽得老公一臉生無可戀，她為了示範，裝嗲撒嬌：「老公，我們等一下中午吃什麼？」陳小春敷衍：「妳想吃什麼就吃什麼。」聽到她接著要求：「你可以安排一下嗎」更是一口回絕，最後在她發誓今天只要是老公安排的就會喜歡時，陳小春終於忍不住：「吃屎吧！」

▲▼應采兒、陳小春夫妻日常。（圖／翻攝自芒果TV）

一聽到老婆疊字撒嬌，陳小春頭也不回的走了。

▲▼應采兒、陳小春夫妻日常。（圖／翻攝自芒果TV）

但應采兒就是鐵了心要過偶像劇的生活，一看到陳小春起身，立刻戲精上身，皺著眉頭喊：「你去哪裡？你不在我會怕怕。」疊字加上嗲音撒嬌，陳小春拳頭徹底硬了，一個巴掌大力拍在門上推開房門，頭也不回離開，夫妻倆的日常生活互動儼然是一對歡喜冤家。

(ETTODAY)

【年近50】網民驚訝48歲素顏如少女

2018-08-22

幾天前剛過了48歲的生日。李克勤為她慶祝生日，他們之前合作電視劇《黃飛鴻之鐵膽梁寬》結緣，後來因為做鄰居而成為好友。

我們從李克勤上載的照片可以看出，年近50的她雖然是素顏，皮膚卻如少女般白皙光滑，笑容燦爛的她完全看不出已經年近50。

宣萱皮膚好好呀！

宣萱的好朋友當然不止李克勤一個，還有一個人經常跟她的名字連在一起，他是古天樂。

他們曾出演電視劇《寵物情緣》，讓觀眾感受到他們的合拍程度~

後來他們出演古裝劇《尋秦記》，劇中宣萱飾演的烏廷芳十分愛慕古天樂飾演的項少龍，卻遭到了拒絕。

今年，他們主演了一部電影《犯罪現場》。

因為宣萱和古天樂給人的感覺太過美好，他們都是48歲，樣貌背景工作都十分相似，同時都是未婚。就連他們的粉絲都強烈呼籲他們快點在一起就好了！

但是，有感覺早就在一起了，何必等到如今的不惑之年，可惜目前爲止他們都只是好朋友而已。

（騰訊）

【突然曬拖手相】網民勁問係咪拍緊拖

2018-08-22

佢早前喺IG PO咗跟黃子雄的拖手相，令網民勁問佢哋係咪拍緊拖，惹來拍拖揣測。。。

在無綫前後14年的黃子雄（Geoff），代表作有《同事三分親》Vincent（細言生）、《愛‧回家》的查家澤及《乘勝狙擊》三舊石，多演有錢仔或專業人士，簡直是御用上等人。

藝人劉美君（Prudence）早前出席活動時曾大爆自己享受戀愛，更呻話已經一年都冇拖拍，其感情狀況令人相當好奇。點知最近Prudence居然上載咗張震驚網民嘅相，佢喺相裏面拖實型男藝人黃子雄，因此惹來揣測，網民紛紛留言詢問。不過Prudence就以英文留言指所有事情，就算眼見都未必為實，有好多人會為事件捏造故事、加鹽加醋。佢仲強調「你系（係）乜人咪唸（諗）乜野（嘢）囖（囉）」及「我自己放相一定比D（啲）狗仔靚」

由於子雄已有一名拍拖多年嘅女友，所以張拖手相引起熱議，Prudence接受東網訪問時極力否認緋聞：「唔係呀！我唔係拍拖呀！救命呀、嗰張相玩㗎咋，我哋好Friend，由細識到大，冇可能（拍拖），係都唔會無端端拎出嚟啦。」其後她解釋上載照片的用意：「因為嗰日喺商場有人影我哋，我哋咪自己影一張放上去（IG），我想講嘅message係好多人會因為一張相而幻想好多嘢，後果會好大。」

(on.cc東網)