48歲陳浩民同32歲大陸老婆蔣麗莎結婚7年，兩人婚後密密造人，五年抱四，生咗三女一子，6歲大女Elizabeth、4歲二子Cyrus、3歲三女Isabella、2歲孻女Victoria。
蔣麗莎不時在微博貼仔女相晒溫馨，今日佢又出動4名子女吸睛，4個天真無邪小朋友玩「紙盒藏人」扮拆禮物，十分開心。
蔣麗莎留言：「2018最新一批亞洲安娜公主已經出爐，仿真程度100%。能笑，能說，能吃，能玩…隨著時間的推移還會慢慢長大。體重/身高：媲美歐美兒童體型。語言：英文，中文，粵語（三語可自由切換模式）絕對是伴隨一生的最佳『禮物』哈哈哈！」
只有2歲嘅孻女Victoria（丫丫）穿着公主裙，瞓在紙箱內扮公仔交足戲，三姐弟就扮拆禮物打開紙箱，之後丫丫張大眼仔露出甜甜笑容，天真爛漫。
網民留言：「丫丫很可愛」，蔣麗莎回覆：「丫丫超級配合」，網民表示：「丫丫出生的時候，估計她的小哥哥和小姐姐的心情就和拆禮物一樣吧！」
(蘋果日報)
明星風光背後，很多時候都是身不由己的。
阿嬌在出道18年間，無論是在感情或演藝路上，都經歷過許多起伏，但最後她還是憑藉著自己的力量，及身邊人的支持下，滿身傷痕的再次站起來。早前在婚前派對，她致詞時忍不住道出一句：「行到今日好唔容易…」，衆人都明白她的現在的路確實走得好不容易。
她近來上陸綜《舉杯呵呵喝》談及這段過去：「我也沒想過，我也可以從跌倒再爬起來，大家都沒有想到的事情。」
18年前同與蔡卓妍（阿Sa）組女子組合Twins出道，憑著青春活潑可愛的形象走紅，唱出時下好多年青人的戀愛心情，成為全民偶像。
其實當初她根本冇想過自己的未來會向這個方向走，只為一個原因而已：「我從來沒有想過要進這一行，為了賺錢養家給家人更好的生活。」還認為自己個性根本就不適合做明星：「就是不會做人，不會怎麼去表達自己，就是不知道怎麼跟人家說話，就是從小到大都是這樣子，我整家人男人很少女人比較多，所以我這一進這個圈的時候，我很怕跟男生對話，不知道怎麼說我害羞，可能就是成長的經歷影響到這樣。」
她續道出自己出生在單親家庭，沒有與同齡人一樣的正常童年，由幼兒園到小學已經轉校7次，因此不懂得如何與人交流、溝通。
過去組合時期，其實阿Sa的口碑評價好過阿嬌，智商高情商高會做人，而她則只是一個「靚」字，對於這一點阿嬌就認為是做自己：「我情商低又怎麼樣，我就是要做回自己。很多人就說我為什麼你那麼笨呢不會做人？但我就不想啊，不想就是不想，你說我笨覺得的蠢也好，但我就這樣子。」而她就覺得同阿Sa是互補型的，阿Sa是負責表達，而她就比賽喜歡行動的。
不料，最後阿嬌卻選擇了一份最需要偽裝、溝通的職業，因此在出道18年以來，直來直往且不善於隱藏自己的性格，讓她吃了不少虧，也讓身邊人看了都心疼不已。
如今成為家喻戶曉的大明星，不過阿嬌仍然有一個遺憾，如果能夠將時間重回二十年前，她都願意放棄當下的一切：「就是從頭再成長過，我就好像沒有童年一樣，我就希望有一個開心的童年。」令在場人士都覺得好傷感啊！
人生太多的不捨，往往都會令人不禁回憶起來。當被問到最捨不得刪除的照片時候，原來這一個男人是她最不捨……
「這我跟我爺爺。我最疼我的爺爺，那個時候他因為住得很遠，他自己一個人去看醫生我不知道，他自己給車撞過都不說出來，我最後知道我真的很傷心，就原來就是我沒時間去陪他，之後就很後悔沒有花太多時間去找他陪他這樣子。」可想而知，阿嬌一路走來不易，背後的抱負太多了……
平常很少説話的她今次説了一番真情告白及辛酸史，除了感動了在場的所有嘉賓，也希望在聆聽中，可以幫阿嬌扛下一點苦，讓她可以放下一點包袱。
（綜合報道）
有人恭喜佢雙喜臨門，原來即將告別單身，就快結婚！一對準新人襯晒牛仔褲同牛仔裙，一齊拎住「09.10.18」嘅飾物，宣佈咗大喜日子。。。
「新聞之花」張文采，曾經同大台藝人羅鈞滿拍拖，分手之後感情生活變得低調，但今年5月佢同其他舊同事補祝33歲生日，有人恭喜佢雙喜臨門，原來張文采告別單身，就快同消防員未婚夫結婚！
有傳媒影到張文采同未婚夫嘅擬結婚通知書，兩人都居於將軍澳，但就分別住喺唔同屋苑。其實喺5月嘅時候，一對新人已經去咗日本輕井澤影過結婚相。
《蘋果》今日就喺網上見到另一張新相，一對準新人襯晒牛仔褲同牛仔裙，一齊拎住「09.10.18」嘅飾物，宣佈咗大喜日子，而張文采回應傳媒時就好簡單話：「多謝關心。」
(蘋果日報)
雖然已經淡出幕前，不過依然不時喺網上更新動向。今日佢就喺社交網晒出同家人搭私人飛機嘅相及片，仲以英文留言話：「好開心今次同老公同囡囡Cara一齊搭私人飛機，我哋仲有一間大房同大嘅浴室，真係好正，Cara真係好幸福。」
見到佢同囡囡喺機內笑得相當開心，而佢拍片騷嗰個浴室又真係好大，唔怪得佢都忍唔住要影低呢個咁正嘅體驗。好多網民都話Cara咁細個就搭私人飛機，實在令人非常「葡萄」！
前女子組合2R成員黃婉佩（Race）自從2016嫁咗新加坡富商老公David Loh之後就過住優越嘅生活，佢都唔介意Share自己日常嘅幸福生活。
婚後經常到處遊埠，去過馬來西亞、日本、澳洲、夏威夷、法國、西班牙等地多個城市，不計其數！
淡出娛樂圈後，就變身女强人，建立自己嘅事業，創辦咗自己嘅數碼平台，見佢仲不時登上新加坡嘅雜誌，事業家庭兩方面都兼顧得好好！
（on.cc）
「無綫男神」余德丞（Dickson）早前踢波暈倒，幸經過一番搶救與治療，最終平安無事。
Dickson首度喺社交網發文更新，向大家報平安，感激大家一直來嘅關心：「係呢段日子，好多謝全香港，你地（哋）每一位，既（嘅）關心問候祝福同支持 ，希望可以快啲出院食餐好同飲珍珠奶茶」
最後佢仲引用偶像陳奕迅歌曲《今日》其中一句歌詞「抬頭吧黑暗過會是晨曦」感謝大家！佢嘅圈中好友龔嘉欣、胡鴻鈞、羅天宇、何等亦有留言送祝福！
對於余德丞首度開腔報平安，前華姐冠軍鄧佩儀接受訪問時表示：「知佢冇事非常開心，佢件事咁突然，當時真係好擔心，都見佢喺IG放相，大家都可以安心，事發後都令我覺得人生無常，要特別珍惜家人，今日真係唔知聽日事。」
鄧佩儀表示等余德丞復原會請他飲珍珠奶茶，她說：「佢醒番第一時間喺我IG留言，因為我哋都好鍾意飲珍珠奶茶，凡係珍珠奶茶控都會明白。」
(on.cc東網)
女神岑麗香早前宣佈離巢大台，有傳香香公主要準備生仔，搞到唔少fans，特別係男fans受好大打擊！香香現在嘅老闆，變咗係老友李亞男個老公祖藍，香香坦言合作自由度比以前大。。。
香香朝早四點就要出發到拍攝場地，拍到下午個樣依然咁精神，佢話：「今次幫護膚品牌拍廣告，開心價，同拍劇唔同，好多時拍廣告好仔細，有好多人照顧，同埋一定要靚，呢個係好開心事，對白又少好多。不過有關於肌膚嘅對白要記，冇咁口語化，我都要努力去記。」
香香現在嘅老闆，變咗係老友李亞男個老公祖藍，香香坦言合作自由度比以前大，香香話：「我覺得有多啲時間休息，因為平時拍劇好密好密，又要追劇本，每隔幾日七、八十版中文字劇本要睇，對我嚟講會辛苦，拍廣告就幾句對白啫，可以擺多啲心機去做到更靚更舒適感覺。」
如今李亞男懷孕當媽媽，香香有冇羨慕？佢話：「唔係羨慕來形容，一直陪住朋友成長，感覺好幸福同感動，大家一齊同行，可能佢早我少少啦，唔緊要啦，總之見到都好開心。(係咪要加緊造人？)呢啲嘢唔逼得，交俾上天，我會努力，大家放心。」
(蘋果日報)
這位準新娘日前曾透露喜帖印製中，昨日她在社交平台大曬喜帖照，喜帖設計獨特又具心思，以墨綠色為主題，並配上金色字體，看上去並不像一般「紅色炸彈」的喜帖，一貫獨特風格！
內裏的利市封則寫上一對新人CHI＆YIN名字，她說：「婚帖來了 內有送給各位的詩 慢用 那詩我一直改，往來了很多次，勞煩了」大家準備好收「墨綠色炸彈」未呀？
卓韻芝下月15日跟未婚夫梁子賢結婚，早前更親手製作結婚戒指，非常有心思！
未婚夫梁子賢~
相信阿芝婆婆都會好開心！
(ig / mingpao)
太陽娛樂揸弗人周焯華（洗米華）同Mandy Lieu爆婚外情後，正印陳慧玲幾乎同佢離婚，經過一番努力，終於勸掂老婆，兩公婆感情今年明顯係有好大改善，而Mandy呢輪明顯低調咗，洗米華同老婆感情先會有得改善下。
今個月中佢哋又一家人聯同黃柏高（Paco）一家三口、太陽國際現任主席鄭丁港齊齊去咗俄羅斯旅行，直至今日先玩完回歸澳門。
聽講佢哋幾家人於11號抵達到俄羅斯，原來嗰日係洗米華個仔周柏豪嘅21歲生日，所以佢哋到埗當晚就已經幫個仔搞咗個生日會，聽講洗米嫂好有心，一早同餐廳預訂好生日蛋糕幫柏豪慶祝。
佢哋幾家人喺俄羅斯旅遊10日，期間不時有成員將照片放喺社交平台，見到洗米嫂同老公洗米華都親密坐埋一齊影相，唔似之前大合照都要隔住幾個人。
Paco都放咗一啲參觀軍營嘅相出嚟，佢同俄兵、坦克合影，又攞住真槍嚟影相，好威武下！
而洗米嫂揸住槍都好似變身做咗女Rambo咁。
(蘋果日報)
佗緊BB嘅前港姐李美慧（Vivi）數數手指差唔多生得，大住肚嘅Vivi不時出外走走兼做運動，吸收多啲新鮮空氣！
呢日Vivi又坐船出海，雖然就快做媽媽，見佢童心未泯，喺社交網拍片拎住個法式麵包扮電話。
話要打畀啲魚喎，佢就話：「喂，魚仔你搵我呀？係呀，好快落嚟㗎啦，我依家準備整一打麵包你呀，拜拜。」
網民稱讚佢真係好Cute！
（ig / on.cc）
2012年被拍令戀情曝光，但惟有傳男方因搭上空姐，二人拍拖四年後分手收場，更在社交網指「白白浪費咗4年」。知道舊愛結婚時，祝福對方：「祝願佢新婚快樂！將來幸福美滿，甜甜蜜蜜！」
無綫新聞小花又嫁一個！藝人羅鈞滿舊愛、有「新聞之花」之稱33歲嘅張文采將會喺10月同圈外男友拉埋天窗，待嫁新娘早前仲喺社交網發布婚紗相，幸福美滿。
二人日前終於正式入紙註冊，喺擬結婚通知書上，見到張文采嘅未來老公原來細過佢兩年，任職消防員，兩人地址報稱將軍澳，但並非住同一屋苑。
張文采2012年被拍得與羅鈞滿行街，令戀情曝光，但惟有傳羅鈞滿因搭上空姐，二人拍拖四年後分手收場，張文采更在社交網指「白白浪費咗4年」。
而羅鈞滿之前知道舊愛結婚時，亦透過東網祝福對方：「祝願佢新婚快樂！將來幸福美滿，甜甜蜜蜜！」
而張文采今年更獲破格晉升張為廣播總監，漸漸退居幕後，愛情事業兩得意。
(on.cc東網)
