今日38歲生日嘅藝人張栢芝，近日雖然忙於為新劇宣傳，但生日咁大件事，梗係要同佢生命中最重要嘅人度過！
今日凌晨栢芝喺社交網透露細仔Quintus同佢慶祝，見Quintus拎住個蛋糕笑得好開心，難怪栢芝感動到話有仔萬事足，仲希望以後嘅生日都有囝囝陪佢過：「個仔送的蛋糕，有仔滿足的我，什（甚）麼也不緊要，願意將我所有的生日都陪伴着你地（哋），謝謝我的仔女，因為你們讓我得到完全！愛你媽媽上！」
唔少網友都向栢芝送上生日祝福，希望佢一直都咁幸福。
(on.cc東網)
【癌細胞已擴散至全身】被爆已經影定遺照 交代晒身後事
自2013年自爆患癌以後，癌細胞更擴散至全身，幸而她仍樂觀面對及定期接受放射治療30次，過去五年來仍健康地在影壇發展。
近年已擴散全身，不過她積極抗癌之餘，依然有繼續拍戲，有份演出的新片《小偷家族》又於康城勇奪最高榮譽金棕櫚獎。75歲日本老牌女星樹木希林早前便在女兒內田也哉子陪伴下飛到康城出席盛會。
身體麻麻的樹木希林，早前都有出席康城電影節。
不過，與此同時，樹木希林亦已為身後事做定準備。據知她已影定遺照，並已向女婿本木雅弘交代身後事，希望最後可以在家中度過。
樹木希林早前頂硬上隨大隊參與康城影展。
而她早前受訪，對早前病逝的西城秀樹表示難過唏噓，過去曾經合作，但樹木希林表示西城喪禮當日身在名古屋，故未能出席。
年輕時的樹木希林。
樹木希林曾與家人拍全家福登雜誌封面。
(on.cc)
【星期六升呢做人妻】爆阿嬌留喺…
現年37歲嘅鍾欣潼（阿嬌）將於香港時間本周六喺洛杉磯跟台灣「醫界王陽明」賴弘國共諧連理，阿嬌婚前仍然孖Twins拍檔蔡卓妍（阿Sa）到美加做婚前最後巡迴演唱。工作完畢，阿嬌就準備婚禮，升呢幸福人妻。
阿嬌今年初生日時答應賴弘國求婚，兩人決定閃婚，並獲身邊人祝福，阿嬌曾講過最好由未婚夫備婚禮，果然賴弘國落力打點，阿嬌邀得阿Sa及鄭希怡（Yumiko）做姊妹，而Yumiko萌爆囡囡梁浸浸則做花女。
經理人霍汶希（Mani）日前低調飛美，見證「嫁女」阿嬌婚前呢兩日都會留喺店爭取時間休息，Mani今晚同咗阿Sa等友人食飯，Mani今日短訊回覆《蘋果》：「我們今晚難得聚首一堂，和阿Sa出外吃了韓國燒，和梁浸浸玩了一晚好開心，阿嬌留守酒店。」
同Twins剛完成巡唱嘅音樂人Terry，佢都喺社交網貼出三人合照，以及Twins舞台上靚相，待嫁新娘阿嬌穿上吊帶裙，全程笑容燦爛。阿嬌周六安排在洛杉磯一間逾百年嘅酒店舉行婚禮，邀請嘅賓客唔多，全部係阿嬌至親及好友，午便開始招呼賓客進場。
(蘋果日報)
【當然要做足準備】有咗佢 BB同媽咪爹地就可以放心晒喇！
天氣炎熱，一家大細最好的消暑活動就是去游泳！不過年紀太小的寶寶應該要帶些什麽裝備呢？馬上爲你解決！
服裝：泳裝、游泳尿布、防水膠鞋、遮陽配件（帽子、墨鏡）
用具：防曬乳、浴巾、防水墊、裝髒衣物的袋子、玩沙用具、水、小零食、醫藥箱
小童泳衣方面，其實沒有規定幾歲以上的小孩才需要穿著正式泳衣，不過因為一般衣服下水後都會緊貼小孩的身體，容易造成不適，裸身下水可能又會容易著涼底曬傷，因此還是建議替小朋友準備件合身的泳裝。
還有拋棄式的防水尿片（游泳尿片）也是必備的，年紀較小的寶寶還不會控制大小便，穿上游泳尿片可以防外漏，維持環境以及自身的衛生清潔。而游泳尿片有男女及不同的尺碼可以選擇，而且吸水後不會發脹，小朋友可以舒服玩水。
至於鞋子的部分，由於沙灘上可能會有破碎的貝殼、石頭，或是一些人為造成的危險物，若是讓寶寶赤腳玩耍的話，容易使得腳被劃破受傷，因此不論如何都要讓寶寶穿鞋子下水，若是擔心會弄濕，則可以選擇較輕便防水的膠鞋或拖鞋。
（親子天下 / One Day）
【懷孕時胎位太低及出血】徐若瑄無奈地接受囝囝嘅一切一切…
台灣女星徐若瑄（Vivian）向來愛錫囝囝Dalton。當時懷孕的時候因為胎位太低擔心小孩早產，故此徐若瑄需要臥床近6個月直至生產，都咪話唔辛苦。結果又因為長期卧床弄至食物倒流及腦充血。為着腹中BB安全，徐若瑄只好聽從醫生吩咐，每天服10多粒藥外，更先後捱了300口安胎針。不過見到囝囝咁乖，就咩都抵返哂啦！
因為胎位太低及出血，便一直卧床休養。（互聯網圖片）
囝囝Dalton出世時 （圖片：蘋果日報）
母親節時兩母子過得好溫馨！（Facebook圖片）
呢日佢決定「犧牲」自己，化身「玩具」任囝囝魚肉。Vivian喺社交網上載咗一段短片。
片中Dalton扮做髮型師，幫媽媽設計新髮型。
Dalton話徐若瑄個髮型係「圓形」。
貪玩嘅Dalton不停狂摷兼狂摸Vivian嘅頭，之後簡直當媽媽嘅曲髮係公仔麵，起勢咁向外撥做出「炒麵」嘅姿勢，玩得非常開心！而問到Dalton想整個咩髮型嘅時候，佢仲因為唔知咩係「髮型」而回答「圓形」，真係超可愛！
徐若瑄都冇晒囝囝符。
至於Vivian雖然逼於無奈接受新髮型，但都由得囝囝自由發揮，接受晒囝囝一切，果然係好媽媽！
（綜合報道 / on.cc）
【激罕捕獲！】感情事一直都好低調
咁多年嚟都極少同老公一齊出席公開場合。3年前，有報道話佢同老公婚姻亮燈，但之後兩公婆被發現放狗行街，不知幾咁恩愛。
亞姐出身嘅朱慧珊對感情事一向極低調，好似佢95年同法律顧問葉順榮結婚，婚後10個月閃電離婚之後，喺08年同拍拖11年嘅隱形富豪商人賈鈞鵬喺關島註冊結婚，咁多年嚟朱慧珊都極少同老公一齊出席公開場合。3年前，有報道話佢同老公賈鈞鵬婚姻亮燈，但之後兩公婆被發現放狗行街，不知幾咁恩愛。
日前，《蘋果》讀者鄧先生發現朱慧珊同老公孖住去食早餐，兩公婆結婚咁多年依然甜蜜。鄧先生透過《蘋果》「爆相爆片」報料，話日前上午撞見朱慧珊同老公喺新蒲崗Mikiki商場間文華冰廳食早餐。鄧先生話：「我喺入面食緊嘢，見到朱慧珊個老公一個人喺度排隊，原來朱慧珊喺附近行，到有位嗰陣，佢老公坐低之後，朱慧珊就行入嚟坐。佢哋坐咗喺4人枱，不過朱慧珊坐低之後四圍望，應該係想睇吓有冇二人位，唔想同其他人一齊坐。」
鄧先生話之後朱慧珊同老公起身再排二人枱，而佢隱約聽到朱慧珊係講國語，大概同老公研究食乜，但因為兩個人講說話好細聲，側邊啲人好難聽到佢哋講乜。
(蘋果日報)
【喺元朗手持3層樓】公開投資秘方：男人唔夠女人狠
93年結婚，老公在一間上市保險公司任職總經理，兩人育有一子一女，今年踏入銀婚25周年，她笑說：「人哋叫佢黃總，我叫佢黃腫；佢叫我honey，我同佢要money。」言笑之下，盡顯鶼鰈情深。
25年婚姻細水長流，兩夫婦跟升斗市民一樣，為了供子女到外國讀書，想盡辦法搵錢儲錢，張麗瑾成為了師奶股神：「我老公係完全冇錢，佢由messenger做到o依家manager，佢係一個好努力嘅人，我哋夠生活就算，唔會好忙碌爭取多啲錢。直至仔女要去外國讀書，計吓條數，嘩！唔掂喎！佢哋嘅品性好好，只不過學業上唔係好有進度，因為香港教育問題，可能我都有畀少少壓力，令到佢哋驚咗，惟有送佢哋去外國讀大學，於是要諗方法搵嚿錢，有乜可以好快呢？就係做投資。」
為了子女的前途，麗瑾認真學習投資：「成日去聽投資講座，包括投資喺股票、樓市，o依家有3層樓，車位有兩個。」麗瑾公開投資秘方：「唔使全部用晒自己銀包嘅錢，借囉，真㗎！我唔係呃你，借咗錢返嚟，千祈唔好要嚟買嘢，用錢搵錢，講穿即係買股票，可以將股票按畀銀行，佢就會借番一半嘅錢畀你，咁你多咗嚿錢活用，我試過用呢嚿錢買車位，嘩，個車位嘭嘭聲半年賺10萬。」
目前在元朗手持3層樓，麗瑾坦言：「因為我未賣，賺幾多唔可以作準，但起碼都有900萬，不過唔好忘記，900萬有一半係欠銀行。有時男人雖然好精明，但講到投資唔夠女人狠，可能男人要負責頭家好驚青，如果衰咗仔女都冇得食要瞓街，可能諗得好差，但我好狠好夠膽，成日覺得唔會衰到咁，當時我都同老公講，投資喺樓唔會輸。」
麗瑾分享投資心得：「有啲人好驚借錢，睇你點借，有時銀行會叫你借5、6萬，識投資每個月大概可以賺1,000蚊，譬如6個月還晒，就算利息收1,000，你都賺咗5,000，唔好睇少呢5,000，啲錢係一滴一滴積落嚟，但首先要儲錢，冇錢空談。」
(蘋果日報)
【佗B四個月】首晒超聲波照 BB腳仔已經咁長
懷孕四個月嘅佢，宣佈佗B至今依然零孕味，亦未見凸肚。昨晚公開咗胎兒嘅超聲波相，清晰可見BB呈頭下腳上嘅姿勢，她留言道：「BB在肚裏也會做瑜珈的嗎？」
（微博圖片）
網民回應指係「胎教」，大讚BB雙腿好長，又驚嘆BB體型咁大，林芊妤（Coffee）卻可以保持肚皮平坦，而Coffee亦留言透露自己目前係51公斤。
林芊妤Coffee寫道：bb在肚裏也會做瑜珈的嗎🤤？
#ardhahalasana
#yogapractice
#51kg
（weibo / Facebook / sina）
【網民大讚林媽媽好有氣質】林凱恩真係超乖女！
前港姐林凱恩憑處境劇《愛．回家之開心速遞》成功入屋，儲落唔少粉絲，不過講到最忠實嘅粉絲，梗係佢背後嘅女人林媽媽啦！
呢日林凱恩趁唔使開工，做孝順女陪媽咪出街，仲喺社交網晒母女合照。相中見到佢哋搭膊頭溫馨合照，林媽媽仲做埋御用攝影師，幫個女影咗好多張長腿照。
之後佢哋搭地鐵離開時，亦不忘玩自拍，認真貪靚！
隨後林凱恩感性留言表示：「跟她一起少女心，跟她拍拖，是我的職責。備註：她是我最忠實的支持者。」唔少人都大讚林媽媽好有氣質，果然有其母必有其女！
(on.cc東網)
【有曾志偉照住！】屋邨妹飛上枝頭 進駐三千萬豪宅
現年26歲的她入行至今已12年，單親家庭長大的她自小家境清貧，與母親及兩名弟弟居於柴灣漁灣邨百呎公屋。身為長女的她為幫補家計，14歲時已經半工讀，兼職平面模特兒養家，及後雖然參與不少電影演出，但依然要「身兼母職」，照顧弟弟幫手洗衫煮飯，慳得就慳的她曾表示靚衫都唔多件。
不過，王敏奕（Venus）早年拍攝劇集《女人俱樂部》，令事業終見起色，成功入屋被網民捧為「氣質女神」。直至近日，她在熱播劇《飛虎之潛行極戰》演女飛虎大獲好評，被讚樣靚有仙氣外，演技亦進步不少。
王敏奕於熱播劇《飛虎之潛行極戰》演女飛虎，Part住一眾猛男，萬綠叢中一點紅！
事業如意愛情亦得意，Venus與曾志偉兒子曾國祥（Derek）拍拖多年，雖然年紀相差12年，但拍拖以來一直十分甜蜜，她更盡得「未來老爺」曾志偉歡心！
早前志偉新餐廳開幕時，兩人被要求合照，志偉即親自拉着Venus拍照，可見早已視對方為「新抱仔」。有「未來老爺」錫到燶，Venus的生活明顯愈來愈富貴，一直被指與男友同居於九龍塘的她最近再度升級，拍拖進駐被圈中人視為風水地的貝沙灣，兩人於該處的3,000萬豪宅同居，實行終極脫貧。
Venus日前被發現由男友驅車接載下， 離開貝沙灣愛巢直駛往西環行街。戴黑超的兩人泊車後即往餐廳醫肚，食飽後又拍拖到附近店舖購買紅酒及牛扒。
及後再轉戰街市選購各款蔬菜。期間二人有商有量，Derek不時氹到女友甜甜笑，廿四孝男友上身的他，還主動拿着大袋戰利品，取車後即急急返歸煮飯仔二人世界。 
(ON.CC)