產後兩月的名模Ana R.出席慈善活動，未收身的她依然肚凸凸，她說：「因為開刀生BB，唔可以咁快做運動，但老公已計劃咗一連串嘅收身運動，佢本身係教拳，會做我私人教練，而且會想全家人都可以一齊運動，阿女Maya大啲可以做，阿仔Ryan雖然仲係BB，但都可以郁吓佢啲手腳。」
她表示目標是減20幾磅：「我想減番做模特兒時嘅體重，因為衣櫃有好多靚衫着唔到。」她指原定要花兩年時間才可以回復模特兒身形，但她希望半年可做到。
兩個月重16磅
Ana R.透露囝囝是超巨型BB，已重16磅：「啲人問佢係咪四個月大，其實得兩個月，佢都好大食，每三個鐘就要好集中咁餵一次人奶，佢好有力，好似一條香腸。」
有一個半工人幫手
Ana臨生前冇工人照顧，樣樣親力親為，十分辛苦，問到現是否已有工人？她說：「有啦，依家有一個半，半個係Part Time，因為個女要返學，我要專心湊仔，唔可以分身。」
問到貝安琪11月結婚會否去飲？她則踢爆Rosemary星期日搞Baby Shower，笑言到時就知。
(on.cc東網)
藝人鍾嘉欣於加拿大順利誕下B仔，並語帶喜悅跟大家分享這個喜訊：「大家好，好開心今日同大家宣布，我啱啱生咗個仔，好健康，佢個名叫Jared Anthony，佢都算係一個大B，出世有七磅十四安士重，有好多、好多頭髮，同埋好似好似家姐Kelly，全家講笑話我好似生咗龍鳳胎，因為Jared同Kelly真係好似樣。」
嘉欣都話Jared同Kelly真係好似樣 ~
今次生產，嘉欣選擇了在屋企分娩，過程相當特別：「今次生產好順利，順產，好痛、好痛，好痛，最特別選擇咗喺屋企生，因為加拿大好支持Natural Delivery（自然生產），我好感恩、好幸運，搵到一班好好嘅助產士，佢哋比咗我好多Emotion Support（情緒支持），畀咗好多Personal competencies（靠個人能力）嘅技術、方法，令生B嘅過程更安全，教我去聽自己Body去生BB，我覺得呢種方法好Empowering（有自信、自在），所以選擇呢個方法生，絕對係一個好難忘嘅經歷，同個仔一齊、同我嘅Family一齊。」
嘉欣屋企喜獲新成員，但她直言不會因此忽略囡囡：「依家我休養期間，要坐月、要照顧好個仔，同埋好緊要，要照顧家姐Kelly，因為呢個時間，始終突然多咗個BB，要放番多啲時間喺Kelly身上，令佢覺得OK，依家我忙緊呢一樣嘢，好希望好快可以介紹囝囝畀大家識，好希望見到大家，大家都要Take care，好多謝所有朋友、觀眾、傳媒支持同祝福，唔講咁多住，我都要瞓覺喇，byebye！」
（on.cc）
藝人岑麗香的好姊妹鍾嘉欣公布第二個孩子出世，兒子出世重逾7磅。
講到嘉欣選擇在屋企自然分娩，香香大讚勇敢：「佢喺屋企生，當然有專業人士協助，但係都覺得佢好勇敢、好成功、好犀利呀！呢段時間佢應該好攰，希望佢好好休息，每一個Moment都同屋企人一齊好好珍惜。」問她會否加把勁努力「造人」？她則笑說順其自然。
香香又表示：「佢哋已經有個「好」字，真係好好！不過，暫時仲未Feel到佢似嘉欣定佢老公，反而覺得佢好似家姐Kelly，一個男仔版嘅BB Kelly囉，好得意，哈哈。」
(on.cc東網)
34歲嘅女星鍾嘉欣宣佈於家中為老公Jeremy 誕下細仔，恭喜晒！
佢嘅好友王君馨向傳媒表示：「戥嘉欣非常開心！因為佢今次係喺屋企自己生咗個BB出嚟嘅，覺得佢好勇敢同埋犀利，哈哈！佢亦慢慢更加接近佢嘅夢想，因為佢好鍾意小朋友，好想生好多個。咁已經有一男一女湊夠個『好』字，真係好戥佢開心，又戥Jeremy 開心！祝佢哋一家人身體健康、平平安安、開開心心！」
問嘉欣老公有冇幫手接生？君馨表示：「我又唔知喎，但我諗佢想試一試一個喺屋企最natural嘅方法自己去生，咁一定有一個識得幫佢接生嘅人喺度，我唔知嗰啲叫醫生定係Birth mother…我唔知點叫，但總之有一個專業人士喺屋企幫佢接生，細節就唔清楚喇！」
而另一位好姊妹李亞男就表示：「唔知道詳情，淨係知佢生咗，事前已經恭喜左佢，謝謝！」
（on.cc）
今日兩人齊齊現身亞視，宣佈她們擔任亞視新節目《香港追擊搜》主持，這個節目將會於10月1日以live形式推出。兩人先後離開無綫後，亦曾有合作做主持，不過是次新節目則會較少碰頭機會，訪問期間，似乎兩人都好滿意酬勞。
當周嘉儀表示大家是同期主播時，黃紫盈笑着反問：「同期？」嘉儀才補充：「我早佢幾年。」黃紫盈即刻叫了聲「師姐」。
前無綫兩大女神主播周嘉儀和黃紫盈
對於入亞視，周嘉儀說：「今日早咗入嚟化妝，同佢講開，原來佢又係喺化妝間，但大家隔住一面牆見唔到。（覺得同以前無綫分別好大？）拍攝都係咁進行，同事都好專業，好有交帶，分別不大。」
而黃紫盈同樣表示沒有大分別，指是網絡媒體，合作好快上手，問到酬勞如何？她說：黃紫盈話：「有誠意合作，開心過以前。」
數年前曾與陳豪出席活動 (資料圖片)
而周嘉儀亦表示非主要向錢看，自言很久都沒有在幕前出現，希望獲得滿足感，兩人均表示希望做個好節目，這點比錢更重要。
黃紫盈數年前在鏡頭前失控，含著淚報新聞引起外界頗關注，當時盛傳張文采以上司身份向她欺壓，顯然她在TVB的工作生涯不太愉快。故此，今次她轉投亞視，暗示「開心」最重要。
（資料圖片）
(on.cc)
恭喜35歲榮升爸爸！佢上載一家三口的手指相宣布BB出世，留言說：「無論我貧窮富貴，順境逆境，此生我們三人相依為命，不離不棄，感謝所有支持和相信我們的人，感恩」
而薛之謙妻子高磊鑫也在自己微博上載同一張照片，留言稱：「無論你貧窮富貴，順境逆境，此生我們三人相依為命，不離不棄小雪糕來報道啦感恩。」網友見此紛紛留言：「你們要幸福」，「小雪糕！幸福啊！」
薛之謙於2009年與模特兒高磊鑫傳出緋聞，三年後二人正式結婚，可惜婚姻只維持三年時間，最終2015年離婚收場，後來兩人在2017年復合。
(on.cc東網)
現年34歲，已育有一女KELLY的鍾嘉欣第二胎仔仔出咗世喇，重逾7磅！
佢今日喺IG公布喜訊：「To our Son, Jared Anthony Leung. Welcome to our family. We love you. 💙💙💙 lovelovelove -JKL→→→JJKL-」
見到BB個樣肥嘟嘟，好可愛鼻大大，仲識CHOK添，同爸爸好似樣，嘉欣仲已經幫仔仔改咗英文名叫Jared Anthony Leung。
(on.cc東網)
藝人吳岱融在電視劇《巨輪II》中飾演高天鷲一角備受讚賞。
他在社交網上載了一張醫院內的黑白相片，並發文表示父親離世：「我們三兄妹一直候在身旁，爸爸昨晚上8點26分安詳離去了，多謝你以往對我們的辛勞。We Love You（我們愛你）。」
不少粉絲都留言送上慰問。
吳岱融接受《東網》訪問時表現哀傷，他表示父親終年83歲：「老潮州對朋友夠義氣，記性好好，煮得一手好餸，同埋係老頑童一個，肯接受新事物，例如肯學用智能電話。」
(on.cc東網)
相中見佢哋喺一間裝潢優雅別致嘅豪宅搞咗個Party！合照中，位位靚女保養得宜，仲係同當年一樣咁省鏡！
圈中有唔少閨蜜團，講到最有分量嘅，一定唔少得有鄭裕玲（嘟姐）、顧紀筠、丘凱敏、劉曉彤 、宣萱、吳美珩等組成嘅美魔女團。呢日，嘟姐又約咗呢班鐵腳見面喇，不過今次就唔見吳美珩，嘟姐喺社交網晒相兼留言：「再來幾張昨晚聚會的相片，最後那個蛋糕不是送給我的，因 ＠koolooban（顧紀筠）也是9月份生日，這個是她的兒女所送的，很別緻！」
原來佢哋呢次gathering係為咗幫同樣係9月頭生日嘅嘟姐（61歲）同顧紀筠（56歲）慶祝，相中見佢哋喺一間裝潢優雅別致嘅豪宅搞咗個Party，開香檳之餘，仲嚟個靚Cake大晒冷！合照中，位位靚女保養得宜，仲係同當年一樣咁省鏡！
壽星女顧紀筠都有喺社交網留言：「謝謝幾位好友昨晚美好的相聚，總是如此的自在開懷！祝Do 姐生日快樂！身體健康！平安和樂！」另外，佢仲晒出多張蛋糕集郵照，其中一個由仔仔送嘅Cake仲相當有心思，集名牌手袋、化妝品、狗狗、鮮花於一身，相當搶Fo！
(on.cc東網)
昨日有媒體踢爆指出，四大天王之一的郭富城為一歲女兒辦生日宴的時候，公開在宴會上宣布「雙喜臨門」，暗示太太方媛已經成功懷上第二胎。
後來媒體再向郭富城的經經理人小美求證，她的說法卻十分曖昧。
小美先是表明自己現階段沒有收到「方媛懷孕」的消息，接著給自己留了後路，說如果這件事是真的，希望大家能夠祝福郭富城。
小美這樣的表述，是不是代表了默認？只是因為方媛懷孕還沒有滿三個月，所以才保持低調。
在「二胎」消息曝光之前，郭富城與方媛一起到商場逛街購物，被記者拍了下來，如果懷孕消息屬實，那出鏡的方媛就已經是孕婦了。
方媛的身材依舊苗條，看上去沒有任何變化。
不過，平常喜歡穿高跟鞋的她，這天卻換了一對波鞋。
後來，郭富城發現有記者，通知方媛，方媛即下意識保護孕肚。
之後，兩人匆匆忙忙上車離去。
女兒出生之後，郭富城很想再要一個兒子，希望能夠將自己的興趣愛好與兒子一同分享。
有傳媒猜測，今年7月，當郭富城回到方媛家鄉補擺喜宴的時候，慶祝結婚以及女兒出生，他們的第二胎很有可能就是當時懷上的。
(騰訊)
