問到依家佗B情況？佢話：「依家5個半月，我開始feel到有啲攰，有時會腳會少少抽筋，可能啲筋緊啲，老公有同我『鍊』吓。我哋啱啱去完大阪旅行，行好多街，腳有啲腫，我又唔敢搽按摩膏，休息為主。」

佗B約5個多月嘅董敏莉（Monie），早前跟律師老公莊耀金去咗大阪享受Baby Moon，由於佢個肚開始天天脹大，所以有時會腰痠背痛，行多了會攰同抽筋，但距離「卸貨」仲有起碼4個月，Monie開始諗計改善，佢聽好多孕媽媽分享不妨做吓大肚瑜伽，於是佢就去向瑜伽導師如楓拜師。

董敏莉前年嫁給律師老公莊耀金，今年底二人世界將添新成員（資料圖片）

仲話未feel到BB喺肚中踢嘅感覺，「反而有彈吓彈吓，可能佢仲好細隻，未有話胎動，遲啲先會，醫生話佢依家喺我肚中游水。」Monie話初孕有嘔得好犀利，佢話：「又嘔又食唔到，瞓唔好，依家情況穩定番，初初有幾個月，我停晒冇做運動，成日瞓，依家BB開始大，人會易攰，頸開始緊，所以今日做吓瑜伽，拉吓筋係好啲，我都會盡量keep住做吓。」

BB預產期喺12月初，但Monie卻有預感BB會提早出嚟，話唔定同佢一樣喺11月尾生日。Monie未決定剖腹定順產生B，「第一次產檢，醫生話發現我有子宮肌瘤，佢嘅位置近產道，可能冇得揀順產，但醫生話有機會會改變，可以遲啲先決定。依家每次產檢，都會睇下肌瘤大細，暫時BB喺上面，肌瘤喺下面，唔會影響大家。開頭知道子宮有個肌瘤，我都驚，我有上網睇肌瘤對BB有乜嘢影響，好彩位置唔影響，只影響生產方法，都OK。」

Monie老公一早答應陪老婆入產房打氣，「佢要剪臍帶。」好多星爸爸剪過臍帶，佢哋都形容似「剪豬腸」，Monie話：「佢未練，佢有問我，我都聽講唔容易剪。」Monie夫婦都鍾意小朋友，但因為肚中嗰個未出世，佢唔敢決定幾時再追多個，「生咗呢個先，呢幾個月以嚟，每日都有唔同感覺，係開心嘅，但唔同階段，去產檢時都有唔同嘅擔心，生咗一個先再諗。媽咪已經催定我再生，心急過我。」

身形瘦瘦嘅Monie個肚唔算大，佢話只係重咗5、6磅，係正常標準，「之前成日嘔，體重輕咗，呢排有返胃口，體重先追番，我佗B後胃口少少變咗，我鍾意食皺皮瓜，尤其鍾意食水果，只係戒口唔食生嘢。」Monie已開始買嬰兒用品，佢話：「買咗BB衫、奶樽、嬰兒車同玩具，得閒就買。」Monie話坐月有媽咪幫手，但佢會想學自己湊BB，「依家同老公喺屋企，用公仔模擬真BB，學吓點抱同換尿片。」

（apple daily）

現年48歲嘅藝人鍾麗緹和張倫碩2015年被爆戀情，當時這段相差12歲的姐弟戀並不為外界接受，甚至張倫碩的父母一度氣結不敢信為什麼兒子會找一個四十多歲的女人談戀愛，但是在張倫碩的百般勸說下，父母最終還是同意了兩人交往。2016年11月兩人大婚，之後兩人恩愛的日常生活也逐漸受到了網友們的祝福。

眾所周知，她曾經有過兩段失敗的婚姻，甚至已經有了三個女兒。她和張倫碩結婚後感情甜蜜，最大的夢想就是能夠和張倫碩擁有一個屬於自己的寶寶。不過如今的鍾麗緹已經48歲，屬於高齡產婦，甚至懷孕的幾率都十分小，而且伴隨著種種危險。

兩人結婚兩年，她的肚子仍然未見動靜，這也令許多擔心她的粉絲著急。前不久兩人結婚兩年，鍾麗緹肚子仍然未見動靜，這也令許多擔心她的粉絲著急。不久之前鍾麗緹現身機場，被拍到身體嚴重發福整個人都胖了一圈，明顯圓潤不少，有傳是「幸福肥」所致，亦有指她達成心願成功懷孕！當時有不少網友懷疑是不是已經懷上了小寶寶。

終於鍾麗緹於社交網站解釋身材走樣的原因，並非懷孕或幸福肥，而是因為這半年來在嘗試做試管嬰兒，可能受藥物影響，賀爾蒙或者內分泌有了問題，導致身體有一些變化。她還表示因為做試管嬰兒更加瞭解了做母親的艱險和不易，希望能跟張倫碩有一個屬於自己的小朋友，讓心中得以圓滿，希望得到大家的鼓勵和祝福。

看來鍾麗緹已經準備好再度懷孕，她老公也很支持她，那我們希望他們兩人都有自己的BB吧！

（綜合報道  / 騰訊 / on.cc）