今年3月中，二人低調喺君悅訂婚，當時已經懷孕，不過兩人計劃待BB出世先結婚，日前BB女喺養和醫院出世，佢就破例貼了BB女相，並寫下「Hello World !? What’s going on…」
已故亞視創辦人邱德根孫女、邱達昌大女邱詠筠（Winnie）同細佢3歲嘅35歲首位華裔一級方程式（F1）試車手董荷斌秘戀，今年3月中，二人低調喺君悅訂婚，當時Winnie已經懷孕，不過兩人計劃待BB出世先結婚。
董荷斌有「賽車界林志穎」之稱，近年加盟成龍所擁有嘅耀萊成龍DC車隊。
另Winnie一班閨蜜如徐子淇、何超瓊同林恬兒姊妹等五月嗰陣為佢搞咗個baby shower，當時已預告腹中BB性別係女。
Winnie同董荷斌呢Pair一向低調，二人嘅Ig都唔貼合照相，不過日前BB女喺養和醫院出世，Winnie就破例貼了BB女相，並寫下「Hello World !? What’s going on…」
相中B女頭髮多，眼細細皺眉頭，相當精靈，有朋友就留言話BB表情似媽咪；Winnie妹妹邱詠賢（Wendy）就喺Ig story貼咗父母邱達昌吳惠平探孫女嘅情景，吳惠平抱住外孫女，外公邱達昌拎手機影相。
邱達昌喜事連連，外孫女更是打孖上。Winnie就啱啱生完，佢二女Wendy其實亦懷孕31周，估計下月中生得。
上月Wendy喺社交網貼咗張大肚寫真相，稱為BB改名叫Chloe。
之前Wendy已經有個仔同一對孖女，今次係第4次做媽媽，邱家上下認真熱鬧。
(蘋果日報)
郭富城日前在迪士尼為寶貝囡Chantelle慶祝1歲生日，小公主出世至今，被親親爸爸嚴密保護，城城從來冇在社交網晒囡囡正面相。
反而城嫂就忍唔住，在母親節於微博晒抱囡背影相，唔知幾時城城會貼囡囡正相靚相呢！
