湯洛雯妹妹湯樂瑤( Cassandre ) 最近人氣急升，佢日前開咗個「誠實app」Sarahah，唔少網民恃住匿名留言，盡講一些不禮貌的說話，例如問佢有無接客，甚至有幾個網友直言想同佢發生性行為，雖然Cassandre 都以幽默化解尷尬，其中一個回應係「我想發達，不過都係想吓好啦」，暗叫該名網友別妄想沾污女神。雖然Cassandre 無為這些留言表現出唔開心，但家姐湯洛雯就為此而動氣喇。

湯洛雯昨晚深夜在IG 發文，大罵某些不尊重妹妹 Cassandre的網民，「當你喺這些App上問我妹妹問題時，請尊重她，有啲問題真係令我好嬲，尊重啲！！！(Please respect my sister when you ask her questions on those app. As a sister, some questions really piss me off. Show some respect!!!)」睇得出，湯洛雯同妹妹Cassandre 非常要好，Cassandre 有講過佢係家姐的頭號粉絲，而今次妹妹畀人欺負，湯洛雯又為阿妹出頭，兩姊妹真係非常有愛！

湯洛雯同妹妹湯樂瑤感情非常要好。（IG圖片）

湯樂瑤

（hk01）

天后王菲依家作風低調，昔字如金，連喺鏡頭前現身嘅時間都少之有少，就算數當年嘅王菲經典舞台造型，都係型到爆炸！曾經成爲潮流指標！一向賣靚聲嘅王菲竟然罕有跳舞？

最近就有一段王菲16歲時嘅表演片段曝光，未做天后嘅佢楚楚動人，大家仲有機會見到當時佢罕有嘅青春少艾、載歌載舞嘅清純Look添～

天后？真係天后？簡直係Young到爆！

擺吓手仔~

片中王菲一身全紅少女打扮上陣，紅Tee加紅色長裙，蓄短髮，輪廓突出，加上佢身形高挑，喺一班少年之中明顯養眼，加上佢係主唱，鏡頭成日都會Take到佢大頭，仲可以睇到當時清純稚嫩嘅未成形天后，而表演中由佢做領唱，靚聲當然不在話下，呢個王菲相信大家都好少見到喇！

真係純過蒸餾水～

(on.cc)

藝人陳展鵬出席活動，談到他日前為內地應用程式所拍攝的海報，被指樣貌疑似整容膠樣，問是否覺得不似自己？

他說：「早排影㗎喎！似唔似要交畀觀眾去睇。（會唔會唔鍾意？）冇啦！」問到張海報相可有被人P過？他指內地公司可能趕時間出，自己覺得張相沒有問題：「最重要大家見到我。（自己平時會P圖？）呢啲女仔就鍾意，但有時覺得太重手會妖味重，就麻麻哋，叫佢哋唔好亂擺上網。」

 陳展鵬表示最近甚少出席活動及宣傳工作，這次當作宣傳6月底播出的古裝新劇。問可會擔心網民真的誤以為整容？他說：「我喺呢行都廿幾年，我有冇整容，同之前話瘦面同割雙眼皮，我覺得呢啲茶餘飯後傾吓笑吓都OK，真金不怕洪爐火。（接受微調？）眼見好多女仔畀韓國潮流帶動都幾犀利，但如果畀到自己信心、唔傷身同沉迷，我覺得係可以。（畀你會整邊Part？）我男仔唔使啦，但會做皮膚護理同做美容去班，因為自己鍾意打高爾夫球等戶外活動，所以係幾幫得手。（有打過班？）冇，但接受。」

陳展鵬仲話唔嬲當係宣傳：「嗰張圖唔係有冇俾人P過，而係國內公司宣傳，可能好粗糙趕時間去做，我覺得冇問題。」

(on.cc / apple daily)

年初宣布與男友訂婚，「閃婚」過程非常順利，婚禮已定了在今年九月十五日，在中環外國記者會舉行，婆婆證婚、事業上的伯樂俞琤擔任主婚人，而好姊妹鄭秀文就會做伴娘。

Sammi除了擔任伴娘，還替阿芝揀婚紗，阿芝很信任她的眼光。

阿芝的婚禮定了在今年九月十五日舉行，有沒有特別意義？她說：「其實是他媽咪揀了幾個好日子，而九月十五日，因為我和他都不用開工，哈哈！很隨意吧，而且大部分朋友當日都在香港。斟茶過大禮都會照做，但婚禮就希望free style一點，我覺得婚禮不是要朋友們氹我開心一晚，是想藉今次讓大家聚在一起，婚禮會在中環外國記者會舉行，因為我和子賢都很喜歡一些有歷史味道的地方。」

今年三月，阿芝和未婚夫到地中海馬爾他預支蜜月，在當地認識一位攝影師，知道他們快要結婚，就提議幫他們拍攝一輯照片。

未婚夫喜愛藝術，就連求婚戒指都是他自己設計，「拍拖不久，他話去學打鐵，原來是造了一隻手鐲送給我，後來我才知道，他去學打鐵，是因為之後做求婚戒指時，亦希望在戒指打上紋路，他的確是一個浪漫的大小孩。」而結婚戒指，他們已決定各自設計，「我跟他說好，我一定造得好『肉酸』，我識鬼打鐵咩？」

子賢很多時都給阿芝驚喜，在電話求婚之後，有一天在阿芝屋企，子賢拿了一隻露營杯送給阿芝，後來發現杯內有「包嘢」，打開就發現是一隻鑽石戒指，阿芝開心得馬上遞給婆婆看，阿芝說：「點知阿婆馬上拿自己的結婚戒指出來比較大細，女人的本性，她說『你就好啦，咁大粒』，我諗我要補返一隻戒指給婆婆了。」

阿芝和婆婆關係要好

阿芝和婆婆關係要好，不過第一個知道阿芝訂婚是另有其人，「我始終是一位作家，最重要的事覺得要在自己的書本告訴大家，雖然現今是網路世界，但書本是我最重視的地方，第一個知道是新書的編輯，早過婆婆知道，我只想安排妥當才跟婆婆說，但她有直覺，有一晚食飯突然講『其實旅行結婚咪得囉。』嘩！我幾心虛呀！」雖然未正式「入門」，但阿芝婚後仍然會跟婆婆住，現在已經開始適應「三人行」，阿芝說：「婆婆會點他去收衫，又會煲去濕茶給他飲，沒有想過婚後在居住上會有改變，一定是三人行。」

（mingpaoweekly）