上年離婚，兩人稱分開不涉第三者，主因係性格不合，之後傳女方喺離婚前有努力挽救婚姻，不過最終都係唔成功，回復單身後，被法籍廚師Olivier力追，喺囡囡支持下，決定展開戀情。
梁芷珊同男友Olivier正喺熱戀期，敢於重投愛情，噚日佢喺IG罕有貼出與男友合照，不過男友Olivier只做「影後」，梁芷珊展露甜笑，原來佢哋o依家蜜運台北，相中見二人身在饒河夜市旁邊嘅松山慈佑宮留影，睇嚟感情幾穩定，之後佢哋去咗嘆日本菜，梁芷珊食最愛嘅海膽，即「相機先食」，幸福咁喺網上留言打出兩個心形符號，朋友見梁芷珊蜜運中，有愛情滋潤，不禁讚佢「變回以前那樣漂亮」、「容光煥發」、「笑得好甜」。
（Facebook / apple daily）
著名填詞人黃偉文（Wyamn）喺圈中一向人緣甚佳，趁住21日佢牛一，咁就搞咗個生日派對慶祝，呢個Party仲指定要一身珠片先至可以出席！見各人都好畀面Wyman跟足Dresscode出席Party，Wyman都表現得好風騷，玩得好盡興咁款！
大合照~
一向古靈精怪嘅佢冇直接講今年係自己幾多歲生日，只係留言話：「七七四十九歲！ 珠片之夜！多謝大家！」
仲貼咗一張星光熠熠嘅大合照，相中有徐濠縈、鄒凱光、王菀之、鄭欣宜、薛凱琪、吳君如與老公陳可辛等人，其中最搶鏡嘅莫過於藕斷絲連嘅容祖兒同劉浩龍。雖然佢哋搵咗王菀之幫手掩護，不過睇得出佢哋係身貼身咁企埋一齊，完全唔避忌，令二人似斷未斷嘅5年情更加撲朔迷離！
劉浩龍
(on.cc)
近年真的越來越流行看舊劇，《刑事偵緝檔案》《真情》《男親女愛》等劇中的演員演技，真的會令人看到拍案叫絕。不過牡丹雖好，都終須綠葉扶持，其實綠葉之中都不乏唔少「影帝級」的資深演員，就好似在1997年《天龍八部》中飾演四大惡人之首「段延慶」的李鴻杰（傑哥）（英文名：Bruce Li）。
《大唐雙龍傳》
早前宣布再度懷孕，雖然BB好快出世，但佢都冇冷落大女，趁住今日好天氣，佢孖住老公帶埋囡囡去游水，已經踏入懷孕第36個星期嘅佢，着住三點式晒巨肚，上圍仲明顯升Cup，但最令人羨慕係佢手手腳腳仲係好纖瘦！
另外，佢又上載幾條短片，見安志杰化身游泳教練教Tessa游水，用水泡幫助囡囡，而Tessa一啲都唔驚，仲用力咁踢水，望住Tessa呢個舉動，安志杰都流露出慈父嘅樣，一臉冧爆！
(on.cc)
待嫁新娘鍾欣潼（阿嬌）將於5.25（香港時間5.26）喺洛杉磯結婚，嫁給台灣「醫界王陽明」賴弘國，目前阿嬌同好姐妹蔡卓妍（阿Sa）喺美加舉行婚前最後巡唱。
前晚Twins喺洛杉磯站開騷，兩女請咗一位男粉絲上台合唱《死性不改》，男粉絲竟然猴擒想拖阿嬌隻手，準人妻阿嬌嚇到極速縮開，全場尖叫噓爆。
當時企喺Twins中間嘅男粉絲，唱唱下歌忽然伸手「狼」手，當正自己同阿嬌好熟咁款，想同阿嬌玩手拖手唱歌，醒目嘅阿嬌即刻避開，將左手收埋喺條腰上面，用揸咪嘅右手遮住自保。
男粉絲若無其事繼續自high唱歌，唱完之後仲為自己鼓掌，轉身落台時把握良機同阿Sa握手，終於如圓得償得戚落台。
然後縮開(微博圖片)
之後阿嬌就撒嬌投訴：「佢想拖我隻手！」阿Sa聞言手指指表示：「嘩！我都未拖！」全場爆笑；估唔到呢位男粉絲事後將片段擺上微博炫耀：「想不到可以和偶像twins合唱」網民留言：「真的太好笑了，阿娇避开那一下！」
(apple daily)
黃曉明老婆Angelababy凌晨兩點喺社交網撰文呼冤：「我能做的也就是吸收掉那些惡言惡語，然後化作正能量再釋放出來。」
參加大陸綜藝節目《奔跑吧》疑享有特權，喺水上環節同鄭愷、沙溢一齊競賽時，兩男頻頻被罰落水變落湯雞，相反Baby就獲得特別照顧，被扔落水及被噴水嘅機率少好多，有網民嘲Baby：「是不是玩不起」、「跑男不適合你，回家當公主去吧」、「萬萬沒想到，你全程只被淋了一次水！太強大的背景了」。
估唔到Baby都好留意網民睇法，今日凌晨兩點喺社交網撰文呼冤，自爆錄節目當日遇上「姨媽到」，佢話：「我能做的也就是吸收掉那些惡言惡語，然後化作正能量再釋放出來。那天錄製我確實是生理期，以前也不是沒有生理期下過水，但這次是生理期第一天，會比較難受。但我也從來沒有說過不能下水，真的玩不起就不會坐上那把椅子了。冷和害怕都是真的，因為不知道甚麼詞和動作會觸發彈椅和噴水。結束後才知道哥哥們確實有照顧我，當時覺得心裡挺暖的。」
Baby還送上一張烈焰紅唇相，做出心心手勢，粉絲紛紛留言撐「這個社會對女性太苛刻，坐在屏幕前敲鍵盤的，也太陰暗了。加油，baby」、「只有女生才懂女生生理期的痛」。
(apple daily)
影帝梁家輝喺圈中向來都係出咗名嘅模範爸爸，一有時間就會陪老婆江嘉年同一對孖女梁穎晨（Chloe）同梁靜禧（Nikkie），一家四口可謂幸福滿瀉！
（資料圖片）
尋日正正就係老婆生日，仲要係佢同老婆結婚31周年，佢就同一對孖女準備咗驚喜同老婆慶祝。Nikkie同Chloe喺社交網上晒咗多張佢哋慶祝嘅相，一對孖女仲親手整咗個蛋糕畀佢哋，相中梁家輝攬實老婆，捉住對方手仔齊齊切蛋糕，又搞笑伸脷想錫錫，認真sweet到暈呀！
Nikkie同Chloe除咗大晒佢哋sweet到漏咁切蛋糕外，兩姊妹仲狂晒父母過往恩愛生活同擺江嘉年後生啲相，就連當年結婚擺酒嘅相都貼埋出嚟，可以話呢輯相真係相當珍貴呀！
梁家輝結婚相
(on.cc)
琴日係520，「我愛你」呢個日子，唔少圈中人都趁機放閃，實行閃爆大家眼球！
另外一對閃爆嘅仲有張晉同埋蔡少芬，蔡少芬咀爆老公，留言話：「昨天是你的生日，親愛的能陪着你過生日，真的太棒了！感恩。。。！愛要大喊出來！」
天王郭富城太太方媛擺出個人照，留言：「520」隔空對老公表達愛意。
隔空放閃又點止方媛一個，藝人苟芸慧未婚夫陸漢洋亦喺網上上載文字截圖，寫上「52099」，相信苟芸慧睇到一定冧爆！
而胡杏兒老公李乘德亦晒出一家合照話：「我的大小寶貝，520快樂」認真溫馨！
仲有向來愛得高調嘅佢哋，莊思明同男友楊明，思明就晒出一張同男友錫錫相，發表愛的宣言：「你嘅出現令我人生更精彩。」仲話愛很簡單。
(on.cc)
現年73歲嘅白姐姐白韻琹，同59歲嘅立法會議員謝偉俊結婚20年以嚟，多次傳出婚姻亮紅燈，白姐姐曾公開話佢哋係有名無實夫妻，又指摘謝偉俊向佢郁手同鬧爆老公冇良心。
（資料圖片）
不過，經歷種種風雨，兩個人之後都係好恩愛咁孖住出入，感情似乎未受影響，好似日前下晝，白姐姐同謝偉俊好恩愛咁十指緊扣喺中環IFC行街，佢哋下晝4點左右行完街由IFC中庭位置行去附近停車位攞車，由於白姐姐年紀唔細，所以行得比較慢，但見謝偉俊都有遷就佢慢慢行，結果正常行幾分鐘嘅路程，佢哋就行咗10幾20分鐘，先至行到去停車位攞謝偉俊部部紫紅色保時捷。
其實沿途白姐姐兩公婆好好傾，白姐姐講完，謝偉俊都有回答，期間經過一啲舖頭，白姐姐見到套西裝好似幾好，向謝偉俊指一指，謝偉俊都有點意示意ok，但兩個人就冇行入舖頭睇，而上車之後，白姐姐仍繼續講個不停，謝偉俊都有耐心回答，完全冇唔耐煩。
(apple daily)
鍾欣潼（阿嬌）情路坎坷，終於找到最愛，情歸「醫界王陽明」賴弘國，兩人終於能修成正果，大家都替阿嬌十分高興！婚事籌備當中，真的是好令人期待！將於5月25日（香港時間5月26日）在美國出嫁。
身為「英皇龍虎豹」之一的容祖兒（Joey）原定會出席的，怎料準備起程的Joey竟發現自己的美國簽證已經過期，就算補辦恐怕都來不及，估計迫於無奈都要取消美國之行。由於祖兒拿的美國簽證是十年的，因為工作忙碌也就不以為意，怎料百密一疏，她發現時也晴天霹靂，十分懊惱，覺得對不起好姊妹！據知今次到美國出席阿嬌婚禮的朋友，都是阿嬌的閨蜜，包括共組Twins 17年的蔡卓妍（阿Sa）、鄭希怡一家、何超蓮等，其中鄭希怡女兒梁浸浸更會擔任花女。而且婚禮後，5月28日是阿嬌老公賴弘國生日，屆時會慶祝結婚、生日派對浪接浪！
去不成觀禮，Joey惟有寄情工作，適逢是5月20日，她在社交網站上載了一輯為美容中心拍攝廣告的照片和花絮片段，並貼文：「520」向粉絲派愛心。
(on.cc)
