前兩日（13日）係母親節，仔女們都盡表孝心同阿媽慶祝，不過有六個「阿媽」嘅胡杏兒囝囝Brendan就做皇上，畀人服侍番轉頭噃！
「胡說八道會」成員兼契媽們喺Instagram上載同Brendan合照，不過就唔見胡蓓蔚，李施嬅留言：「今晚開咗一場胡說八道演唱會逐個唱歌給B.B. Lee 聽，其實baby Lee 喺度諗乜呢？係唔係諗緊成班傻婆點解見到我咁興奮呢？太可愛喇，我哋個個都俾（畀）你電暈啦。」
相中嘅Brendan一副天然呆樣不問世事，相反胡定欣、黃智雯、姚子羚、施嬅同「真阿媽」杏兒就笑到勁開心，又向Brendan乾杯，一班契媽都畀Brendan冧暈，表現勁興奮！
定欣留言：「Our first selfie with Baby Lee（第一次同Baby Lee自拍），6個排住隊Tum（氹）你瞓 每隔兩份（分）鐘轉人」網民都好葡萄Brendan，笑言：「自細對住班靚女成長，第日點搵老婆…」真係幸福到呢～
(on.cc東網)
錢嘉樂同湯盈盈結婚6年，先後誕下兩女，大女錢凱晴（Alyssa）已經5歲，細女錢凱琪（Kassidy）亦快將滿3歲。一直有傳盈盈樂樂好想追多個仔，早前TVB社交網專頁上載一段盈盈同Kassidy做手作嘅短片，標題竟然寫住「恭喜湯盈盈再度懷孕！」最後搞清楚，原來係一場誤會。
湯盈盈 (資料圖片)
盈盈樂樂人前人後都咁恩愛，但前日竟然有讀者爆料指嘉樂當街呼老婆！讀者李小姐透過傳媒表示母親節下午三點幾，見到盈盈樂樂帶住兩個女行經賽西湖公園外，李小姐話喺對面馬路都清楚聽到佢哋講嘢好大聲，表現有啲忟憎，李小姐話﹕「最初聽到盈盈話『拖住個女，小心佢走出馬路』，跟住嘉樂就好嬲咁話『咁你交畀我喇，唔好咁多嘢講』，跟住就拖住大女行前，與盈盈同細路隔咗一段好遠距離。」
嘉樂(右)一手拖住大女行先，與盈盈(左)有一段距離。(讀者李小姐提供)
盈盈擔心囡囡自己走出馬路。(讀者李小姐提供)
問到係咪鬧交？盈盈前日回覆傳媒時就話﹕「係咪啲女做緊危險動作，佢緊張咋？」之後盈盈仲笑晒口話﹕「嘉樂話佢平時唔緊張架，唔知係咪你哋睇住啦。」
嘉樂唔使開工就會陪住屋企人，係公認顧家好男人。(ig圖片)
母親節當日，盈盈湊女前仲要出席《愛回家》宣傳，透露晚上會同老公嘉樂、奶奶及好友鍾麗淇一家吃飯慶祝，盈盈話﹕「早兩日已經訂好花畀媽媽同奶奶，仲同兩個囡一齊包禮物送畀工人姐姐，始終對方都係人哋媽媽，放下自己嘅小朋友去照顧自己個女。」咁體貼嘅老婆，嘉樂要錫老婆多啲喇！
母親節當日，盈盈出席《愛回家》宣傳，透露會同嘉樂及奶奶一齊慶祝，好孝順。
母親節約埋鍾麗淇一家食飯。(ig圖片)
(APPLE DAILY)
對於一般香港的父母來說，新生BB的出生證明書（出世紙）只是一個過程，但在澳洲新南威爾斯省（又名紐省；首府悉尼），現時有多款出世紙供新手父母選擇，其中一款右下角有一隻在打手印的白人嬰兒手掌，當局最近推出另外3款、印有較深膚色的小手掌的出世紙。
據《每日電訊報》（Daily Telegraph）報道，有家長希望除了「白皮膚」，還可選擇在出世紙印上其他膚色的小手掌，司法廳的多元文化服務部門諮詢了宗教及社區領袖，並推出新款式。
紐省生死及婚姻登記處職員Amanda Ianna稱，「白皮膚」小手掌是最受歡迎的設計，「約10年前推出，是我們賣出最多的紀念設計（出世紙）」，佔近三份一銷售額。她謂：「新的設計（不同膚色）更共融，反映我們的多元文化社會。」
父母可到紐省生死及婚姻登記處，為新生子女辦理出世紙，額外付25元可選擇特別設計，並分卡通、紐省欖球隊、雪梨地標及嬰兒手掌等主題。部份設計者將版權收入捐給聯合國兒童基金會（UNICEF）等慈善團體。
(Sing Tao Australia)
藝人唐文龍（Michael）帶病出席英皇電影《某日某月》優先場，他豎起大拇指力讚《某》是少有的校園真摯愛情片，而且簡單有人情味，他表示：「同時反映一種以前同今日嘅時代對比，喺八、九十年代所有嘢都好難得到，所以我哋會堅持，依家科技發達咗，一切變得理所當然，電影正好講述年輕人難得相信嘅情懷，必睇！」
誕下囡囡即接拍電影
至於陳茵媺（Aimee）亦被角色「魯老師」追求浪漫堅持所打動，所以她誕下三女凱婷不久後便立即決定接拍電影，她表示：「我向來都有戲癮，導演傾劇本時講得好有熱情，只要夾到時間湊小朋友，我一定會接！為了套戲，我仲特登改早機票返嚟開工。」
她強調依然對演戲充滿熱誠，並會盡量在家庭與事業之間取得平衡，亦獲得老公陳豪支持。Aimee透露：「接到好角色嘅話，我會先同老公度時間，起碼要有其中一個留喺屋企照顧小朋友，我哋係Teamwork。」昨日是母親節，Aimee擔當賢內助角色，趁好天氣帶三個小朋友去沙灘玩，女兒更與她嘴對嘴親吻，實在甜在心頭！
唔介意老土造型
作為三個小孩的媽媽，Aimee的狀態比未嫁時還好，而接拍電影時需要為藝術犧牲，要配合極為土氣的造型，將美好身段埋沒！她笑言：「開頭覺得導演想試探我，但我完全不介意老土，愈核突愈好，可以帶新鮮感畀觀眾，亦更易投入角色。」
談及角色堅決守護一段異地戀，問她可有類似經驗？她說：「老公好似唔應該聽呢啲…不過我都試過嘅，可以體會到另一半唔喺自己身邊嗰種失落同無助，當時我自己隻身來港追尋夢想，每晚拍完戲，返到屋企要一個人獨對四面牆，冇一個可靠嘅人喺身邊。」
對於要排解寂寞，她有一套獨門秘方：「就係一個字『忙』，我會塞爆自己啲時間，TVB已經好充實。放工後又約朋友，總之返到屋企就瞓，無謂畀自己胡思亂想。」
(on.cc東網)
不知你是否想過為甚麼小孩整天跑來跑去而不覺得累？根據澳洲科學家的最新研究，那是因為小孩的肌肉天生可以抵抗疲勞，甚至可以和耐力運動員相媲美。
為了研究小孩總是精力充沛的秘訣，澳洲的科學家們比較了8到12歲的男孩、未經訓練的成年人和專業的成年運動員在進行高強度體育鍛練時的能量消耗、肌肉疲勞狀況和運動後的身體恢復速度。
科學家們發現，男孩們的肌肉不但不易產生疲勞，並且其運動後恢復的速度非常快，甚至有的超過經過專業訓練的耐力運動員。
科學家們解釋，當我們運動時，身體有兩種方式產生能量，一種是有氧運動，另一種是無氧運動。有氧運動，顧名思義，就是身體會利用血液中的氧氣來消耗脂肪，產生能量。而在無氧運動中，能量的產生不依賴氧氣，同時身體也會產生大量易使肌肉疲勞、痠痛的乳酸。
由於孩子的無氧系統不像成人那樣發達，所以他們在運動時大多進行有氧消耗，因此不會產生很多乳酸，並且即使產生乳酸也可以很快地代謝掉，這就是為甚麼孩子在進行高強度鍛練時不易感到疲勞的原因。
該研究的作者、運動生理學家塞巴斯蒂安拉泰爾表示，儘管孩子和成年人相比不易感到疲勞，但這並不意味著他們都超級健康，只是他們的無氧代謝系統還未發育完善。
拉泰爾還表示，他們的這項研究可以為那些想要培養孩子運動能力的父母們提供一些參考。 「許多家長都在詢問如何培養孩子的運動潛能。我們的研究表明，兒童的肌肉耐力通常很好，所以最好將注意力集中在其它健身領域，如運動技術、短跑速度或肌肉力量。 這可能有助於優化孩子的體育鍛練，使他們表現更好，更享受運動的樂趣。」
(大紀元)
藝人梁烈唯（唯唯）喺2014年同拍拖13年嘅太太Tina註冊結婚，上年仲生埋囡囡Karina，一家三口樂也融融！
唯唯今日喺社交網上載全家福，話佢同太太已經踏入17年，網民估計係相戀周年，相中嘅Tina笑到見牙唔見眼，而Karina就望實鏡頭賣萌，唯唯留言向太太示愛：「17年了！感謝一路上有妳！2017年之後再加上她，都是妳為我帶來了這個家，老婆我愛妳！」
（on.cc）
與妻子咪咪婚後生下一女，近來咪咪再生老二，但又是女孩。
丈夫身為獨子，好多親戚對夫妻倆沒有生兒子頗有微詞，聽到他決定結紮後更說出「絕後」等重話，讓護妻心切的Paul相當憤怒。
男星Paul夫妻倆日前參加《一袋女王》錄影，咪咪表示剛生完第一胎不久時，奶奶就要她加把勁再拚一個，讓還在坐月子的她壓力很大。
隔了一年她再次懷孕，但奶奶得知又是女生時頗有微詞，讓咪咪忍不住抱怨「XY染色體不是我能決定的，是男生好不好」。Paul為了不讓老婆再忍受冷言冷語，決定生完第二胎就去結紮。
沒想到有親戚竟說「這一代就會在你這邊絕後」，讓Paul氣到想「關你屁事」，更霸氣的說：「我跟她的家才叫家，其他什麼斷後什麼的，我們還有兩個很可愛的女兒這樣就夠了。」
Paul（左）與老婆育有兩女。
Paul 霸氣護妻！
（自由時報）
范瑋琪為老公陳建州生咗雙胞胎飛飛及翔翔，日前范范接受專訪講起懷孕點滴，由於係高齡產婦嘅關係，佗B時幾辛苦，飛飛同翔翔更提早咗1個半月出生，醫生抱住首先出生嘅飛飛，而翔翔一出生，就急送入保溫箱，范范回憶起嗰刻覺得有啲難過，不禁流淚，當時求醫生俾佢睇一眼，但醫生話唔可以，幸好飛飛、翔翔喺保溫箱住咗3個禮拜後，健康成長。
范瑋琪喺訪問中稱透過小朋友成長，佢深刻體會到「為母則強」嘅道理，知道世界上冇過唔到嘅難關，只希望小朋友健康。
范范回想自己細個時，被老師要求佢喺全國合唱比賽，唔使站上舞台，范范喊住返屋企，媽咪拜託老師俾囡囡上台，只要唔開口唱就得；高中畢業後，范范為咗追求音樂夢，返回台灣，2年後出了第一張專輯，唱片業市道不景，范范患上憂鬱症，對自己能力開始懷疑，夜晚望見媽咪熟睡時，心感愧疚，怕令父母失望，最終多得媽咪及陳建州支持，范范先撐到落去，所以范范想趁母親節同講，雖然人生為學業事業拚搏，但唔好忘記媽咪永遠係最強大嘅靠山。
（apple daily）
外表大大隻嘅唐文龍，經常健身做運動，但幾大隻都有一日病倒嘅時候，噚日佢仲出席步行籌款活動，表面上好似好精神，其實佢咳咗成個月，抱恙上陣。佢話中西醫都睇勻晒都仲未好，咳到好似萬箭穿心。
點知噚晚佢咳到頂唔住，漏夜去咗醫院睇醫生，醫生仲要佢照X光。佢喺Instagram上載幾張相，仲有一大堆藥，佢留言︰「人生面對最厲害的咳嗽，喉嚨發炎，終於變成氣管炎。照了『肺』，醫生說氣管『厚了』，要立即醫治，會好的，7日藥(好多藥），我累了，希望會儘快康復。」
今日搵過唐文龍，佢話︰「醫生之前畀我啲藥，係普通抗生素，原來效力唔夠，噚晚去咗醫院睇醫生，好彩肺無事，醫生話氣管炎。」問佢呢兩日嘅工作，要唔要延期？佢話︰「本來今日要去幫香港政府拍一段環保宣傳片，好多謝佢哋，o依家改咗下星期先拍。但聽日我要上北京，同趙文卓一齊宣傳新戲，所以我噚晚再去睇醫生，o依家都唔敢做運動住，朋友見到我，都話我瘦咗。」
唐文龍（左三）噚日抱恙出席步行籌款活動，同場仲有謝雪心（右二）。
佢上載照肺X光片，好彩肺冇事。
(apple daily)
藝人高海寧（高Ling）於將軍澳電視城為新劇《C9特工》試造型，她首次於劇中飾演女特工，更會有動作戲份：「我估唔會太多，應該應付得到，好彩揸槍嘅姿勢苗僑偉同吳卓羲有教過，所以都OK，主要都係家庭戲。（會唔會性感？）暫時應該唔需要。」高Ling提到與馬國明有感情線、將於劇中飾演夫妻：「之前都同佢合作過《賭城群英會》，知佢好好人，靚仔又好戲，好期待同佢合作。」
高Ling透露日前身體不適，更要做小手術：「呢排身體差啲，我今日個樣都腫，去唔到水腫。」她解釋一星期前不停流鼻血，檢查後發現鼻腔裏生了血管瘤，所以要做手術割掉，她說：「好彩係良性，但都要好好保重身體。我做完手術第二日試造型，之後又發高燒，依家氣管敏感，成日咳又瞓唔到，所以精神方面比較差，家人都擔心。」高Ling指劇集戲份很重，所以開拍前要先養好身體。
(on.cc)
