無綫重頭新劇《宮心計2深宮計》將於下周播映，人物角色甚多，劇味甚濃！劇集未播出就已經驚喜連連，有周秀娜被消失，今天又突然爆出有相關演員將於6月結婚！
將於六月跟比她年長25年的富商曾文豪結婚，二人拍拖半年，但感情進展神速，就連「太平公主」陳煒都忍不住要恭喜對方，並要求去飲喜酒。
陳煒接受傳媒訪問時稱：「佢喺劇中演我嘅近身（宮女），剛剛知道佢結婚，恭喜咗佢，仲話到時我要去飲添！」陳煒又認為李美慧相當乖女，她說：「上次佢冇現身宣傳《深宮計》，人哋話佢籌婚禮，其實唔係，佢好專注工作，其實嗰次佢係忙緊開另一個新劇《鐵探》。（知唔知佢結婚？）係呀！戥佢開心，其實佢好叻女，多才多藝，又識功夫、跳舞，好乖！」
(on.cc)
日前拖實女友喺鑽石山舉行嘅婚紗展睇婚紗兼試婚戒，原來婚期已經定咗！不過仲未搵到場地：「好多地方都full晒，如果訂咗位，唔知可唔可以Share返啲出嚟，一齊擺！我哋諗住8、9月喺先香港影婚紗相，之後希望可以出去其他地方影。」
韋家雄今年年初罕有在fb與圈外女友Keynes公開放閃，之後又坦言有計劃在今年閃婚，日前韋家雄喺鑽石山舉行嘅婚紗展，拖實女友睇婚紗兼試婚戒。
韋家雄今日喺觀塘出席電影《擊鬥女神》開鏡拜神，講到婚期，佢話：「o依家搵緊場地，希望喺10月6日，或者11月，不過原來10月6日嗰日係最好日，好多地方都full晒，如果訂咗位，唔知可唔可以Share返啲出嚟，一齊擺！」佢仲話o依家安排咗影結相：「我哋諗住8、9月喺先香港影婚紗相，之後希望可以出去其他地方影。」
不過今次韋家雄喺戲中飾演經理人，影相嗰陣俾班女包圍，認真好艷福，問到佢有冇擔心女友呷醋，佢笑笑口話：「冇幾可呀？我鍾意呀，佢好大方，信我冇人吼！」同場嘅郭思琳喺戲中做退役拳手，佢平時有學巴西柔術，O依家已係藍帶一段，佢唔怕拍戲打傷，亦唔驚錯手打傷對手：「唔驚，少少拳拳到肉先逼真，我打開比賽，周身瘀仲好，唔使特技化妝。」
（蘋果日報）
之前形象插水，女友嗰時已經同佢拍緊拖，唔介意過去，一直陪佢走出人生低谷，而且令佢性格慢慢改變，更加腳踏實地，同阿哥阿嫂關係唔錯，一早融入陳家，阿哥同大嫂都當正佢係準弟婦，事業方面上年喺台慶。。。
41歲陳山聰近年返大台開工，經過努力，成功重新嚟過，去年喺台慶拎最佳男配，佢喺台上多謝阿哥同女友Apple，喺佢人生最艱難嗰陣一直不離不棄，今日有周刊指山聰決定明年同Apple旅行結婚，據知女友同山聰阿哥阿嫂關係唔錯，一早融入陳家。
據報道指山聰早已有結婚打算，之前山聰同超雲分手後，形象插水，Apple嗰時已經同山聰拍緊拖，唔介意山聰過去，一直陪山聰走出人生低谷，而且令山聰性格慢慢改變，更加腳踏實地，山聰阿哥同大嫂都當正Apple係準弟婦。
陳山聰今日接受傳媒訪問，講到有指佢明年結婚，佢話：「唔係啦， 真係太忙，暫時未有時間去plan，不過有消息一定通知大家，放心。」
(蘋果日報)
第10屆香港貿發局「創意日」今日在灣仔會展開幕，今年展覽破歷屆紀錄，有276家參展商展示各類創新產品和技術。當中，過半數為科技初創企業，創新科技區參展商達140家。創新及科技局局長楊偉雄出席活動時，參觀了360度人臉辨識自拍神器、嬰兒智能襪及電影《春嬌救志明》中的自我平衡滑板。
楊偉雄（左二）參觀360度人臉辨識自拍神器、嬰兒智能襪等。
參展商Peacify研發的嬰兒智能襪可偵測嬰兒生理體徵，一有異常便會發出警告，家長可透過應用程式檢視子女血氧濃度，準繩度與醫療器材相比，僅2至5%差距。聯合創辦人何家立透露，產品期望於今年11月推出，初步定價為1200港元，公司現時正參與新世界集團旗下的孵化計畫，未來希望可於集團旗下商場展出產品，讓市民體驗，亦會於本港零售店發售。
何認為，參加創業展覽有助資源對接，當中大會安排pitching、速配及問診等活動，可為初創帶來更多營商機會，亦可從中吸納不同意見，改進產品。他表示，以前研發智能襪較專注於技術，參加活動時，有非牟利組織及公共機構關注資料保安問題，於是開始留意處理資料手法。
（headline）
醫學界有一個很奇怪的發現，就是很多不吸煙的華人女性，卻患上了肺癌。但從另一方面來說，這些原因引發的肺癌也是比較容易醫治的，因為它主要是由某種特定基因的突變所導致的，使用靶向治療很有功效，也有許多新的治療方法也可以應用。我們推測，這些女性可能是由於吸二手煙或長期在廚房煮菜，因此引發肺癌。
除了吸煙和二手煙外，還有哪些原因易致肺癌？
除去吸煙、吸二手煙之外，以下五種情況都可能增加肺癌的發病機率：
1. 炒菜用的燃氣含致癌物
很多在長時間廚房工作的人，容易罹患肺癌。可能是他們烹飪用的燃氣、燃料中含有導致肺癌的成分，如燒炭、煤油等。
2. 烹飪的高溫
我們現在發現，廚房的高溫可能對肺部患癌症有影響。
3. 地下的氡氣
來自地下的氡氣，是非常常見的導致肺癌的原因。氡氣是一種易致肺癌的放射性物質。所以現在賣房子之前（特別是有地下室的房子），都要先檢測是否有氡氣、含量高低，確定是否安全，才能把房子出售。
4. 在礦場工作、頻繁接觸重金屬
在礦場工作的人，也容易罹患肺癌，因為他們會吸收很多重金屬。
5. 在汽油廠工作
在汽油廠工作的人，會接觸很多相關化學劑，都有導致肺癌的風險。
肺癌會通過基因遺傳嗎？
不像乳癌、大腸癌，肺癌幾乎不存在基因遺傳的問題，它主要是由基因突變引起的。
「基因遺傳」指是父母、家裡人有某個基因，遺傳給你的；「基因突變」是你生出來後，處於某種環境因素之下，把你的基因變壞了，比如抽菸、接觸氡氣或輻射、吸入空氣中的重金屬，造成基因突變。而突變的基因，通過抽血是驗不出來的，只能從癌細胞中發現有這個基因存在。有些突變基因可以做標靶治療，但大部分目前都沒有相應的標靶治療。
(大紀元)
歌手蘇永康：「雖然我有心理準備，但我都唔開心……所以生命係好脆弱，好多嘢唔係你掌握之中，大家都要活在當下……佢說話都講唔到，條脷都講唔到嘢，靠佢一對仔女精神支撐佢去慢慢學番……好可惜又病發，爆咗兩次血管都應該問題好大，所以我有心理準備，好唔願望去接受呢個事實。」
蘇永康對西城秀樹的死訊感到婉惜，他向傳媒表示：「其實喺佢第二次中風，我已經有心理準備，因為依家網上平台發達，我喺網上睇佢前年60歲再同啲歌迷再聚嘅最後一張唱片，我有特登飛去日本買。雖然我有心理準備，但我都唔開心，因為西城秀樹1978年第一次嚟香港，佢應該係我生命中第一個偶像。」
蘇永康續說：「如果大家睇番好多佢過去嘅演出，傳統所有藝人應有嘅聲色藝，佢都有！佢原本係一個鼓手，佢打鼓好叻，佢亦都自創咗一個表演風格出嚟，影響當代好多歌手手。可惜佢喺48歲嘅一次中風，中風喺十年內好容易第二次再發，真係好不幸！數年後，佢再發第二次，之後喺網上睇番佢以前唱歌好生猛，後尾已經要搵櫈嚟唱歌，所以好唏噓！我又睇過佢嘅訪問，中風之後佢說話都講唔到，條脷都講唔到嘢，靠佢一對仔女精神支撐佢去慢慢學番，奇迹地企番喺度唱歌，好可惜又病發，爆咗兩次血管都應該問題好大，所以我有心理準備，好唔願望去接受呢個事實。你睇佢同期嘅歌唱手鄉裕美非常之健康，健康係好重要！西城秀樹喺我心入面係代表住70年尾、80年代初日本藝能界一個最top、曾經最紅一個歌手，亦係第一個喺北京可以開演唱會嘅日本歌手。佢做咗好多日本歌手冇做過嘅嘢，第一個衝出日本嚟香港嘅歌手。」
蘇永康再表示：「我平時講嘢冇咁雜亂，呢個感受好難形容！依家我唯一希望佢嘅太太同兩個小朋友可以健康成長，家人節哀！我同佢只有一面之緣，我喺佢面前膽敢唱當年嘅《Careless Whispers》，因為梅姐（梅艷芳）叫。唱完之後佢行上台送咗一支煙畀我，但我唔食煙，本來想keep住，但畀個朋友食咗，我仲鬧咗個朋友一餐，嗰個朋友都唔喺度走咗添！所以生命係好脆弱，好多嘢唔係你掌握之中，大家都要活在當下，接受呢個事實，永遠懷念我嘅偶像西城秀樹。西城嚟香港玩，梅姐帶佢出去蒲，特登叫埋我。佢第一次喺伊利沙伯體育館開show，我慳咗幾星期零用錢買咗張$150第一行嘅飛，當年仲未有新秀歌唱大賽，因為梅姐個樣好易認，之後到梅姐參賽嘅時候，我仲認得佢係西城嘅歌迷…我第一段婚姻失敗嘅時候仲住喺淺水灣，梅姐試過半夜入嚟淺水灣同我傾偈，傾偈嘅時候，我哋都仲係聽緊西城啲歌。」
蘇永康續在社交網悼念對方：「我諗大部分人都唔知相中人邊個？佢係我生命中第一個偶像，一個真正聲色藝俱全嘅表演藝術家。他在舞台上的一切仍然深深影響住現在的我，他不須再受苦了，我永遠記住他最燦爛的一面⋯永恆的西城秀樹先生。請安息。」
(on.cc)
太太腎臟的毒素過千，頗為危險，甚至影響到眼睛視力朦朧，擔心對方會盲：「（會安排換腎？）絕對需要，依家太太都輪緊，但覺得輪唔到，要自己搵其他方法。」他指有計劃帶太太到其他地方進行換腎，，發現內地換腎好。。。
歌手黃翊以嘉賓身份出席洗腎中心記者招待會，他表示太太陳存正是腎病患者，在大半年前腎臟突然差得很快，在沒辦法的情況下需要洗腎。他直言自己在這段時間非常頻撲，在太太開始有事時感到不知所措：「喺私家醫院住個幾星期已經使咗20萬，但其實唔係真係咁多錢可以使，有朋友都建議官立醫院其實都好好。」他聞言後便帶太太到瑪利醫院治療，由於從私家醫院轉到官立醫院，他表示環境好唔習慣，需要適應：「幾辛苦！好彩太太都叫捱得到。」
考慮去内地換腎
黃翊表示當時太太腎臟的毒素過千，頗為危險，甚至影響到眼睛視力朦朧，擔心對方會盲：「嗰期老婆喺醫院洗咗兩三個月血，依家轉咗要洗肚，有部機喺屋企洗。（會安排換腎？）絕對需要，依家太太都輪緊，但覺得輪唔到，要自己搵其他方法。」他指有計劃帶太太到其他地方進行換腎，發現內地換腎好流行，技術絕對唔差過香港：「但太太身體未穩定，暫時唔會郁住，驚有排斥會出人命，唔敢亂嚟。」
黃翊指太太洗肚過程辛苦，但最近精神唔錯，更可以自行揸電單車探望媽媽。他表示太太沒甚麼壞習慣，唔煙唔酒，但當個病出現就要接受：「好彩阿仔都大個仔，照顧到自己，可以自行返學，其實幫輕好多。」
讚西城秀樹高大
談及日本歌手西城秀樹因心臟衰竭離世，黃翊表示對方在80年代紅極一時，當年學唱日文歌時，好早便學識《Careless Whisper》：「日本人嚟講佢好高大，跳得唱得，佢20幾年前嚟香港開演唱會，我都有睇，走咗都好可惜。」
(on.cc東網)
於14年公開男友後，不時網上貼相放閃，佢哋次次都孖咇去五星級大酒店食好西，14年情人節仲喺4粒鐘內連環放閃5次，一於要大家閃盲大家，要人人羡慕佢哋。又跟男友學做時裝生意，雙方又見埋家長，以為呢一pair打風都打唔甩。。。
陳冠希舊愛、o靚模謝芷蕙（Cammi）近年營商賣時裝，佢玩低調，連社交網都少po。不過炎炎夏日，Cammi BB噚日就喺微信朋友圈貼咗一輯水着相，好有當年寫真feel，佢又影前又影後，又影側面，實行360度任睇唔嬲。Cammi BB真係好鍾意玩P圖，着住三點式嘅佢又喪改圖變臉，將自己變「大眼妹」。
Cammi BB出道時報稱三圍係32B、24.5、34，佢發育都定咗，呢幾年變化唔大，《蘋果》噚日打畀Cammi BB，佢身處泰國度假，因為本周五就係佢23歲生日，唔怪得之出埠慶生。問到呢啲靚相係咪內地富二代男友B先生同佢影？點知Cammi BB話：「其實分開咗一段時間，今次我同一班朋友去。」
佢再話其實分開咗都半年，兩人再見亦是朋友，至於分手原因，Cammi BB話：「性格不合，大家和平分開。」即係Cammi BB去年底已甩拖，回復單身。Cammi BB於14年公開有內地富二代男友B先生後，不時網上貼相放閃，佢哋次次都孖咇去五星級大酒店食好西，14年情人節仲喺4粒鐘內連環放閃5次，一於要大家閃盲大家，要人人羡慕佢哋。Cammi BB封盤後，又跟男友學做時裝生意，長期住廣州，雙方又見埋家長，以為呢一pair打風都打唔甩，Cammi BB都等入門做少奶奶。
點知有時人算不如天算，Cammi BB臨門撻Q，佢同B先生結束四年情，女方o依家可以再開盤求偶。單身嘅Cammi BB決意事業上重新出發，佢話：「休息咗半年，四圍去玩，都嘥咗好多時間，上周簽咗國內一間公司，諗住喺國內發展。」
(蘋果日報)
即將榮升第4任媽咪的名媛楊張新悅，懷孕七個多月，經驗豐富的她，今胎依然冇戒口，早前到日本餐廳用膳，品嘗飽魚和鴨胸，她說魚生一樣照食。
（資料圖片）
她説：「我係冇戒口，意思唔係亂食嘢，反而更加注重飲食營養，好多人話大肚婆唔應該食生嘢，其實魚生仲更加有豐富營養，不嬲鍾意食日本嘢唔會刻意戒，就好似一個鍾意游水嘅人，唔會因為懷孕而停游水，我榴槤我都食，因為本身寒底，如果因為大肚乜嘢都要改變，覺得好冇人生意義。」
她說每次懷孕口味也有變，今胎特別鍾意食生蕃茄，每日都要食，問到平日會否做愛心飯盒給女兒享用，她說：「我係從來無做過愛心飯盒，好慚愧，有次囡囡幼稚園叫我去學校教做曲奇餅，嚇到我即刻滴汗，我只係一個入得廚房，喺雪櫃攞嘢出嚟食嘅人，唔識煮餸。」
「（你唔識箍住男人個胃？）我先生想當年，聽我講一句說話就愛上我，嗰陣我話屋企由細到大都整上海雲吞，佢娶咗我後，以為我會日日整雲吞，其實我係話屋企整雲吞，我冇乜點整，呢十年我只整過一次，覺得對佢唔住。」
楊張新悅 （資料圖片）
（on.cc）
B囡驗出有聽障：「阿女因為裝咗電子耳，聽到嘅聲音係機械聲，需要言語治療去訓練講說話。我o依家讀緊言語治療課程，希望可以喺屋企教個女，如果讀得好，仲可以幫人。好感恩，因為發現得早，如果過多幾歲至發現，到時醫藥費會好貴，成效亦未必有，o依家嘅醫葯費，我都仲可以負擔到。」
趙哲妤(Uny)、衛詩、陳霽平等，今晚喺尖沙嘴出席「香港無名英雄人道獎2018」活動，趙哲妤話一向都參與同類嘅慈善活動，以前做好多，亦有助養小朋友，可以幫到人，不求回報，希望個女大個，好似媽咪咁做多啲慈善公益。
Uny囡囡小魚（Natalie）o依家16個月大，細個時已驗出有聽障，好彩發現得早，經過手術後，已經聽到兼講到，雖然唔係同齡小朋友一樣嘅進度，但都進步得好快，o依家仲識嗌媽媽。
Uny話：「阿女因為裝咗電子耳，聽到嘅聲音係機械聲，需要言語治療去訓練講說話。我o依家讀緊言語治療課程，希望可以喺屋企教個女，如果讀得好，仲可以幫人。好感恩，因為發現得早，如果過多幾歲至發現，到時醫藥費會好貴，成效亦未必有，o依家嘅醫葯費，我都仲可以負擔到。」
另外，同場嘅衛詩擔任表演嘉賓，會唱幾首英文歌，佢話：「呢個慈善組識幫到好多人，但唔係咁多人知，希望參與幫忙宣傳下，等多啲人知有呢個組識。」衛詩平時都有參與慈善工作：「啱啱去完紅十字會探望小朋友，同佢哋唱歌玩遊戲，不過班小朋友鍾意聽我唱歌，多過想同我玩遊戲。我好眼淺，每次去到探訪，見到啲患病小朋友，都會眼濕濕，但會盡量忍住，唔想喺佢哋面前喊，令到佢哋感覺自己好慘。」
佢仲話希望下次再去探訪時，可以帶埋家姐衛蘭（Janice）一齊去，唱歌畀小朋友聽，同埋買啲小禮物送畀佢哋。
(蘋果日報)
