過往亦試過有Ig用戶被黑客「騎劫」戶口，噚日9月1日就有兩位苦主中招，當中包括Ig有17.7萬fans嘅Yumiko(鄭希怡)，仲有模特兒朱韻韻，兩人Ig帳戶噚晚一度「被消失」，Yumiko今次就係IG俾黑客入侵。
佢話噚晚一落機就發現IG唔見咗，第一個反應係冇晒啲相好慘，因為全部都係回憶，個account完全入唔到，叫朋友search就見到個account冇晒嘢。」
Yumiko話：「噚日發覺完全登入唔到Instagram，點㩒密碼都登入唔到，再search自己個名，發覺全部post係零，冇晒，個心即有股涼氣，再過一陣就收到有人Message我，話俾50美金，就俾番account我。」
Yumiko又話：「好彩Instagram都好快聯絡我，問我有冇改過電話，我話冇，佢哋就俾返個account我，「入去睇番見到俾人改晒資料，用戶名，電話，依家攞番個account，但就用唔番之前個名，但我冇所謂，就算個名改到好長，我都唔會屈服俾錢！」
(apple daily)
今天被踢爆奉子再婚的消息，對象是拍拖約9個月的30代健身教練！據指她與另一半透過朋友介紹而認識，去年底開始拍拖，將在本月中正式註冊，現時懷孕5個月，預產期為明年2月，將榮升為三兒之母。
Yui於2015年3月與任職建築公司的圈外人結婚，同年8月誕下孖仔，惟婚姻只維持2年5個月便於去年8月結束，其後她一方面忙於照顧兩名寶貝仔，另一方面忙着以樂隊FLOWER FLOWER的姿態出碟和開騷，幸得新歡在背後的支持，而兩名囝囝亦跟新歡相處十分融洽。而兩人現時尚未同居，婚禮和擺酒等事宜亦未決定。適逢樂隊的巡唱後日開鑼，相信屆時yui會親自向樂迷公布喜訊。
主演日本催淚片《太陽之歌》的31歲唱作才女Yui
(on.cc)
藝人岑麗香（香香）到中環出席體能挑戰活動，跟TVB已完約的香香早前放假返加拿大，近期再度投入工作，叉足電的她心情非常風騷！
但體型似乎變得更瘦、四肢纖幼，她搞笑地說：「瘦咗咩？我係應肥則肥，今日着咗Tee，肥咗喺啲地方你哋唔覺啫！我都冇乜刻意減肥，可能做好多運動。（老公強強有冇話你瘦？）佢成日都話我瘦，但我有努力食嘢。（養肥身體準備生B？）增肥唔止呢樣嘅！可以個樣肥美啲，畀人搣下面都好！（畀邊個搣？）哈哈！都係嗰個啦！」
問到是否正在努力「造人」？她搞笑地表示努力中，但不會講太詳細：「總之順其自然，可能呢排冇咁大壓力，多咗時間自己煮嘢食，冇叫外賣，身體都健康啲，不過嚟緊都係工作，會拍廣告、出活動、拍電影。（多啲二人世界？）都期待呀！九月底去Fashion week當放假Relax吓，返嚟再努力，我話努力工作呀！」 
(on.cc)
藝人吳綺莉女兒吳卓林同女友Andi早前流落加拿大街頭，仲要拍片求助，而尋日佢終於喺社交網蒲頭留言大讚女友。
呢對情侶今日又喺社交網更新，見到兩人喺社交網話訂咗婚添，卓林仲話喺今年五月宣布喺多倫多開咗間叫「UCHU hause」嘅公司，見公司入面設有攝影棚。
仲列明收費及服務，佢哋更加擺埋攝影棚嘅平面圖，原來都只係得13.5呎X7.75呎，睇嚟唔係好大喎？而佢同Andi都自稱係「BOSS」，兩個人一齊拍住上，唔知係咪想重新開始呢？
卓林社交網
Andi社交網
除咗公司之外，無論卓林定係Andi都不約而同喺噚晚刪走大部份fb上嘅貼文及同時更新個人頭像，似乎意味住九月一號呢個日子就係佢哋喺加拿大嘅新開始。
有埋宣傳照
(on.cc)
大陸女星范冰冰捲入逃稅風暴，消失2個月行蹤成謎，日前有網民爆料疑范冰冰補繳9800萬元人仔（約1.14億港元）稅金後獲得自由，日前已秘密飛美國會合未婚夫李晨，有指今次冰冰可以成功甩難，傳係成龍擔任軍師在幕後獻計云云。
逃稅風暴未解決，捲入漩渦嘅冰冰工作叫停，外傳3部新戲全被易角，至於冰冰身為股東嘅「唐德影視」，日前公布半年度財政報告，其中透露：「鑒於電視劇《巴清傳》主要演員受到相關傳聞影響，截至目前公司尚未收到電視台對於該劇的排播通知，若該劇未能在2018年播出，公司本年度經營活動現金流會因此受到不利影響，進而可能影響公司對其他影視劇專案的投資進度。」
《巴清傳》女主角冰冰鬧逃稅醜聞，男主角高雲翔在澳洲涉性侵案件，據唐德半年報披露，如果呢部劇集不能順利播出，近7億元人仔嘅收入將成為呆帳。
不過，成龍接受台灣傳媒訪問，開腔否認向冰冰獻計：「無稽之談！」至於爆料網民之前言之鑿鑿，指消息來源自冰冰嘅美國律師，但依家佢又反口，仲話自己係冤枉：「我被人利用了一把，我是受害者。」
（apple daily）
抹茶廣受眾人喜愛，過去被認為有幫助減重功效，最近的研究也指出，抹茶可用於治療癌症，壓抑癌細胞獲得能量，令細胞「休眠」然後死去！
綜合外媒報導，英國索爾福德大學（University of Salford）研究指出，抹茶的萃取物可以壓抑癌細胞內的線粒體（mitochondria）進行新陳代謝，令線粒體無法為癌細胞提供能量，令癌細胞進入「休眠」狀態並死亡。
研究針對乳癌幹細胞的作用進行，研究結果發表在科學期刊《Aging》上，研究人員認為這次的研究結果令人期待，科學家們也積極找尋治療癌症的方式。該研究團隊先前就已發現，伯爵茶中的成分「佛手柑」可以殺死癌症幹細胞，這次則發現抹茶也可以用於對抗癌症。
主導研究的利桑蒂（Michael Lisanti）教授表示，「抺茶讓癌細胞不再製造能量，讓癌細胞變得不活躍，然後死亡。抹茶是天然產品，若作為膳食補充劑，具有很大的治療潛力。」
不過，英國癌症研究組織專家萊德威克（Martin Ledwick）提醒，現在還沒有證據顯示抹茶對癌症有療效，還需要在臨床測試驗證。
（自由時報）
選美活動，明爭暗鬥在所難免。好似今屆香港小姐，台上已爭過你死我活。今屆港姐日前都有私下搞咗個雞煲慶功，但就唔齊人，大合照中見四人缺席。
冠軍陳曉華、亞軍鄧卓殷（左）、季軍丁子田（右）
不過，又唔係每屆都係咁，好似2003年港姐到今日都仲好好感情。
冠亞季佢哋三位都升呢做咗幸福人妻，冠軍喺2010年嫁俾金融才俊張家傑，先後誕下一女兩子，現時主力相夫教子;亞軍就嫁比樂隊Dear Jane主音男友Tim，今年2月亦斥資逾二千萬，購入西貢大屋同囡囡一家三口居住;仲有季軍前年與機師男友Calvin結婚，暫時仲係過住二人世界。
2003年嘅冠軍曹敏莉（Mandy）、亞軍楊洛婷同季軍戚黛黛都真係可以友誼永固。
三個同十五年前無咩分別
今日係Mandy嘅36歲生日，當年嘅亞軍同季軍都專登盛裝打扮同佢食個brunch。Mandy今日都係喺ig貼合照，並留言﹕「elebrating my birthday with my dear girlfriends #15years #Crazy&Sweet」。網民都留言激讚﹕「話晒佢哋曾經都係你嘅對手，依家重可以咁老友，認眞難得！」
(apple daily)
相中嘅張敬軒表情多多，對方更飲到面紅紅，兩位似乎都相當盡慶！
圈内有唔少藝人看似冇交集，其實有段你估佢唔到嘅「地下情」！呢日張敬軒（軒仔）上載一張相話同老朋友敍舊，認真一睇，呢位老朋友居然係馬來西亞歌手張棟樑！軒仔留言：「#當你孤單你會想起誰 我有十年沒見到這個 #老朋友 #張棟樑你食多啲嘢喇 @nicholasteo4real 今晚不期而遇 #感謝文康」
而張棟樑其後亦有喺社交網甫相留言：「香港見個老朋友～～ ❤️❤️ @hinscheung #朋友還是老的好」相隔兩地、十年冇見都仲維繫到，佢哋呢份友誼相當珍貴呀！
（on.cc）
鍾鎮濤（阿B）和杜德偉昨晚一起為無線節目《流行經典50年》錄影。
早前阿B放了一張加上貴妃裝扮的照片，並貼文指一家人只顧煲劇不理會他。阿B笑稱，那是長女鍾嘉晴替他製作的。
長女鍾嘉晴
三個女鍾嘉晴（左一）、鍾懿（中）同鍾幗（右）
並指家中眾人也只顧煲劇不理他，所以他要這樣裝扮才有人理會。他稱，近期話題全是有關後宮，令他不太明白，但這劇（《延禧攻略》）也讓人可學習到歷史。
原本阿B都好有型~
問到女兒可有稱他為主子？阿B回應稱：「不用，我過往曾演過雍正，為了演那角色我特意去學書法，那已經是十多年前的事。」
被大女扮完靚靚後 …
(singtao)
林芊妤（Coffee）已經有八個月身孕，她曾說過醫生指她太操勞，出現胎盤前置的問題，所以要好休息。不過她繼上周飛到韓國旅行後，星期五更轉到沖繩，繼續「歎世界」。
Coffee於網上貼出不少旅行相，但見到其中一張她疑似坐在輪椅上，Coffee以短訊回覆傳媒時表示，當時她與老公要行上一個叫首里城的地方，路程要十多分鐘，自己覺得辛苦所以老公叫她坐在輪椅上。
至於為何有八個月身孕仍四圍走呢？Coffee解釋道：「老公10月會返新工，最近放長假，自己又不是太忙，所以先去旅行。」她又說所有活動已經問過醫生：「34周先不可以飛，還有一個月，而且會租車，不是全程用腳行。」
(sina)
