宣佈奉子成婚，為圈外人首度懷孕，預產期係今年8月。喜訊傳出後，丈夫被爆係個45歲嘅富貴。。。噚日首度公開露面，着住花花裙襯外套嘅佢腹部已明顯隆起，現場傳媒都紛紛恭喜佢榮升媽咪，佢全程展示幸福笑容，並感謝大家嘅祝福。
35歲日本混血模特兒森泉早前宣佈奉子成婚，為40多歲圈外人首度懷孕，預產期係今年8月。喜訊傳出後，森泉丈夫被爆係個45歲嘅富貴僧侶，仲係繼承當地寺廟嘅一名型男和尚，家中另經營寵物墓園、外國車買賣、房屋租賃及停車場等事業，估計佢每年收入可達數億日圓。
噚日，森泉喺東京出席電影《比得兔》（Peter Rabbit）首映禮，自宣佈懷孕後首度公開露面，着住花花裙襯外套嘅佢腹部已明顯隆起，現場傳媒都紛紛恭喜佢榮升媽咪，森泉全程展示幸福笑容，並感謝大家嘅祝福。
(蘋果日報)
Vincent喺現場仲示範煮兩味菜，Vincent自言受爸爸遺傳，甚有烹飪天份，佢話：「6月先開工，呢段時間多咗留喺屋企，除咗湊女，仲同爸爸媽媽傾咗好多嘢，以前慣咗爸爸煮嘢食，唔識欣賞，o依家跟爸爸學煮嘢食，吸收好多家傳之寶，原來屋企好多飲食嘅寶藏，集合新彊同潮州菜，餃子、羊肉同拔絲都好好味，星期日母親節會氹吓媽咪，我仲會記錄低寫本食譜。」
王浩信(Vincent)同陳自瑤(YoYo)屢傳婚變，否認過好多次，視帝Vincent今日喺中環出席母親節活動時，就對老婆作出一個好大嘅承諾——送層樓畀老婆，咁大手筆，聽到都覺得冧。
Vincent透露YoYo唔喺香港，所以未能與囡囡一齊慶祝母親節，問到送咩禮物畀老婆？Vincent就話：「呢個禮物就大，o依家儲緊錢買樓，距離目標越嚟越近，會送畀佢、寫佢名，希望今年達到呢個成績同收入。」Vincent仲爆太太鍾意獨立屋，樓價目標係以千萬計，佢話：「努力儲緊，我哋傾過，會喺將軍澳或西貢區，近大家返工。」
Vincent又話遺傳咗屋企人嘅嚴重鼻敏感，已經買咗一部三合一清新機送畀媽媽，仲話禮物陸續有來。
(蘋果日報)
在英國與紐西蘭非常流行「嬰兒主導斷食法」（baby-led weaning，BLW），所謂BLW的精神，就是「不再由家長餵食，而是讓寶寶自己抓食物吃」。BLW學派主張，當寶寶開始坐得挺，並且會用手抓東西放嘴巴的年齡，也就是大約六個月大前後，家長就可以把各式各樣的天然食物，餐桌上任何的食材，放任給寶寶吸、玩、舔。在這個過程中，其實寶寶沒有真的吃進多少食物，只是啃啃咬咬、嘗嘗味道，這樣就夠了，不需要刻意計算吃進去的量。
理論上，BLW的寶寶可以吃「任何東西」，只要食物的大小與黏稠度是可以「抓得起來」的硬度，都可以讓他嘗嘗。食物的種類完全沒有限制，最好的來源就是餐桌上大人吃的食物，每天稍微變換口味。BLW學者認為，這樣做也很像是在「模擬母乳的味道」，因為親餵母乳的寶寶，會隨著媽媽當天的飲食而變化，每天喝的奶味道都不一樣。也因此當寶寶吃副食品的時候，就會很習慣每天每餐有不同的味覺感受。
BLW學派有幾個基本原則：
1.絕不強迫孩子吃某種食物。如果寶寶不喜歡，就換另外一種食物來玩，原本的食物就下次再嘗試看看。
2.絕不規定孩子該吃多少食物。當寶寶決定停止再吃，就是停止的時候。
3.不催趕。沒有時間限制，讓孩子玩個夠。
4.基本上不使用湯匙餵食物泥。
5.針對無法成形的食物，則可以用湯匙餵食。比如說優格。但最終目的，還是要讓寶寶學會自己使用湯匙。
6.一開始儘量選擇比較軟的食物種類。對於比較硬的蔬果，可以先煮軟一點再給孩子用手抓來吃。
7.有危險的食物不能擺在桌上。比如說硬花生之於三歲前寶寶，或者含蜂蜜食物之於一歲前寶寶。
至於用咩裝住啲食物先好？可以試下呢個！佢可以緊緊吸附於桌面
(親子天下)
天后王菲一向作風低調，唔少人對佢嘅近況都感到好奇。
近日，有網友爆料指疑似王菲私人IG帳戶曝光，當中有1,420個Post，其中一個Post更有疑似王菲敷面膜嘅相，並配上文字：「皮革質感美容保濕打劫面具」，似乎心情好靚！
有唔少網友都相信呢個係王菲私人帳戶，只因王菲好友劉嘉玲都有關注。
仲有指呢個帳戶成日晒出同謝霆鋒嘅合照添！
(on.cc東網)
藝人袁偉豪（Ben）之前睇戲嘅時候就捲入「薯片風波」，當時引起咗唔少網民嘅熱烈討論。繼「薯片風波」之後，Ben就喺社交網站PO咗張相，原來發生咗一件事。。。
Ben就喺社交網發文指喺提款機撳錢嘅時候，發現身後嘅女士用手機對住佢，而該名女士嘅友人喺旁邊亦做咗一啲相當尷尬嘅行為，所以Ben就懷疑自己被偷拍，佢仲好似有啲嬲豬咁話：「請問這位女仕（士）到底你想影乜野（嘢）呀？討厭！」
Ben嘅留言一出，唔少網民都指該女士應該係Ben嘅粉絲，不過亦有人話該女士應該光明正大咁問Ben，唔應該偷偷摸摸。而好友蕭潤邦更笑言：「如果我有你咁大個波，我一定個波夾爆佢部手機啦！」
(on.cc東網)
許多家長以為，教小孩刷牙時牙膏要多用一些才能刷得乾淨，但牙醫指出，6歲以下小孩吞嚥能力還不是很好，太多牙膏怕小孩吞下肚，其實只要約青豆粒大小的牙膏量即可。
生物科技公司水中銀早前為市面12款兒童牙膏進行「轉基因鯖鱂魚」及「斑馬魚」胚胎毒性測試，並參考歐盟、美國、中國及日本等多個國家與地區安全標準作出評級。水中銀指出，在12款樣本中全部樣本不含有類雌激素，其中6款含月桂基硫酸鈉（Sodium Lauryl Sulfate，SLS），為常見的個人護理用品起泡劑材料。而6款牙膏樣本含有氟化物，兒童選用含氟化物的牙膏可防止蛀牙；但若兒童吸收過量氟化物，日後長出來的恆齒或出現白斑。
其中獲綠魚評級的兒童牙膏
根據香港衞生署資料顯示，一般成人牙膏含1,000至1,450ppm氟化物，兒童牙膏就含有500ppm；食水中的氟化物含量則建議為每公升0.5毫克。衞生署提醒，幼兒應該選用氟化物含量較低的兒童牙膏，並限制每次刷牙的分量如青豆大小。若小朋友蛀牙偏多，建議先諮詢牙醫意見，才選用供成年人使用的含較高氟化物牙膏。
所以兒童牙膏不是用越多就越乾淨，建議3歲以下幼兒最多便用米粒大小、3至6歲青豆大小即可，1天至少刷牙2次。最好小朋友懂得怎樣吐水後才選用含氟化物的牙膏刷牙，而且本港的食水亦加入適量的氟化物，用以保護牙齒。
江欣燕（欣欣）4年前與前夫吳積遜結束12年婚姻，當時江媽媽戥女兒難過：「我唔知佢當時咁唔開心，一定忍咗好耐先做決定。當時我哋（同江爸爸）喺英國，我話唔使擔心，你搬返嚟住，我哋會預備房間畀你。」
欣欣近日被指為前夫吳積遜還債，她出席《逆緣》宣傳活動時說︰「我沒有幫他還過債！」欣欣指吳積遜是個好人，雖然他們離了婚，但仍會保護對方。
對於吳積遜被發現在街上錫女仔，欣欣說︰「幾好，人生應該精彩！我身邊也有很多異性朋友。（何時找到個合適的？）讓我自由多一會兒，難得有自由時光﹗我不心急結婚，還有少少卵。」
(明報)
歌手古巨基一連五場紅館演唱會今晚開鑼，來到「另一半」環節，基仔播出聲帶，笑言自己是靚仔歌手，但做了件令萬千少女傷心的事，就是2014年帶Lorraine去美國結婚。他謂94年他22歲就認識了Lorraine，因對方是唱片公司派來湊他：「冇諗過湊吓湊吓咁就湊埋做兩公婆。」表示有結婚的念頭是源自一次意外，有日他們去沙田踩單車，見到Lorraine跌落地下，隻手流血，頂頭盔都裂埋，基仔在醫院陪她縫針，便興起要與她結婚的念頭：「因為佢太論盡，我要每日都睇實佢，自此古太冇再仆親。」他又說很多人說婚姻是愛情的墳墓：「但我就話婚姻係愛情嘅馬蹄露，一開始食幾甜，食食吓要𡁻吓𡁻吓，又甜吓甜吓，咁就一世。」
相識過程點滴在心頭
然後身穿燕尾服、右肩有結婚蛋糕模型的基仔上台，表示今次在紅館開騷已變了人夫，多了個身份，又笑言好似娶了個周星馳回家，因對方常帶給他很多歡樂。他又謂第一次見到Lorraine是化咗妝：「但落咗妝都係咁靚，佢係我公司嘅宣傳人員，第一次見到佢就着咗露腰嘅冷衫，着冷衫即係凍，但佢又要露腰，可能佢想吸引我，呢啲點滴都記在我心頭。」然後唱出兩人相識的第一首歌，即他入行第一隻歌《愛的解釋》。
老婆扯鼻鼾最可愛？
唱完後基仔問大家覺得另一半最可愛是幾時？有觀眾大叫「瞓覺」，基仔笑言：「講咗我嘅答案，我想講係佢扯鼻鼾時，點解？因為我嘅工作關係佢好忙，我比佢遲瞓，當我每晚入到去見到佢，最平靜嘅佢就係最可愛，當然佢少講嘢佢係最可愛，但我想講係佢喺屋企好舒服、安全咁瞓覺，就咩都值得。」大家拍手，他即謂掌聲是畀古太，然後唱出《愛回家》。
爆老婆搞笑事
接着基仔繼續分享兩人的搞笑事，笑言古太成日叫他估嘢：「我哋開餅舖，一入門口，佢話『快啲攞個雪櫃去芝士蛋糕』，佢好鍾意叫我重組句子，所以睇佢幾論盡。」但他亦謂Lorraine經常陪在他身邊生活及工作，並唱出《以你為榮》給Lorraine。然後他謂台上的鋼琴是當日婚宴上用過，並唱出自己寫的《我與你》給Lorraine，台上螢幕就播出當日基仔畫兩人婚禮上的畫的片段。
期間Lorraine在後台出來望一望，然後很快就入返去後台。
(on.cc東網)
劉美娟今日喺尖沙嘴宣傳新書《擁有失去》，趁著母親節推出，佢話喺電台工作之後，就開始構思出呢本書，受訪者包括張栢芝、歐陽震華、王祖藍等等嘅人生經歷。張栢芝一章除咗提及感情、婚姻之外，亦有提到其演藝事業。
栢芝憶述，當年拍《喜劇之王》，試鏡要見周星馳，星爺要求佢攞支筆扮點煙，當時栢芝見到枱面有包煙，就問：「點解唔俾我真嘅煙？橫掂我都食煙，直接啲。」當時星爺先是一呆，然後再隨栢芝意思做，當然最後取錄咗栢芝。事後星爺有問栢芝當時點解有咁嘅反應，栢芝就反問：「若果我真係進入角色，唔通拎住支筆去演嗎？」劉美娟形容：栢芝就是如此率直敢言。栢芝係單親媽媽，而父母亦喺佢9歲嗰年離婚。
栢芝話當年媽媽好想帶佢走，但爸爸唔同意，於是佢就將收喺床下底嘅曲奇餅罐拎出嚟，裡面收埋佢儲咗多年嘅幾萬蚊（時維1989年）。栢芝用紙包住啲錢塞畀媽媽，又寫咗字條，內容大意叫媽媽好好生活、有機會嘅時候先至帶佢走。至今栢芝媽仲保留張字條。栢芝又表明，一定會再婚，但唔係為咗兩個仔，而係為咗佢自己，因為佢從來都冇放棄過愛情，自言依家仲好似十幾歲女仔咁，相信愛情。
另外栢芝都有講教仔法，自言身教好重要，好似有次栢芝教Lucas溜冰，Lucas怕跌倒，挫敗同丟臉，不肯嘗試，於是佢刻意喺囝囝面前一再跌倒，甚至跌得瘀晒，要俾Lucas知道，跌倒唔緊要，重新爬起來就是了。劉美娟坦言欣賞栢芝，能夠喺別人眼中最痛苦嘅事，重新搵到真正嘅自己。
至於歐陽震華（Bobby），劉美娟同佢真係老友鬼鬼，入行拍劇集《薛剛反唐》同Bobby結緣，至後期拍《壹號皇庭》成老友，而呢個劇亦係Bobby事業嘅轉捩點。Bobby喺書中憶述，佢出道時，英俊小生當道（其實任何時候都係0架喎…），佢係「最醜樣」一個，演的不是反派就是死屍，但演得多都熟能生巧，如擘大眼死、半閉眼死、抽搐中死、臉俯伏地下死、臉朝天死等等，全部都難唔到佢。
Bobby仲試過為演好死屍角色，吸一大口氣然後閉氣兩分鐘，讓胸口平靜落嚟，避免捱駡。拍《壹號皇庭》令Bobby事業有起色，因為當時佢已經喺電視台演二三線角色十幾年，打算再唔成功，就轉行重頭開始，事關當時有間服裝連鎖店經常喺電視廣告招聘員工，月薪比佢喺電視台人工仲高，如果佢喺服裝店做10年，話唔定已擢升為店長喇。
(蘋果日報)
徐子淇昨晚到灣仔一間酒店，出席珠寶品牌Cartier晚宴，Bruno Mars是夜仲擔任表演。
見到李太出現，傳媒當然先問下佢嚟緊點慶祝母親節啦，子淇就話通常都係同媽咪、奶奶及小朋友一齊食飯嘅。「之前我跟Save The Children去探訪，發現全球好多少女係童婚，係18歲以下嘅少女，結咗婚仲生埋BB，係好後生嘅媽媽。我覺得咁樣係好影響少女嘅一生，因為佢哋冇咗做兒童嘅權利，基本嘅返學都唔能夠返，亦好難脫離貧窮。」
子淇又心痛謂，見到有好多可能得11、12歲嘅小妹妹，要嫁俾年長過佢哋好多嘅男人，仲要生BB。「喺生產嘅過程，有啲BB會不幸過身，有時大嗰啲（指媽媽）都會過唔到。希望大家都可以關注佢哋。母親節係一個好開心嘅節日，但世界上好多母親都係需要幫忙。」
子淇又表示下周會帶同小朋友去柬埔寨探望，幫佢哋擴闊視野。咁小朋友會唔會送啲小禮物俾你？佢就話：「佢哋會畫下卡、整下曲奇，我已經好開心。」珠寶就不需要喇，「母親節最緊要係心意啦。小朋友同我哋一齊，已經好開心喇。」
提到二家姐本月16號就8歲生日，屆時會否開派對慶祝，子淇話會食下蛋糕咁啦，不會俾太多物質佢哋：「由細到大都唔會（指俾太多物質獎勵），有屋企人、同學仔陪佢哋玩，就唔使咁花巧。」談到會否介意女兒早婚，子淇就話結婚最緊要係緣份，總之唔好未成年結婚就OK，又話唔介意早啲榮升外母：「生個孫俾我啦，我好恨0架。」
咁佢會否再追多個小朋友？子淇就謙稱唔會喇：「追唔到喇！等佢哋生個孫仔啦。」又話會留番啲珠寶俾未來新抱0架喇。
(蘋果日報)
