同老公結婚後淡出幕前，經常出國旅行享受少奶奶生活，今年5月更宣布造人成功，生活相當美滿。
前港姐李雪瑩（Crystal）近日同老公又出國旅行，今次飛到陽光與海灘嘅馬爾代夫，仲邊玩邊喺社交網站分享靚相，唔少網民大叫葡萄呀！
相中見到Crystal大方晒出孕婦泳裝照，就算懷有身孕，身材依然苗條，肥肚唔肥人。
此外，仲見Crystal老公帶咗航拍機去影靚景，清澈海水同木屋，真係一個非常好嘅養胎之地！
(on.cc東網)
【堅持拒絕無痛分娩】李蘊︰我頂到，個個女人都做得到
恭喜27歲嘅李蘊再做媽咪，已有一女嘅佢，第二胎喺8月8日生咗個仔，囝囝重3.2kg，依家一仔一女嘅佢湊成個「好」字，真係可喜可賀。
佢已經生完仲出埋院，休息咗幾日，佢今日喺ig貼相分享喜悅（相關新聞︰【同家姐晞晞一樣都係⋯李蘊報喜：痛過第一胎】），李蘊接受電話訪問，講到今胎痛過生大女，佢話︰「係呀！終於都出咗世，今次經歷同上次好唔同，今次痛過上次好多，時間又短好多，見到阿仔出世，痛都值得。」
講到呢胎，李蘊都係選擇自然分娩，佢話︰「上一胎同今胎都冇打無痛分娩針，我覺得自己好堅強，醫護人員有問我真係唔打，我覺得頂到，個個女人都做得到，為咗自己小朋友，媽媽係最偉大嘅。用邊種方式，因人而異啦，最緊要量力而為，問醫生意見。」
講到2歲嘅大女見到細佬，知道做咗家姐點反應？李蘊笑稱︰「大女見到細佬好興奮，出到嚟係咁摸，醫院要隔住睇BB，姐姐猛話要抱細佬，返到屋企我畀佢抱吓，佢成日話要錫BB，我覺得佢係一個好家姐嚟嘅。」
(蘋果日報)
【大排筵席】下月舉行盛大婚禮！
2014年開始與她發展地下情，二人多年來感情穩定，其後宣佈結婚喜訊。有傳媒今日就爆料指，將在下月初補辦盛大婚禮。。。
32歲日本男星松田翔太已成家立室，今年4月娶模特兒秋元梢為妻後加入人夫行列。一對新人都係當地圈中名人二代，松田翔太係已故日本影星松田優作兒子，2014年開始與現年31歲名模秋元梢發展地下情，女方是已故相撲選手千代富士愛女，二人多年來感情穩定，在今年4月發聯名聲明宣佈結婚喜訊。
兩人在註冊後一直忙碌開工，松田翔太婚後客串TBS日劇《花過天晴～花男Next Season》演回F4西門總二郎一角，秋元梢亦來港開簽名會，上月二人被發現恩愛到FUJI ROCK音樂節睇騷。
有傳媒今日就爆料指，翔太同愛妻將在下月初假東京某酒店補辦盛大婚禮，相信會有大批演藝界、時裝界及相撲界名人均獲邀出席。
(蘋果日報)
【一生中最難忘的回憶】田蕊妮：很幸運成為你們的女兒
你三歲嗰陣，識唱乜嘢歌？
唱得之人田蕊妮，三歲識唱晒成首《月亮代表我的心》。38年後的昨天，田蕊妮與爸爸一齊合唱這首歌。在雲頂。2016年3月，田蕊妮母親病逝，一次訪問中，阿田感謂小時只覺得朋友、或者男朋友比雙親更重要；踏入社會工作之後就一直忙，忽略了父母。直至有日回家，看到雙親，才驚覺他們老了很多，令阿田深深自責。
「有時覺得他們很難溝通，但其實不是父母的問題，因為他們要求很簡單，只要令他們開心就是最重要。」自從母親走後，阿田一有時間就陪爸爸，月前父親節，她在社交網分享一張全家福，寫道：「我爸爸是一個不懂表達感情的人，他從不要求我們要做些甚麼或應該怎樣，他從來都只是要求我們對媽媽好，他最常說的是只要媽媽快樂一家人就會快樂，他是我見過最愛妻子和家庭的男人，親愛的爸爸，父親節快樂。」
昨晚，田蕊妮去雲頂登台，爸爸是座上客。唱唱下，阿田好想同爸爸合唱一曲，事就這樣成了。之後阿田仲喺社交網上載精采片段，田爸爸聲線低沉醇厚，非常好聽。
阿田還寫道：「我爸是一個很熱愛音樂的人，還記得小時候一家人晚飯後便會坐在一起聽我爸喜愛的黑膠唱片！三歳的我已能唱完整首《月亮代表我的心》。唱歌是我一直喜愛的事，很多父母可能覺得這當作是興趣並沒有問題，若孩子們想要把它當成職業就不太實際了。我的父母從不反對我做自己喜歡的事，而且還給予鼓勵與支持我去追尋夢想。我真的很幸運能成為他們的女兒。雖然媽媽已先行離去，今天我帶了我爸來到雲頂看我的演唱會，突然很想跟他合唱一曲。爸，謝謝你的合作！這將會是我一生中最難忘的回憶，願你也開心快樂，享受當下的每一刻！」
之前阿田曾在社交網Post同爸爸唱K嘅短片，片中只見田爸爸好有台型咁唱英文歌，全程投入，當時已有不少網民勁讚佢歌喉好，仲話阿田把靚聲係遺傳自老竇，阿田都留言話：「我老竇是歌手。」
(蘋果日報)
【同家姐一樣都係⋯】李蘊報喜：痛過第一胎
恭喜恭喜！早前宣布懷有第二胎嘅27歲李蘊（Renee）今日喺Instagram宣布囝囝出咗世，三年抱兩，湊夠好字喇！
佢上載咗幾張相，見到B仔頭髮濃密，眼仔睩睩，2歲大女晞晞仲輕撫細佬臉頰，非常有愛！
Renee透露囝囝喺8月8日出世，重3.2公斤（約7.05磅），佢留言：「報喜啦🎊我哋嘅小寶貝係8月8號38週（周）當日已經出咗世啦🐣同家姐一樣順產 同樣重3.2kg⚖️不過今次只係痛咗3個幾鐘就生咗😆雖然覺得痛過第一胎😖但時間短好多😎細佬真係錫住媽咪😘😘多謝老公陪產期間一直幫我加油同鼓勵我💞仲幫我按摩舒緩痛楚」佢又多謝醫護人員嘅照顧，兩次生B都有好好嘅體驗，同埋已經返咗屋企休息，要再次開啟母乳媽媽模式，多謝大家關心咁話！
(on.cc東網)
【Keep得好好啊】前無綫花旦復出拍劇！
之後同前無綫高層結婚，仲生咗個囡囡，婚後佢專心相夫教女，直至幾年前忽然愛上玩微博，自此之後不時放自拍相上去，唔少網民見佢個樣keep得好好，大讚佢係美魔女㖭。
現年56歲嘅景黛音，80年代同戚美珍、廖安麗被喻為無綫《歡樂今宵》三小花，除咗做EYT之外，景黛音亦拍過唔少經典劇，包括同梅艷芳合作嘅《香江花月夜》，另外又喺《上海灘》做許文強老婆蘇旺娣，以及喺梁朝偉主演嘅《鹿鼎記》飾演建寧公主，最擅長演刁蠻女角色。
另外佢又出過《少女情懷》、《香江花月夜》同《痴痴不再》幾張唱片，不過87年開始，佢就淡出娛樂圈。
之後景黛音同前無綫高層楊健恩結婚，仲生咗個囡囡，婚後佢專心相夫教女，直至幾年前，景黛音忽然愛上玩微博，自此之後不時放自拍相上去，唔少網民見佢個樣keep得好好，大讚佢係美魔女㖭。
原來，退隱江湖31年嘅景黛音，最近喺ViuTV製作部副總裁金廣誠誠意打動下復出拍劇，有消息話金廣誠4年前喺nowTV做高層時，已經搵佢做主持，但景黛音拒絕，但金廣誠未有放棄，直至今年初，景黛音終於答應演出為ViuTV拍一部講述兩母子之間問題嘅劇集，但詳情有待稍後公佈。近期ViuTV都相當進取，繼鄭少秋、陶大宇、鄧萃雯同陳秀雯之後，竟然連退隱江湖31年嘅景黛音都成功游說復出，真係夠牙力！
《蘋果》今日打俾景黛音老公、前無綫高層楊健恩，問到佢老婆復出件事，楊健恩話:「唔知喎，你問番金廣誠吖。」但老婆復出唔使經老公同意咩？楊健恩話:「唔使我同意㗎呢啲嘢，我都唔知，佢同金廣誠傾。」咁支唔支持老婆出山？唔使湊女咩？楊健恩話：「佢做乜嘢我都支持㗎啦。個女都大啦。佢鍾意做乜就做乜，唔使我哋理㗎。」
(蘋果日報)
【病咗都出席】洗米嫂：梗係會啦，全家一齊去
洗米嫂陳慧玲(Heidi)今日以評判身份到中環Gym Room，會見於下月舉行嘅《環亞美神大賽香港2018》嘅12位參選佳麗，仲同佢哋分享健美修身嘅心得，不過現場所見Heidi略帶病容，佢話：「因為腸胃炎屙咗好多次，但因為一早應承咗今日要過嚟，所以已經睇完醫生食咗藥，o依家好返啲啦。」
講到今年有份擔任評判，Heidi話自己選女仔有一套標準：「我唔會淨係著重佢哋五官，要好平均咁睇，最好係有健美嘅身型，鍾意運動，好似我咁。」
Hiedi又話除咗要湊女外，最近亦都花咗好多時間打理花店，所以趁o依家暑假大女返咗嚟，就準備一齊去旅行，佢話：「聽日就會出發，全家去俄羅斯旅行。」
咁老公周焯華會唔會一齊去？Heidi話：「梗係會啦，全家一齊去，Family Trip吖嘛。」
(蘋果日報)
【唔再遮樣】吳若希激罕曬囡囡正面相
藝人吳若希（Jinny）2017年4月生咗囡囡淼淼，但當時佢未有公開淼淼樣貌，不過就竟然被「出賣」，囡囡正面相喺網上流出，令佢焗住再晒正面全家福！
之後Jinny為咗保護女兒，都會刻意用Emoji遮住囡囡樣貌，或者只有側面相，不過佢呢日竟然激罕晒淼淼全相仲冇打格噃！
佢喺Instagram上載《森美旅行團》聚會大合照，見到淼淼坐喺佢大髀，啜住奶嘴！唔少網民都大讚非常可愛，又笑問Jinny：「做乜唔打格？」
而拍檔丁子朗都有上載佢同Jinny兩母女合照，不過佢就為淼淼用Emoji遮住對眼，真係好細心呀！
(on.cc東網)
【入院四日】大肚吳日言：每日要打四支針打到BB出世為止
Yan今日接受電話訪問，佢話：「其實我上個星期去檢查身體，佢本來要我即時入院，但因為有嘢做，所以延遲咗幾日先入。」
34歲吳日言(Yan)懷孕23周，早前去醫院做檢查，發現血糖過高，醫生建議留院觀察，結果一住便4日。今日佢喺facebook上載新相，笑得好開心嘅佢留言：「這是重獲自由的笑容。話說前幾天在醫院留院觀察血糖指數，去到第四日，真係崩潰，再唔出院我真係會發癲，因為喺醫院真係好悶好悶，幸好終於可以回家。大家不用擔心，我會按時為自己打針，直至BB出世。」
但就喺文尾加hashtag寫「媽媽唔易做」、「媽媽真偉大」、「妊娠糖尿病」、「打針唔洗驚」等字句。
Yan今日接受《蘋果》電話訪問，佢話：「其實我上個星期去檢查身體，佢本來要我即時入院，但因為有嘢做，所以延遲咗幾日先入。」Yan續指，「依家每日要拮七次手指，打四支針，自己學識咗返嚟屋企自己打，但要幾準時打，每餐之前要打，打完就要即刻食，唔係驚會暈。」
Yan留言後有唔少朋友同佢打氣，叫佢加油，佢自己就話都唔係太擔心，因為知道BB無事，純粹因為佢懷孕令荷爾蒙變化有呢個問題，但就要一直打針打到BB出世為止。佢笑住話：「我相信自己頂得住，係要戒食甜嘢慘啲囉，因為都好鍾意食甜嘢，同埋食咗開心啲，其他方面都會食清淡啲，食嘢唔可以過量。」
(蘋果日報)
【鄭嘉穎陳凱琳婚禮】賓客團原來仲有佢哋⋯
馬國明與唐詩詠等約9時check in後大方企定定任由記者拍照，但當問到婚禮詳情時，他們異口同聲表示：「去飲飲食食囉，詳情未知，佢哋好保密，冇劇本㗎，話『去到你哋就知㗎。』（係咪真係有咗BB？）呢樣更加唔知，如果係遲啲就知啦。」
藝人黎耀祥及太太、曹永廉、唐文龍、馬國明、唐詩詠、黃嘉樂及女友等，早上紛紛現身機場，出發往峇里出席鄭嘉穎及陳凱琳婚禮。祥仔表示：「買咗飾物送畀新娘子，祝佢哋以後開開心心、白頭到老、連生貴子！」由於正在拍攝新劇《殺手》關係，他預算後天便返港：「我凌晨3點先收工，返屋企沖過涼同休息咗一陣就嚟機場喇。」
曹永廉與太太一同到機場，他會合唐文龍飛峇里，而太太則與子女飛到日本旅行。他受訪笑謂：「我哋去飲飲食食。能夠參加呢個盛事，我帶埋唐文龍去當禮物，講笑咋，我準備咗禮物，返嚟先送，帶過去唔方便。」唐文龍則感性謂：「嘉穎搵咗咁多年，先搵到佢人生中最重要嘅人，好戥佢高興。」當問到會否趁機叫嘉穎介紹好女仔，阿廉代唐文龍解圍：「佢都搵咗咁多年先搵到，邊有得介紹？靠自己啦。」
而林子善就忽然避開記者，由另一邊閘口入閘，不過依然被記者發現，他才停低影相，但就未有透露更多。
馬國明與唐詩詠等約9時check in後大方企定定任由記者拍照，但當問到婚禮詳情時，他們異口同聲表示：「去飲飲食食囉，詳情未知，佢哋好保密，冇劇本㗎，話『去到你哋就知㗎。』（係咪真係有咗BB？）呢樣更加唔知，如果係遲啲就知啦。」由於大家都有工作在身關係，今次只是約兩天的行程，馬國明更搞笑謂：「嗰邊地震呀，所以我去已經係最好嘅禮物。（唔帶埋心穎BB去？）講埋啲衰嘢。（去取經？）咁我未去過嗰邊旅行嘅，取經第二時同屋企人去玩囉！」
問到唐詩詠是否想接花球，她笑答：「都好喎。」她又望向黃嘉樂女友問：「需唔需要妳先？」黃智賢即幫手解圍：「肚餓喇！」詩詠又表示自己有準備泳衣，希望能夠有時間碧波暢泳。而黃嘉樂則笑指女友唔需要接花球，但當問到是否已求婚，他卻連聲否認，又笑謂：「我淨係知啱啱地震完，能量冇咁快再令地殼郁嘅。」
(on.cc東網)