更為「小三」拋妻棄女及離家出走，並向結婚31年的妻子申請離婚，昨日二人參加電影節，在大批傳媒面前，高調十指緊扣亮相，又親密合照，完全無懼世俗的眼光。。。
現年36歲的韓國女星金敏喜與年長她20歲的導演洪尚秀，於2016年爆出不倫戀，洪尚秀更為「小三」拋妻棄女及離家出走，並向結婚31年的妻子申請離婚。洪尚秀早前向妻子申請離婚調解敗訴，雙方無法達成共識，最終判決離婚調解不成立。
而由洪尚秀執導及金敏喜主演的韓片《Hotel by the River》，在瑞士舉行的《第71屆盧迦諾電影節》（Locarno Festival 2018）競賽單元中，成為本屆唯一一部參展韓片，昨日二人身在瑞士參加電影節，在海外大批傳媒面前，高調十指緊扣亮相，又親密合照，完全無懼世俗的眼光。
(on.cc東網)
「日日都30幾度，孕婦體溫又比正常人高，我行近影相，老公就好擔心，叫我護肚，佢怕啲鹿會撞到BB，呢份細心真係拍拖嗰時都未見過。」
陀B已五個多月嘅董敏莉（Monie），有見身手仍然靈活，佢同律師老公莊耀金帶家人一齊去大阪旅行，享受Baby Moon。佢哋訂好行程後，大阪曾發生地震，出發前都有想過取消行程，Monie話：「其實每年我都會同家人一齊去旅行，今年就連埋肚入面嘅BB一齊參與。由年頭開始同家人夾時間，點知出發前就有地震，所以都擔心，加上日本熱浪持續，朋友都有勸我不如轉地方，但係屋企人都準備好酒店同機票，見情況有好轉所以照常出發。」
幸Monie有位好貼心嘅老公，出發前已為佢準備「大媽三寶」，即手提電風扇、退熱貼同毛巾，因為Monie肚子開始大，佢老公沿途呵護備至，Monie話一啲都唔辛苦：「當地日日都30幾度，大汗淋漓咁去每個景點，孕婦體溫又比正常人高，我又唔可以飲凍嘢，唯有睇住老公食西瓜、雪糕解暑。」
平日嗜吃日本餐嘅Monie，此行不能吃魚生，佢笑指呢次家庭遊「伙食差」，佢話：「乜嘢都話唔食得，魚生嗰類唔使預我，唯有食多啲生果補數。」
佢哋仲有親親大鹿，Monie話：「我行近影相，老公就好擔心，叫我護肚，佢怕啲鹿會撞到BB，呢份細心真係拍拖嗰時都未見過。」
(蘋果日報)
指狀況好咗好多。近日，有粉絲就於街頭偶遇佢，當日以全黑造型現身，身形有啲消瘦，不過望落精神唔錯，令粉絲放心不少，紛紛留言。。。
韓劇《繼承者們》男星金宇彬去年5月表示確診鼻咽癌，隨即停工抗癌，早前金宇彬所屬事務所透露金宇彬暫時未有復工打算，每星期仍要去接受抗癌治療。
於前日播出嘅節目《黃金漁場-Radio Star》中，主持車太鉉就透露金宇彬近況，指金宇彬狀況好咗好多，頭髮都長咗好多。近日，有粉絲就於街頭偶遇金宇彬，當日金宇彬以全黑造型現身，身形雖然有啲消瘦，不過頭髮就真係長咗好多，望落精神唔錯，令粉絲放心不少，紛紛留言為oppa打氣，表示大家都好期待oppa康復後再次見大家。
(蘋果日報)
28歲無綫新晉男神余德丞（Dickson）前晚踢波期間暈倒昏迷，被送往瑪麗醫院，目前在深切治療部搶救中，仍未甦醒，新聞處表示目前余德丞情況危殆。
無綫官方app在余德丞被送入ICU後，積極開Live匯報最新情況，主持人林子博索性就在ICU外開Live，無綫官方fb page亦全力配合，出post稱「想知最新余德丞情況要留意bigbigchannel，林子博會幫大家跟進最新消息！」、「點擊睇更多詳細報導：余德丞（深切治療）現場」，令網民反感。未知是否因此，無綫和app的官方fb page都減少廣告植入字句，但而ICU外直播則仍然繼續。
《蘋果》今日向瑪麗醫院公關部查詢，究竟醫院範圍為咪可以做直播節目？發言人鄺小姐電話回覆話：「其實就唔prefer嘅，但係佢唔影響到人，我哋又好難阻止，當然最好梗係唔好啦！」鄺小姐又稱暫時未收到有投訴，但院方會派員了解情況。
林子博亦有在Live中回應網民，他說：「可能最近有啲人有睇報道係關於我喺呢度做直播嘅消息，其實我覺得係人哋唔理解我哋作為記者嘅職責工作，或者我哋電視台嘅一啲決定，例如喺度做直播或者採訪。我理解嘅，始終佢哋唔係呢行，佢哋可能未必理解到作為記者職責係啲乜嘢，但我希望大家了解明白，抨擊嘅同時，唔好講一啲影響病人或者病房家屬嘅感受。」
「我相信大家都會慎言，但都會有啲鍵盤戰士，佢哋會喺網上打一啲字上去，寫一啲評語上去，可能講一啲比較難聽嘅說話。講一啲難聽嘅說話我唔介意，但係如果你講個病人，我覺得好似唔係咁恰當。佢屋企人睇到呢啲留言，喺佢哋咁擔心嘅情況下，仲要睇到咁嘅留言，心情會係點樣吖？」
林子博又稱，因為現在消息混亂，故此有需要繼續做直播。「變咗大家可以知道最新第一手消息，知道依家發生緊乜嘢事。」但其實政府新聞處今早亦有回覆傳媒查詢，稱余德丞仍然情況危殆。TVB旗下嘅big big channel喺余德丞入住嘅瑪麗醫院ICU門外做直播，畀網民鬧爆，話為咗為點擊同呃like可以去到幾盡，但big big channel今日仍然你有你鬧，佢有佢繼續做直播。
(蘋果日報)
43歲天后李玟(Coco)今年剛好入行25年，走過四分一世紀的歌手路。她上周難得回港受訪，坐在Lane Crawford的VIP房內，輕鬆講講心底話，回想93年新秀時的歌星夢，與今日仍未成功的打針造人大計。Coco總是開懷大笑，「低潮期絕對有，我都係一個普通人，但我選擇唔去諗遺憾，我會同自己講：You will be OK！」看老人廣告可以哭得一撻糊塗，樂觀背後，李玟其實也是擁有超強意志的感性女人。
單親培養堅強樂觀
經常笑面迎人，樂觀、自強不息的性格原來和她單親家庭長大有關，「我出生前，爸爸已經過咗生，媽咪一個女人要養大三個小朋友，好辛苦，She did it! 有幾苦都不要害怕，you can overcome。」
Coco非常有正向快樂的感染力，「先天後天都有，可能我係屋企最細，我鐘意扮鬼扮馬令到身邊人笑、開心，見到媽咪開心我就會好溫暖、好開心。後天，我覺得一切都係一個態度，樂觀係一個自己的選擇，你可以選擇開心，亦可以選擇唔開心，全部睇你自己點揀。」
18歲新秀歌星夢
Coco在參加TVB新秀歌唱大賽，獲得亞軍入行，今年剛好25年，走過四分一世紀的歌唱事業，當中的超亮點，包括：2001年憑「臥虎藏龍」的《月光愛人》獲奧斯卡提名最佳電影歌曲獎、2016年參加《我是歌手》成為總冠軍。
問她三個成就只能三揀一，會怎樣揀？「嘩，好難揀！唔…我可能會揀新秀，嗰時我18歲，我對我的世界、未來乜都唔知，只係知我好鐘意唱歌，對舞台好有feel，I feel for the stage，但唔知自己係咪made for the stage？因為當日參加咗新秀，我先有今日的機會成為歌手，由一個想像的畫面，變成真實。」
美食Shopping減壓
她的歌手路走得很順利，成為天后也嫁給愛情、和富豪老公Bruce結婚，巨星朋友滿天下，有否試過失意低潮？「低潮期絕對有，我係一個普通人，但人生係full of up and down，低潮時怎樣面對，我會不斷同自己講：you will survive！就算個結局唔好、係壞的，我都會接受，不會覺得係遺憾，而係當一堂必需上的課。」
當然也少不了美食兼shopping的減壓治療，「我好鐘意食嘢，唔開心時，就會食啲令我開心的嘢，好似波蘿油、雪糕，咁當然食完開心完，第二日要節制番。同埋，我好鐘意去買鞋，我係大腳八，我鐘意買啲好多好靚的鞋，但如果唔舒服我就唔著，有點曬。」
天賜禮物不可預期
上一次流淚不可以講，但Coco坦言自己是一個易喊的感性女人，好友失戀會一齊喊，看到相濡以沬的老夫妻廣告會不停喊，因為寫歌創作，就是需要敏感的一面，「最近去完朋友在法國的婚禮，在古老的堡壘入面，我成日聽到個大鐘每15分鐘就噹一次，帶咗俾我新歌的好多靈感，人生其實就好像時鐘咁，噹噹噹咁不斷過。」
人生的下半場，Coco坦言不想預期太多，只想活在當下，老公Bruce有兩個女兒，Coco亦希望和老公有愛情結晶品，今年四月，她公開承認做人工受孕，上天的禮物亦是不可預期的，「順其自然，如果有呢個緣份，會發生的！如果無，It’s Ok too。」
(蘋果日報)
藝人余德丞（Dickson）前晚踢波期間不適被送入院，至今仍留在深切治療部（ICU）留醫。今日十二時許，余媽媽現身醫院探病，十分鐘後Dickson經理人到場。問她有否最新消息？她未有回答。
余媽媽與經理人及三名親友約於一時二十分離去，見余媽咪心情沉重，問到Dickson情況時，她不發一言，經理人表示：「要講嘢尋日已經講晒。」
約十二時半，Dickson的學弟與其母親探望完便離去，學弟媽咪表示未有見到Dickson，只跟余媽媽傾了幾句。
問到余媽媽心情時，她說：「正常，我哋過嚟支持Dickson，女
至於無綫，其官方app在余德丞被送入ICU後，積極開Live匯報最新情況，主持人林子博索性就在ICU外開Live，無綫官方fb page亦全力配合，出post稱「想知最新余德丞情況要留意bigbigchannel，林子博會幫大家跟進最新消息！」、「點擊睇更多詳細報導：余德丞（深切治療）現場」，令網民反感。未知是否因此，無綫和app的官方fb page都減少廣告植入字句，但而ICU外直播則仍然繼續。
(on.cc東網/蘋果日報)
無綫藝員楊卓娜最近在無綫劇集《BB來了》中飾演「金牌陪月」大受觀眾歡迎，近日她在big big channel開直播與粉絲傾偈，她自爆入行初期其實對有一段頗長的渾渾噩噩階段，浪費了不少時間，她說：「初時做主持自己唔係好習慣鏡頭，覺得自己好似唔係屬於呢行，唔投入，返工放工，浪費咗好多機會。」
楊卓娜對演戲有興趣反而是有了小朋友之後，覺得不可以繼續渾渾噩噩，怪不得近年演出令人刮目相看，她說：「以前好冇信心，可能身體又唔係咁唔好，但係有咗小朋友之後就有人生目標，覺得做嘢需要努力，心態改變咗，大家亦睇你嘅努力，無論運氣到唔到，工作態度其實係要排第一，唔係就算有運氣，你冇好好把握，機會好快都會流走。」
粉絲很期待楊卓娜有做女一的機會，她則說：「拍戲已經變咗我嘅興趣，反而排名女一、女二，自己覺得唔係咁重要，最重要係劇本、角色好，同埋有觀眾支持，對我係好大支持。」楊卓娜又與粉絲分享工作心得，最重要是對自己的工作有興趣，自然做得投入，努力總會有人欣賞。
(on.cc東網)
陳凱琳（Grace）父母今早十時十五分現身機場，出發到峇里出席囡囡婚禮，陳父連聲感謝大家關心，並接受訪問，佢透露Grace同未來女婿鄭嘉穎噚日已經飛咗去峇里。捨得女兒嗎？陳父笑道：「嫁咗都會喺度㗎嘛！」
印尼連日地震不斷，陳母坦言擔心，陳父就話：「婚禮係個女負責，唔關我事。」至於婚禮形式同賓客數目等問題，佢都係呢句：「全部係佢哋安排，唔到我哋話事，我係被動。」咁，陳父有乜嘢係知道嘅呢？佢就答：「我真係冇乜嘢知。」
有傳Grace之後會喺加拿大補擺婚禮，呢樣陳父就知喇，答案係：No。
咁係咪會喺香港補擺酒？陳父又係呢句：「唔知道。」問到陳父畀未來女婿幾多分？他笑謂：「一定100分。唔係100分都唔畀個女嫁。」
而向來都廿四孝嘅陳母同樣喜歡呢位未來女婿，被問到今次係咪第一次放手？陳母話：「唔係，不嬲佢都有自己做。」
(蘋果日報/on.cc東網)
余德丞仍在瑪麗醫院深切治療部搶救中，仍未甦醒，據知情況危殆。
昨日不少余德丞親友往醫院探望，因為事關重大，且尊重親屬，故離開時都未有受訪，一切交由余媽媽或經理人發言。豈料昨晚近六時，余媽媽由兒子經理人陪同下折返醫院時，曾經與余德丞合作主持《Think Big天地》的李雯希也來到探望。
逗留約二十分鐘左右，離開時神情似是放鬆不少，接受傳媒訪問時，更代表余媽媽及經理人稱余德丞情況Stable：「佢屋企人同經理人都話佢依家情況穩定啦，個消息都係Confirm嘅，我哋一間同事都放心晒。」但她稱探望時未有機會見到余德丞。當時傳媒問她余可是已經醒來了？她微笑謂：「情況穩定啦！」
那是否已清醒？李雯希想了想，說：「咁又真係未知嘅。只係知佢休息緊，所有嘢everything OK。」臨開醫院前，李雯希又代表余媽媽向傳媒稱：「多謝大家關心，大家嘅心意都收到喇。」最後更補充謂余德丞已度過危險期。
李雯希此舉估計是出於一番好意，但在此時此刻突然代表家屬發言，難免予人覺得有「抽水」之嫌，其後經理人亦回覆傳媒：「Dickson仍在觀察中，一切也要等待醫生報告，所以未有任何回應。亦希望不要再有胡亂的猜測。」
至今日凌晨，大台另一個經理人亦於其個人fb留言，不點名批評有人「抽水」，更稱：「不知所謂，我絕對鄙視抽水啲人，請走遠啲！」何雁詩亦留言謂生氣，指余媽媽還未出聲，何時輪到李雯希任「代言人」。
翻查資料，原來李雯希已經非無綫人，難怪她昨日稱與余德丞見面已是去年的事。
日前她還出席ViuTV的廣告女皇嘅招募面試，當時佢話：「我最叻係寫洗腦歌，之前寫咗首洗腦歌《忘記卡路里》，成功荼毒好多小朋友。問到如果叫佢拍避孕套廣告？佢話：「ok，我會包裝得老少咸宜同埋fun啲。」又謂自己的笑容最沒有殺傷力云云。
(蘋果日報)
無綫男神余德丞仍在瑪麗醫院深切治療部，其經理人暫未再進一步回應余之情況。據知他一直沒蘇醒過，醫生也暫未診斷出他昏迷命危原因。親友藝人集氣祝福不斷，但張寶兒昨晚一張黑白圖，卻引來軒然大波。
昨日張寶兒在ig貼一張新劇《鐵探》合照，並寫道：「鐵探精神。#鐵探#一個都不能少#細超#心不放棄身體就會跟隨#一定要快點康復#還有阿招#祝福#打氣#pleasegetwellsoon#nevergiveup」未知為何，張寶兒卻將相片轉為黑白。張寶兒即馬上刪post，重新上載同一張圖原色版本，有網民留言：「頭先黑白嚇一嚇」……
雖然如此，但網民對張寶兒貼黑白圖此舉感不滿。有網民重提女方上次在悼念袁偉豪父親的ig post無端變「廣告植入」，今次更是貼黑白照，而余德丞仍在ICU搏鬥中‥袁偉豪見網民不斷數落女友，再次忍不住出手，回應道：「相信大家都攰啦！若然想繼續發表的話，到benontheroad留下你們的意見好歡迎，不用再你一言我一語吧！come on!」
張寶兒就回他：「謝謝你。不過不用為我擋。我要解釋的已經解釋過，各人喜歡如何理解可能關乎各人的價值觀。如果是心水清的，或者願意認識我的，就會願意知道我是什麼人——可能還是有點大意（對不起，我也在一天天學習成長），但絕對對自己的心性和思考有要求。我相信愛是最大的力量，所以會盡我的努力愛身邊所有人。對不起，在你專注開工的時候為你帶來麻煩。請不用把精力放在這裡，我們好好祝福德丞要平安，繼續為他凝聚正能量就好了。」
至於張寶兒的解釋是，「一個月前我喺draft設定咗圖片filter，今日鋪前改了顏色，但鋪後卻發現佢仲儲存咗一部分之前設定。所以唯有九秒九下架重新設定。希望大家不要有誤會！衷心祝福，最緊要人要平安。」又稱見到個Post變成黑白的時候，「我見到都嚇一嚇！」但網民對於袁偉豪再次出手護花感不滿，又指張：「講真呀，真係擔心嘅話，點會有心情打埋咁多Hashtag呀。」
又重提張寶兒笑對傳媒受訪一事：「回應佢男朋友呀爸就唔得個時已經覺得佢好討厭！」亦有網民稱：「真心擔心朋友的話，會咁好興致p曬圖放上網曬（仲要p成黑白），然後隨便打幾隻字當關心咗？做畀邊個睇呢？唔親自去醫院關心？相信不少人會咁諗你。少做這些事吧，對你對別人也會好一些。只牽涉你自己的事你當然可以曬照片分享，但今次此事真的不太妥當，這個方式不合適，容易被人誤會虛偽，善意提醒。」
(蘋果日報)
