鄭嘉穎同陳凱琳（Grace）「8.12」婚禮，真係一波三折。原本諗住低調喺峇里搞個小型婚禮，點知消息話咁快就曝光，仲要被爆疑似係奉子成婚，跟住上月29日印尼旅遊勝地龍目島（Lombok）發生6.9級地震，相距100公里嘅峇里都感受到餘震，相隔個幾星期，直到噚晚，龍目島以北近岸再發生黎克特制6.9級地震，仲一度發出海嘯警告。當地受災嚴重，而鄰近嘅峇里島亦受波及，身處峇里度假嘅英國男子組合Take That成員Gary Barlow，亦喺社交網報平安，話感到有啲「震驚」。
距離周日舉行嘅婚禮，不足一星期時間，一對準新人同賓客仲未出發，Grace噚晚回覆傳媒話會密切留意，仲話會為婚禮祈禱。不過據知嘉穎同Grace都仲未決定係咪要取消婚禮，雖然出席婚禮嘅親友都感到憂慮，但大家都拎晒假期，而且酒店同機票都訂晒，所以未到最壞一刻都唔想取消，暫時惟有密切留意事態發展再作決定。
另外，準新郎鄭嘉穎早排密密接戲拍，仲首度加入風暴系列電影，於即將上映新片《L風暴》飾演廉政公署L組（內部紀律調查組）總調查主任，早排同新演員栢天男（Adam）上遊艇拍攝一場激戰戲，由甲板打到船艙，船頭打至船尾，Ada仲埋伏喺船頂飛刀襲擊嘉穎，夠晒驚險，萬一飛親新郎哥就真係唔知點算好喇！
所以拍攝前，嘉穎同Adam好留心聽動作指導嘅指示，試位練習都好多次，不過拳腳無眼，其中一個動作，Adam左手唔小心打中嘉穎個鼻，嘉穎痛到面容扭曲，不停捽自己個鼻，但仲識講笑搞氣氛話：「我個鼻假㗎！」Adam就好內疚，不停道歉。
嘉穎之前接受訪問話拍動作戲難免有損傷，知道Adam唔係有心，最緊要大家都可以完成拍攝：「雖然幾痛，但都頂得住。」至於Adam收到劇本知道有大量動作時，已急不及待搵師傅訓練，但最後錯手打傷前輩非常內疚：「我第一次拍動作好緊張，Timing又要夾得好好，睇見嘉穎中拳之後，雙眼紅晒真係好內疚，寧願自己受傷。」
（apple daily）
飽受躁鬱症困擾的歌手盧凱彤（Ellen）昨晨突然離世，今晨環球唱片公司代表人員，與Ellen父母、愛妻余靜萍、林二汶，以及何韻詩等友人先後抵達殮房。Ellen父母白頭人送黑頭人，均戴上口罩的二人神色哀傷，由女助手陪同下抵達殮房辦理手續。
名模熊黛林（Lynn）今年4月為老公郭可頌誕下一對孖女。
組合at17歌手盧凱彤（Ellen）昨早在跑馬地寓所墮樓身亡，Ellen太太余靜萍昨日由大陸趕返港見。至凌晨二時許，疑似余靜萍疑由黃耀明、林二汶及何韻詩一同乘坐七人車陪同離開Ellen的跑馬地寓所。
有指Grace將會同嘉穎去峇里舉行婚禮，但繼上月29日印尼旅遊勝地龍目島（Lombok）發生6.4級地震後，昨日龍目島以北近岸，晚上發生黎克特制7級地震，更一度發出海嘯警告。
