佗B接近六個月嘅藝人鍾嘉欣早前返咗香港搵奶粉錢，話咁快又過咗兩個星期，鍾嘉欣昨午出席完活動後，夜晚就旋風式飛返加拿大，急不及待見老公同囡囡！
一向都識Do嘅鍾嘉欣喺上飛機前，就特登開直播同粉絲道別。
片中見粗身大細嘅佢喘晒氣咁趕去機場，佢邊行邊話：「我依家趕去食自己最鍾意食嘅擔擔麵，其實大肚婆都可以好靈活㗎，你睇我行得幾快！」
仲自爆自己唔鍾意食飛機餐，所以身為大肚婆嘅佢要趁上機前食多啲嘢。最後鍾嘉欣幾經辛苦終於抵達餐廳，臨開餐前連向粉絲飛吻3次講再見，粉絲雖感不捨，不過都有叫佢小心啲，要好好安胎咁話！
(on.cc東網)
麥明詩疑遭魏焌皓「強吻」事件愈鬧愈大，有傳指魏焌皓「花底」，遭多位女藝員投訴行為不檢，無綫有感事態嚴重，將他炒魷。
不過，魏焌皓原來都係「花底」，另有報道指除咗麥明詩之外，佢亦曾遭多位女藝員投訴「行為不檢」，好多人拒絕再合作，令唔少監製都唔肯起用佢。無綫亦有感荷李活「#Me Too」反性侵席捲全球，對旗下職藝員嘅紀律好重視，為咗唔想有女藝員受到傷害，無綫決定同魏焌皓提早一年解約。而香港討論區都有熱烈討論呢單新聞，有網民更翻出去年9月，有「翻版陳妍希」之稱嘅前TVB小花陳潔玲接受商台節目《公子會》訪問時，大爆自己喺TVB見過最「人渣」嘅男人，當時有人估係吳業坤，但網民就覺得魏焌皓先至啱。
當日陳潔玲喺訪問中話﹕「有一個case，係我哋一班女藝人傾傾下，發現原來佢(某男藝人)追過你喎，又追過佢喎，又追過呢個喎。(追過好多人？)係喇，佢每一次都會用一故事，就係佢受過情傷，當自己係一個受傷嘅小白兔。講到自己其實係專一，好追求愛情咁，跟住我哋大家拎返出嚟講，就覺得點解個個一樣。」陳潔玲形容呢位男藝人說話技巧高，令好多女仔都會同情佢，佢話﹕「例如講啲佢以前嘅經歷、童年、屋企慘事咁。但嗰陣坊間已經對佢有負面嘅印象，佢反而會用返呢樣嘢，用返佢自己真實嘅版本，即係佢自己先係畀人辜負嗰個，佢會講佢自己受過一次好重嘅情傷唔敢再去愛人，但遇到你就重生。好好彩，啲編徒呃唔到你就會好快去呃第二個。」
《蘋果》今日打電話問當時人，問到「人渣」係咪指魏焌皓？陳潔玲話﹕「哦，哈哈，冇呀，嗰個訪問，我唔係好記得，因為太耐。(唔係講佢？)呀….嗰個節目冇指名道姓，我諗都唔方便講邊個。」有冇留意有傳麥明詩遭強吻？佢話﹕「我冇follow，現在唔喺香港。」佢承認與魏焌皓有一齊合作過，但私下無來往，問有冇追過你？陳潔玲話﹕「冇，同佢唔係好熟，離開無綫後都冇聯絡。(信唔信佢係呢啲人？)我要睇番新聞先。」
無綫高層樂易玲回覆東網稱：「其實每個藝員都係TVB一份子，我哋係唔會輕易放棄，但今次呢件事，冇人向我投訴，但我有喺製作部門聽過，係有監製唔肯用佢，所以我有了解過，知佢（魏焌皓）對每件事都有自己睇法，既然佢同其他人合作上出現問題，而佢想法又唔適合公司制度，咪唔同佢續約，等佢喺出面有另外發展！」
(on.cc東網/蘋果日報)
34歲藝人吳日言（Yan）歌手出身，緋聞不多的她與圈外男友Barry拍拖足足17年，於2016年10月在沖繩註冊結婚，相隔年多後，今年1月始在香港補擺喜酒，婚後兩公婆一直努力造人，揚言想生狗年BB的Yan除了睇中醫、計時間外，甚至請教朋友造人偏方，玩體位「倒轉」助生B。
食唔停谷肥BB
最近Yan終於有好消息，早前她現身活動時默認有喜，但據悉Yan兩年前因長期經痛，經醫生檢查後發現其中一邊卵巢生朱古力瘤，幸證實是良性瘤，她雖然放下心頭大石，仍一直擔心會影響生育。故此近月懷孕後，Yan極為小心，日前在老公Barry貼身護駕下往中環產檢，當日下午4時許，Yan與Barry於該處一幢馳名多產科診所的大廈步出，身穿鬆身連身短裙配外套的Yan，腳踏平底鞋、腹部微微凸出，與老公手拖手步往附近麵店醫肚，見她開餐時特別好胃口，不時大啖大啖食不停，狂食谷肥腹中B，老公亦對她服侍周到，不時斟茶遞水，視Yan如公主般看待。
又呵又氹冧老婆
醫完肚後，兩公婆過馬路往附近時裝店閒逛，期間Barry對老婆呵護備至又拖又扶，氹到Yan冧爆甜笑，二人逛完一輪卻沒有斬獲，遂雙雙步往「搭叮叮」，他倆選擇搭每位$2.3、車速平穩又安全的電車，相信是慳住使，儲定奶粉錢！等車期間Yan一臉倦容頻頻按着腰骨，以手輕輕拍打，又不時用手掩着腹部，及後她還公主病發拉着老公手臂撒嬌，嘴扁扁「扭計」，Barry見狀即出招，將她一擁入懷攬到實，與她咬耳仔又呵又氹，十分恩愛，及至一輛幾乎滿座的電車埋站，二人匆匆上車站在門邊，Barry更做埋Yan的人肉扶手讓老婆翹到實，吹風遊車河！
Yan事後接受東網電話訪問，問及生朱古力瘤有否影響BB時，她說：「其實醫生話如果我真係有BB嘅話，反而會因禍得福，個瘤會細番，同埋以後唔會經痛添。（見到你不停按腰骨？）我條腰一向都唔太舒服，不過最近都食得瞓得，肥咗成8磅幾。」
(on.cc東網)
能夠講出「人生有幾多個十年」都好豪氣，但現年68歲的「小調歌后」奚秀蘭，今年為紀念入行50周年，特別製作一張「奚秀蘭50年經典珍藏卡拉OK原聲4D首版」。接受《蘋果》訪問當日，奚秀蘭五倍豪氣講出：「人有幾多個五十年？」
「光陰似箭，我嘅精采人生，有苦有樂，好難忘，我冇後悔。我用歌聲唱咗好多好歌，帶歡樂畀觀眾。」奚秀蘭永不言休，唔排除70歲會踏上紅館。回想當年17歲參加歌唱比賽奪冠，奚秀蘭一鳴驚人闖娛圈，「67年香港暴動，當年搵份工好難，我好幸運加入電視台，當年嘅人好單純，冇咁複雜，但過咗兩年，人多咗，大家先爭出位。」奚秀蘭入行半世紀，從未出過卡拉OK碟，佢話呢張紀念碟收錄咗佢五十年嚟舞台演出嘅美好回憶。
不過依家網絡發達，出碟即有機被抄掟上網，「即使血本無歸，我都希望有生之年，可以將我心血送畀粉絲，人生中咁多知音人，係好大滿足感，我樂意為佢哋歌唱。」奚秀蘭講講吓，仲技癢清唱了首本名曲《天女散花》。為奚秀蘭出碟，出錢出力最多係佢背後男人－－結婚39年丈夫謝嘉亮。奚秀蘭話：「我哋夫婦將僅有一筆基金捐出嚟，由做第一輯專輯開始一路run住，收益就做慈善用途。我對音樂編曲要求都高，又要拍得靚，不計金錢，希望有人聽，我就製作，只要喜歡聽，我就繼續唱落去。」
訪問進行中，謝嘉亮一直為愛妻打點，兩人不介意「長短腳之戀」，奚秀蘭合照時更刻意屈膝遷就老公，還合拍做心心甫士。
謝嘉亮當年剛由英國讀書回港，為父親打理家族生意，由奚秀蘭哥哥牽紅線，佢哋一見鍾情，第一次約會，謝嘉亮竟大膽叫奚秀蘭返屋企游水。
藝人要嫁入豪門絕唔容易，老爺當年棒打駌鴦，不惜用炒魷迫囝囝分手。當年紅透嘅奚秀蘭同樣遭家人反對。太子爺謝嘉亮最後為真愛離家出走，兩人在沒有家人祝福下，在教堂行禮，組織二人世界。謝嘉亮獨自打江山，奚秀蘭夫唱婦隨，橋段頗「粵語長片」。「老爺當年唔睇好我哋，佢話最多半年，或一年就離婚，最後睇到我哋結婚咁耐，佢最後拍住仔膊頭同佢講『都係娶番個高嘅好』。」因為老爺第三段婚姻，也娶了跟奚秀蘭一樣高度嘅「高妹」，所以才有此言。娛圈近年都有多對「長短腳之戀」模範夫妻，奚秀蘭話：「王祖藍同李亞男拍拖時都有同我老公講：『大姐夫，我以你為標準』，終於佢爭取到。」
兩公婆剛喺日本賞櫻慶祝結婚39周年，奚秀蘭話：「大家都好珍惜，相依為命。當年都好多磨擦同拗撬，每個人都會講錯嘢，但唔好咁執着。如果想愛情成功美滿，每個人都要付出代價，我哋之間互相包容、接納。」兩人婚後未有生育，奚秀蘭解釋：「我先生有先天問題，影響生育，佢結婚第一年知道後好傷心，喊晒話將來老咗，冇人送終，我話佢生仔為咗有人送終，我話我哋先係老夫老妻。」謝嘉亮被愛妻點醒才破涕為笑。
奚秀蘭再話：「查理斯王子話婚姻係為咗share your life，唔生BB都冇遺憾。我哋婚姻係分享對方生活，咁一生先有意思，彼此欣賞對方生活、長處、短處，先係真正婚姻。」奚秀蘭笑言養大一個小朋友要付出好大代價：「我淨係陪住老公，就好似湊一個大仔咁，我都湊咗佢39年咯。佢話我似大女，佢都話忍得我好辛苦㗎。」
(蘋果日報)
1999年，吳綺莉同成龍以「兄妹關係」相稱，感情一日千里，仲被本報拍過成龍半夜送吳綺莉返家，翌日兩人雙雙出現電影《玻璃樽》首映禮上，成龍拒絕回應，吳綺莉則說：「同大哥只係朋友關係。」
八個月後，吳綺莉承認懷有「龍種」。多年來，吳綺莉兩母女相依為命，但因為正值係卓林反叛期，兩母女關係真係跌到冰點，屢成新聞人物。去年初周刊指房祖名送物業贈吳綺莉母女，吳綺莉即由好友翁靜晶陪同下舉行記招，稱卓林出世之後，從來沒有拎過成龍一毫子。
翁靜晶當日記招上嚴正謂：「當時（2015年）我哋透過中間人，問下卓林父親可唔可以提供經濟上協助，得到嘅答案係話，任何一毫子，你都唔好諗住可以攞到，即係唔會幫你。」事隔一年，母女關係更趨惡劣，最近卓林與網紅女友Andi更遠走加拿大，還拍片放上YouTube尋父，稱生活成問題，令吳綺莉心痛不已。
成龍就一直未有回應。據成龍身邊人透露，其實成龍見個女搞成咁，都心噏嘅，但佢又唔想再同吳綺莉有任何交集，所以冇打算同個女來往。直至去年卓林傳出自殘入院，知道個女好想認番佢，當時有老友勸過成龍，不如安排佢秘密去醫院，同個女見一面。消息人士稱成龍對這個提議並不抗拒，唯一要求係希望成件事可以保密，唔俾其他人知道，但呢樣嘢技術上好難做到，所以最後因為怕洩漏消息出去，結果就不了了之。
(蘋果日報)
您知道薑茶的好處嗎？薑是一種有許多藥用價值的植物，可幫助您以健康、自然的方式減肥。它不僅助減肥，也能有效地緩解疼痛，可以說是世界上最好的抗炎藥之一。薑帶有辛辣的味道，也是一個非常完美的調味品。
根據國外網站《StepToHealth》的報導，以下將告訴您如何使用薑茶減肥。另外一件重要的事是，您也必須知道什麼時候不適飲用這種美味的茶。
除了喝薑茶以外，為了更好地控制體重，您必須減少每日攝入的脂肪量，多喝水、多吃蔬菜並攝取良好的蛋白質和纖維。每次用餐後搭配一些運動和一杯薑茶，您將在五週內達到理想的體重。
薑能促進消化系統的健康並誘導胃、大腸和小腸的規律運動，使暴飲暴食的情況變少，也能緩解腹脹等腸胃問題。
薑是最好的生熱食物之一，食用薑能增加體內生熱作用和提高體溫，有助於加速新陳代謝並燃燒更多的脂肪。
薑是一種天然的食慾抑製劑，每次用餐時吃一些，可避免吃下更多的食物。如果您感到飽足，在兩餐之間也就不會想吃零食，可減少熱量的攝取。
薑是非常好的抗氧化劑，它可以幫助身體擺脫引起炎症和疾病的毒素。您的器官會運作得更好，燃燒脂肪的速度也會提升。
1杯水（200ml）
30公克的薑（把薑切成手指寬度的塊狀）
½顆檸檬的檸檬汁
1湯匙蜂蜜（20公克）
作法：
薑茶很容易製作。首先，把水煮沸，加入薑再煮20分鐘。完成後關火，放置10分鐘。把薑茶倒入杯子中，加入檸檬汁和蜂蜜，攪拌均勻即可。
推薦您在午餐和晚餐後喝，每天兩杯。持續15天後休息一週，然後重新開始。
如果您已在服用糖尿病或高血壓的藥物，請盡量避免食用薑，懷孕或哺乳期的婦女也應該少吃。
（元氣網）
要為身體更新，當然少不了排毒這一環，但又實在明白不是人人每天有得排，這種有口難言的問題，不但會令你身體積累毒素，更會影響體重和皮膚狀態。想讓人感覺耳目一新，就要好好排毒！有便秘問題的你們，究竟又否知道自己是屬於哪種「秘」，又應該要吃甚麼才對？
．排便困難，多伴嚴重怕冷、口淡、身體浮腫、容易疲倦（陽虛型）→ 水蜜桃
．有便意但排便困難或便不清，多伴歎氣、腸鳴、放屁、腹脹痛（氣滯型）→ 香蕉
．有便意但排便困難，用力則汗出氣短，多伴容易頭暈、面色偏白、呼吸不暢順、多汗（氣虛型）→ 葡萄
．大便偏乾，多伴心悸、容易頭暈、疲倦、皮膚乾燥等 （血虛型）→ 櫻桃
．呈粒粒狀甚，多伴眼乾、口乾、皮膚乾、盜汗等（陰虛型）→ 火龍果
（元氣網）
多次傳出與有米女友離離合合，之前更指男方已箍煲成功。
不過今日就喺社交網發帖文宣布分手。
仲感謝女友李昭南一直以嚟嘅陪伴同支持：「這兩年我們一起努力過、堅持過，她陪我走過很多難捱嘅時刻，一直走到現在，心中仍然很愛她，但經過我們深思熟慮後，決定了是時候要分道揚鑣了，多謝大家嘅關心和曾經擔心，我們會繼續努力李昭南加油呀！永遠支持你！」好多網民都表示可惜，仲話最無奈係：「錯的時間遇上對的人！」
歌手吳浩康（Deep）宣佈同李昭南分手
(on.cc)
成日都有人問：「如果人生只係淨番30分鐘，會選擇同邊個一齊過？」呢一條問題真係話易唔易，話難唔難！但如果變成問「最唔想同邊個一齊過」，唔知大家又會唔會覺得難答呢？無綫官方Facebook專頁「See See TVB」就搵咗有份拍攝電視劇《棟仁的時光》嘅一眾演員去回答呢個相當複雜嘅問題！
喺劇中唐詩詠、朱晨麗及郭子豪等人，同飾演靠借其他人時間生存嘅袁偉豪（Ben）經常都會有對手戲，而私底下佢哋亦都相當老友，又點會估到佢哋竟然不約而同咁話「最唔想同袁偉豪度過人生最後嘅30分鐘」。不過並唔係因為佢哋面和心不和，只係佢哋都覺得拍戲嘅時候已經成日都要對住Ben，而且喺劇入面仲要經常畀佢錫錫，所以大家都話唔想連人生最後嘅30分鐘都要對住佢啫！
不過大家又有冇諗過，其實佢哋嫌棄Ben嘅同時，Ben都會嫌棄佢哋呢？Ben就話如果人生只係得番30分鐘，佢會叫歌手周柏豪畀晒啲錢佢，然後將啲錢開套戲畀老友黃智雯，等佢可以提早退休唔使做咁話喎！不過咁重要嘅時間，又點會少咗Ben嘅女友張寶兒呢？所以Ben就話票房嘅收益會用嚟同佢心愛嘅女友過埋最後啲時間。講到呢到，Ben自己都忍唔住笑咗出嚟，唔知張寶兒聽到之後係咪都會冧冧豬呢？唔少網民都話Ben呢招隔空冧女冇得輸，不過亦都有人笑言：「你想同張寶兒過啫！你又有冇問過佢想唔想同你一齊過先？」
網民有話兒：
Gouxxx_Pxx：個個都唔要袁偉豪，笑死咗！
Waxxxs Kim：睇見佢哋，我就諗起一句歌詞「莫道你在選擇人 人亦能選擇你」
Tokxx__0886：唔緊要啦！Ben有張寶兒嘛～
HaHxx Chxxx：好閃囉，可唔可以唔好諗呢？
(on.cc)
昆凌和周杰倫結婚後育有一兒一女，一家人生活幸福，夫妻倆也偶爾在Instagram上面放閃。昆凌生了兩個孩子之後，依舊保持少女一般的身材，令人相當羨慕。最近更瘋傳她第三度懷孕，更上載鬆身裙遮孕肚相，當時人一直未有回應。
近日，昆凌在IG的限時動態上大方公開自己身體狀況的檢測資料，網友們看到昆凌的體重時，忍不住驚呼：超級瘦！
昆凌先是在IG的限時動態曬出一段健身時的影片，同時寫道：「No pain no gain.（沒有付出，就沒有收獲。）」畫面中，只見她穿著黑色緊身運動裝，在瑜珈墊上進行健身鍛鍊。看得出女生為了維持良好的身材，都在積極付出努力。
不久後，昆凌再度於IG限時動態上發文，曬出一張檢測資料，上頭印有她年紀、體脂肪等詳細數字，就連自己的真實身高、體重，也全都大方曝光。資料中，昆凌的身高顯示為163公分，比官方身高162多了1公分。至於體重部分，她曾透露，她產後體重維持在和產前一樣的46公斤。如今，她的檢測資料上的最新體重，則為43.8公斤，比先前透露的數字少了近3公斤，另外，她的體脂肪率則是17.2%。
昆凌還在po文的旁邊附加了「Yeah」的手勢，看起來昆凌對自己的身體各項指數相當滿意，從這些數字我們也看到昆凌就算是生了兩個孩子，依舊維持著相當健美的身材呢！
（sina）
